Евангелле паводле Марка Раздзел 16
Раздзел 16
1 #
Мц. 28:1; Лк. 23:56; Ян. 19:39 І, калі мінула субота, Марыя Магдалена, і Марыя Якубава, і Саламея накуплялі духмянасцей, каб пайсці і памазаць Ісуса.
2 #
Лк. 24:1; Ян. 20:1 І вельмі рана, у першы дзень тыдня, прыйшлі да магілы, калі ўжо ўзышло сонца.
3І гаварылі між сабою: «Хто нам адкоціць камень ад уваходу ў магілу?»
4І, глянуўшы, бачаць яны адвалены камень. А ён быў велізарны.
5 #
Лк. 24:3; Ян. 20:11 І, увайшоўшы ў магілу, яны ўбачылі юнака, што сядзеў з правага боку і быў адзеты ў белае адзенне, і зжахнуліся.
6А ён кажа ім: «Не палохайцеся! Шукаеце Ісуса з Назарэта, укрыжаванага. Ён уваскрос, няма Яго тут; вось месца, дзе Яго паклалі.
7 #
Мц. 26:32
Але ідзіце і паведаміце вучням Яго і Пётры: “Ён ідзе перад вамі ў Галілею. Там Яго ўбачыце, як Ён вам сказаў”».
8І, выйшаўшы, пабеглі ад магілы, бо ахапіў іх страх ды трывога; і нікому нічога не казалі, бо баяліся.
9 #
Мц. 28:9; Лк. 8:2; Ян. 20:14 Уваскросшы на світанні ў першы дзень тыдня, Ісус найперш паказаўся Марыі Магдалене, з якой выгнаў сем дэманаў.
10 #
Лк. 24:10
А яна пайшла і паведаміла тым, што з Ім былі, якія сумавалі і плакалі.
11 #
Мц. 28:17; Лк. 24:11; Ян. 20:25 Але яны, пачуўшы, што Ён жывы і што яна Яго бачыла, не паверылі.
12 #
Лк. 24:13
Пасля таго Ён паказаўся двум з іх у іншым выглядзе на дарозе ў паселішча.
13І яны пайшлі і расказалі іншым, але і ім не паверылі.
14 #
Лк. 24:36; Ян. 20:19 Нарэшце паказаўся Ён адзінаццаці, калі яны ўзлягалі пры стале, і дакараў іх за недаверства і закамянеласць сэрца, што не паверылі тым, што бачылі Яго ўваскрослага.
15 #
Мц. 24:14; Ян. 15:16 І сказаў ім: «Ідзіце на ўвесь свет і абвяшчайце Евангелле ўсяму стварэнню.
16 #
Ян. 3:18
Хто паверыць і прыме хрост, будзе збаўлены. Хто ж не паверыць, будзе асуджаны.
17 #
Лк. 10:17; Дзеі 2:4; 1Кар. 12:10 А тых, што павераць, будуць суправаджаць такія знакі: у імя Маё будуць яны выганяць дэманаў, на новых мовах гаварыць будуць,
18змеяў будуць падымаць, ды хоць бы што атрутнае выпілі – не пашкодзіць ім, на хворых рукі ўскладаць будуць – і яны аздараўляцца будуць».
19 #
Ян. 6:62; Дзеі 1:2; 1Пёт. 3:22; 1Цім. 3:16 І пасля размовы з імі Госпад Ісус узнёсся ў неба, і сядзіць праваруч ад Бога.
20А яны, пайшоўшы, вясцілі ўсюды, а Госпад дапамагаў ім і падмацоўваў словы іх знакамі, што іх суправаджалі. Амін.
Právě zvoleno:
Евангелле паводле Марка Раздзел 16: ББЧ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© МХРБ «Біблейскае таварыства ў Рэспубліцы Беларусь», 2017
