ZƐKARƖYA 9
9
Wɩa jaŋ dii Iziral tɩŋŋaa dʋndɔŋŋɔɔ sarɩya
1La TƖƖNA bʋl wɩaa a tɩgɛ hɛɛ-la taŋ-la ba sɩɩ yɩrɛ Hadɩrak
arɩ Damasɩkʋs tabalɩŋ nɩaa sɩ jaŋ na lɛ.
La TƖƖNA sɩaa pɛ nʋʋkala lɛ nɛ, Iziral tɩŋŋaa dʋndʋŋa lɛ dee.
2Ʋ jaŋ dɔgɩsɛ Hamaf sɩ kpagɛ Damasɩkʋs,
a pɛ Taaya arɩ Sɩdɔŋ sɩ ŋaa tabalaa lɛ, arɩ ba nɩaa sɩ kɛŋ jɩma ma kala.
3Taaya saa dɩ-duo nɛ a pɩ ʋ tɩtɩa,
a chɛ hɔpʋla chʋɔrɛ a nagɛ hagɩla,
a chɛ sɛlɩmɛ ma chʋɔrɛ a nagɛ nʋsʋrʋŋ sɩ pɩŋ womporunuŋ lɛ.
4Ama La TƖƖNA jaŋ laa kɩalɩŋ Taaya sɩ kɛnɛ,
a chei dol-la ʋ sɩ kɛnɛ mʋgʋ-balɩŋ lɛ.
Nyiniŋ jaŋ diiu.
5Tabal-la ba sɩɩ yɩrɛ Asɩkɛlɔŋ jaŋ naʋ dɩ fawʋllʋŋ kɛnʋ.
Hɛɛŋ jaŋ jʋʋ taŋ-la ba sɩɩ yɩrɛ Gaza,
a pɛ Ɛkʋrɔŋ lɛ, ʋ yɩɛlaa kala jaŋ lɛl.
Ba jaŋ kpʋ Gaza kuoro,
ka dɩ Asɩkɛlɔŋ ma pɩŋ jikpeeŋ.
6Nʋhʋɔraa jaŋ hɔŋ Asɩdɔd lɛ.
La TƖƖNA sɩ, “Mɩ jaŋ giri Fɩlɩsɩtɩa tɩŋŋaa babii-ballɩɩ-la ta.
7Ba bɩra bɩ jaŋ chaŋ nammɩa arɩ chalɩŋ,
koo a dii kʋdiile-la dɔnsʋŋ sɩɩ kɩsʋ.
Nɩalɩŋ sɩ ka jaŋ ŋaa mɩ-na Wɩa nɩaa,
a ŋaa sɩpaalaaraa Juda lɛ,
dɩ Ɛkʋrɔŋ nɩaa ŋaa mɩ nɩaa
a nagɛ Jebus tɩŋŋaa fa sɩ kʋ ŋaa mɩ nɩaa ŋɩɩ.
8Ama mɩ jaŋ chɩna pɔ mɩ dɩa
dɩ laalɩyuoroo bɩra sɩ́ nɩmɛ jʋʋ.
Mɩ bɩra bɩ jaŋ leŋ dɩ nʋʋkala nyagɛ mɩ nɩaa bil.
Lɛɛlɛ mɩ pɔ nɛ a bibeŋ.
Zaayɔŋ kuoro jaŋ kɔ
9Zaayɔŋ nɩaa, má faasa jʋɔsɛ.
Jerusalɛm nɩaa, má ŋaa goŋ.
Ma kuoro ka kɔ ma teeŋ nɛ.
Ʋ kɛŋ tʋɔpʋla nɛ a laa nɩaa tɩta,
ʋ kɛŋ ʋ tɩtɩa muuri nɛ a jɩl kakumo,
a sagɛ kaku-pɔrʋŋ nyuŋ.
10Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ,
arɩ laalɩŋ janɩ-la sɩ hɛ Jerusalɛm lɛ,
aŋ bori ba laalɩŋ tosuŋ.
Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala.
Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ,
a lɩɩ Yufireti fuo-la lɛ a kaa mʋ dʋnɩa dɩdɛrɩŋ.
11Ama ma-na mɩ nɩaa, a tɩŋ nii-la sɩ hɛ mɩ dɩ ma pɛgɛ la kɛŋ chalɩŋ magɩlɛ wɩaa,
mɩ jaŋ lɩɩsɛ ma nɩalɩŋ sɩ ŋaa dansarɩkaba buotuo-la sɩ bɩ lɩɩŋ kɛnɛ lɛ.
12Má mɩɩra mʋ ma dɩɩ-duoruŋ,
ma-na dansarɩkaba sɩ kɛŋ yɩɛlaa.
Lɛɛlɛ mɩ heele bʋl arɩ mɩ jaŋ bɩra pɩma kɩaa
magɛ ŋɩɩ ma fa sɩ kɛnɛ naansɩɩŋ bʋlɩa.
13Mɩ jaŋ kɛŋ Juda gʋɔrɛ a nagɛ mɩ sɩ gʋɔrɛ mɩ toŋ,
dɩ Efirem nɛ ŋaa ʋ to-hɛŋŋɛɛ.
Mɩ jaŋ leŋ dɩ Zaayɔŋ nɩaa nagɛ laalɩyuori babii-balɩŋ tokobiiŋ,
dɩ mɩ kaa yuo Giriisi nɩaa.”
La TƖƖNA jaŋ kɔ
14La TƖƖNA jaŋ kʋ chuguli ʋ nɩaa nyuŋ.
Ʋ to-hɛŋŋɛɛ jaŋ lɩlɩgɩsɛ a nagɛ taŋ sɩɩ lɩgɩsʋ.
La TƖƖNA Wɩɩjarɩbakɔ jaŋ ŋmʋʋ banyile,
aŋ to wɩɩpɔsʋŋ nadiiŋ pel-duoruŋ tʋɔŋ.
15La TƖƖNA doluŋ kala Tɩɩna jaŋ chu tɔ ʋ nɩaa lɛ.
Ba jaŋ kɛŋ kpalaa a yuo dii ba dʋndɔŋŋɔɔ.
Ba jaŋ kpɩa goŋ laalɩŋ lɛ a nagɛ nɩaa sɩ nyʋa girep nɛnɛɛ sɩnɩŋ a bugi.
Ba jaŋ leŋ dɩ ba dʋndɔŋŋɔɔ chalɩŋ jaasɛ
a nagɛ ba sɩ joŋ chalɩŋ hɛ gbaŋa lɛ a mɩsɛ Wɩɩsʋllɩ koruŋ gʋnaa.
16Ba TƖƖNA Wɩa jaŋ laaba ta tapʋlɩɩ-la
a tɩŋ ba sɩ ŋaa ʋ nɩaa.
Ba jaŋ tʋtʋl ʋ tinteeŋ lɛ
a nagɛ kpɩɛraa ba sɩ joŋo hɛ kuori-nyunchuulo lɛ.
17Ba jaŋ ŋaa nɩa sɩ zɔmɔ a kɛŋ buno.
Bapʋɔsaa jaŋ dii tintee-la kɩaa a waa woruŋ,
dɩ hatoloo ma nyʋa girep nɛnɛɛ sɩ-falɩŋ a kɛŋ buno.
Právě zvoleno:
ZƐKARƖYA 9: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014