मर्कुस छाप्लाखाओ अ़सिन्खा
छाप्लाखाओ अ़सिन्खा
मर्कुस्आ ओ नुय़ङ्खान, “निनाम्हाङ्ओ अ़चुछा येसु ख्रिस्तओ अ़चुतुक्वादाओ नुय़ङ्खान”निकिना पुङ्सुयुङ्सु। ओदा येसुओ अ़चुकाचि खोन्कि अ़चुपाङ्ओ अ़चुतुक्वादा छाप्तुयुङ्सु। खोक्को पाङ्कातोक म़मुयाङ्निओ य़ङ खोक्कोसोओ अ़चुकाचिदाङ्का दात। खोक्कोसाआ म़चिन्तुङुचिहिदा, चाकावालावाचि म़लोइसुङुचिहिदा, म़नाचिओ अ़चुहेवाचि म़लेत्तुङुचिहिदा, येसुआ अ़चुह़ङ्म़ङ्छाङ प़सि काता “अ़ङ्का म़नाओ अ़छा”निछाङ म़लोचि।
मर्कुस्आ ओदा येसुओ अ़चुयायोक खोन्कि अ़चुचिन्माय़ङ्दाङ्का च़लोक खोक्कोसाआ अ़मुवाओ काचि छाप्तुयुङ्सु। मर्कुस्आ बप्तिस्मा काप़ युहन्ना, येसुओ अ़चुबप्तिस्मा खोन्कि खोक्कोसोओ अ़चुचिन्माखाङ्माओ अ़तुक्वादा थुत्मेत्लो अ़सिन्खा खालुसुयुङ्सु। खोन्किना येसुआ अ़मुवाओ नुमाकाचि खोन्कि म़चिन्तुचिओ अ़तुक्वादा खोसाआ छाप्तुयुङ्सु। ग़रि दुन्याङ्सा खाराङाहिदा खोक्कोसोओ अ़चुकाखेङ्पाचिआ खोक्को अ़क्चित नुलोक तुप्मा अ़पुङ्सा। मेन खोक्कोसोओ अ़चुङेङ्चि च़लोक अ़चुदेङ्सालाप्पादा म़पुवालोन्ता। ओ छाप्लाखाओ अ़देङ्या येसु ओ हेन्खामादा म़युङाङाहिदा आदेङ्ओदु खोक्को क्रुस्दा म़सुवाओ खोन्कि म़लासाखोन्तालोन्ताओसो अ़तुक्वादा छाप्याङ।
थुत्मेत्लो अ़तुक्वा ऩङ
नुय़ङ्खान्ओ अ़पुङ्माय़ङ १:१-१३
येसुआ गालिल्दा अ़मुवाओ काचि १:१४–९:५०
गालिल्दाङ्का यरुसलेम्तारि १०:१-५२
यरुसलेम्दा अ़क़प्ताओ आदेङ्ओ साता ११:१–१५:४७
येसु म़सुवादाओदाङ्का म़लासाखोन्तालोन्ताओ १६:१-८
म़लासाखोन्तालोन्ताकि हाङ्पा खाङ्म़मुसान्चिन्ओ खोन्कि निनाम्मादुत्नि म़खाराओ १६:९-२०
Právě zvoleno:
मर्कुस छाप्लाखाओ अ़सिन्खा: bap
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© Wycliffe Bible Translators, Inc. All rights reserved.