Mark 8
8
Pikan Jesus I Epat A Dibon Too
(Matthew 15:32-39)
1Nontan a timpo, esa-sa-nop mowan i chakel a tood kad-an Jesus. Idi nagwara wiy kakanen cha, tiya-gway Jesus i disipolos ton kigwan to i 2“Emangkaikaasiiak ired ja too tep gwara ired si-kak na tedon akow et nagwara wiy kakanen cha. 3No pebtik ko ira iy eg ira nin engan, onkapsot emo la ired chalan tep sema iren echom, aragwiy edafoan cha.”
4Et insongbat iren ma disipolos to i “Ahow mango, nem ngoy pesing tayon mengeda na kakanen cha iy iyaydasin iyay a dogad a nagwariy bali-baliy chiyay?”
5Inbagen Jesus i “Piyen tinapay i gwared si-kayo?”
Kigwan cha i “Pitho.”
6Et inpatokkong men Jesus iriy too. Ida thoy pithon tinapay et iyansalamat cha Afo Chiyos. Piyetpet-ing ton in-i-kan tod disipolos to et in-ap-ap ched too. 7Gwara pay iriy otik a babechis a paideng. Iyansalamat si Jesus kagol na paideng et inpaiap-ap to ngo. 8Engan a emiin i too et iyapsel ira. Et kiyoskos iren ma disipolos i ebay-anan, et pino thoy pithon basket. 9Say kabibidang na engan, chanchanin epat a dibon too.
Idi iyakcheng ma iwan, inpabtik Jesus i too, 10et ekidogan a chakos cha disipolos tod bangken kimowan ired sahop na Dalmanutha.
Inbaga Na Pharisees I Mengemag Si Jesus Na Milagron Pamaneknek
(Matthew 16:1-4)
11Gwariy echom a Pharisees a kimowan cha kad-an Jesus, et inchogi ren mekidiskotil. Piyan chen memaras et inbagaan cha i mengemag na milagron mengipaneknek i si Afo Chiyos nowan i engito-no did si-katho. 12Et ngima-jas si Jesus kagol na engos ton kigwan to i “Si-kayon too niman, niyana nainpili-pilit jon maybiybiyan kayo na milagro? Sejay a konen kod si-kayo, podnon nagwariy maybiybiy a milagrod si-kayo.” 13Idi iyakcheng a kigwan Jesus iwan, bintihan to wa ira, et iyankeb-ong mowan chiwa bangka et bima-sil cha piig niwa baybay na Galilee.
In-arig Jesus I Toro-toro Na Pharisees Tan Ogadin Herod Cha Para Debag Na Tinapay
(Matthew 16:5-12)
14Iyaytompong a diningding na disipolos Jesus i mengitahin ira na tinapay a sikdop cha. Gwariy sa-sa-kin tinapay chiwa bangka. 15Et tiyengteng men Jesus i disipolos to i “Tanchaani yoy para debag na Pharisees tan si Herod.” 16Idi inki-ngelan iren ma disipolos iwan, iyankinowan ira i “Kigwan to emo man tep nagwariy intahin tayon tinapay.”
17Amten Jesus i chiyan tabtabala, isonga kigwan to i “Niyana jowan tabtabalay kanagwara na tinapay? Eg jo pay laeng nin egwathan? Esa-dinan ayay nemnem jo? 18Ithan i matha yo, nem eg kayo mahamatha. Ithan i ngila yo, nem eg kayo mahaki-ngel. Diningding jo aya ma epasamak nontan? 19Idi piyetpet-ing ko ma dimen tinapay a inpahan kod ma dimen dibon too, piyen basket i injanan jo na ebay-anan?”
Kigwan cha i “Sawal na chegwa.”
20“Et sema pithon tinapay a inpahan kod ma epat a dibon too, piya ngon basket i injanan jo na ebay-anan?”
Kigwan cha i “Pitho.”
21Et kigwan men Jesus i “Et eg jo pay laeng egwathan?”
