Matayo AKITODIARET
AKITODIARET
Akiro nukajokak kwape igiritere Matayo elimorete akiro nukajokak ebe erait Yesu Eketajaran lokisumunikiite, loko toma keng' nes kitodolikina Akuju nu kisumunikiit nesi itung'a keng' luka Akitutuket na Mojong'. Akiro nukajokak nu, mam keraito nuka Iyaudin bon, nama kidounere kakitopoloun Yesu konye eraito nuka akwap kere.
Itemitemite kotenan ekitabo loka Matayo. Egeuni kakidouno ka Yesu, ka ejautene lokakibatisao, ka atamio keng' kolomi asoma keng' nuka akisiarasiara, akisisianakin ka akitang'aleunun itung'a ko Galilaya. Kau kanu, igirit Matayo alosite ka Yesu alomun ko Galilaya akitodol Yerusalem kiton nukisomae Yesu esabiti lokesial akitodol akibubukino omusalaba ka ajaruni keng'.
Akiro nukajokak nu itodiarito Yesu bala lokesisianakinan lo epolo, lo ejaasi ka apedor naka akijen Ekisil ka Akuju ka akisisianakin kuju ka ajakaanut ka Akuju. Akisisianakino keng' ejaasi katutubesia akany: (1) Akisisianakino ka Yesu komoru, nu ikamuto iponosio, asoma, arereng'usio ka ekipone lo itemonokitere Akuju itung'a luka ajakaanut kanako kuju (5-7); (2) Akicorasia nama ka ikiakia itomon ka aare kanuka ekiyakane kes (10); (3) Awaragasia kuju ka ajakaanut nako kuju (13); (4) Akisisianakin apolou ke ekiyakane (18); (5) Akisisianakin kuju ka esial ka akijar kanaka apaarasia kanu kitoni abunore ka ajakaanut kanako kuju (24-25).
Nu Ejaasi Toma
Ajena Kitoni akidouno ka Yesu Kristo 1:1—2:23
Asoma ka Yoana Lokebatisan 3:1-12
Akibatisao kitoni atamisio ka Yesu 3:13—4:11
Asoma ka Yesu ko Galilaya 4:12—18:35
Ageun ko Galilaya akitodol Yerusalem 19:1—20:34
Esabiiti lokesial kotoma Yerusalem 21:1—27:66
Ajarun kitoni atakaanunun ka Lokapolon 28:1-20
Právě zvoleno:
Matayo AKITODIARET: TESOP
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS