Secunnu Matteu 28
28
1Ma la sira di lu sabatu, ca spuntava lu primu jornu di la simana, vinniru Maria Maddalena, e l’ autra Maria, a visitari lu sepulcru.
2Ed eccu ca successi un gran terremotu. Giacchì l’ ancilu di lu Signuri scinniu di lu celu: e avvicinannusi rivutau la petra, e si cci assittau di supra:
3E lu so aspettu era comu lu lampu, e la so vesti comu la nivi.
4Pri la paura d’ iddu li guardii si spavintaru, ed addivintaru comu li morti.
5L’ ancilu parrau, e dissi a li fimmini: Vuautri nun abbiati paura: giacchì sacciu, ca circati a Gesù crucifissn:
6Nun è ccà: pirchì arrisuscitau, comu dissi. Viniti a vidiri lu locu, unni era misu lu Signuri.
7E subitu jiti a diri a li soi discipuli, ca arrisuscitau: ed è già avanti a vuautri in Galilia: ddà lu vidirriti. Eccu ca vi l’ aju predittu.
8E subitu si nni jeru di lu sepulcru cu timuri, e gaudiu granni, currennu a dari la nova a li soi discipuli.
9Ed eccu Gesù, ca cci jiu ncontra, dicennu: Diu vi salvi. Ed iddi si cci accustaru, e cci strinceru li pedi, e l’ aduraru.
10Allura cci dissi Gesù: Nun aviti paura. Iti ad avvisari li mei frati, ca jissiru in Galilia: ddà mi vidirrannu.
11Li quali essennusinni juti, eccu alcuni di li guardii jeru a la cità, e rappurtaru a li capi di li sacerdoti tuttu chiddu, chi avia successu.
12E juncennusi cu l’ anziani, e tinutu cunsigghiu, dettiru bona summa di dinaru a li surdati,
13Dicennuci: Diciti: Li soi discipuli vinniru di notti, e si lu pigghiaru, mentri nui durmiamu.
14E si lu guvernaturi vinissi a sapirlu, nui lu persuadirremu, e nun vi farremu fari nenti.
15E chiddi, pigghiannusi li dinari, ficiru comu cci fu dittu. E si sparsi sta vuci ntra li Judei, sinu a lu jornu d’ oggi.
16Ma l’ unnici discipuli si nni jeru in Galilia ntra la muntagna, chi cci avia disignatu Gesù.
17E vidennulu l’ adoraru: ma alcuni nni dubbitaru.
18E Gesù accustannusi cci parrau, dicennu: M’ è stata data ogni potestà in celu ed in terra.
19Jiti addunca, istruiti tutti li genti: vattiannuli in nomu di lu Patri, e di lu Figghiu, e di lu Spiritu santu:
20Nsignannucci ad osservari tuttu chiddu, chi v’ aju ordinatu: ed eccu ca sugnu cu vuautri tutti li jorna, sinu a la cunsumazioni di li seculi.
Právě zvoleno:
Secunnu Matteu 28: SCN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published in 1860 and 1861.
