Ioane 8
8
1ka ko Iehu kua fano ki te Mauga o Olive. 2I te tāeaopōpō o te aho alafaki, na toe fano ai ia Iehu ki te Mālumalu. Kua ōmamai kia te ia nā tino uma lele, oi na nofo ai ki lalo ma kāmata kua akoako atu kia te kilātou. 3Ka koi tautala atu ia kae kua kaumai e nā faiākoga o te Tūlāfono ma te kau Falehaio, he fafine na maua e mulilua, ma na fakatū ai e kilātou te fafine i mua o te potopotoga kātoa. 4“Te Faiākoga,” na lea vē atu kilātou kia Iehu, “ko te fafine tēnei na maua atu e fai e ia te mulilua. 5E fakatonu mai e te Tūlāfono a Mohe, ko he fafine e ia faia he mea vēnei, e tatau ke fetogi i nā fatu ke mate. Heā tō manatu ki te mea tēnei?” #Lev 20.10; Teu 22.22-24 6Na lea vēnā kilātou ke māilei ai ia Iehu, ma ke kilātou mōlia ai ki te tūlāfono.
Kae na punou ifo ki lalo ia Iehu ma tuhituhi i tona muamuālima ki luga o te kelekele. 7Ka koi tūfehili vēnei atu kilātou kia Iehu, kae kua tū ake ia Iehu ki luga, ma lea vē atu kia te kilātou, “Ko ai lava he tino o koutou e hēai hana agahala, tuku la ke togi e ia te fatu muamua.” 8Oi na toe punou ai foki ki lalo ma tuhituhi ki luga o te kelekele. 9I te lagonaga e kilātou o te mea tēnei, oi na gāholo kehe uma ai kilātou tau toka tahi, muamua nā tino mātutua; ma na totoe ai nā ko Iehu fakatahi ai ma te fafine koi tū lava i kinā. 10Na tū hako ake ia Iehu ki luga, ma na lea vē atu ai ki te fafine, “Iēfea kō nā tino? Nī kō kua hēai he tino e totoe ke ia fakahalagia koe?”
11Na tali mai te fafine, “E hēai he tino, te Aliki.”
Oi na lea atu ai ia Iehu ki te fafine, “E hē kō fakahalagia foki koe. Fano loa, ia koe nahe toe agahala.”]#8.11 Ko nā tuhituhiga ma fakaliliuga kua leva e hē i loto ai nā fuaikupu 7.53—8.11; ko iētahi e hohoko ki te Ioa 21.24; ko iētahi e hohoko ki te Luk 21.38; e fokotahi te tuhituhiga e hohoko ki te Ioa 7.36
Ko Iehu te Mōlī o te Lalolagi
12Na toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko ai lava e mulimuli mai kia te au, ka hē havali lele ia i te pōuli, kae ka maua e ia te mālama e takitaki ai ia ki te ola moni.” #Mat 5.14; Ioa 9.5
13Oi na lea mai ai te kau Falehaio kia te ia, “Ko koe e molimau lava koe kia te koe; ko te mea e lea mai ai koe e hē fakamāonia.” #Ioa 5.31
14Na tali atu ia Iehu, “E tuha pe ko au e molimau lava au kia te au, ko taku takutinoga e moni, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei. 15E fakamahino e koutou i nā faiga faka-te-tagata, kae e hē kō fakamahinoa he tino. 16Kae kāfai foki e kō fakamahinoa, ko taku fakamahinoga e tonu, auā e hē kō faia tautahi; kae e fai e au fakatahi ma tē na ia uga maia au. 17E tūhia i tautou Tūlāfono, kāfai e toka lua ia tino e molimau, ko te mea e lea ai kilāua e hako. #Teu 19.15 18E molimau lava au kia te au, ma ko te Tamana na ia uga maia au, e molimau foki kia te au.”
19Oi na lea mai ai kilātou kia Iehu, “E i fea tō Tamana?”
“E hē koutou iloa au, pe ko toku Tamana,” na tali atu ai ia Iehu. “Moinei ake na koutou iloa au, kua koutou iloa foki toku Tamana.”
20Ko nā kupu iēnei na vāgana ai ia Iehu, ka koi akoako atu ai ia i loto o te Mālumalu, i te potu nae iei ai nā puha nae tuku ki loto nā tāulaga tupe ma nā meālofa a tagata. Kae e hēai lele he tino na ia pukea ia, auā ko tona taimi ko hēki pa mai.
E hē Koutou Mafaia oi Olo ki te Mea e Fano Au ki Ei
21Ma na toe vāgana atu ai ia Iehu kia te kilātou, “Ko au ka fano kehe; ka hakili au e koutou, kae ko koutou ka feoti i autou agahala. E hē koutou mafaia oi olo ki te mea e fano au ki ei.”
22Oi na lea vē ai nā takitaki Iutaia, “E lea mai ko kitātou e hē mafai ke olo ki te mea e fano ia ki ei. Ko tona uiga nei ka fano oi pule ki tona ola?”
23Na tali atu ia Iehu, “Ko koutou e o lalo nei, kae ko au e mai lugā. Ko koutou e ōmamai i te lalolagi, kae ko au e hē hau mai te lalolagi. 24Ko te mea ia na lea atu ai au, ko koutou ka feoti i autou agahala. Ma ka feoti koutou i autou agahala kāfai koutou e hē talitonu ‘Ko Au Ko Au Lava Au.’ ”#8.24 Ko Au Ko Au Lava Au Mo tagata Iutaia, ko te igoa o te Atua nae hili te paia, ko Yhwh e fakaleo Yahweh, e mafai ke fakaliliu vēia Ko Au. I te Evagelia a Ioane, ko te Ko Au, e fakaaogā e Iehu i iētahi taimi, ke fakailoa ai ko ia te fakatatau ki ei te fakakupuga tēnei. Kikila ki te Eho 3.13-15
25“Ko ai koe?” na fehili vēnā atu kilātou kia te ia.
Na tali mai ia Iehu, “Ko tēnā lava na lea atu ai au i te kāmataga. 26E lahi lele nā mea e tatau ke tautala ai au e uiga kia te koutou, e lahi nā mea e fakahala ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o tēnei lalolagi, nā mea na kō lagona mai ia te ia.”
27Na hēki mālamalama kilātou ko Iehu nae tautala ake kia te kilātou e uiga ki te Tamana i te lagi. 28Oi na vāgana atu ai ia Iehu kia te kilātou, “Kāfai e koutou hiki akea te Ataliki o te Tagata,#8.28 Kāfai e koutou hiki akea te Ataliki o te Tagata Ko te fakakupuga tēnei e fakatatau ki te fakahātauloga o Iehu ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana. 29Ma ko tē na ia uga maia au, e fakatahi ma au; e hēki ia tukuagia au tautahi, auā e kō faia pea lava nā mea e fiafia ai ia.”
30E tokalahi nā tino na fakalogo kinā mea iēnei nae tautala ai ia Iehu, ma na talitonu ai kilātou kia te ia.
Ko te Meamoni e Maua ai e Koutou te Haolotoga
31Oi na vāgana atu ai ia Iehu ki nā tino Iutaia kua talitonu kia te ia, kua vē atu, “Kāfai koutou e uhitaki ki aku akoakoga, ko koutou ni hoko moni e o oku; 32ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”
33“Ko kimātou ko nā lāpuna o Apelaamo,” na tali mai ai kilātou, “ma e hēki faia lele kimātou ma pologa a he tino. Heā la te lea ai koe vē, ‘Ka maua e koutou te haolotoga’?” #Mat 3.9; Luk 3.8
34Oi na vāgana atu ai ia Iehu kia te kilātou, “E takutino atu e au kia te koutou te meamoni: ho he tino e agahala, ko he pologa tēnā e a te agahala. 35Ko te pologa e hē he tino tūmau o he kāiga, ka ko te ataliki ko he tino e tūmau pea lava i te kāiga. 36Kāfai la kua fakahaoloto koutou e te Ataliki, oi ko koutou kua haoloto moni lava. 37E iloa e au ko koutou ni lāpuna e o Apelaamo. Kae ko koutou e taumafai ke tāmate au, auā e hē koutou taliagia taku akoakoga. 38Ko au e tautala i nā mea kua fakahino mai e toku Tamana kia te au, e vē lava ona koutou faia nā mea e lea atu ai te koutou tamana#8.38 koutou tamana pe tamana kia te koutou.”
39Na tali mai kilātou, “Ko te tamana o kimātou ko Apelaamo.”
“Ānei ake koutou ni fānau moni e a Apelaamo,” na tali atu ai ia Iehu, “e koutou faia te mea na fai e Apelaamo. 40Oioti lava te mea kua fai e au, ko te fakailoa atuga kia te koutou o te meamoni kua fakahino mai e te Atua kia te au, kae kua taumafai koutou oi tāmate au. E hēki faia e Apelaamo he mea vēnā! 41E fai lava e koutou te mea na fai e te koutou tamana.”
Kua leamai kilātou kia te ia, “Ko kimātou e hē ni tamapō; ko te Atua lava ia, ko to mātou Tamana.”
42Oi na lea atu ai ia Iehu kia te kilātou, “Kāfai e moni ko te Atua ko te koutou Tamana, e tatau la koutou ke alolofa mai kia te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia. 43Heā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu. 44Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma. 45Kae ko au e tautala lava i te meamoni, ma ko te mea ia e hē talitonu mai ai koutou kia te au. 46E iei nei he tino o koutou e ia mafaia oi fakamāonia kua kō faia he agahala? Kāfai au e tautala i te meamoni, heā la te hē talitonu mai ai koutou kia te au? 47Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”
Ko Iehu ma Apelaamo
48Na tali atu nā tino Iutaia kia Iehu, “Aiheā e vē lele e hehē te mea e lea ai kimātou, ko koe ko he Hamalia#8.48 Kikila ki te 4.9 ma e ulufia e he tēmoni?”
49“Ko au e hē ulufia e he tēmoni,” na tali vēnā atu ia Iehu. “E fai e au nā mea e vīkia ai toku Tamana, kae e koutou faia nā tala fakakino kia te au. 50E hē kō hakilia ni vīkiga mo oku. Kae e iei te tino e hakili ki ei, ma ko ia tēnā te faia te fakamahinoga. 51E takutino atu e au kia te koutou te meamoni: ko ai lava e uhitaki ki aku akoakoga ka hē oti lele.”
52Na lea vē atu ai kilātou kia te ia, “Kua kimātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele. 53Ka maualuga la koe i lo to mātou tamana ko Apelaamo na oti? Ko nā pelofeta foki na feoti. Ko ai lava koe?”
54Na tali mai ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana—ko ia tēnā e lea koutou ko te koutou Atua. 55E hēki koutou iloa lele ia, kae e iloa e au. Kāfai au e lea atu e hē kō iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu. 56Ko Apelaamo te tamana o koutou, na fiafia ona na tuku e kikila ki te taimi e haele mai ai au; na kikila ki ei ma na fiafia lahi ai.”
57Ma na lea vē atu ai kilātou kia te ia, “Ko hēki kātoa hō lima hefulu tauhaga—ka kua kē kitea ia Apelaamo?”#8.57 ka kua kē kitea ia Apelaamo ko iētahi tuhituhiga e lea mai ka kua kitea koe e Apelaamo?
58Kua tali mai ia Iehu, “E takutino atu e au kia te koutou te meamoni, ka ko hēki fānau mai ia Apelaamo, ka kua iei ia Ko Au Ko Au Lava Au.”#8.58 Ko Au Ko Au Lava Au kikila ki te 8.24
59Oi papae atu ai kilātou ki nā fatu ka fetogi ia Iehu, kae kua fakalafi ia Iehu mai ia te kilātou, ma na fano kehe ai mai te Mālumalu.