Ingkal Jesus I Korab Na Tood Bethsaida
22Idi mimothok ires Jesus cha Bethsaida, gwariy sa-kin dahin ekorab a intolod ched kad-an Jesus. Ekiadok ira i isagpat toy diwa thod ma dahi say ma-kal i korab to. 23Et chigwat Jesus iwa ekorab et inbalnay tod awas niwa siyodad. Chiyopdaan toy matha tho tan insagpat toy diwa thod si-katho. Et inbaga wen Jesus i “Gwariy mowan mathaa?” 24Timangkak i ekorab a kigwan to i “Ahow, kowan mathaa i toon singen kejow a kainahad ira.” 25Et insagpat men Jesus mowan i diwa thod matha tho. Et sini-neng na ekorab a pasiya. Koston iya-kal i korab to, et marigwes miy peni-neng to. 26Et inpabtik men Jesus a kigwan to i “Pandiritso ken onbetik. Enog i sa-mad chiwa siyodad a edafoan tayo.”
Sema Kigwan Peter Maypangkep No Siyes Jesus
(Matthew 16:13-20; Luke 9:18-21)
27Et kimowan mes Jesus tan disipolos tod otik a siyo-siyodad cha sahop na Caesarea Philippi. Idi man-aahad ira, inbagaan Jesus i disipolos to i “Nengoy nakigwan na too maypangkep no siyaak?”
28Et kigwan cha i “Nakigwan na echom i si-kam si John a Naemonjag. Nakigwan ngo na echom i si-kam si Elijah. Nakigwan ngo pay na echom i si-kam i sa-kin profita nonta bayag da.”
29Et inbagen Jesus i “Nem no si-kayo ngo, ngoy nakigwan jo maypangkep no siyaak?”
Insongbat Peter i “Si-kam i Cristo.” #8:29 Chiya birsikolo, sema esel a Cristo, titolo, nat ngaran. Sema Cristo cha esel na Greeks, inges toy Messiah cha esel na Hodjos. Sema banag na Cristo tan Messiah, sema toon chiyotohan Afo Chiyos.
30Et binidin ma iren Jesus i eg cha polos igwanggwanggwang no siyes si-kathod angken siyen too.
Sema Pilmiron Inpangowan Jesus Maypangkep Na Ketiy To
(Matthew 16:21-28; Luke 9:22-27)
31Et iyanchogid ma timpo, iyantoro wes Jesus cha disipolos to maypangkep na mepesamak alid si-kathon kigwan to i “Si-kak a Anak na Too, mesepol a mandigathak a pasiya. Sema iren iyangkaama, aafo na papari, tan mamaistoro na dinteg, nat egwathen chaak et pebono raak, nem no maykatdon akow, manpawilak.” 32Indiritson Jesus a engowan niwan, nem si Peter, ingwakdin to et inseg-ang tos Jesus. 33Nem singab Jesus ira ma disipolos to, et inseg-ang to ngos Peter a kigwan to i “Betihi moak, Satanas! Tep seta mowan nemnema, nat setan i piyan Afo Chiyos, no diket sema piyan na too.”
Sema Panbiyag Na Toon Naematid Jesus
34Et tiya-gway men Jesus i chakel a too tan disipolos to, et kigwan to i “No gwariy toon piyan ton mekika-chom cha si-kak, mesepol a ibiyang toy biyag to tan sakbathen toy koros to say may-odop cha si-kak. #8:34 Nontan a timpon Jesus, no gwariy toon maydansed koros, naepilit a sakbathen toy koros tod ma dogad a kaydansaan to. Et sema piyan Jesus a a-seden, no gwariy piyan ton mekika-chom cha si-katho, mesepol a ibilang to i singen etiy. Isonga, sema nemnemnemen koma na too, nat sema piyan to, no diket sema piyan Jesus. 35Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak tan pengowan to na mapteng a chamag, may-i-kanan na biyag a nagwariy pengingkaan to. 36Tep nengoy kongkonaen na too no kokowaen ton emiin i kongkoned ja dobong iy ma-tiw i biyag to tan mechosa na ingked ingka? Nagwara! 37Tep nagwariy mebedin a isa-dat na tood biyag to. 38Niman a timpo, mabesol i tothoo tan eg cha naimag i nakigwan Afo Chiyos. Isonga, sema toon mengibaing cha si-kak a Anak na Too tan toro-torok, ibaing ko ngo no onkowanak alin edikmothan na nihal na karebengan tan panakabalin Awak, tan may-odop i esantoan a anghilis cha si-kak.”
Právě zvoleno:
Mark 8: KAR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 Wycliffe Bible Translators, Inc. All rights reserved.
