Salmos 100
100
1¡Lu yöl-laʼ rudzeja queë́liʼ guliʼgul-la queëʼ Xanruʼ,
libíʼiliʼ zóaliʼ idútë yödzölió!
2¡Lu yöl-laʼ rudzeja queë́liʼ guliʼcuʼë yöl-laʼ ba Xanruʼ!
¡Guliʼdá lahuëʼ Lëʼ, en lu yöl-laʼ rudzeja queë́liʼ guliʼgul-la queëʼ!
3¡Guliʼtsöjné Xanruʼ, náquiëʼ Dios!
Buzáʼ cazëʼ rëʼu, en calëga rácasö queë́ruʼ zóaruʼ.
Nácaruʼ bönachi queëʼ, en nácaruʼ ca böʼcuʼ zxilaʼ queëʼ.
4Guliʼtsaza zacaʼ raʼ yuʼu queëʼ, guië́liʼ-nëʼ: “Xclenuʼ.”
Guliʼtsaza gapa naca löʼa queëʼ, cúʼuliʼ-nëʼ yöl-laʼ ba.
Guliʼguíëʼ: “Xclenuʼ”, en guliʼgunëʼ zxön.
5¡Náquiëʼ dxiʼa tsahuiʼ Xanruʼ Dios, ateʼ zóaticaʼsö yöl-laʼ dxiʼi ladxiʼ queëʼ!
¡Zóaticaʼsö yöl-laʼ run ca rnna xtídzëʼë queëʼ!
Právě zvoleno:
Salmos 100: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.