Právě zvoleno:
Ioane 8: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
Ioane 8
8
1ka ko Iehu kua fano ki te Mauga o Olive. 2I te tāeaopōpō o te aho alafaki, na toe fano ai ia Iehu ki te Mālumalu. Kua ōmamai kia te ia nā tino uma lele, oi na nofo ai ki lalo ma kāmata kua akoako atu kia te kilātou. 3Ka koi tautala atu ia kae kua kaumai e nā faiākoga o te Tūlāfono ma te kau Falehaio, he fafine na maua e mulilua, ma na fakatū ai e kilātou te fafine i mua o te potopotoga kātoa. 4“Te Faiākoga,” na lea vē atu kilātou kia Iehu, “ko te fafine tēnei na maua atu e fai e ia te mulilua. 5E fakatonu mai e te Tūlāfono a Mohe, ko he fafine e ia faia he mea vēnei, e tatau ke fetogi i nā fatu ke mate. Heā tō manatu ki te mea tēnei?” #Lev 20.10; Teu 22.22-24 6Na lea vēnā kilātou ke māilei ai ia Iehu, ma ke kilātou mōlia ai ki te tūlāfono.
Kae na punou ifo ki lalo ia Iehu ma tuhituhi i tona muamuālima ki luga o te kelekele. 7Ka koi tūfehili vēnei atu kilātou kia Iehu, kae kua tū ake ia Iehu ki luga, ma lea vē atu kia te kilātou, “Ko ai lava he tino o koutou e hēai hana agahala, tuku la ke togi e ia te fatu muamua.” 8Oi na toe punou ai foki ki lalo ma tuhituhi ki luga o te kelekele. 9I te lagonaga e kilātou o te mea tēnei, oi na gāholo kehe uma ai kilātou tau toka tahi, muamua nā tino mātutua; ma na totoe ai nā ko Iehu fakatahi ai ma te fafine koi tū lava i kinā. 10Na tū hako ake ia Iehu ki luga, ma na lea vē atu ai ki te fafine, “Iēfea kō nā tino? Nī kō kua hēai he tino e totoe ke ia fakahalagia koe?”
11Na tali mai te fafine, “E hēai he tino, te Aliki.”
Oi na lea atu ai ia Iehu ki te fafine, “E hē kō fakahalagia foki koe. Fano loa, ia koe nahe toe agahala.”]#8.11 Ko nā tuhituhiga ma fakaliliuga kua leva e hē i loto ai nā fuaikupu 7.53—8.11; ko iētahi e hohoko ki te Ioa 21.24; ko iētahi e hohoko ki te Luk 21.38; e fokotahi te tuhituhiga e hohoko ki te Ioa 7.36
Ko Iehu te Mōlī o te Lalolagi
12Na toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko ai lava e mulimuli mai kia te au, ka hē havali lele ia i te pōuli, kae ka maua e ia te mālama e takitaki ai ia ki te ola moni.” #Mat 5.14; Ioa 9.5
13Oi na lea mai ai te kau Falehaio kia te ia, “Ko koe e molimau lava koe kia te koe; ko te mea e lea mai ai koe e hē fakamāonia.” #Ioa 5.31
14Na tali atu ia Iehu, “E tuha pe ko au e molimau lava au kia te au, ko taku takutinoga e moni, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei. 15E fakamahino e koutou i nā faiga faka-te-tagata, kae e hē kō fakamahinoa he tino. 16Kae kāfai foki e kō fakamahinoa, ko taku fakamahinoga e tonu, auā e hē kō faia tautahi; kae e fai e au fakatahi ma tē na ia uga maia au. 17E tūhia i tautou Tūlāfono, kāfai e toka lua ia tino e molimau, ko te mea e lea ai kilāua e hako. #Teu 19.15 18E molimau lava au kia te au, ma ko te Tamana na ia uga maia au, e molimau foki kia te au.”
19Oi na lea mai ai kilātou kia Iehu, “E i fea tō Tamana?”
“E hē koutou iloa au, pe ko toku Tamana,” na tali atu ai ia Iehu. “Moinei ake na koutou iloa au, kua koutou iloa foki toku Tamana.”
