Luka 19
19
Ko Iehu ma Hakaio
1Kua pa atu ia Iehu ki Ieliko, oi na kui loto ai i te fenua. 2Nae i kinā he takitaki aolāfoga e igoa kia Hakaio, he tino maukoloa. 3Na fia ia kiteagia pe ko he tino vēhea ia Iehu, kae ona ko ia ko he tino pukupuku na hēki ia mafaia ai ona ko te kaifenua. 4Oi na vili ai ki mua o te kaifenua, kua kake ki luga o he hūkāmolu nae i tafa o te auala, kae ke ia kitea ia Iehu, tēia ka kui mai i te auala tēnā. 5I te pa atuga o Iehu ki te mea tēnā, oi na kikila ake ai ki luga ma lea vē atu kia Hakaio, “Hakaio, fanaifo vave nei loa ki lalo, auā ko au e tatau ke nofo i te fale o koe i te aho nei.”
6Na fanaifo vave loa ia Hakaio ki lalo, ma na talia ai e ia ma te fiafia ia Iehu ki loto o tona fale. 7Ko nā tino uma na kilātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”
8Oi na tū ai ia Hakaio ki luga kua lea vē atu ki te Aliki, “Te Aliki, kikila! Ka fōki e au te āfa o aku koloa ki nā tino mātitiva, ma kāfai e iei he tino na kave fakakaihohoa e au ni ana mea, ka fakafa te lahi o nā mea ka toe totogi e au kia te ia.”
9Kua lea atu ia Iehu ki ei, “Ko te aho nei kua maua ai e te kāiga tēnei te fakaolataga, auā ko te tagata foki tēnei he lāpuna e o Apelaamo. 10Ko te Ataliki o te Tagata na hau ke hakili, ma ke fakaola nā tino kua gagalo.” #Mat 18.11
Ko te Talafakatuha o nā Tupe Aulo
(Mat 25.14-30)
11Ka koi fakalogologo atu kilātou ki te mea tēnei, oi na kāmata ai oi fai e Iehu he talafakatuha. Kua tafapili lele atu ia ki Ieluhalema, ma nae manatu lava ia tagata ko kilātou kua tāli kikila lele ki te Mālō o te Atua.#Mat 25.14-30 12Oi na vāgana atu ai ia Iehu, “Nae iei he aliki maualuga na fano ki hētahi fenua mamao ke fakanofo ai ia ma tupu, oi kua toe foki ifo ai kāfai e uma. 13Ka ko hēki fano kehe, na fekau e ia ana kaukauna e toka hefulu, ma fōki kia te kilātou tau toka tahi he tupe aulo, ma na lea vē atu ai ki ei, ‘Fakaaogā te tupe tēnei ke toe maua mai ai ni iētahi tupe, ke toe liliu mai au.’ 14Kae ko nā tino o tona fenua nae inoino lele kia te ia, ma na uga atu ai e kilātou he kavefekau ke mulimuli kia te ia, ma ke lea vē, ‘Ko kimātou e hē fofou ke fai te tagata tēnei ma o mātou tupu.’
15“Na kavea te aliki ma tupu, ma na toe foki mai ai ki tona fenua. Oi na fakatonu ai loa e ia ana kaukauna ke ōake kia te ia, kae ke ia iloa pe fia ni tupe na kilātou maua. 16Kua hau te tino muamua ma kua lea vē mai, ‘Te aliki, ko tau tupe aulo e fokotahi kua toe maua mai ai iētahi tupe aulo e hefulu.’ 17Ma na lea atu te aliki, ‘Mālō ni, te kaukauna lelei! Ona ko koe kua fakamāoni i nā tamā mea, ka kō tōfia ai koe ke pule i nā kakai e hefulu.’ 18Kua hau tona lua o kaukauna kua lea vē mai, ‘Te aliki, ko tau tupe aulo e fokotahi kua toe maua mai ai iētahi tupe aulo e lima.’ 19Ma na lea atu ai te aliki kia te ia, ‘Ko koe ka pule i nā kakai e lima.’
