Salmos 82
82
1Zuínëʼ Dios ladaj nupa tuʼdubi queëʼ niʼ yehuaʼ yubá.
Ruchiʼa rusörö́ëʼ nupa taʼnná bëʼ.
2Rnnëʼ: “¿Gácaʼxte caz uchiʼa usörö́liʼ quégaca bönachi
lu yöl-laʼ bitiʼ naca tsahuiʼ queë́liʼ?
Caní naca tuʼ rubéajliʼ tsahuiʼ nupa tuáʼ döʼ.
3Buliʼbéaj tsahuiʼ nupa taʼcuidiʼ, en yuguʼ biʼi uzëbi.
Guliʼgún le naca tsahuiʼ quégaca nupa taʼguíʼi taʼzacaʼ,
en quégaca nupa taʼyadzaj taʼyudxi.
4Buliʼsölá nupa taʼcuidiʼ, en nupa nácagaca yechiʼ.
Buliʼsölá léguequi lu náʼagaca nupa tuáʼ döʼ.
5Bitiʼ nö́ziguequi, en bitiʼ taʼyéajniʼi.
Taʼdá ga chul-la.
Rizxizi xilibi yödzölió.”
6Rnna cazaʼ nedaʼ: “Nácaliʼ ca yuguʼ dios.
Nácaliʼ yúguʼtëliʼ zxíʼinëʼ Dios nayë́pisëtërëʼ,
7pero gátiliʼ ca tati bönachi,
en ibíxiliʼ lu gudil-la ca taʼbixi zxíʼinëʼ bönniʼ lo.”
8Guyasa, Dios, en buchiʼa busörö́ quégaca bönachi yödzölió ni,
tuʼ nácagaca queë cazuʼ yúguʼtë yödzö bönachi.
Právě zvoleno:
Salmos 82: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.