20Ko nā kupu iēnei na vāgana ai ia Iehu, ka koi akoako atu ai ia i loto o te Mālumalu, i te potu nae iei ai nā puha nae tuku ki loto nā tāulaga tupe ma nā meālofa a tagata. Kae e hēai lele he tino na ia pukea ia, auā ko tona taimi ko hēki pa mai.
E hē Koutou Mafaia oi Olo ki te Mea e Fano Au ki Ei
21Ma na toe vāgana atu ai ia Iehu kia te kilātou, “Ko au ka fano kehe; ka hakili au e koutou, kae ko koutou ka feoti i autou agahala. E hē koutou mafaia oi olo ki te mea e fano au ki ei.”
22Oi na lea vē ai nā takitaki Iutaia, “E lea mai ko kitātou e hē mafai ke olo ki te mea e fano ia ki ei. Ko tona uiga nei ka fano oi pule ki tona ola?”
23Na tali atu ia Iehu, “Ko koutou e o lalo nei, kae ko au e mai lugā. Ko koutou e ōmamai i te lalolagi, kae ko au e hē hau mai te lalolagi. 24Ko te mea ia na lea atu ai au, ko koutou ka feoti i autou agahala. Ma ka feoti koutou i autou agahala kāfai koutou e hē talitonu ‘Ko Au Ko Au Lava Au.’ ”#8.24 Ko Au Ko Au Lava Au Mo tagata Iutaia, ko te igoa o te Atua nae hili te paia, ko Yhwh e fakaleo Yahweh, e mafai ke fakaliliu vēia Ko Au. I te Evagelia a Ioane, ko te Ko Au, e fakaaogā e Iehu i iētahi taimi, ke fakailoa ai ko ia te fakatatau ki ei te fakakupuga tēnei. Kikila ki te Eho 3.13-15
25“Ko ai koe?” na fehili vēnā atu kilātou kia te ia.
Na tali mai ia Iehu, “Ko tēnā lava na lea atu ai au i te kāmataga. 26E lahi lele nā mea e tatau ke tautala ai au e uiga kia te koutou, e lahi nā mea e fakahala ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o tēnei lalolagi, nā mea na kō lagona mai ia te ia.”
27Na hēki mālamalama kilātou ko Iehu nae tautala ake kia te kilātou e uiga ki te Tamana i te lagi. 28Oi na vāgana atu ai ia Iehu kia te kilātou, “Kāfai e koutou hiki akea te Ataliki o te Tagata,#8.28 Kāfai e koutou hiki akea te Ataliki o te Tagata Ko te fakakupuga tēnei e fakatatau ki te fakahātauloga o Iehu ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana. 29Ma ko tē na ia uga maia au, e fakatahi ma au; e hēki ia tukuagia au tautahi, auā e kō faia pea lava nā mea e fiafia ai ia.”
30E tokalahi nā tino na fakalogo kinā mea iēnei nae tautala ai ia Iehu, ma na talitonu ai kilātou kia te ia.
Ko te Meamoni e Maua ai e Koutou te Haolotoga
31Oi na vāgana atu ai ia Iehu ki nā tino Iutaia kua talitonu kia te ia, kua vē atu, “Kāfai koutou e uhitaki ki aku akoakoga, ko koutou ni hoko moni e o oku; 32ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”
33“Ko kimātou ko nā lāpuna o Apelaamo,” na tali mai ai kilātou, “ma e hēki faia lele kimātou ma pologa a he tino. Heā la te lea ai koe vē, ‘Ka maua e koutou te haolotoga’?” #Mat 3.9; Luk 3.8
34Oi na vāgana atu ai ia Iehu kia te kilātou, “E takutino atu e au kia te koutou te meamoni: ho he tino e agahala, ko he pologa tēnā e a te agahala. 35Ko te pologa e hē he tino tūmau o he kāiga, ka ko te ataliki ko he tino e tūmau pea lava i te kāiga. 36Kāfai la kua fakahaoloto koutou e te Ataliki, oi ko koutou kua haoloto moni lava. 37E iloa e au ko koutou ni lāpuna e o Apelaamo. Kae ko koutou e taumafai ke tāmate au, auā e hē koutou taliagia taku akoakoga. 38Ko au e tautala i nā mea kua fakahino mai e toku Tamana kia te au, e vē lava ona koutou faia nā mea e lea atu ai te koutou tamana#8.38 koutou tamana pe tamana kia te koutou.”
39Na tali mai kilātou, “Ko te tamana o kimātou ko Apelaamo.”
“Ānei ake koutou ni fānau moni e a Apelaamo,” na tali atu ai ia Iehu, “e koutou faia te mea na fai e Apelaamo. 40Oioti lava te mea kua fai e au, ko te fakailoa atuga kia te koutou o te meamoni kua fakahino mai e te Atua kia te au, kae kua taumafai koutou oi tāmate au. E hēki faia e Apelaamo he mea vēnā! 41E fai lava e koutou te mea na fai e te koutou tamana.”
Kua leamai kilātou kia te ia, “Ko kimātou e hē ni tamapō; ko te Atua lava ia, ko to mātou Tamana.”
42Oi na lea atu ai ia Iehu kia te kilātou, “Kāfai e moni ko te Atua ko te koutou Tamana, e tatau la koutou ke alolofa mai kia te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia. 43Heā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu. 44Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma. 45Kae ko au e tautala lava i te meamoni, ma ko te mea ia e hē talitonu mai ai koutou kia te au. 46E iei nei he tino o koutou e ia mafaia oi fakamāonia kua kō faia he agahala? Kāfai au e tautala i te meamoni, heā la te hē talitonu mai ai koutou kia te au? 47Ko te tino e hau mai te Atua, e fakalogo ki te kupu a te Atua. Kae ko koutou e hē mai te Atua, ma ko te mea ia e hē fakalogo ai koutou ki te Atua.”
Ko Iehu ma Apelaamo
48Na tali atu nā tino Iutaia kia Iehu, “Aiheā e vē lele e hehē te mea e lea ai kimātou, ko koe ko he Hamalia#8.48 Kikila ki te 4.9 ma e ulufia e he tēmoni?”
49“Ko au e hē ulufia e he tēmoni,” na tali vēnā atu ia Iehu. “E fai e au nā mea e vīkia ai toku Tamana, kae e koutou faia nā tala fakakino kia te au. 50E hē kō hakilia ni vīkiga mo oku. Kae e iei te tino e hakili ki ei, ma ko ia tēnā te faia te fakamahinoga. 51E takutino atu e au kia te koutou te meamoni: ko ai lava e uhitaki ki aku akoakoga ka hē oti lele.”
52Na lea vē atu ai kilātou kia te ia, “Kua kimātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele. 53Ka maualuga la koe i lo to mātou tamana ko Apelaamo na oti? Ko nā pelofeta foki na feoti. Ko ai lava koe?”
54Na tali mai ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana—ko ia tēnā e lea koutou ko te koutou Atua. 55E hēki koutou iloa lele ia, kae e iloa e au. Kāfai au e lea atu e hē kō iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu. 56Ko Apelaamo te tamana o koutou, na fiafia ona na tuku e kikila ki te taimi e haele mai ai au; na kikila ki ei ma na fiafia lahi ai.”
57Ma na lea vē atu ai kilātou kia te ia, “Ko hēki kātoa hō lima hefulu tauhaga—ka kua kē kitea ia Apelaamo?”#8.57 ka kua kē kitea ia Apelaamo ko iētahi tuhituhiga e lea mai ka kua kitea koe e Apelaamo?
58Kua tali mai ia Iehu, “E takutino atu e au kia te koutou te meamoni, ka ko hēki fānau mai ia Apelaamo, ka kua iei ia Ko Au Ko Au Lava Au.”#8.58 Ko Au Ko Au Lava Au kikila ki te 8.24
59Oi papae atu ai kilātou ki nā fatu ka fetogi ia Iehu, kae kua fakalafi ia Iehu mai ia te kilātou, ma na fano kehe ai mai te Mālumalu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust