Luka 20
20
Ko te Fehili e Uiga ki te Pule a Iehu
(Mat 21.23-27; Mlk 11.27-33)
1I tētahi aho, ko Iehu nae akoako atu ki tagata i loto o te Mālumalu ma folafola atu te Tala Lelei, kae ōmamai kia te ia nā ohitāulaga pule, nā faiākoga o te Tūlāfono ma te kau toeaina 2kua lea vē mai kia te ia, “Taku mai ake kia te kimātou pe āi te pule e fai ai e koe nā mea iēnei? Ko ai te na ia fōki atua kia te koe te pule tēnei?”
3Na tali atu ia Iehu kia te kilātou, “Ko au foki la ka fehili atu kia te koutou. Lea mai ake, 4ko te pule a Ioane na fai ai tana papatihoga na hau mai te Atua pe mai tagata?”
5Kua kāmata oi fai fīnauga kilātou ma lea vē tētahi ki tētahi, “Kāfai kitātou e lea, ‘E mai te Atua,’ ka lea mai nei, ‘Heā la te hēki talitonu ai koutou kia Ioane?’ 6Kae kāfai kitātou e lea, ‘E mai tagata,’ e fetogi nei kitātou e nā tino, auā e talitonu kilātou ko Ioane ko he pelofeta.” 7Oi na tali atu ai vēnei kilātou, “E hē kimātou iloa pe na hau mai fea.”
8Oi na vāgana atu ai ia Iehu kia te kilātou, “Ka hē kō taku atua foki la kia te koutou, pe āi te pule e kō faia ai nā mea iēnei.”
Ko te Talafakatuha o nā Nofolihi i te Tōvine
(Mat 21.33-46; Mlk 12.1-12)
9Oi na fai ai e Iehu te talafakatuha tēnei ki nā tino: “Nae iei he tino na fano oi totō he tōvine e o ia, oi na tuku ai e ia ke lihi e ni nofolihi, kae kua fano i hana malaga ki hētahi atunuku mo he taimi mataloa lele. #Iha 5.1 10Kua pa ki te taimi e tau ai te tōvine, oi na uga ai e ia hētahi o ana kaukauna ki nā nofolihi, ke kaumai tona vāega o te helehelega. Kae kua kini e nā nofolihi te kaukauna ma na uga ai vē e aunoa ma he mea. 11Oi na toe uga ai e ia hētahi kaukauna, kae na kini foki e nā nofolihi te kaukauna, kua fai ki ei nā āmioga mātagā, ma na uga ai ke toe fano e aunoa ma he mea. 12Oi na uga ai e ia tona tolu o kaukauna, ma na kini e kilātou ma fakamanuka, ma na togi ai ki fafo o te tōvine. 13Oi na vē ake ai te kupu a te tino e o ia te tōvine, ‘Heā nei ta aku ka fai? Ka uga e au toku ataliki fakapelepele; e tatau lava ke amanakia e kilātou!’ 14Kae i te kitea atuga o te ataliki e nā nofolihi, oi na lea vē ai tētahi ki tētahi, ‘Ko te ataliki tēnei o te tino e o ia te tōvine. Tātou olo oi tāmate, ma ko tona fenua ka kave mo kitātou!’ 15Oi na togi ai e kilātou te ataliki ki fafo o te tōvine ma tāmate.”
Kua fehili atu ia Iehu, “Heā nei ta te tino e o ia te tōvine ka fai? 16Ka hau nei oi tāmate nā tamāloa iēnā, ma tuku atu ai te tōvine ki iētahi nofolihi.”
I te lagona atuga e nā tino o te mea tēnei, oi na lea vē ai kilātou, “E hē tatau lele ke vēnā!”
17Oi na kikila atu ia Iehu kia te kilātou ma na fehili vē atu ai ki ei, “Heā la te uiga o te tuhituhiga paia e leamai:
‘Ko te fatu na tīaki e nā faufale e hē aogā
kua kavea ma fatu e pito hili ona tāua.’ #Hal 118.22
18Ho he tino e pakū ki luga o te fatu tēnā, ka tipi likiliki tona tino; ma kāfai te fatu e pakū ki luga o he tino, ka nuti momo lele te tino tēnā.”
