HABAKU 3
3
Habaku Wɩɩsʋlʋŋ
1Wɩa wʋlaabʋlla Habaku sɩ sʋl Wɩa a bʋl wɩalɩŋ nɛ ŋ-la: 2La TƖƖNA, mɩ nɩɩ ŋ yɩrɩŋ wɩaa nɛ.
La TƖƖNA, ŋ wʋŋaalaa kperimi nɛ.
Bɩra wasa ŋaa wɩalɩŋ la ma mɩɩsɩŋ bʋa lɛ,
dɩ la jɩmba.
Dɩ ŋ nɛ na baanɩŋ ma, fá la nenige.
3Wɩa lɩɩ Ɛdɔm tinteeŋ nɛ a kʋkɔ,
Wɩa sɩ bɩ disiniŋ kɛnɛ lɩɩ Paraŋ peeliŋ nyuŋ nɛ a kʋkɔ.
Ʋ tʋla tɔ wɩa-nyuŋ kala nɛ
ka nɩaa dɛnnʋ su tinteeŋ kala.
4Ʋ tʋla nagɛ wɩɩpɔsʋŋ nɛ,
pʋlʋmʋŋ chaanɛ lɩɩ ʋ nɩsɩŋ lɛ,
lee-la ʋ doluŋ sɩ faa.
5Nyanyal bɔŋŋɔɔ laa ʋ sɩpaaŋ nɛ,
ka sʋʋŋ tuto ʋ naabʋɔsʋŋ.
6Dɩ ʋ nɛ chɩna, tinteeŋ yie zigili nɛ,
dɩ ʋ nɛ beŋ tinteyee nɩaa, ba yie chichel nɛ.
Peel-bɩnaa arɩ dundol-bɩnaa yie tel a yɛrɛ nɛ.
Ʋ wombiee chɩna nɛ a kaa mʋ wuu.
7Mɩ na dɩ fawʋllʋŋ kɛŋ Kusa nɩaa ba lɛŋŋɛɛ lɛ,
Midiaŋ nɩaa ma chichel ba dɩjʋʋlʋŋ.
8La TƖƖNA, ŋ baanɩŋ fa sii fuonu-la nyuŋ nɛɛ?
Ŋ baanɩŋ fa sii mʋgʋ-balɩŋ nyuŋ nɛɛ,
bʋa-la lɛ ŋ sɩ jɩl ŋ janɩŋ
arɩ ŋ laalɩŋ janɩŋ torukoba-la ŋ sɩ kaa yuo didii?
9Ŋ lɩɩsɛ ŋ toŋ nɛ ʋ lʋaga lɛ,
a leŋ ba kɛŋ to-hɛŋŋɛɛ yʋgɛ a kʋ pɩŋ.
Ŋ leŋe tinteeŋ yɛrɛ nɛ fuonuŋ pɩpɛllɛ.
10Peelee naŋ nɛ, a chichel.
Duonuŋ faasa nɩɩ,
mʋgʋ-balaa huhuuri,
lɩɩ-peliŋ sisii.
11Wɩɩpɔsʋŋ arɩ chɛnɛ chɩŋ dɩ-bala nɛ wɩa-nyuŋ
ba sɩ na ŋ to-hɛŋŋɛɛ arɩ ŋ
tiŋŋee sɩɩ lɩgɩsʋ wɩa-nyuŋ.
12Baanɩŋ nɛ ŋ kaa vɛnɛ golli tinteeŋ
a nʋɔsɛ tinteyee arɩ baaŋ-la.
13Ŋ lɩa dɩ ŋ laa ŋ nɩaa ta nɛ,
dɩ ŋ laa nɩɩ-la ŋ sɩ lɩɩsa ta.
Ŋ kpʋ nɩbɔŋŋɔɔ tinteeŋ sɩpaalaara nɛ.
Ŋ gbegisu nɛ a lɩɩ ʋ nyuŋ a kaa tuu ʋ naasɩŋ.
14Ʋ tɩtɩa timiŋ nɛ ŋ laa a tɔɔ gɩrɩgɛ ʋ nyuŋ lɛ,
ʋ bayuoroo sɩ gbu lɩɩ dɩ ba ŋmoola pɩsɛ.
Ba faa jʋɔsʋ nɛ dɩ ba kɛŋ nɩalɩŋ sɩ
bɩ ba tɩtɩa lɛ wuo pɛ sɩ faa a liŋ.
15Ŋ vɛŋ mʋgʋ-balɩŋ tʋɔŋ nɛ arɩ ŋ janɩŋ,
a kɛŋ ʋ lɩɩ-balɩŋ vuugi.
16Mɩ nɩɩ wɩaa deemba kala nɛ a chichel,
mɩ niipinee ŋmuŋmoo dɔŋɔ,
mɩ yaraa kala sʋʋ,
mɩ naasɩŋ chichel.
Ama mɩ jaŋ dii kenyiri aŋ gbɛrɛ tapʋlɩɩ-la
wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.
17Arɩ tutogusuŋ sɩ bɩ fɩɩla ma kala,
girep tɩɩsɩŋ ma bɩ nɛnɛ,
olif tɩɩsɩŋ ma bɩ nɛnɛ,
bagɩsɩŋ bɩ kʋdiilii kala kɛnɛ,
piesee ma tuo pie-dɩa lɛ,
nɛsɩŋ ma tuo nɛ-dɩa lɛ,
18ama mɩ ha jaŋ jʋɔsɛ La TƖƖNA teeŋ.
Mɩ tʋɔŋ jaŋ tɔrɛ mɩ Wɩa sɩ ŋaa mɩ Laataara nyuŋ.
19La TƖƖNA Wɩɩjarɩbakɔ nɛ ŋaa mɩ doluŋ,
ʋ nɛ leŋe mɩ naachɛɛŋ lɩŋ a nagɛ aamɩŋ kʋa.
Ʋ nɛ pɛ mɩ lɛ mɩ wuo jɩjɩl peelee.
Yɩɩl-la ba sɩ yɩɩ pɩ gɔgʋ-hɩaŋ nɛ ŋɩɩ.
Právě zvoleno:
HABAKU 3: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
HABAKU 3
3
Habaku Wɩɩsʋlʋŋ
1Wɩa wʋlaabʋlla Habaku sɩ sʋl Wɩa a bʋl wɩalɩŋ nɛ ŋ-la: 2La TƖƖNA, mɩ nɩɩ ŋ yɩrɩŋ wɩaa nɛ.
La TƖƖNA, ŋ wʋŋaalaa kperimi nɛ.
Bɩra wasa ŋaa wɩalