JONA 2
2
Jona chʋɔlɛ Wɩa
1Jona hɛ chenfilii-la tʋɔŋ nɛ aŋ dɩdɛnnɛ ʋ TƖƖNA Wɩa. 2Ʋ sɩ,
“Wɩaa sɩ jʋʋmɛ, mɩ bunso pɩ mɩ Tɩɩna nɛ,
ʋ nɩɩ a lɩɩsɛmɛ sʋʋŋ bʋa lɛ.
3Ŋ jommi yuo hɛ mʋgʋ-balɩŋ tʋɔŋ nɛ
mɩ tuu bʋbʋɔŋ,
lɩɩŋ tɔ mɩ kala,
lɩɩ-pel-balaa ma to mɩ nyuŋ bɩbal.
4Mɩ fa bɩɩna ŋ kirimi ta nɛ ŋ sɩpaaŋ,
mɩ bɩra bɩ jaŋ na
ŋ dɩɩ-balɩŋ sɩ bɩ disiniŋ kɛnɛ.
5Lɩɩŋ tɔ mɩ kala nɛ a nagɛ ʋʋ chɛ ʋ kpʋmɛ,
mɩ tuu bʋbʋɔŋ,
fuo-chalba bɛ mɩ nyuŋ.
6Mɩ tuu yi peele-la sɩ hɛ mʋgʋ-balɩŋ tʋɔŋ bʋbʋɔŋ nɛ,
ba nyagɛmɛ kpɛrɛ, dɩ mɩ bɩra sɩ́ lɩɩ.
Ama mɩ Tɩɩna Wɩa,
ŋ ha laa mɩ mɩɩsɩŋ pɩmɛ nɛ sʋʋŋ-bʋa lɛ.
7Mɩ mɩɩsɩŋ fa sɩɩ dɛrʋ,
mɩ Tɩɩna, mɩ liise yi ŋ lɛ nɛ a sʋlʋŋ,
mɩ sʋla-la mʋ yiŋ,
ŋ dɩɩ-balɩŋ sɩ bɩ disiniŋ kɛnɛ lɛ.
8Nɩalɩŋ sɩɩ to vʋɩyaa sɩ ŋaa kʋpɛɩba harɩŋ,
bɩ Wɩa lahɔrɩmɔ jaŋ jʋʋ.
9Mɩ jaŋ yɩɩ yɩɩlaa a dɛnnɩŋ,
aŋ ŋaa Wɩɩsʋlʋŋ pɩŋ.
Mɩ sɩ hɛ niire-la kala, mɩ jaŋ chaarɛba.
La TƖƖNA nɛ ŋaa Laataara.”
10Ŋɩɩ nɛ La TƖƖNA ŋaa chenfil-bal-la lusi Jona a bil dundolo nyuŋ.
Právě zvoleno:
JONA 2: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014