Ko te Fehili e Uiga ki te Totogi o nā Lāfoga
(Mat 22.15-22; Mlk 12.13-17)
19Na taumafai nā faiākoga o te Tūlāfono ma nā ohitāulaga pule, ke puke ia Iehu i te taimi lava tēnā, auā na kilātou hāfia ko te talafakatuha tēnei na fai fakatatau kia te kilātou; kae nae mātataku i nā tino. 20Oi na tau hākilikili ai loa e kilātou he avanoa ke puke ai e kilātou ia Iehu. Ma na totogi ai e kilātou ni tamāloa ke fakatagāfai ko kilātou ni tino fakamāoni, kae ke kilātou popokia ia Iehu i ni fehili ma tukulima atu ai ki te pule a te Kōvana Loma. 21Na lea vē atu ai nā tamāloa tau fakalata iēnei kia Iehu, “Te Faiākoga, e iloa e kimātou ko nā mea e lea mai ai koe ma au akoakoga, e hako. E iloa e kimātou e hē kē amanakia he tino ona ko hona tūlaga, kae e akoako lava e koe te meamoni e uiga ki te Atua ma tona finagalo mo tagata. 22Lea mai ake, e fakataga i te tātou Tūlāfono ke totogi e kitātou nā lāfoga kia Kaihala pe hēai?”
23Kae na hāfia e Iehu te lātou togafiti, oi na lea vē atu ai ki ei, 24“Fakahino mai ake he tupe hiliva kia te au. E o ai te ata ma te igoa e tuhi ai?”
Na tali mai kilātou, “E o Kaihala.”
25Oi na lea atu ia Iehu, “Fakafoki lava la ia mea a Kaihala kia Kaihala, ma fakafoki ia mea a te Atua ki te Atua.”
26Ma i kinā i mua o tagata, na hēki mafai e kilātou oi popoki ia Iehu i ni ana kupu na tautala ai; ma ko te ōfo lahi o kilātou ki nā tali a Iehu, na hēki toe fia vaivaia lele ai kilātou.
Ko te Fehili e Uiga ki te Toetū
(Mat 22.23-33; Mlk 12.18-27)
27Oi na ōmamai ai ni tino Hatukaio nae lea ko nā tino kua oti ka hē toe tutū mai te oti, ma kua lea vē mai kia Iehu, #Gāl 23.8 28“Te Faiākoga, na tuhi e Mohe te tūlāfono tēnei mo kitātou: ‘Kāfai he tamāloa e iei hana āvaga e oti kae e hēai hana fānau, e tatau tona uho ke fakaipoipo ma te fafine, kae ke maua he lā fānau e mafai ke takua e a tona uho kua oti.’ #Teu 25.5 29Nae iei he kau uho tama e toka fitu; na fakaipoipo te uho matua kae na oti kae hēki iei hana fānau. 30Oi na fakaipoipo ai te uho tona lua ki te fafine, 31ma na vēnā foki ki te uho tona tolu. Na vēnā foki te mea na tupu ki iētahi o te kau uho e toka fitu—na feoti uma kae hēai ni fānau. 32Mulimuli ake, oi na oti ai foki te fafine. 33Kāfai la e pa ki te aho e toe tutū ai ia tagata mai te oti, ko ai la o te kau uho ka takua ko te āvaga a te fafine? Ko te toka fitu uma tēnei na fakaipoipo ki te fafine.”
34Na tali atu ia Iehu, “Ko tāulelea ma fafine i te lalolagi nei e fakaipoipo pe e tuku atu ke fakaipoipo, 35kae ko nā tāulelea ma nā fafine e tatau ma onomea ke toe tutū mai te oti ma nonofo i te ola fōu koi hau, ka hē fakaipoipo la. 36Ka vē kilātou ko nā āgelu ma e hē feoti. Ko kilātou ko nā fānau a te Atua, auā kua toe tutū kilātou mai te oti. 37Ma kua fakamāonia e Mohe, ko nā tino kua oti e toe fakatutū. I te tuhituhiga e uiga ki te lākau tālatala na mumū, na ia tākua vēia e fakatatau ki te Aliki, ‘ko te Atua o Apelaamo, ko te Atua o Ihaako, ma ko te Atua o Iakopo.’ #Eho 3.6 38Ko ia ko te Atua o tagataola, kae hē o tagata oti, auā kia te ia, ko kilātou uma ni tino e ola.”
