Kɛkolu 18
18
Pɔli ka Samakan Kein lase Kolɛnti so kɔnɔ teme
1Wo kɔ, Pɔli ka bɔ Atɛn ka taa Kolɛnti so kɔnɔ. 2A do ka Jahudiya kɛ́ dɔ ye je, min tɔɔ tɛɛ ko Akuila, min sɔlɔnnin Pɔndu koovi lɔ. Ale ni a moso Pisila nanin kula le tɛɛ ka bɔ Itali jamana lɔ. Ai bɔnin tɛɛ je kamasɔlɔn Lɔmu masakɛba Kulodi tɛɛ vɛ jamali di ko Jahudiyalu bɛ yi bɔ Lɔmu so kɔnɔ. Pɔli ka taa ai ma, 3ka to ai fɛlɔ ka kɛ ai baaledenɲɔɔ le, kamasɔlɔn ai bɛ tɛɛ faani tooda ladanba le le. 4Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.
5Silasi ni Timote ka na mingɛ ka bɔ Maseduwani, Pɔli k'a gbaladon Ala kumakan lasenko ma, a vɛ seleya dila Jahudiyalu ma ko Isa le Masa Tɔɔmasenin ne. 6Kɛɛ komi ai tɛɛ a sɔsɔla ani k'a jɛvɛ, wo lɔ, Pɔli ka aa faaniba lɔgbasi ka wo kɛ ai ban tɔɔmase le. A vɛɛ: «Ài halakiko yi kɛ ài kunko le. Ǹ sen t'a lɔ. Ka damina bi ma, ǹ kɛtɔ Samakan Kein lasena siboloma gbɛlɛ mɔɔlu le ma.»
7Wo lɔ, Pɔli ka bɔ je ka taa kɛ́ dɔ ya bon na, min tɔɔ tɛɛ ko Titiyɔ Jusitusi. Siboloma gbɛlɛ le tɛɛ a le min tɛɛ siyanna Ala ɲa. Ado aa bon tɛɛ Aladalibon dafɛ. 8Aladalibon wo ɲamɔɔ Kilisipusi ni aa bonnamɔɔlu bɛ ka limaniya mɔ Tii ma. Kolɛntika siyama fana ka Pɔli kumakan mɛn, ka limaniya, ka ban ka makoli sɔlɔn.
9Lon dɔ su lɔ, mɔ Tii ka ko dɔ lajɛlɛ Pɔli ɲa ma, a do vɛɛ a yɛ: «I kà siyan, i yi to kumala. I do kà jeden, 10kamasɔlɔn ǹe gbu i fɛ. Mɔɔ mɔɔ tɛnala a benna i kan ka koyon kɛ i la, kamasɔlɔn ǹa mɔɔlu walayine so min kɔnɔ.» 11Wo lɔ, Pɔli ka to je, ka sanji kelen kalo wɔɔlɔ kɛ mɔɔlu kalanna Ala kumakan na.
12Kɛɛ Galiyo tɛɛ Akayi jamanatiiya la waate min nɔ, Jahudiyalu k'ai ladɛn k'i wuli Pɔli kanma. Ai do k'a mina ka taa a le kititɛɛya lɔ. 13Ai vɛɛ: «Kɛ́ min yi mɔɔlu lakunfala Ala batokɛɲa gbɛlɛ le ma, min bɛnnin tɛ maa seliya ma.»
14Jani Pɔli tɛɛ kuma damina, Galiyo k'a fɔ Jahudiyalu yɛ, a vɛɛ: «Àilu Jahudiyalu, ni kɛ́ min na koyon ne kɛla, niwotɛ kobɛnbali, ǹ tɛɛ ǹ tolomalɔle àiya telemasɔɔli la. 15Kɛɛ komi ài i ɲɔɔ sɔsɔla ka bɛn kuma dɔlu ma, ani tɔɔ dɔlu, ani àiya seliyakolu, wo lɔ, ǹ tɛ diɲa ka kiti min tɛɛ. Àilu gbu y'a ɲabɔ.» 16Wo fɔ a bolo, a k'ai gbɛn kititɛɛya lɔ. 17Wo kɛ, ai bɛ k'i kɛ Sositɛnɛ kan, min tɛɛ Aladalibon ɲamɔɔ le, k'a gbasi kititɛɛya ɲafɛla lɔ. Galiyo do ma hamin wo le.
Pɔli ka seikɔ Antiyɔsi teme
18Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ. 19Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ. 20Wolu k'a madiya ko a yi waate dana kɛ ai fɛ je, kɛɛ Pɔli ma diɲa. 21A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.
22Kulun senin Sezale so kɔnɔ, Pɔli ka bɔ ka taa limaniyajama fo Jelusalɛmu, ka ban ka taa Antiyɔsi. 23A wɔlinin waate dɔ kɛla je, a ka Galatiya ni Filigiya koovilu lɔtimin, a vɛ Isa kɔbiladennu bɛ sɛmɛdonna.
Apolosi ka mɔɔlu kawani teme Ɛfɛsi ni Kolɛnti solu la
24Wo waate, Jahudiya kɛ́ dɔ ka se Ɛfɛsi, min tɔɔ tɛɛ ko Apolosi ka bɔ Alɛzandele so kɔnɔ. A senin tɛɛ kumala kobɛn, ado lɔnni ba le tɛɛ a bolo ka bɛn kitabulu ma. 25A kalannin tɛɛ mɔ Tii ya siya le la fana. A sɛmɛdonnin tɛɛ Isa ya ko lasena ka bɛn tuɲa ma, k'a talan a tɛɛ ka Yaya ya makoliko le lɔn dein. 26A ka kuma damina Aladalibon na josolagbeleya boloma. Pisila ni a kɛ́ Akuila k'a lamɛn mingɛ, ai ka taa a le ai fɛlɔ ka Ala ya siya ɲafɔ a yɛ k'a lagbɛ. 27A lɔɔ tɛɛ Apolosi la mingɛ ka taa Akayi koovi lɔ, limaniyamɔɔlu k'a sɛmɛdon ka sɛvɛ lɔbɛn k'a lataa ai badenmalu ma je, ko ai y'ai bolo sii a kɔlɔ. A ka se je mingɛ, a ka mɔɔlu madɛmɛn kosɛvɛ, minu tɛɛ vɛ limaniya ka bɛn Ala ya nɛɛma ma. 28Kamasɔlɔn a tɛɛ Jahudiyalu ya kumalu kɔlɔbɔla fanga la bala lɔ, k'a lagbɛ ai yɛ kitabulu fɛ ko Isa le Masa Tɔɔmasenin ne.
Právě zvoleno:
Kɛkolu 18: MBT2023
Zvýraznění
Sdílet
Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas
Manya Bible Translation, © SIM International, 2023