Mark 8
8
Pikan Jesus I Epat A Dibon Too
(Matthew 15:32-39)
1Nontan a timpo, esa-sa-nop mowan i chakel a tood kad-an Jesus. Idi nagwara wiy kakanen cha, tiya-gway Jesus i disipolos ton kigwan to i 2“Emangkaikaasiiak ired ja too tep gwara ired si-kak na tedon akow et nagwara wiy kakanen cha. 3No pebtik ko ira iy eg ira nin engan, onkapsot emo la ired chalan tep sema iren echom, aragwiy edafoan cha.”
4Et insongbat iren ma disipolos to i “Ahow mango, nem ngoy pesing tayon mengeda na kakanen cha iy iyaydasin iyay a dogad a nagwariy bali-baliy chiyay?”
5Inbagen Jesus i “Piyen tinapay i gwared si-kayo?”
Kigwan cha i “Pitho.”
6Et inpatokkong men Jesus iriy too. Ida thoy pithon tinapay et iyansalamat cha Afo Chiyos. Piyetpet-ing ton in-i-kan tod disipolos to et in-ap-ap ched too. 7Gwara pay iriy otik a babechis a paideng. Iyansalamat si Jesus kagol na paideng et inpaiap-ap to ngo. 8Engan a emiin i too et iyapsel ira. Et kiyoskos iren ma disipolos i ebay-anan, et pino thoy pithon basket. 9Say kabibidang na engan, chanchanin epat a dibon too.
Idi iyakcheng ma iwan, inpabtik Jesus i too, 10et ekidogan a chakos cha disipolos tod bangken kimowan ired sahop na Dalmanutha.
Inbaga Na Pharisees I Mengemag Si Jesus Na Milagron Pamaneknek
(Matthew 16:1-4)
11Gwariy echom a Pharisees a kimowan cha kad-an Jesus, et inchogi ren mekidiskotil. Piyan chen memaras et inbagaan cha i mengemag na milagron mengipaneknek i si Afo Chiyos nowan i engito-no did si-katho. 12Et ngima-jas si Jesus kagol na engos ton kigwan to i “Si-kayon too niman, niyana nainpili-pilit jon maybiybiyan kayo na milagro? Sejay a konen kod si-kayo, podnon nagwariy maybiybiy a milagrod si-kayo.” 13Idi iyakcheng a kigwan Jesus iwan, bintihan to wa ira, et iyankeb-ong mowan chiwa bangka et bima-sil cha piig niwa baybay na Galilee.
In-arig Jesus I Toro-toro Na Pharisees Tan Ogadin Herod Cha Para Debag Na Tinapay
(Matthew 16:5-12)
14Iyaytompong a diningding na disipolos Jesus i mengitahin ira na tinapay a sikdop cha. Gwariy sa-sa-kin tinapay chiwa bangka. 15Et tiyengteng men Jesus i disipolos to i “Tanchaani yoy para debag na Pharisees tan si Herod.” 16Idi inki-ngelan iren ma disipolos iwan, iyankinowan ira i “Kigwan to emo man tep nagwariy intahin tayon tinapay.”
17Amten Jesus i chiyan tabtabala, isonga kigwan to i “Niyana jowan tabtabalay kanagwara na tinapay? Eg jo pay laeng nin egwathan? Esa-dinan ayay nemnem jo? 18Ithan i matha yo, nem eg kayo mahamatha. Ithan i ngila yo, nem eg kayo mahaki-ngel. Diningding jo aya ma epasamak nontan? 19Idi piyetpet-ing ko ma dimen tinapay a inpahan kod ma dimen dibon too, piyen basket i injanan jo na ebay-anan?”
Kigwan cha i “Sawal na chegwa.”
20“Et sema pithon tinapay a inpahan kod ma epat a dibon too, piya ngon basket i injanan jo na ebay-anan?”
Kigwan cha i “Pitho.”
21Et kigwan men Jesus i “Et eg jo pay laeng egwathan?”
Ingkal Jesus I Korab Na Tood Bethsaida
22Idi mimothok ires Jesus cha Bethsaida, gwariy sa-kin dahin ekorab a intolod ched kad-an Jesus. Ekiadok ira i isagpat toy diwa thod ma dahi say ma-kal i korab to. 23Et chigwat Jesus iwa ekorab et inbalnay tod awas niwa siyodad. Chiyopdaan toy matha tho tan insagpat toy diwa thod si-katho. Et inbaga wen Jesus i “Gwariy mowan mathaa?” 24Timangkak i ekorab a kigwan to i “Ahow, kowan mathaa i toon singen kejow a kainahad ira.” 25Et insagpat men Jesus mowan i diwa thod matha tho. Et sini-neng na ekorab a pasiya. Koston iya-kal i korab to, et marigwes miy peni-neng to. 26Et inpabtik men Jesus a kigwan to i “Pandiritso ken onbetik. Enog i sa-mad chiwa siyodad a edafoan tayo.”
Sema Kigwan Peter Maypangkep No Siyes Jesus
(Matthew 16:13-20; Luke 9:18-21)
27Et kimowan mes Jesus tan disipolos tod otik a siyo-siyodad cha sahop na Caesarea Philippi. Idi man-aahad ira, inbagaan Jesus i disipolos to i “Nengoy nakigwan na too maypangkep no siyaak?”
28Et kigwan cha i “Nakigwan na echom i si-kam si John a Naemonjag. Nakigwan ngo na echom i si-kam si Elijah. Nakigwan ngo pay na echom i si-kam i sa-kin profita nonta bayag da.”
29Et inbagen Jesus i “Nem no si-kayo ngo, ngoy nakigwan jo maypangkep no siyaak?”
Insongbat Peter i “Si-kam i Cristo.” #8:29 Chiya birsikolo, sema esel a Cristo, titolo, nat ngaran. Sema Cristo cha esel na Greeks, inges toy Messiah cha esel na Hodjos. Sema banag na Cristo tan Messiah, sema toon chiyotohan Afo Chiyos.
30Et binidin ma iren Jesus i eg cha polos igwanggwanggwang no siyes si-kathod angken siyen too.
Sema Pilmiron Inpangowan Jesus Maypangkep Na Ketiy To
(Matthew 16:21-28; Luke 9:22-27)
31Et iyanchogid ma timpo, iyantoro wes Jesus cha disipolos to maypangkep na mepesamak alid si-kathon kigwan to i “Si-kak a Anak na Too, mesepol a mandigathak a pasiya. Sema iren iyangkaama, aafo na papari, tan mamaistoro na dinteg, nat egwathen chaak et pebono raak, nem no maykatdon akow, manpawilak.” 32Indiritson Jesus a engowan niwan, nem si Peter, ingwakdin to et inseg-ang tos Jesus. 33Nem singab Jesus ira ma disipolos to, et inseg-ang to ngos Peter a kigwan to i “Betihi moak, Satanas! Tep seta mowan nemnema, nat setan i piyan Afo Chiyos, no diket sema piyan na too.”
Sema Panbiyag Na Toon Naematid Jesus
34Et tiya-gway men Jesus i chakel a too tan disipolos to, et kigwan to i “No gwariy toon piyan ton mekika-chom cha si-kak, mesepol a ibiyang toy biyag to tan sakbathen toy koros to say may-odop cha si-kak. #8:34 Nontan a timpon Jesus, no gwariy toon maydansed koros, naepilit a sakbathen toy koros tod ma dogad a kaydansaan to. Et sema piyan Jesus a a-seden, no gwariy piyan ton mekika-chom cha si-katho, mesepol a ibilang to i singen etiy. Isonga, sema nemnemnemen koma na too, nat sema piyan to, no diket sema piyan Jesus. 35Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak tan pengowan to na mapteng a chamag, may-i-kanan na biyag a nagwariy pengingkaan to. 36Tep nengoy kongkonaen na too no kokowaen ton emiin i kongkoned ja dobong iy ma-tiw i biyag to tan mechosa na ingked ingka? Nagwara! 37Tep nagwariy mebedin a isa-dat na tood biyag to. 38Niman a timpo, mabesol i tothoo tan eg cha naimag i nakigwan Afo Chiyos. Isonga, sema toon mengibaing cha si-kak a Anak na Too tan toro-torok, ibaing ko ngo no onkowanak alin edikmothan na nihal na karebengan tan panakabalin Awak, tan may-odop i esantoan a anghilis cha si-kak.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 Wycliffe Bible Translators, Inc. All rights reserved.