Salmos 128
128
1Bicaʼ ba yúguʼtë nupa tadxi Xanruʼ Dios,
nupa naʼ tun ca rë́ʼëni quézinëʼ Lëʼ.
2Cateʼ gaguʼ le gataʼ quiuʼ niʼa que dxin nun cazuʼ,
uziʼu xibé lë naʼ, en gaca dxiʼa quiuʼ.
3Gácanu nigula quiuʼ ca tu lubá uva dxía ga naca löʼa lidxuʼ,
ateʼ ilácabiʼ zxíʼinuʼ ca yuguʼ yaga olívodoʼ taʼbö́ʼöbiʼ ga niʼ ráguliʼ.
4Buliʼyútsöcaʼ, caní gáquiëʼ bicaʼ ba
bönniʼ naʼ rádxinëʼ Xanruʼ Dios.
5Xanruʼ Dios zoëʼ Sión gunëʼ ga gaca dxiʼa quiuʼ,
en guʼë liʼ lataj iléʼenuʼ le dxiʼa gaca que yödzö Jerusalén
yúguʼtë dza suʼ ibanuʼ.
6Dios guʼë liʼ lataj iléʼenuʼ yuguʼ zxíʼini xiʼsúʼ,
en gunëʼ ga ilaʼböza dxiʼa tsáhuiʼdoʼ bönachi Israel.
Právě zvoleno:
Salmos 128: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.