ZƐKARƖYA 3
3
Wɩɩsʋllɩ sɩpaalaaraa nɩhɩaŋ gɛnnɩŋ bɩ disiniŋ kɛnɛ
1Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua. 2La TƖƖNA tɩndaarʋ-la bʋla pɩ Sɩtaanɩ, “La TƖƖNA jaŋ kpɩa ŋ lɛ Sɩtaanɩ. La TƖƖNA sɩ lɩɩsɛ Jerusalɛm jaŋ kpɩa ŋ lɛ. Baala deeŋ nagɛ daaŋ fa sɩ hɛ nyiniŋ lɛ ba kaa lɩɩsɛ nɛ.”
3Josua fa laalɛ gɛnnɩŋ sɩ kɛŋ nyɛsɩŋ nɛ a chɩŋ Wɩa tɩndaarʋ-la sɩpaaŋ. 4Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.”
Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”
5Ŋɩɩ nɛ mɩ ma bʋl, “Leŋ dɩ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ.” Ŋɩɩ nɛ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ, a laalʋ gɛnnɩŋ, ka La TƖƖNA tɩndaarʋ-la chɩŋ ba sɛmɛ.
6La TƖƖNA tɩndaarʋ-la bʋl wɩɩŋ deeŋ a pɩ Josua: 7Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Dɩ ŋ nɛ jaŋ to mɩ wombiiŋ a ŋɩŋaa wɩalɩŋ mɩ sɩɩ chɛ, ŋɩɩ-na ŋ jaŋ bibeŋ mɩ dɩa arɩ ʋ kaalɩsɩŋ kala. Mɩ jaŋ pɩŋ dɩchɩnɩŋ nɩaa deemba kala sɩ hɛ daha tʋɔŋ.
8Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ. 9Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.
10Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”
Právě zvoleno:
ZƐKARƖYA 3: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
ZƐKARƖYA 3
3
Wɩɩsʋllɩ sɩpaalaaraa nɩhɩaŋ gɛnnɩŋ bɩ disiniŋ kɛnɛ
1Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua. 2La TƖƖNA tɩndaarʋ-la bʋla pɩ Sɩtaanɩ, “La TƖƖNA jaŋ kpɩa ŋ lɛ Sɩtaanɩ. La TƖƖNA sɩ lɩɩsɛ Jerusalɛm jaŋ kpɩa ŋ lɛ. Baala deeŋ nagɛ daaŋ fa sɩ hɛ nyiniŋ lɛ ba kaa lɩɩsɛ nɛ.”
3Josua fa laalɛ gɛnnɩŋ sɩ kɛŋ nyɛsɩŋ nɛ a chɩŋ Wɩa tɩndaarʋ-la sɩpaaŋ. 4Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.”
Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”
5Ŋɩɩ nɛ mɩ ma bʋl, “Leŋ dɩ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ.” Ŋɩɩ nɛ ba joŋ nyu-bɛlɛ sɩ bɩ disiniŋ kɛnɛ a bɛ ʋ nyuŋ, a laalʋ gɛnnɩŋ, ka La TƖƖNA tɩndaarʋ-la chɩŋ ba sɛmɛ.
6La TƖƖNA tɩndaarʋ-la bʋl wɩɩŋ deeŋ a pɩ Josua: 7Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Dɩ ŋ nɛ jaŋ to mɩ wombiiŋ a ŋɩŋaa wɩalɩŋ mɩ sɩɩ chɛ, ŋɩɩ-na ŋ jaŋ bibeŋ mɩ dɩa arɩ ʋ kaalɩsɩŋ kala. Mɩ jaŋ pɩŋ dɩchɩnɩŋ nɩaa deemba kala sɩ hɛ daha tʋɔŋ.
8Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ. 9Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.
10Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014