Nikumoona 116
116
Nikumoon CXVI.
1Ne sakehaw ka Tipāye̔chekāt: weya ā ke̔ pā̔tu̔k net ayumewin mena net ayumehawin;
2Ā ke̔ nutoo̔towit oo̔’ towukuy o̔che: āwuko o̔che ne ga mowimoostowaw eyekoo̔k kā pimatisseyan.
3Oo nukwakuna nippoowin ne ke̔ waskaskakoowan missewā: mena muche iskootāo wesukāye̔tumoowin ne ke̔ otee̔tinikoon.
4Ne ke̔ miskān ayimissewin mena koosikwamu̔chehoowin, ākose ne ke̔ mowimoostumwan oo We̔yoowin ka Tipāye̔chekāt: O Tāpāye̔chekāyun, ke pukoosāyimitin, kitta pimachehut net a̔cha̔k.
5Kissāwatisseew ka Tipāye̔chekāt, mena kwiusk itatissew: tapwā, ke Munetoomenow kissāwatisseew.
6Ka Tipāye̔chekāt kunowāyimāo ookitimakissewa: nunā̔katāyimoowini̔k ā ke̔ ayawuk, ākose ne ke̔ wechehik.
7Mena kee̔twam nata ket uywāpewin, O net a̔cha̔k: weya ka Tipāye̔chekāt ā ke̔ ke̔che meyo totask.
8Kākwi o̔che? ā ke̔ pimachehut net a̔cha̔k nippoowini̔k o̔che: ne’ skesikwa matoowin o̔che, mena ne’ sita āka kitta pu̔kissineyan.
9Ne ga pimoo̔tan oot astumewini̔k ka Tipāye̔chekāt: uskee̔k itta ka pimatissee̔k.
10Ne ke̔ tapwā̔tān, āwuko o̔che ne ga ayumin; maka ne ke̔ a̔ko mikooskachehikoon: omisse ne ke̔ itwan kāsiskow, Ka̔keyow ayiseyinewuk kukeyaskiskewuk.
11Kāko tipa̔humakāwin kā ke̔ meeyuk ka Tipāye̔chekāt: ka̔keyow aputchehewāwina o̔che ka ke̔ meeyit?
12Ne ga o̔tinān oo pimachehewāwin: mena ne ga mowimoostumwan oo We̔yoowin ka Tipāye̔chekāt.
13Ne ga tipa̔hān ākwa ā ke̔ ke̔che itwāyan ā wapumitchik ka̔keyow oot ayiseyineema: naspitch ke̔che itāye̔tum Tāpāye̔chekāt ā nippeyit oo kunachehooma.
14Kunowapu̔ta, O Tāpāye̔chekāyun, ā isse utooskāstatan: ket utooskāstatin, mena ket utooskāyakuniskwām ā ookaweyan; ke ke̔ peekoonān ne muma̔chikwa̔pisoowina.
15Ke ga meeyitin nunaskoomoowin: mena ne ga mowimoostān oo We̔yoowin Tāpāye̔chekāt.
16Ne ga tipetotān ka ke̔ ke̔che ituk ka Tipāye̔chekāt, ā wapumeyit ka̔keyow oot eyineema: pee̔che w’ eekee̔k ka Tipāye̔chekāt, keya mākwach itta, O Jerusalem. Mume̔chimee̔k ka Tipāye̔chekāt.
Právě zvoleno:
Nikumoona 116: CSW
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the British and Foreign Bible Society 1876-1877.