20“Kua hau tētahi kaukauna ma lea mai, ‘Te aliki, tēnei tau tupe aulo na fōki mai; na kō mumunia ke galo i he holoholo. 21Ko au nae mataku ia te koe auā ko koe he tino faigatā. E kave e koe nā mea e hē a koe, ma helehele e koe nā mea e hēki kē totōa.’ 22Kae kua lea atu ki ei te tupu, ‘Ko koe ko he kaukauna kino! Ko nā kupu lava mai tō gutu ka kō fakamahinoa ai koe. Ko tēnā e kē iloa ko au he tagata faigatā, e kō kavea nā mea e hē āku, ma kō helehelea nā mea e hēki kō totōa. 23Na tatau lava la ke teu e koe taku tupe i he faletupe? Moinei ake e foki mai au kua iei he ola.’
24“Oi na lea vē atu ai ia ki nā tino nae tutū i kinā, ‘Kave kehe te tupe aulo mai te tino tēnā ma fōki ki te tino e hefulu ana tupe aulo.’ 25Kae kua tali mai kilātou kia te ia, ‘Te aliki, kua hefulu ia tupe aulo a ia!’ 26Na tali atu te tupu, ‘E lea atu au kia te koutou, ko nā tino e iei ni a lātou mea, ka hili atu te lahi o iētahi mea e toe fōki ki ei; kae ko nā tino e hēai ni a lātou mea, e pa lava ki he tamā mea kua ia te kilātou, ka kave kehe mai ia te kilātou.#Mat 13.12; Mlk 4.25; Luk 8.18 27Kae e vē la ki nā fili o oku nae hē fofou ke kavea au ma o lātou tupu, kaumai ki kinei ki mua o oku oi tāmate ai!’ ”
Kua Ulufale ia Iehu ki Ieluhalema ma te Manumālō
(Mat 21.1-11; Mlk 11.1-11; Ioa 12.12-19)
28Kua uma te lea atu o Iehu i te mea tēnei, oi na muamua atu ai ia i mua o kilātou, āgai ki Ieluhalema. 29Kua pili atu ia Iehu ki Petehake ma Petania i te Mauga o Olive, oi na uga ai e ia ni hoko e toka lua ke muamua 30ma te fakatonuga e vēnei, “Olo ki te nuku tēnā i mua atu; kāfai koulua e pa atu ki ei, ka koulua kitea he punua āhini poa ko hēki tiketike lele ai he tino, e tau i kinā. Tatala te āhini oi kaumai ki kinei. 31Kāfai he tino e lea atu pe heā ta koulua e tatala ai te āhini, oi lea ki ei ko te Aliki#19.31 Aliki pe tino e a ia e fofou mai ki ei.”
32Oi na olo ai te toka lua, ma na maua atu e kilāua nā mea uma e vē lava ko te leaga ki ei o Iehu. 33Ka koi tau tatala e kilāua te punua āhini poa, kae kua lea atu ki ei nā tino e a lātou, “Heā ta koulua e tatala ai te punua āhini poa?”
34Na tali mai kilāua, “Ko te Aliki#19.34 Aliki pe te tino e a ia e fofou mai ki ei.” 35Kua kaumai e kilāua te punua āhini poa kia Iehu; ma kua uma te togi o nā kofutatao o kilāua ki luga o te punua āhini poa, oi na fakatiketike ai ki luga ia Iehu. 36Ka koi tiketike atu ia Iehu i luga o te āhini, ka kua fola e nā tino o lātou kofutatao ki luga o te auala.
37Kua tafapili atu ia Iehu ki Ieluhalema, ki te koga tonu e kāmata oi fakaifoifo ai ki lalo te auala mai te Mauga o Olive. Ko te kaifenua kātoa o tagata nae talitonu kia Iehu, kua fiafia lele ma viviki leo lahi ake ki te Atua, ona ko nā mea uiga kehe uma na kikila kilātou ki ei. 38“Ke fakamanuia e te Atua te tupu e hau i te igoa o te Aliki! Ke iei te fīlēmū i te lagi ma ke vīkia te Atua!” #Hal 118.26
39Oi na lea atu ai iētahi o te kau Falehaio nae i te kaifenua kia Iehu, “Te Faiākoga, fakatonu nā hoko o koe ke nahe piha!”
40Na tali atu ia Iehu, “E lea atu au kia te koutou, kāfai ka hē tautatala kilātou, ko nā fatu ka kāmata oi taukālalaga.”
Kua Tagi ia Iehu ona ko Ieluhalema
41Kua tafapili lele ia Iehu ki te kakai, ma i te ia kitea atuga o te kakai, oi na tagi ai i tona alofa ki ei, 42ma kua lea vē, “Māumau pe kana kē iloa i te aho nei, te mea e kē maua ai te fīlēmū! Kae nei kua mumuni ke nahe kitea e nā mata o koe! 43E hau te taimi e hiko fakatāmilo ai koe e nā fili o koe, ma poloka koe ki loto, ma ohofaki ai koe mai nā itū uma. 44Ka kilātou tuki momoia koe ki lalo; ko koe ma au fānau i loto i nā pa o koe; ka hēai he fatu e fokotahi e kilātou fakatotoea i luga o he tahi fatu, auā e hēki hāfia e koe te taimi na āhiahi mai ai te Atua, ke lāveaki koe!”
Kua Fano ia Iehu ki te Mālumalu
(Mat 21.12-17; Mlk 11.15-19; Ioa 2.13-22)
45Oi na fano ai ia Iehu ki loto o te Mālumalu, ma na kāmata ai oi tuli e ia ki fafo nā tino fakatau koloa nae i loto, 46ma na lea vē atu ai ia kia te kilātou, “E tūhia i nā Tuhituhiga Paia, ko te Atua na vāgana vē, ‘Ko toku Mālumalu ka takua he fale tatalo.’ Kae kua fai e koutou ma ana o tagata kaihohoa!” #Iha 56.7; Iel 7.11
47Nae akoako atu e Iehu ia tagata i te Mālumalu, i nā aho takitahi uma. Na fofou lele nā ohitāulaga pule, nā faiākoga o te Tūlāfono ma nā takitaki o tagata Iutaia, ke tāmate ia Iehu, #Luk 21.37 48kae na hēki kilātou maua he avanoa ona ko tagata uma lele nae fia fakalogologo pea lava kia Iehu ma hē fofou ke mihi e kilātou he kupu e fokotahi e tautala ai.
Právě zvoleno:
Luka 19: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
Luka 19
19
Ko Iehu ma Hakaio
1Kua pa atu ia Iehu ki Ieliko, oi na kui loto ai i te fenua. 2Nae i kinā he takitaki aolāfoga e igoa kia Hakaio, he tino maukoloa. 3Na fia ia kiteagia pe ko he tino vēhea ia Iehu, kae ona ko ia ko he tino pukupuku na hēki ia mafaia ai ona ko te kaifenua. 4Oi na vili ai ki mua o te kaifenua, kua kake ki luga o he hūkāmolu nae i tafa o te auala, kae ke ia kitea ia Iehu, tēia ka kui mai i te auala tēnā. 5I te pa atuga o Iehu ki te mea tēnā, oi na kikila ake ai ki luga ma lea vē atu kia Hakaio, “Hakaio, fanaifo vave nei loa ki lalo, auā ko au e tatau ke nofo i te fale o koe i te aho nei.”
6Na fanaifo vave loa ia Hakaio ki lalo, ma na talia ai e ia ma te fiafia ia Iehu ki loto o tona fale. 7Ko nā tino uma na kilātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”
8Oi na tū ai ia Hakaio ki luga kua lea vē atu ki te Aliki, “Te Aliki, kikila! Ka fōki e au te āfa o aku koloa ki nā tino mātitiva, ma kāfai e iei he tino na kave fakakaihohoa e au ni ana mea, ka fakafa te lahi o nā mea ka toe totogi e au kia te ia.”
9Kua lea atu ia Iehu ki ei, “Ko te aho nei kua maua ai e te kāiga tēnei te fakaolataga, auā ko te tagata foki tēnei he lāpuna e o Apelaamo. 10Ko te Ataliki o te Tagata na hau ke hakili, ma ke fakaola nā tino kua gagalo.” #Mat 18.11
Ko te Talafakatuha o nā Tupe Aulo
(Mat 25.14-30)
11Ka koi fakalogologo atu kilātou ki te mea tēnei, oi na kāmata ai oi fai e Iehu he talafakatuha. Kua tafapili lele atu ia ki Ieluhalema, ma nae manatu lava ia tagata ko kilātou kua tāli kikila lele ki te Mālō o te Atua.#Mat 25.14-30 12Oi na vāgana atu ai ia Iehu, “Nae iei he aliki maualuga na fano ki hētahi fenua mamao ke fakanofo ai ia ma tupu, oi kua toe foki ifo ai kāfai e uma. 13Ka ko hēki fano kehe, na fekau e ia ana kaukauna e toka hefulu, ma fōki kia te kilātou tau toka tahi he tupe aulo, ma na lea vē atu ai ki ei, ‘Fakaaogā te tupe tēnei ke toe maua mai ai ni iētahi tupe, ke toe liliu mai au.’ 14Kae ko nā tino o tona fenua nae inoino lele kia te ia, ma na uga atu ai e kilātou he kavefekau ke mulimuli kia te ia, ma ke lea vē, ‘Ko kimātou e hē fofou ke fai te tagata tēnei ma o mātou tupu.’
15“Na kavea te aliki ma tupu, ma na toe foki mai ai ki tona fenua. Oi na fakatonu ai loa e ia ana kaukauna ke ōake kia te ia, kae ke ia iloa pe fia ni tupe na kilātou maua. 16Kua hau te tino muamua ma kua lea vē mai, ‘Te aliki, ko tau tupe aulo e fokotahi kua toe maua mai ai iētahi tupe aulo e hefulu.’ 17Ma na lea atu te aliki, ‘Mālō ni, te kaukauna lelei! Ona ko koe kua fakamāoni i nā tamā mea, ka kō tōfia ai koe ke pule i nā kakai e hefulu.’ 18Kua hau tona lua o kaukauna kua lea vē mai, ‘Te aliki, ko tau tupe aulo e fokotahi kua toe maua mai ai iētahi tupe aulo e lima.’ 19Ma na lea atu ai te aliki kia te ia, ‘Ko koe ka pule i nā kakai e lima.’
20“Kua hau tētahi kaukauna ma lea mai, ‘Te aliki, tēnei tau tupe aulo na fōki mai; na kō mumunia ke galo i he holoholo. 21Ko au nae mataku ia te koe auā ko koe he tino faigatā. E kave e koe nā mea e hē a koe, ma helehele e koe nā mea e hēki kē totōa.’ 22Kae kua lea atu ki ei te tupu, ‘Ko koe ko he kaukauna kino! Ko nā kupu lava mai tō gutu ka kō fakamahinoa ai koe. Ko tēnā e kē iloa ko au he tagata faigatā, e kō kavea nā mea e hē āku, ma kō helehelea nā mea e hēki kō totōa. 23Na tatau lava la ke teu e koe taku tupe i he faletupe? Moinei ake e foki mai au kua iei he ola.’
24“Oi na lea vē atu ai ia ki nā tino nae tutū i kinā, ‘Kave kehe te tupe aulo mai te tino tēnā ma fōki ki te tino e hefulu ana tupe aulo.’ 25Kae kua tali mai kilātou kia te ia, ‘Te aliki, kua hefulu ia tupe aulo a ia!’ 26Na tali atu te tupu, ‘E lea atu au kia te koutou, ko nā tino e iei ni a lātou mea, ka hili atu te lahi o iētahi mea e toe fōki ki ei; kae ko nā tino e hēai ni a lātou mea, e pa lava ki he tamā mea kua ia te kilātou, ka kave kehe mai ia te kilātou.#Mat 13.12; Mlk 4.25; Luk 8.18 27Kae e vē la ki nā fili o oku nae hē fofou ke kavea au ma o lātou tupu, kaumai ki kinei ki mua o oku oi tāmate ai!’ ”
Kua Ulufale ia Iehu ki Ieluhalema ma te Manumālō
(Mat 21.1-11; Mlk 11.1-11; Ioa 12.12-19)
28Kua uma te lea atu o Iehu i te mea tēnei, oi na muamua atu ai ia i mua o kilātou, āgai ki Ieluhalema. 29Kua pili atu ia Iehu ki Petehake ma Petania i te Mauga o Olive, oi na uga ai e ia ni hoko e toka lua ke muamua 30ma te fakatonuga e vēnei, “Olo ki te nuku tēnā i mua atu; kāfai koulua e pa atu ki ei, ka koulua kitea he punua āhini poa ko hēki tiketike lele ai he tino, e tau i kinā. Tatala te āhini oi kaumai ki kinei. 31Kāfai he tino e lea atu pe heā ta koulua e tatala ai te āhini, oi lea ki ei ko te Aliki#19.31 Aliki pe tino e a ia e fofou mai ki ei.”
32Oi na olo ai te toka lua, ma na maua atu e kilāua nā mea uma e vē lava ko te leaga ki ei o Iehu. 33Ka koi tau tatala e kilāua te punua āhini poa, kae kua lea atu ki ei nā tino e a lātou, “Heā ta koulua e tatala ai te punua āhini poa?”
34Na tali mai kilāua, “Ko te Aliki#19.34 Aliki pe te tino e a ia e fofou mai ki ei.” 35Kua kaumai e kilāua te punua āhini poa kia Iehu; ma kua uma te togi o nā kofutatao o kilāua ki luga o te punua āhini poa, oi na fakatiketike ai ki luga ia Iehu. 36Ka koi tiketike atu ia Iehu i luga o te āhini, ka kua fola e nā tino o lātou kofutatao ki luga o te auala.
37Kua tafapili atu ia Iehu ki Ieluhalema, ki te koga tonu e kāmata oi fakaifoifo ai ki lalo te auala mai te Mauga o Olive. Ko te kaifenua kātoa o tagata nae talitonu kia Iehu, kua fiafia lele ma viviki leo lahi ake ki te Atua, ona ko nā mea uiga kehe uma na kikila kilātou ki ei. 38“Ke fakamanuia e te Atua te tupu e hau i te igoa o te Aliki! Ke iei te fīlēmū i te lagi ma ke vīkia te Atua!” #Hal 118.26
39Oi na lea atu ai iētahi o te kau Falehaio nae i te kaifenua kia Iehu, “Te Faiākoga, fakatonu nā hoko o koe ke nahe piha!”
40Na tali atu ia Iehu, “E lea atu au kia te koutou, kāfai ka hē tautatala kilātou, ko nā fatu ka kāmata oi taukālalaga.”
Kua Tagi ia Iehu ona ko Ieluhalema
41Kua tafapili lele ia Iehu ki te kakai, ma i te ia kitea atuga o te kakai, oi na tagi ai i tona alofa ki ei, 42ma kua lea vē, “Māumau pe kana kē iloa i te aho nei, te mea e kē maua ai te fīlēmū! Kae nei kua mumuni ke nahe kitea e nā mata o koe! 43E hau te taimi e hiko fakatāmilo ai koe e nā fili o koe, ma poloka koe ki loto, ma ohofaki ai koe mai nā itū uma. 44Ka kilātou tuki momoia koe ki lalo; ko koe ma au fānau i loto i nā pa o koe; ka hēai he fatu e fokotahi e kilātou fakatotoea i luga o he tahi fatu, auā e hēki hāfia e koe te taimi na āhiahi mai ai te Atua, ke lāveaki koe!”
Kua Fano ia Iehu ki te Mālumalu
(Mat 21.12-17; Mlk 11.15-19; Ioa 2.13-22)
45Oi na fano ai ia Iehu ki loto o te Mālumalu, ma na kāmata ai oi tuli e ia ki fafo nā tino fakatau koloa nae i loto, 46ma na lea vē atu ai ia kia te kilātou, “E tūhia i nā Tuhituhiga Paia, ko te Atua na vāgana vē, ‘Ko toku Mālumalu ka takua he fale tatalo.’ Kae kua fai e koutou ma ana o tagata kaihohoa!” #Iha 56.7; Iel 7.11
47Nae akoako atu e Iehu ia tagata i te Mālumalu, i nā aho takitahi uma. Na fofou lele nā ohitāulaga pule, nā faiākoga o te Tūlāfono ma nā takitaki o tagata Iutaia, ke tāmate ia Iehu, #Luk 21.37 48kae na hēki kilātou maua he avanoa ona ko tagata uma lele nae fia fakalogologo pea lava kia Iehu ma hē fofou ke mihi e kilātou he kupu e fokotahi e tautala ai.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust