Salmos 130
130
1Ga ni nö́tjadaʼ rulidzaʼ Liʼ, Xan.
2Ruzë́ naguʼ chiʼa, Xanaʼ Dios.
Ruzëdaʼ naguʼ le rinábidaʼ Liʼ.
3Laʼ nnaruʼ tsöjnenuʼ xiguiaʼ nabágaʼgaca bönachi,
¿nuzxi caz urúaj tsahuiʼ loʼ, Xan?
4Runiti lo cazuʼ netuʼ, Xan,
para guntuʼ Liʼ bal.
5Runaʼ löza Liʼ, Xanaʼ Dios. Run löza böʼ naca cazaʼ Liʼ,
ateʼ runaʼ löza gaca ca rnna xtídzuʼu.
6Böʼ naca cazaʼ runrö löza Liʼ, Xan,
ca tunëʼ bönniʼ tapa chiʼë yödzö chiʼi dzö́ʼölö taʼbözëʼ itö́ yu zila,
ca tunëʼ löza itö́ yu zila yuguʼ bönniʼ naʼ.
7Guliʼgún löza Xanruʼ Dios, libíʼiliʼ, bönachi Israel,
tuʼ náquiëʼ dxiʼi ladxiʼ Xanruʼ,
en ruhuáʼuëʼ bönachi Israel.
8Xanruʼ Dios huöáʼuëʼ bönachi Israel
lu yúguʼtë xiguiaʼ nabágaʼgaca.
Právě zvoleno:
Salmos 130: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.