Nikumoona 102
102
Nikumoon CII.
1Nutoo̔ta net ayumehawin, O Tāpāye̔chekāyun: mena keyam ne mowimoo̔kāwin ke ga otee̔tikoon.
2Ākaweya katwowin ke’ skesik mākwach ayimissewin āyayane: k’ e̔towukuy o̔che nutoo̔towin ā mowimoo̔kāyan; O nutoo̔towin, ākose weputch.
3Weya ne kesikama ā māstinuman tapiskooch pustāo: mena ne’ skuna māsti̔tāwa tapiskooch iskwaskisāo.
4Ne’ tā̔ nee̔chewāpahikatāo, mena nippoowe̔tin tapiskooch muskooseä: peyis ne wunekiskissin kitta moowuk ne pu̔kwāsikunim.
5Ā ispee̔che mistahā mamatwāyan: ne’ skuna ukawach ukoo̔kāwa ne weyasi̔k.
6Tapiskooch cha̔chakew net isse ayan pukwutuskee̔k: mena tapiskooch oohoomissew pukwuchayi̔k ka ayat.
7Ne ke̔ pāhoon, mena ne nuspitowaw oomeechuskoosees: ka pāukwuppit tu̔koo̔ch waskahikuni̔k.
8Ka pukwasitchik ne muche itikwuk ka̔kupākesik: mena unekee ka nayā̔tawāyimitchik ke̔ ke̔che itwāwuk mamowe neya ā issitchik.
9Weya ā ke̔ mecheyan pee̔kotāo tapiskooch pu̔kwāsikun: mena matoowapoë o̔che ā ke̔ soo̔kistetayan ne mini̔kwāwin.
10Ke kissewasewin āwuko o̔che: weya ā ke̔ oo̔pineyun, ākose ā nee̔chewāpineyun.
11Ne kesikama mā̔che numma tukwunwa tapiskooch ā chikastāsini̔k: mena ne mā̔che numma e̔tan tapiskooch muskoose.
12Maka, keya, O Tāpāye̔chekāyun, ke ga kakekā e̔tan: mena ke ga kiskissetotakowin eyekoo̔k kā aniskā ne̔tawekehitoot ayiseyinew.
13Ke ga pussikoon, kitta kissāwatotowut Sion: weya ākwa ā ooche̔chepuyik itta kitta kissāwatotowut, tapwā, assi ooche̔chepuyew.
14Tanā̔kā maka? ket utooskāyakunuk mamitoonāye̔tumwuk ā nissewunatu̔k: ākose kitimakinumwuk ā wapu̔tu̔kik usikee̔k ā ayayik.
15Āka ka ayumehatchik kitta koosikwāye̔tumwuk ke We̔yoowin, O Tāpāye̔chekāyun: mena ka̔keyow ke̔che ookemawuk uskee̔k ke ke̔che Ayewewin;
16Ispe ka Tipāye̔chekāt ose̔tatche Sion: mena ispe oo kistāye̔takoosewin nookoo̔tatche;
17Ispe nutoo̔towatche ookitimakissewa ā ayumehayit: mena āka anwā̔towatche.
18Āwukoma kitta mussina̔hikatāo unekee mwāstus kā e̔tatchik kitta ayatchik: mena ayiseyinewuk kāyapitch kā ne̔tawekitchik kitta mume̔chimāwuk ka Tipāye̔chekāyit.
19Weya ā ke̔ nase kunowapit oot e̔tawini̔k o̔che: kesikoo̔k o̔che ka Tipāye̔chekāt ke̔ kunowapu̔tum uske;
20Kitta nutoo̔towat ā nunā̔kachimooyit ka kipa̔hoomee̔t: mena kitta natumowat owasisa nippoowini̔k ā itukimimee̔t;
21Kitta we̔tumakātchik oo We̔yoowineyew ka Tipāye̔chekāyit Sioni̔k: mena oo putuppeestakoowin Jerusalemi̔k.
22Ispe ayiseyinewuk mawutchehitootwawe: mena otānowa ussitche, kitta utooskowatchik ka Tipāye̔chekāyit.
23Ke̔ nee̔tinum ne muskowisseewin mākwach ā pimepitchewuk: mena ke̔ chime̔chasew ne kesikama.
24Maka ne ke̔ itwan, O ne Munetoom, ākaweya otinin mākwach ā pimatisseyan: maka weya keya ket uskeewina, kitta ayawa eyekoo̔k kā aniskā ne̔tawekehitoot ayiseyinew.
25Keya, Tāpāye̔chekāyun, mawutche nistum ke ke̔ ooyustan uske: mena kesikwa keya ka ose̔tayun.
26Kitta nissewunatunwa, maka keya ke ga e̔tan: ka̔keyow kitta kissāyinewewuk tapiskooch ayoowinis ā kuyasānikwu̔k;
27Mena tapiskooch weya̔chekun ke ga isse kwāskinawuk, ākose kitta kwāskinikasoowuk: maka keya pāukwunoo̔k ket isse ayan, mena ket uskeewina numma we̔kach kitta mā̔chepuyewa.
28Oot owasimisewawa ket utooskāyakunuk kitta e̔tawuk: mena oot owasimisewawa ke ga ayeechehimawa.
Právě zvoleno:
Nikumoona 102: CSW
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the British and Foreign Bible Society 1876-1877.