39Na lea vē mai iētahi faiākoga o te Tūlāfono, “Te Faiākoga, te lelei o te tali a koe!” 40Oi na hēki toe fia toa kilātou ke fai ni iētahi a lātou fehili.
Ko te Fehili e Uiga ki te Mehia
(Mat 22.41-46; Mlk 12.35-37)
41Na fehili vē atu ia Iehu, “E vēhea ona lea kilātou ko he lāpuna o Tavita te ka kavea ma Mehia? 42Auā ko Tavita lava ia te lea vē i te tuhi o te Halamo, #Hal 110.1
‘Ko te Aliki na vāgana ki toku Aliki:
Nofo i toku itū taumatau
43ke pa ki te taimi e kō faia ai ō fili,
ma nofoa e mapu ki luga ō vae.’
44Ko Tavita lava te na lea ko te Mehia ko te ‘Aliki’; e vēhea la ona kavea he lāpuna o ia ma Mehia?”
Kua Lapataki ia Iehu ke Fakaetēte i nā Faiākoga o te Tūlāfono
(Mat 23.1-36; Mlk 12.38-40)
45Ka koi fakalogologo ia tagata uma kia Iehu, kae kua vāgana atu ia ki ona hoko, 46“Koutou ke fakaetēte i nā faiākoga o te Tūlāfono. E fiafia oi eva i o lātou kofuloloa ma fofou ke fakafeiloaki aloakia ake kilātou e tagata i te māketi; e filifili e kilātou nā nofoa fakapitoa i nā hūnako ma nā nofoa tāua i nā kaiga lalahi mo kilātou. 47E fakavalea e kilātou nā fafine kua oti a lātou tāne, ma kaihohoa o lātou fale, ma e fakaloloa a lātou tatalo kae ke ōfo ai ia tagata. Ka hili lele atu te mamafa o te fakahalaga o kilātou!”
Právě zvoleno:
Luka 20: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
Luka 20
20
Ko te Fehili e Uiga ki te Pule a Iehu
(Mat 21.23-27; Mlk 11.27-33)
1I tētahi aho, ko Iehu nae akoako atu ki tagata i loto o te Mālumalu ma folafola atu te Tala Lelei, kae ōmamai kia te ia nā ohitāulaga pule, nā faiākoga o te Tūlāfono ma te kau toeaina 2kua lea vē mai kia te ia, “Taku mai ake kia te kimātou pe āi te pule e fai ai e koe nā mea iēnei? Ko ai te na ia fōki atua kia te koe te pule tēnei?”
3Na tali atu ia Iehu kia te kilātou, “Ko au foki la ka fehili atu kia te koutou. Lea mai ake, 4ko te pule a Ioane na fai ai tana papatihoga na hau mai te Atua pe mai tagata?”
5Kua kāmata oi fai fīnauga kilātou ma lea vē tētahi ki tētahi, “Kāfai kitātou e lea, ‘E mai te Atua,’ ka lea mai nei, ‘Heā la te hēki talitonu ai koutou kia Ioane?’ 6Kae kāfai kitātou e lea, ‘E mai tagata,’ e fetogi nei kitātou e nā tino, auā e talitonu kilātou ko Ioane ko he pelofeta.” 7Oi na tali atu ai vēnei kilātou, “E hē kimātou iloa pe na hau mai fea.”
8Oi na vāgana atu ai ia Iehu kia te kilātou, “Ka hē kō taku atua foki la kia te koutou, pe āi te pule e kō faia ai nā mea iēnei.”
Ko te Talafakatuha o nā Nofolihi i te Tōvine
(Mat 21.33-46; Mlk 12.1-12)
9Oi na fai ai e Iehu te talafakatuha tēnei ki nā tino: “Nae iei he tino na fano oi totō he tōvine e o ia, oi na tuku ai e ia ke lihi e ni nofolihi, kae kua fano i hana malaga ki hētahi atunuku mo he taimi mataloa lele. #Iha 5.1 10Kua pa ki te taimi e tau ai te tōvine, oi na uga ai e ia hētahi o ana kaukauna ki nā nofolihi, ke kaumai tona vāega o te helehelega. Kae kua kini e nā nofolihi te kaukauna ma na uga ai vē e aunoa ma he mea. 11Oi na toe uga ai e ia hētahi kaukauna, kae na kini foki e nā nofolihi te kaukauna, kua fai ki ei nā āmioga mātagā, ma na uga ai ke toe fano e aunoa ma he mea. 12Oi na uga ai e ia tona tolu o kaukauna, ma na kini e kilātou ma fakamanuka, ma na togi ai ki fafo o te tōvine. 13Oi na vē ake ai te kupu a te tino e o ia te tōvine, ‘Heā nei ta aku ka fai? Ka uga e au toku ataliki fakapelepele; e tatau lava ke amanakia e kilātou!’ 14Kae i te kitea atuga o te ataliki e nā nofolihi, oi na lea vē ai tētahi ki tētahi, ‘Ko te ataliki tēnei o te tino e o ia te tōvine. Tātou olo oi tāmate, ma ko tona fenua ka kave mo kitātou!’ 15Oi na togi ai e kilātou te ataliki ki fafo o te tōvine ma tāmate.”
Kua fehili atu ia Iehu, “Heā nei ta te tino e o ia te tōvine ka fai? 16Ka hau nei oi tāmate nā tamāloa iēnā, ma tuku atu ai te tōvine ki iētahi nofolihi.”
I te lagona atuga e nā tino o te mea tēnei, oi na lea vē ai kilātou, “E hē tatau lele ke vēnā!”
17Oi na kikila atu ia Iehu kia te kilātou ma na fehili vē atu ai ki ei, “Heā la te uiga o te tuhituhiga paia e leamai:
‘Ko te fatu na tīaki e nā faufale e hē aogā
kua kavea ma fatu e pito hili ona tāua.’ #Hal 118.22
18Ho he tino e pakū ki luga o te fatu tēnā, ka tipi likiliki tona tino; ma kāfai te fatu e pakū ki luga o he tino, ka nuti momo lele te tino tēnā.”
Ko te Fehili e Uiga ki te Totogi o nā Lāfoga
(Mat 22.15-22; Mlk 12.13-17)
19Na taumafai nā faiākoga o te Tūlāfono ma nā ohitāulaga pule, ke puke ia Iehu i te taimi lava tēnā, auā na kilātou hāfia ko te talafakatuha tēnei na fai fakatatau kia te kilātou; kae nae mātataku i nā tino. 20Oi na tau hākilikili ai loa e kilātou he avanoa ke puke ai e kilātou ia Iehu. Ma na totogi ai e kilātou ni tamāloa ke fakatagāfai ko kilātou ni tino fakamāoni, kae ke kilātou popokia ia Iehu i ni fehili ma tukulima atu ai ki te pule a te Kōvana Loma. 21Na lea vē atu ai nā tamāloa tau fakalata iēnei kia Iehu, “Te Faiākoga, e iloa e kimātou ko nā mea e lea mai ai koe ma au akoakoga, e hako. E iloa e kimātou e hē kē amanakia he tino ona ko hona tūlaga, kae e akoako lava e koe te meamoni e uiga ki te Atua ma tona finagalo mo tagata. 22Lea mai ake, e fakataga i te tātou Tūlāfono ke totogi e kitātou nā lāfoga kia Kaihala pe hēai?”
23Kae na hāfia e Iehu te lātou togafiti, oi na lea vē atu ai ki ei, 24“Fakahino mai ake he tupe hiliva kia te au. E o ai te ata ma te igoa e tuhi ai?”
Na tali mai kilātou, “E o Kaihala.”
25Oi na lea atu ia Iehu, “Fakafoki lava la ia mea a Kaihala kia Kaihala, ma fakafoki ia mea a te Atua ki te Atua.”
26Ma i kinā i mua o tagata, na hēki mafai e kilātou oi popoki ia Iehu i ni ana kupu na tautala ai; ma ko te ōfo lahi o kilātou ki nā tali a Iehu, na hēki toe fia vaivaia lele ai kilātou.
