MƖKA 1
1
1La TƖƖNA bʋl wɩaa pɩ Mɩka sɩ lɩɩ taŋ-la ba sɩɩ yɩrɛ Mɔrɛsɛf, bʋa-la lɛ nɩaa deemba sɩ dii Juda tinteeŋ kuoruŋ: Jotam, Ahas arɩ Hezikaaya. Mɩka fa na wɩaa arɩ duosoo tʋɔŋ nɛ a mʋ tɩgɛ Samarɩa arɩ Jerusalɛm lɛ.
Ʋ sɩ,
2Tinteyee nɩaa kala, má jegile nɩɩ.
Dʋnɩa arɩ kɩalɩŋ kala sɩ hɛ ʋ lɛ, má nɩɩ woruŋ.
La TƖƖNA Wɩɩjarɩbakɔ na ma wʋbɔŋŋɔɔ nɛ, ʋ jaŋ chɩŋ kporoo a bʋlba.
La TƖƖNA hɛ ʋ dɩɩ-balɩŋ sɩ bɩ disiniŋ kɛnɛ lɛ nɛ.
Wɩa jaŋ dii Samarɩa arɩ Jerusalɛm nɩaa sarɩya
3Má bee na, La TƖƖNA lɩɩ ʋ dɩjʋʋlʋŋ a kʋkɔ nɛ,
ʋ kʋʋ tuu nɛ dɩ ʋ vɛŋ peelee nyuŋ.
4Peelee jaŋ yʋɔlɛ ʋ naasɩŋ bʋbʋɔŋ,
a nagɛ keliŋ sɩ kpagɛ nyiniŋ a ŋmɩɛrɛ.
Fuo-naasɩŋ ma jaŋ pɩsɛ dɔŋɔ lɛ
a nagɛ lɩɩŋ sɩ pɛllɛ lɩɩ dundolo nyuŋ tutuu.
5Wɩaa deemba kala jaŋ ŋaa a tɩŋ Jekɔb doho nɩaa,
Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ.
Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa?
Samarɩa sɩ ŋaa ba tabalɩŋ dee?
Nɩɩ nɛ Juda nɩaa vʋɩ-kpaarɛ leree hɛ?
Jerusalɛm sɩ ŋaa ba tabalɩŋ lɛ dee?
6Ŋɩɩ wɩaa La TƖƖNA sɩ,
“Mɩ jaŋ leŋ dɩ Samarɩa pɩŋ jikpeeŋ
a ŋaa pʋlʋŋ-jaala,
lee ba sɩ jaŋ bil girep tɩɩsɩŋ baga.
Mɩ jaŋ paa ʋ tabɩa-la sɩ tele daŋ dɔŋɔ tuu fuonaaŋ
aŋ ka dɩ ʋ gentine nyɩɩsɛ.
7Mɩ jaŋ ŋmoo tɔmɔ-la kala ʋ sɩ cho yɛrɛ muno muno,
aŋ nyɩgɛ kɩalɩŋ kala ba sɩ joŋo dii zile a bil vene dɩa lɛ.
Mɩ jaŋ chei Samarɩa tɔŋŋɔɔ kala.
Ba kpaarɛ vʋɩyaa nɛ a ŋaa wʋlɩɩlɩŋ a na kɩaa.
Ba dʋndɔŋŋɔɔ ma jaŋ paa kɩalɩŋ kaa mʋ tiŋ nɩalɩŋ sɩ kpaarɛ vʋɩyaa aa ŋaa wʋlɩɩlɩŋ.”
Mɩka yele a ŋmoo niiŋ
8Mɩ-na Mɩka jaŋ tɩŋ wɩɩŋ deeŋ wɩaa a yel a ŋmoo niiŋ,
mɩ jaŋ kɛŋ naabirimee arɩ yarɩ-biree a gɔllɛ.
Mɩ jaŋ gɔllɔ yel a nagɛ jolo,
a huuni a nagɛ hajaaŋkuŋkuŋ,
9bɛɛ wɩaa Samarɩa naawɩɩlɩŋ bɩ jaŋ wuo fɩɛlɛ,
Juda ma jaŋ na hɛɛŋ ŋɩɩ tɩtɩa.
Wɩɩ-la yi Jerusalɛm ma tɩtɩa boi-baalɩŋ nɛ a kiele jʋʋ
lee-la mɩ nɩaa sɩ hɛ.
10Má sɩ́ wɩɩŋ deeŋ bʋl taŋ-la ba sɩɩ yɩrɛ Gaf lɛ,
ba ŋaa la dʋndɔmɔ nɛ.
Má paala sɩ́ yel dɩ ba nama.
Taŋ-la ba sɩɩ yɩrɛ Bɛf Ɔfɩra lɛ,
má bilimi kʋŋkɔlʋŋ lɛ a dagɛ arɩ ma tʋɔŋ cheye nɛ.
11Má nɩalɩŋ sɩ hɛ Safɩya lɛ,
má kɛŋ hɩɩsɩŋ arɩ yarɩ-biree mʋ yoŋ-baga.
Nɩalɩŋ sɩ hɛ taŋ-la ba sɩɩ yɩrɛ Zaanaŋ lɛ,
má sɩ́ dɩ-jalɩŋ lɩɩ.
Bɛf Ɛzɛl tɩŋŋaa ka yel nɛ,
lee tuo ma sɩ jaŋ yuori.
12Ma nɩalɩŋ sɩ hɛ taŋ-la ba sɩɩ yɩrɛ Marɔf lɛ,
hɛɛŋ jʋʋma nɛ.
Maa chɛ nʋʋ nɛ dɩ ʋ lɩɩsɛma hɛɛ-la lɛ.
La TƖƖNA nɛ joŋ wʋlɔrʋnʋŋ hɛ ma lɛ,
wɩalɩŋ paala kpagɛ Jerusalɛm ma boi-baalɩŋ nɛ.
13Ma nɩalɩŋ ma sɩ hɛ taŋ-la ba sɩɩ yɩrɛ Lakɩs lɛ,
má paa laalɩŋ janɩŋ torukoba hɛ janɩŋ.
Ma nɛ suomo ŋaa wʋbɔŋŋɔɔ
Jerusalɛm nɩaa na,
bɛɛ wɩaa ma wʋbɔmɔ-la nɛ
Iziral tɩŋŋaa chesi ŋɩɩ.
14Ŋɩɩ wɩaa Juda tɩmma,
má sal taŋ-la ba sɩɩ yɩrɛ Mɔrɛsɛf Gaf a lɩɩ pa.
Taŋ-la ba sɩɩ yɩrɛ Akɩzɩb ka nyɩsɛ
Iziral kuoroo nɛ.
15Mɩ jaŋ kɛŋ yuo-diiru kʋ hɛ
nɩalɩŋ sɩ hɛ taŋ-la ba sɩɩ yɩrɛ Marɛsa lɛ.
Iziral tɩŋŋaa sɩpaalaaraa jaŋ mʋ faa Adulam bʋ-bʋa lɛ.
16Juda tɩmma, má fʋŋ nyu-kpelliŋ aŋ yel
ma bii-chooloo lɛ.
Má kɛŋ nyu-kpelliŋ a nagɛ duuŋ,
bɛɛ wɩaa ba jaŋ kɛsɛ ma biiriŋ mʋ yoŋ-baga.
Právě zvoleno:
MƖKA 1: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014