ᤋᤥᤗᤡᤱᤛᤥᤔᤢ 2
2
1ᤀᤰᤂᤣᤗ᤹ᤖᤡᤰ ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣᤰ ᤜᤧᤰᤁᤩᤠᤱ ᤂᤧ᤹ᤕᤥ ᤁᤧᤘᤠ᤹ᤒᤠ ᤁᤧᤖᤧᤰ ᤆᤥ᤺ᤰᤔᤠ ᤆᤢᤖᤧ॥
2ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥ᤺ᤰᤔᤠ ᤁᤧᤒᤥᤱᤒᤠ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ ᤏᤢᤛᤡᤃᤣᤰᤐᤠ ᤕᤧᤴᤏᤥ ᤆᤥᤃᤢᤛᤢᤖᤢ. ᤂᤧᤸᤗᤧᤆᤥᤃᤢᤸᤗᤧ ᤏᤢᤛᤡᤃᤣᤰᤐᤠ ᤕᤧᤴᤏᤥ ᤂᤢᤏᤧ᤹ ᤆᤥᤃᤢᤒᤠ ᤁᤧᤖᤧᤰ ᤁᤢᤕᤠ᤺ᤶᤒᤰᤜᤠ᤹ᤗᤠᤶ ᤏᤠ᤺ᤶᤛᤡᤱ॥ #ᤜᤡᤒᤪᤢ ᥊:᥊.᥇᥆ #ᤗᤠ ᥈᥆:᥇᥇ 3ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤛᤡᤃᤣᤰᤐᤠ ᤕᤧᤴᤏᤡᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢ ᤜᤧᤰᤁᤩᤠᤱ ᤂᤧᤴ ᤛᤣᤛᤣᤒᤠ ᤆᤥᤃᤢ. ᤌᤣᤀᤠᤱᤓᤧᤸᤗᤧ ᤜᤠᤒᤠ ᤂᤧᤴ ᤕᤧᤴᤏᤥ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤒᤠ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ᤀᤥᤏᤢ ᤂᤢᤏᤧ᤹ ᤏᤠ᤺ᤶᤛᤡᤱᤗᤥ॥
ᤀᤍᤏ ᤛᤡᤱᤛᤣ᤹ᤀᤡᤰ
4ᤋᤠᤱᤛᤠᤱ ᤏᤢ ᤂᤠᤶᤒᤣ᤺ᤰᤔᤠᤴ ᤏᤠᤘᤠᤃᤧᤴ ᤆᤀᤡ᤺ᤳ ᤐᤥ᤺ᤰᤂᤧᤒᤠ ᤐᤥᤎᤰᤜᤠ᤹ ᤜᤠᤒᤠ ᤁᤴᤗᤥ॥
ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠᤱᤛᤠᤱᤒᤠᤴ ᤏᤢ ᤂᤠᤶᤒᤣ᤺ᤰᤔᤠᤴ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤒᤠ ᤕᤧᤴᤏᤥ 5ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤡᤱᤒᤢᤱ ᤗᤢᤱᤒᤢᤱ ᤜᤥ᤺ᤵᤋᤧ॥ ᤜᤧᤰᤁᤩᤠᤱ ᤂᤠᤶᤒᤣ᤺ᤰᤔᤥ ᤗᤳᤌᤡᤰᤁᤠᤱ ᤕᤠ᤺ᤴᤛᤢᤱ ᤔᤧᤸᤗᤡᤱᤅᤣ ᤘᤕᤧ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤸᤗ ᤌᤠᤖᤡᤰ ᤘᤜᤡᤳ ᤔᤧᤴᤎᤠᤀᤣ ᤘᤕᤧ ᤜᤧᤰᤁᤩᤠᤱ ᤂᤠᤶᤒᤣ᤺ᤰᤔᤠᤴ ᤁᤧᤎᤥ᤺ᤱᤒᤠ ᤁᤧᤀ᤺ᤰᤐᤠ ᤔᤏᤠ ᤜᤠ᤺ᤳᤋᤠᤱ ᤜᤥ᤺ᤵᤋᤧᤖᤥ॥ 6ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤗᤠᤶ ᤘᤜ᤺ᤱᤜᤠ᤹ ᤐᤢᤴᤍᤧ ᤗ᤺ᤴᤍᤧᤀᤠᤱ ᤂᤠᤶᤒᤣ᤺ᤰᤔᤠᤴ ᤁᤧᤖᤧᤰ ᤘᤖᤰᤂᤢ॥
7ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤠᤶᤒᤣ᤺ᤰᤔᤥᤒᤠ ᤂᤠᤶᤔᤥᤗᤠᤶ#᥈:᥍ ᤂᤠᤶᤒᤣ᤺ᤰᤔᤥᤒᤠ ᤂᤠᤶ—ᤂᤠᤶ ᤀᤡᤃᤪ ᤔᤧᤴᤇᤠᤶ ᤕᤠᤵᤔᤡᤴ ᤜᤡᤒᤪᤢ ᤐᤠ᤺ᤴᤇᤣ᤺ᤰᤘᤠᤀᤥ “ᤕᤧᤶᤒᤡᤳᤇᤠ” ᤏᤢ “ᤂᤠᤶ” ᤐᤠ᤺ᤵᤔᤧᤸᤗᤧ ᤗᤳᤇᤠ ᤜᤧᤰᤁᤣ ᤂᤧᤶᤍᤧᤳ॥ ᤔᤧᤴᤇᤠᤶ ᤕᤠᤵᤔᤡ ᤆᤥᤃᤢ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤴᤒᤥᤀᤥ ᤜᤡᤱᤔᤴᤗᤧᤴ ᤛᤠ᤺ᤱᤃᤢᤃᤧᤴ ᤛᤰᤔᤠ ᤔᤢ᤺ᤳᤋᤢ ᤐᤡᤖᤢ॥ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤴ ᤁᤢᤜᤡᤱᤘᤧᤳ ᤔᤏᤠ ᤐᤥ᤺ᤰᤂᤧᤖᤥ॥ #᥇ ᤁᤥᤖ ᥇᥋:᥊᥋
8ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤠᤶᤃᤧᤳ ᤐᤡᤛᤠᤱ ᤀᤍᤏᤀᤥ ᤗᤳᤇᤠ ᤛᤡᤱᤛᤣ᤹ᤀᤡᤰ ᤌᤡᤰ ᤆᤥᤃᤢ. ᤜᤧᤰᤁᤩᤠᤱ ᤂᤢᤏᤧ᤹ ᤆᤥᤃᤢᤒᤠ ᤔᤧᤴᤇᤠᤶ ᤕᤠᤵᤔᤡᤴ ᤂᤧ᤹ᤕᤥ ᤕᤢᤰᤂᤢ॥ 9ᤜᤧᤰᤁᤩᤠᤱ ᤀᤥᤔᤧᤵᤔᤧᤸᤗᤧ ᤏᤢᤒᤠ ᤁᤧᤎᤠ᤺ᤵᤐᤠ ᤏᤢ ᤆᤠᤔᤠᤸᤗᤧ ᤁᤢᤈᤠᤃᤧᤏᤢ᤹ᤒᤠ ᤁᤢᤈᤠ᤹ ᤁᤧᤎᤥ᤺ᤰᤐᤠ ᤁᤧᤖᤧᤰ ᤐᤖᤡᤰᤐᤠ ᤛᤡᤱᤒᤢᤱᤜᤠ᤹ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤠᤶᤒᤣ᤺ᤰᤔᤥᤗᤠᤶ ᤗᤡᤅᤧᤖ ᤕᤠ᤺ᤴᤍᤢ॥ ᤂᤢᤏᤧ᤹ ᤛᤡᤱᤛᤣ᤹ᤀᤡᤰᤁᤧᤸᤗᤧ ᤁᤢᤗᤢᤶᤔᤥ ᤏᤧᤳᤋᤡᤃᤧᤴ ᤜᤡᤱᤔᤴᤗᤧ ᤛᤡᤱᤒᤢᤱ ᤜᤧᤰᤁᤩᤠᤱ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤏᤧᤜᤡᤏᤡᤱᤘᤠ᤹ ᤀᤠᤒᤡᤒᤡᤒᤠ ᤛᤡᤱᤒᤢᤱᤅᤠᤱ ᤗᤣ᤺ᤳᤋᤢ॥ #ᤛᤢᤑᤥ ᥈:᥍. ᥈᥈:᥈.᥇᥊
10ᤛᤡᤱᤛᤣ᤹ᤀᤡᤰᤁᤧᤴ ᤘᤖᤱᤔᤠᤖᤧ ᤗᤠᤃᤡ ᤀᤍᤏᤗᤠᤶ ᤘᤜ᤺ᤱᤎᤡᤰ ᤁᤢᤰᤛᤧ ᤗ᤺ᤴᤍᤧᤀᤠᤱ ᤏᤧᤛ᤻ᤛᤧ. ᤜᤧᤰᤁᤩᤠᤱ ᤂᤧᤵᤔᤥᤗᤠᤶᤒᤠ ᤗᤡᤛᤡ ᤁᤢᤗᤰᤁᤥ ᤛᤧᤖᤧᤀᤠᤱ ᤏᤧᤛ᤻ᤛᤧ॥ 11ᤌᤡᤰᤛᤡᤃᤣᤰᤐᤠ ᤘᤜ᤺ᤱᤅᤡᤸᤗᤧ ᤁᤢᤔᤡᤱ ᤐᤡᤛᤥᤏ. ᤁᤴ ᤘᤜ᤺ᤱᤅᤡᤴ ᤜᤠᤒᤡᤗᤠ ᤗᤠᤈᤣᤴ ᤁᤧᤖᤧᤰ ᤁᤒᤢᤖ ᤘᤃᤢ. ᤂᤧᤵᤔᤥ ᤛᤠᤶᤔᤩᤠᤱ ᤂᤥᤍᤧᤳᤗᤥ॥ 12ᤂᤧᤴ ᤗᤠᤈᤣ᤹ᤀᤥᤒᤠ ᤛᤠᤶᤔᤩᤠᤱᤅᤡᤴ ᤏᤢᤒᤠ ᤆᤥᤰ॥ ᤂᤧᤵᤔᤥ ᤁᤢᤏᤠᤶᤃᤧᤏᤢ᤹ᤒᤠ ᤀᤠᤱᤄᤡᤰᤘᤠ ᤏᤢ ᤀᤥᤏᤡᤰᤛ᤻ ᤔᤧᤵᤔᤏᤠᤒᤠ ᤔᤠᤱᤗᤢᤱ ᤂᤥᤍᤧᤳ॥ 13ᤏᤡᤛᤡᤃᤣᤰᤐᤠ ᤘᤜ᤺ᤱᤅᤡᤸᤗᤧ ᤁᤢᤔᤡᤱ ᤃᤡᤜᤥᤏ. ᤁᤢᤛ#᥈:᥇᥉ (ᤔᤧᤛᤥᤐᤥᤋᤠᤔᤡᤕᤠᤒᤠ) ᤁᤢᤛ. ᤀᤡᤃᤪ ᤀᤡᤌᤥᤐᤡᤕᤠ॥ ᤗᤠᤈᤣ᤹ ᤁᤧᤒᤥᤱᤒᤠᤖ ᤁᤧᤃᤢᤱᤒᤠ ᤘᤜ᤺ᤱᤅᤡᤴ ᤜᤠᤒᤠ ᤁᤴᤗᤥ॥ 14ᤛᤢᤶᤛᤡᤃᤣᤰᤐᤠ ᤘᤜ᤺ᤱᤅᤡᤸᤗᤧ ᤁᤢᤔᤡᤱ ᤋᤠᤀᤡᤃᤪᤡᤛ. ᤜᤠᤒᤠ ᤁᤴ ᤘᤜ᤺ᤱᤅᤡᤴ ᤀᤛ᤻ᤛᤢᤖᤖᤧ ᤏᤠᤱᤃᤧᤴ ᤐᤡᤛᤠᤱ ᤘᤃᤢᤖᤥ॥ ᤜᤧᤰᤁᤩᤠᤱ ᤗᤡᤛᤡᤃᤣᤰᤐᤠ ᤘᤜ᤺ᤱᤅᤡᤸᤗᤧ ᤁᤢᤔᤡᤱ ᤕᤢᤑᤪᤣᤋᤡᤛᤖᤥ॥
15ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤀᤍᤏ ᤛᤡᤱᤛᤣ᤹ᤀᤡᤰᤁᤥ ᤋᤣ᤹ᤖᤢᤀᤠᤱ ᤂᤧᤴ ᤀ᤺ᤰᤔᤠ ᤛᤠ᤺ᤰᤔᤠ ᤏᤢ ᤁᤥᤔᤠᤖᤧ ᤗᤠᤃᤡ ᤂᤧ᤹ᤕᤥ ᤕᤢᤰᤂᤢ॥ 16ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤀᤡᤱᤈᤠᤱ ᤐᤡᤖᤢᤀᤠᤱ ᤔᤧᤳᤋᤢ. “ᤆᤵᤆᤡ ᤔᤧᤴᤈᤥ᤺ᤰᤁᤣ ᤛᤡᤱᤛᤣ᤹ᤀᤡᤰᤁᤥ ᤁᤧᤕᤢᤱᤒᤠ ᤁᤧᤖᤧᤰ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤜᤠ᤹ ᤆᤠᤔᤠ ᤁᤧᤛᤢᤰᤋᤢ᤹. 17ᤁᤖ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤏᤧᤜᤡᤏᤡᤱᤘᤠ᤹ ᤀᤠᤒᤡᤒᤡᤒᤠ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤔᤧᤴᤈᤠᤀᤧ᤹. ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤴ ᤕᤧᤴᤏᤥ ᤂᤧᤴ ᤁᤧᤈ᤹᤺ ᤂᤧᤏᤧ᤹ ᤛᤧᤰᤂᤠᤀᤣ ᤁᤧᤛᤡᤖᤥ॥”
18ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. “ᤔᤧᤴᤇᤠᤶ ᤕᤠᤵᤔᤡᤴ ᤀᤣ᤺ᤰ ᤘᤠ᤹ᤔᤠ ᤏᤢᤒᤠ ᤔᤣ᤺ᤴ॥ ᤀᤠᤱᤃᤠ᤹ ᤂᤧᤸᤗᤧ ᤁᤢᤗᤠᤃᤡ ᤗᤠ᤹ᤖᤢᤔᤠ ᤁᤢᤓᤠ᤹ᤒᤠᤱᤎᤡᤰ ᤆᤥᤃᤢᤱ ᤐᤡᤖᤢᤱ᤹॥”
19ᤕᤜᤘᤣ ᤍᤠᤱᤒᤠᤸᤗᤧ ᤁᤧᤖᤧᤰ ᤋᤠᤶᤓᤢᤱ ᤌᤰᤛᤠᤜᤠ᤹ ᤜᤧᤰᤁᤩᤠᤱ ᤋᤠᤱᤛᤠᤱᤒᤥ ᤁᤧᤒᤧᤒᤠ ᤁᤧᤖᤧᤰ ᤐᤢᤛᤠᤜᤠ᤹ ᤂᤠᤶᤔᤥᤗᤠᤶ ᤆᤥᤃᤢᤛᤡᤀᤠᤱ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤌᤣᤎᤣ ᤔᤡᤱ ᤂᤧᤱᤜᤠ᤹ ᤘᤠ᤺ᤳᤋᤢᤛᤡᤀᤡ ᤑᤠ᤹ᤀᤠᤱ ᤀᤥᤔᤧᤳᤇᤧ ᤂᤧᤱᤜᤠ᤹ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤥ ᤋᤠᤖᤢᤛᤡ॥ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤧᤖᤧᤰ ᤁᤢᤜᤡᤱᤘᤧᤳ ᤌᤰᤛᤠᤐᤢᤛᤠᤜᤠ᤹ ᤀᤠᤰᤋᤱᤒᤠ ᤔᤡᤱ ᤘᤠ᤺ᤳᤋᤢᤛᤡ ᤜᤠᤒᤠ ᤜᤧᤰᤋᤱᤒᤠᤀᤣ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤡᤱ ᤐᤥ᤺ᤰᤂᤧ॥ 20ᤀᤰᤂᤣᤗ᤹ᤖᤡᤰ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧᤀᤣ ᤁᤧᤖᤧᤰ ᤜᤡᤶᤌᤰᤛᤠᤜᤠ᤹. ᤋᤠᤱᤛᤠᤰᤁᤥ ᤁᤧᤒᤧᤒᤠ ᤐᤢᤛᤠᤜᤠ᤹ ᤜᤧᤰᤁᤩᤠᤱ ᤁᤧᤖᤧᤰ ᤋᤠᤶᤓᤢᤱ ᤌᤰᤛᤠᤜᤠ᤹ ᤔᤡᤱ ᤘᤠ᤺ᤳᤋᤢᤛᤡ॥
ᤁᤖ ᤀᤠᤍᤶᤔᤡᤸᤗᤧ ᤁᤢᤗᤠᤃᤡ ᤂᤢᤏᤧ᤹ ᤂᤧᤶᤍᤢ ᤗᤠ᤹ᤖᤢᤒᤠ ᤁᤢᤓᤠ᤹ᤒᤠᤱ ᤜᤠ᤺ᤳᤋᤠᤱ ᤂᤥᤔᤧᤍᤧᤳᤋᤧᤴ॥
21ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤔᤢᤖᤢᤰᤂᤢᤖᤢᤰ ᤀᤡᤵᤛᤧᤖ ᤕᤠ᤺ᤴᤍᤢ. ᤜᤧᤰᤁᤩᤠᤱ ᤂᤧᤴ ᤀᤡᤵᤛᤧᤀᤠᤱ ᤏᤧᤛ᤻ᤛᤧᤸᤗᤧ ᤂᤧᤸᤗᤧ ᤁᤢᤒᤡᤶᤒᤠᤜᤠ᤹ᤀᤥᤏᤢ ᤗᤳᤌᤡᤰ ᤗ᤺ᤳᤋᤢᤀᤠᤱ ᤂᤧᤴ ᤗ᤺ᤳᤋᤢᤒᤠ ᤋᤧᤴᤏᤥ ᤏᤧᤰᤛᤠ᤺ᤸᤗᤧ ᤌᤡᤶᤛᤢᤒᤡᤖᤢ॥ 22ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤔᤧᤴᤇᤠᤶ ᤕᤠᤵᤔᤡᤀᤥᤗᤠᤶ ᤗ᤺ᤳᤋᤢᤒᤠ ᤁᤢᤒᤡᤶᤒᤧᤴ ᤔᤧᤴᤇᤢᤔᤠᤎᤡᤰ ᤆᤥᤃᤢᤀᤠᤱ ᤔᤧᤴᤇᤠᤶ ᤕᤠᤵᤔᤡᤀᤥ ᤂᤧᤴ ᤋᤠᤖᤢ॥
23ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤐᤠ᤺ᤳᤋᤢ.
“ᤁᤱᤃ ᤀᤠᤱᤃᤠ᤹ ᤀᤠᤕᤧᤵᤐᤠᤸᤗᤧ ᤁᤢᤕᤧᤵᤐᤠ ᤏᤢ
ᤀᤠᤏᤧᤰᤛᤠ᤺ᤸᤗᤧ ᤁᤢᤏᤧᤰᤛᤠᤖᤥ॥
ᤂᤢᤏᤧ᤹ ᤔᤧᤴᤇᤢᤔᤠ#᥈:᥈᥉ ᤂᤢᤏᤧ᤹ ᤔᤧᤴᤇᤢᤔᤠ—ᤔᤧᤴᤇᤢᤔᤠ ᤀᤡᤃᤪ ᤕᤧᤶᤒᤡᤳᤇᤠᤴ ᤜᤡᤒᤪᤢ ᤐᤠ᤺ᤴᤇᤣ᤺ᤰᤘᤠᤀᤥ “ᤔᤧᤴᤇᤢᤔᤠ” ᤏᤢ “ᤕᤧᤶᤒᤡᤳᤇᤠ” ᤐᤠ᤺ᤵᤔᤧᤸᤗᤧ ᤗᤳᤇᤠ ᤜᤧᤰᤁᤣ ᤂᤧᤶᤍᤧᤳ॥ ᤔᤧᤵᤔᤠ ᤐᤥᤱᤗᤥ॥
ᤌᤣᤀᤠᤱᤓᤧᤸᤗᤧ ᤂᤧᤱᤃ ᤕᤧᤶᤒᤡᤳᤇᤠᤗᤠᤶ ᤗ᤺ᤵᤔᤏᤠᤔᤠ ᤘᤕᤧᤖᤥ॥”
24ᤁᤸᤗᤧᤆᤥᤃᤢᤸᤗᤧ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤢᤶᤒᤠ ᤁᤢᤶᤔᤠᤛᤡ ᤗᤧᤖᤢᤛᤡᤀᤠᤱ ᤁᤢᤔᤣ᤺ᤳᤋᤡᤴᤏᤢ ᤋᤱᤗᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤳᤇᤠ ᤌᤰ ᤐᤥᤱᤛᤡᤖᤥ॥ #ᤔᤳᤋᤡ ᥇᥏:᥋; ᤔᤷᤁᤢ ᥇᥆:᥍-᥎; ᥇ ᤁᤥᤖ ᥌:᥇᥌; ᤀᤣᤑᤡ ᥋:᥉᥇ 25ᤔᤧᤴᤇᤠᤶ ᤕᤠᤵᤔᤡᤴ ᤏᤢ ᤁᤢᤔᤣ᤺ᤳᤋᤡᤴ ᤏᤧᤵᤔᤠᤱ ᤗᤧᤰᤆᤠ᤹ᤒᤢᤎᤢᤰ ᤘᤕᤧᤇᤡ. ᤜᤧᤰᤁᤩᤠᤱ ᤔᤧᤏᤢ᤺ᤴᤍᤧᤇᤡᤴ॥
Právě zvoleno:
ᤋᤥᤗᤡᤱᤛᤥᤔᤢ 2: LIFOTNT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, 2023, Wycliffe Bible Translators, Inc. All rights reserved.