Ko te Fehili e Uiga ki te Toetū
(Mat 22.23-33; Mlk 12.18-27)
27Oi na ōmamai ai ni tino Hatukaio nae lea ko nā tino kua oti ka hē toe tutū mai te oti, ma kua lea vē mai kia Iehu, #Gāl 23.8 28“Te Faiākoga, na tuhi e Mohe te tūlāfono tēnei mo kitātou: ‘Kāfai he tamāloa e iei hana āvaga e oti kae e hēai hana fānau, e tatau tona uho ke fakaipoipo ma te fafine, kae ke maua he lā fānau e mafai ke takua e a tona uho kua oti.’ #Teu 25.5 29Nae iei he kau uho tama e toka fitu; na fakaipoipo te uho matua kae na oti kae hēki iei hana fānau. 30Oi na fakaipoipo ai te uho tona lua ki te fafine, 31ma na vēnā foki ki te uho tona tolu. Na vēnā foki te mea na tupu ki iētahi o te kau uho e toka fitu—na feoti uma kae hēai ni fānau. 32Mulimuli ake, oi na oti ai foki te fafine. 33Kāfai la e pa ki te aho e toe tutū ai ia tagata mai te oti, ko ai la o te kau uho ka takua ko te āvaga a te fafine? Ko te toka fitu uma tēnei na fakaipoipo ki te fafine.”
34Na tali atu ia Iehu, “Ko tāulelea ma fafine i te lalolagi nei e fakaipoipo pe e tuku atu ke fakaipoipo, 35kae ko nā tāulelea ma nā fafine e tatau ma onomea ke toe tutū mai te oti ma nonofo i te ola fōu koi hau, ka hē fakaipoipo la. 36Ka vē kilātou ko nā āgelu ma e hē feoti. Ko kilātou ko nā fānau a te Atua, auā kua toe tutū kilātou mai te oti. 37Ma kua fakamāonia e Mohe, ko nā tino kua oti e toe fakatutū. I te tuhituhiga e uiga ki te lākau tālatala na mumū, na ia tākua vēia e fakatatau ki te Aliki, ‘ko te Atua o Apelaamo, ko te Atua o Ihaako, ma ko te Atua o Iakopo.’ #Eho 3.6 38Ko ia ko te Atua o tagataola, kae hē o tagata oti, auā kia te ia, ko kilātou uma ni tino e ola.”
39Na lea vē mai iētahi faiākoga o te Tūlāfono, “Te Faiākoga, te lelei o te tali a koe!” 40Oi na hēki toe fia toa kilātou ke fai ni iētahi a lātou fehili.
Ko te Fehili e Uiga ki te Mehia
(Mat 22.41-46; Mlk 12.35-37)
41Na fehili vē atu ia Iehu, “E vēhea ona lea kilātou ko he lāpuna o Tavita te ka kavea ma Mehia? 42Auā ko Tavita lava ia te lea vē i te tuhi o te Halamo, #Hal 110.1
‘Ko te Aliki na vāgana ki toku Aliki:
Nofo i toku itū taumatau
43ke pa ki te taimi e kō faia ai ō fili,
ma nofoa e mapu ki luga ō vae.’
44Ko Tavita lava te na lea ko te Mehia ko te ‘Aliki’; e vēhea la ona kavea he lāpuna o ia ma Mehia?”
Kua Lapataki ia Iehu ke Fakaetēte i nā Faiākoga o te Tūlāfono
(Mat 23.1-36; Mlk 12.38-40)
45Ka koi fakalogologo ia tagata uma kia Iehu, kae kua vāgana atu ia ki ona hoko, 46“Koutou ke fakaetēte i nā faiākoga o te Tūlāfono. E fiafia oi eva i o lātou kofuloloa ma fofou ke fakafeiloaki aloakia ake kilātou e tagata i te māketi; e filifili e kilātou nā nofoa fakapitoa i nā hūnako ma nā nofoa tāua i nā kaiga lalahi mo kilātou. 47E fakavalea e kilātou nā fafine kua oti a lātou tāne, ma kaihohoa o lātou fale, ma e fakaloloa a lātou tatalo kae ke ōfo ai ia tagata. Ka hili lele atu te mamafa o te fakahalaga o kilātou!”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust