Apositili 11
11
1Neke baho nav-Apositili navańa-ṅolo, avali monda na mu-Judaja, neke navo vapulikage ukuta nava-pivala navo valyanukye ilidzwi lya Nguluvi.
2Neke lino u-Petele avye inukye mu-Jelusaleme, neke vamuhigage avasinge 10, 45.
3neke vatigilage: uveve humbe vwingye muńumba ja vandzila-kusingwa, uhangile na pakulya ifilyo? Gal. 2, 12.
4Neke baho umwene Petele neke avavulanidzage dzonda, mwe dzafudi-ńanye, neke atigilage:
5unene ndikali mukâja mu-Jope, ndikali mukulapangila, neke baho ndikivonage ikilole muvugonelamutwe neke mbonage ikihava kihuma kukyâńa kili ngita mwênda umukomi, vakolelye mumbeto dze dzitaji, visulunusa, kyadze kifike ukwangu. 10, 9-48.
6Neke baho ndimehage neke ndifikagulage ifyali mumo neke ndifivonage nifigendela amagulu gataji ifya pa-ńi pano nifihambuka nififyokońa pasi namadege aga kukyâńa.
7Neke baho ndipulikage ilidzwi likundongela litigila: vwimage, ve Petele, uhindzage ulidzage.
8Neke baho unene nditigilage: ndilema mutw’ave, pakuva umudzilo ni-fisili vulyo unene fisina figeluka kusingo.
9Neke baho livwilage ilidzwi lya kukyâńa neke litigilage: fye adzilwe Nguluvi, ifyo uveve utane ukutigila mudzilo.
10Neke idzi dzivwilwage kadatu neke lino kangi fyonda neke fikwegelwage kukyâńa.
11Neke baho ndivonage bahobaho hela avanu vadatu vimile pańumba jijo, je ndali, vahumile ku-Kesaleja, vavatumile ukwangu.
12Neke baho andongelage u-Mubepo atigilage: uhelelage navo kitiganisa. Neke baho tuhelelage twivonda navańa-ṅolo visu, avali mutanda, neke twingilage muńumba ja mugosi jula.
13Neke umwene atulo-ngelage, lwe amuvwene umuńa-mwandza ukwima muńumba jakwe itigila: utumage avanu mu-Jope, vakamutole u-Simono, je vitigila Petele ilipelwa,
14je alakulongela amadzwi, ge mwinanila najuve nava-muńumba jako vonda.
15Neke lino baho, pe ndikwamula hela pakuvalongela unene, neke baho u-Mubepo umwîmike neke avasolonokelage, ndeve atusolonokye unefwe pavwamulilo pala.
16Neke baho unene ndivukage ilidzwi, lye alongile umutwa lila, lye atigye: umwene Johana adzabikilaga lu lulenga lwene, uńeńe muladzabikilwa mwa Mubepo umwîmike. 1, 5.
17Neke lino pe Nguluvi avatavulye li lipwela lilyo, ilitegine na lye atu-tavulye najufwe, je twamufuvwaga umutwa Jesu Kilisiti, apo unene ndi mwa nani, je ndi ka ndimuka-nage u-Nguluvi?
18Neke lino baho, pe vadzipulike idzi, neke baho vajigalage neke vamuginyage Nguluvi neke vatigilage: humbe Nguluvi nava-pivala avapelye ulupituko ulwa kupitukila kuvûmi!
19Neke lino avene vala, ve vwavapalaṅise uvufi-ganidze uvwavonekye pa Setefana, avangi vadzu-mbanidze vafike na mu-Foniki na mu-Kipele na mu-Andyokija, vasamuda-likilaga ujungi inôngwa nda, vavadalikilaga va va-Juda vene. 8, 1-4.
20Neke avangi avajanavo, avahumile na mu-Kipele na mu-Kilenaja, neke avo vafikage na mu-Andyokija neke valongage na kuva-Giliti neke vavadalikilage ilyevangeli lya Jesu umutwa.
21Neke nilivoko lya mutwalivatangage. Neke baho avolofu neke vapitu-kilage kwa mutwa. 2, 47.
22Inôngwa idzi neke dzipulisage neke dzikafikage na mumatwi ga lukombeso ulwa mu-Jelusaleme. Neke ve vamutumage Balanaba, akafikage na mw-Andyokija. 4, 36.
23Neke umwene avye adzifike, pe aluvwene ulusungu lwa Nguluvi, neke baho akelage neke avavungage vonda atigilage: kivedzage kyedzamutima ukwikala pamutwa. 13, 43.
24Pakuva (Balanaba) ali munofu, amemilwe u-Mubepo umwîmike nulufuvo. Neke baho vongeledzwage kwa mutwa avanu ikipuga ikivinavina. 6, 5; 5, 14.
25Neke baho (Balanaba) neke ahelelage mu-Talisi neke akamutemulage Savulu. Nekelino, avye adzi-kumuvwene, neke amuvujage nave mw-Andyokija. 9, 30.
26Neke baho vagonage umwâka gonda kulukombeso lulo, neke vavavulanidzage avanu ikipuga ikikomi. Neke mwe mw-Andyokija mumo, mwe lumelye ulwa kutambulwa avańigendwa ilya kuta: va-Kilisiti. Gal. 2, 11.
27Neke ifigono fifyo avavidzi neke vahumage mu-Jelusaleme neke vasulunukilage mw-Andyokija. 13, 1; 15, 32.
28Neke baho image jumwi umujanavo, ilitavwa ali je Agabu, neke adońelage ṅani vugenda pa-Mubepo umwîmike neke atigilage: likola mukugwa ilipunge pa-ńi jonda ijidzengilwe. Lye lipunge lila, ilyagwe ndakyene, pe atemile Kalavudu. 21, 10.
29Neke avene avańigendwa vonda valusimilidzage ulwa kuta avańa-ṅolo vesu, avagenda mu-Jelusaleme, tukuvatumila ifya vulimilavangi, tugendelage uvulimi vwesu. Gal. 2, 10.
30Neke valugendelage ndesi neke baho vafivi-kage mumavoko ga va Balanaba na Savulu ifya kudzitavula kuvandzagila. 12, 25.
Právě zvoleno:
Apositili 11: II
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Bena © Bible Society of Tanzania, 1958.