Salmos 101
101
1¡Gul-laʼ ca runuʼ ca rnna xtídzuʼu, en ca nacuʼ tsahuiʼ!
¡Gul-laʼ yöl-laʼ ba quiuʼ Liʼ, Xan!
2Güíʼi ládxaʼa gunaʼ le naca idú dxiʼa.
¿Bátaxi huécjuʼ quiaʼ nedaʼ?
Lu yuʼu lidxaʼ gunaʼ le naca idú ladxiʼ.
3Bitiʼ guʼa lataj sóalen nedaʼ nitú le naca xihuiʼ.
Bitiʼ riléʼedaʼ dxiʼa le tun nupa tuʼcáʼana Liʼ.
Bitiʼ caʼ gunaʼ léguequi tsözxö́n.
4Bitiʼ caʼ gacaʼ chopa ladxiʼ.
Bitiʼ caʼ gunaʼ le naca döʼ.
5Usunítiaʼ dërö nu bönniʼ rinnë́ʼ que luzë́ʼë balándoʼos.
Bitiʼ caʼ guáʼ ilenaʼ nu run ba zxön cuini.
6Uyúaʼ dxiʼa tsáhuiʼdoʼ nupa tun ca rnna xtídzaʼguequi luyú ni, para ilaʼcuáʼlen nedaʼ.
Nu bitiʼ bi xiguiaʼ nabagaʼ huáca gun xichinaʼ.
7Bitiʼ caʼ tsöjsóa lidxaʼ nu rizíʼ yëʼ.
Bitiʼ guʼa lataj ugáʼana lahuaʼ nu ruíʼi didzaʼ le cabí naca.
8Yuguʼ zila usunítiaʼ yúguʼtë nupa tuáʼ döʼ luyú ni,
para ucuitaʼ lu yödzö queëʼ Xanruʼ yúguʼtë nupa tuti bönachi.
Právě zvoleno:
Salmos 101: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.