OO MEYO ACHIMOOWIN ST MATTHEW 4
4
PISKE̔TUSSINA̔HIKUN IV.
1Ākose Jesus ka itoo̔tahikoot A̔cha̔kwa pukwutuskee̔k kitta kootāyimikoot Muche A̔cha̔kwa. 2Ākose āka kākwi ka mechit naömetunow kesikaw mena naömetunow tipiskaw, peyis we̔ mechesoo. 3Ākose oo kootāyimewāwa pā otee̔tik, omisse itik, Keespin ke Muneto oo Koosisanewin, itussoowasik okoo ussineeük kitta pu̔kwāsekunewitchik. 4Maka nuskwāwusehāo omisse itāo, Mussina̔hikatāo, Ayiseyinew āka piko nayāstow pu̔kwasekuna kitta o̔che pimatissit; maka ka itu̔tineyik oot ayumewina o̔che mooskinu̔k oo tooni̔k Muneto. 5Ākose Muche A̔cha̔k itoo̔tahāo ka Kunatuneyik Ke̔che Waskahikun, ākose tā̔ta̔yāo tu̔kooch itta ā ispayik Ke̔che Ayumchāwekumikoo̔k, 6Mena omisse itāo, Keespin ke Muneto oo Koosisanewin, kwaskoo̔te; weya ā itussinahikatāk, Kitta kunoomāo oo ke̔che oot utooskāyakuna keya o̔che: ākose oo chee̔cheewa̔k ke ga tu̔koonikwuk, āka kitta pukume̔tetayun ke’ sit ussinee̔k. 7Jesus omisse itāo, Omisse itussina̔hikatāo mena, Numoweya ke ga kootāyimaw ka Tipāye̔chekāt ke Munetoom. 8Mena Muche A̔cha̔k itoo̔tahāo ā mawutche ispamutinayik wutchee, ā wapu̔teyat ka̔keyow otānowa uskee̔k, mena ā isse kistāye̔takwuneyikee; 9Omisse itāo, Ka̔keyow ohoo ke ga meeyitin, keespin otee̔tuppeestoweyune mena putuppeestoweyune. 10Ākose Jesus itāo, Owusittā, Muche A̔cha̔k: omisse oma itussina̔hikatāo, Ke ga putuppeestowaw ka Tipāye̔chekāt ke Munetoom, mena weya piko ke ga tipetotowaw. 11Ākose Muche A̔cha̔kwa nukutik, maka ākose ke̔che utooskāyakuna ke̔ otee̔tik mena oocheestumak.
12Ispe eyekoo̔k Jesus ka pā̔tu̔k John ā kipahoo̔t, Galilee̔k isse sipwā̔tāo; 13Mena nākutu̔k Nazareth, pā itoo̔tāo mena ayaw Capernaumi̔k, sisooch wenepākoo̔k, kacheche Zabulon mena Nephthalim: 14Kitta tipepuyeyik ā ke̔ itwāt ookiskewāhikāo Esaias, omisse, 15Oot uskeewa̔k Zabulon, mena oot uskeewa̔k Nephthalim, wenepākoo̔k itā̔kā, ukami̔k Jordan, Galilee ayu̔ch eyinew uske; 16Ayiseyinewuk wunetipiska̔k ka uppitchik wapu̔tumwuk ke̔che wastāo: mena unekee ka uppitchik otānowini̔k itta ā chikastāskakootchik nippoowin wastāo kāta̔towā otee̔tikwuk.
17Ākospe Jesus ka o̔che kukāskimawusoot, omisse ā itwāt, Kwāskatissik: weya ke̔che kesikoowe otānowewin kissewak ā e̔tukwu̔k.
18Ākose Jesus, ā pimoo̔tāt sisooch wenepāko̔ok Galilee, wapumāo nesoo ā oo’ chewami̔tooyit, Simon Peter ā issini̔kasoot, mena Andrew oo chewama, pukita̔watchik wenepākoo̔k: weya ā oopukita̔wawitchik. 19Omisse itāo, Pimitissahook, ākose ke ga issehitinawaw kitta ootahumakooyāk ayiseyinew. 20Ākose sāmak nākutatchik oot a̔yupeewawa, ā pimitissawatchik. 21Ākose mena ā utte itoo̔tāt, wapumāo kotuka nesoo ā oo chewami̔tooyit, James Zebedee oo koosisa, mena John oo chewama, chemani̔k ā chematchik o̔tawewawa Zebedee, ā meesa̔watchik oot a̔yupeewawa; ākose nutoomāo. 22Ākose keyepe nākutu̔kik cheman mena o̔tawewawa, ā pimitissa̔watchik.
23Ākose Jesus ke̔ a itoo̔tāo missewā Galilee, ā kiskino̔humakāt Ayumehāwekumikoo̔k, mena ā we̔tumakāt meyo achimoowin kesikoowe otānowewin, ā pimache̔tat nunatoo̔k a̔koosewina mena ka̔keyow nuna̔kow ā itaspināyit ayiseyinewa. 24Pā̔takwuneyew missewā Syria; ākose pātoowāwuk ka̔keyow ā a̔kooseyit eyinewa nunatoo̔k ā itaspināyit mena ā ituma̔chehooyit, mena unehec ka pee̔teskakooyit muche a̔cha̔kwa, mena unehee ka itaspināyit tu̔to pesimo, mena unehee ka nunumaspinātchik; ākose pimachehāo. 25Mena pimitissahook ookistukāwe ayiseyinewa Galilee o̔che, mena Decapolis, mena Jerusalem, mena Judea, mena ukami̔k Jordan.
Právě zvoleno:
OO MEYO ACHIMOOWIN ST MATTHEW 4: CSW
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the British and Foreign Bible Society 1876-1877.
