Amós 1
1
1Kay libruchömi Amós willakunqan qellqashqa kaykan. Payqa Tecoa markachö täraq üsha mitsiq runam karqan. Amós willakunqan witsanmi Judá nacionchö Uzías rey kaykarqan#2Rey. 15.1-7; 2Crón. 26.1-23. y Israel nacionchönam Joáspa tsurin Jeroboam rey kaykarqan.#2Rey. 14.23-29. Amós willakunqanpita ishkay wata päsaskiptinrämi pasaypa temblor karqan. 2Willakurmi Amós nirqan:
<<Tayta Diosmi Sión jirkanpita leonnö qayarämun.
Jerusalénpita qayakamunqanmi maqakuynörä wiyakämun.#Jer. 25.30; Joel 3.16.
Parlamuptinmi jirkachö qewakunapis illaqpita tsakinqa.
Carmelo jirkachöpis qewakuna chipyaqmi tsakinqa>>.
Siria nación runakunata Tayta Dios juzgananpä ninqan
3 Tayta Diosmi nin:
<<Damasco markachö#1.3 Damasco markaqa Siria nacionpa capitalninmi karqan. täraq runakunapa jutsankunaqa alläpanam kaykan.#Isa. 17.1-3; Jer. 49.23-27; Zac. 9.1.
Paykunaqa ërachö trïguta trillaqnömi Galaad runakunata ushakätsiyashqa.#2Rey. 10.32-33.
Tsaynö rurayanqanpitam mana kuyapaypa castigashä.
4Tsaymi imaykatapis nina rupar ushanqannö rey Hazaelpa castankunata y rey Ben-adad shäritsinqan palaciuta ushakätsishä.
5Damasco markaman yaykuna punkukunatapis llapantam pakir ushashä.
Bicat-avénchö y Bet-edénchö mandaqkunatapis chipyaqmi ushakätsishä.
Tsaypitanam contran runakuna shamur Siria runakunata Kir partiman prësu apayanqa>>.#2Rey. 16.9.
Tayta Diosmi tsaynö nin.
Filisteo runakunata Tayta Dios juzgananpä ninqan
6 Tayta Diosmi nin:
<<Gaza markachö täraq runakunapa jutsankunaqa alläpanam kaykan.
Paykunam juk marka entëruta edomita runakunaman runakunata rantikuyarqan.
Tsaynö rurayanqanpitam mana kuyapaypa castigashä.
7Tsaymi imaykatapis nina rupar ushanqannö Gaza markapa murällanta y palaciunkunatapis chipyaq ushakätsishä.
8Asdod markachö y Ascalón markachö reykunatapis ushakätsishämi.
Mana kuyapaypam Ecrón markachö täraq runakunatapis ushakätsishä.
Tsaynöpam filisteo runakuna#1.8 Filisteo runakunaqa Gaza, Asdod, Ascalón y Ecrón markakunachömi täyarqan. llapanpis wanuyanqa>>.#Isa. 14.29-31; Jer. 47; Eze. 25.15-17; Joel 3.4-8; Sof. 2.4-7; Zac. 9.5-7.
Tayta Diosmi tsaynö nin.
Tiro runakunata Tayta Dios juzgananpä ninqan
9 Tayta Diosmi nin:
<<Tiro markachö täraq runakunapa jutsankunaqa alläpanam kaykan.#Isa. 23; Eze. 26.1—28.19; Joel 3.4-8; Zac. 9.1-4; Mat. 11.21-22; Luc. 10.13-14.
Paykunam castankunawan shumaq kawayänanpä pactuta rurashqa kaykarpis juk marka entëruta edomita runakunaman tsay castan runakunata rantikuyarqan.
Tsaynö rurayanqanpitam mana kuyapaypa castigashä.
10Tsaymi imaykatapis nina rupar ushanqannö Tiro markapa murällanta y palaciunkunatapis chipyaq ushakätsishä>>.
Edomita runakunata Tayta Dios juzgananpä ninqan
11 Tayta Diosmi nin:
<<Edom nacionchö täraq runakunapa jutsankunaqa alläpanam kaykan.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Abd. 1-14; Mal. 1.2-5.
Paykunaqa pasaypa rabyarmi castankuna kaykaptin Israel runakunata mana kuyapaypa espädawan wanutsiyarqan.
Tsaynö rurayanqanpitam mana kuyapaypa castigashä.
12Tsaymi imaykatapis nina rupar ushanqannö Temán markata y Bosrachö palaciukunatapis chipyaq ushakätsishä>>.
Amón nación runakunata Tayta Dios juzgananpä ninqan
13 Tayta Diosmi nin:
<<Amón nacionchö täraq runakunapa jutsankunaqa alläpanam kaykan.#Jer. 49.1-6; Eze. 21.28-32; 25.1-7; Sof. 2.8-11.
Paykunaqa chakrankunata qechuyänanpämi Galaadchö täraq qeshyaq warmikunata espädawan pachanta qashar wanutsirqan.
Tsaynö rurayanqanpitam mana kuyapaypa castigashä.
14Tsaymi imaykatapis nina rupar ushanqannö Rabá markapa murällanta y palaciunkunatapis chipyaq ushakätsishä.
Pasaypa qayararrä mangäda tamyanörämi tsay markata ushayanqa.
15Mandaqnin reytapis yanapaqninkunatapis juklä nacionmanmi prësu apayanqa>>.
Tayta Diosmi tsaynö nin.
Právě zvoleno:
Amós 1: qxo
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2002, 2008, Wycliffe Bible Translators, Inc. All rights reserved.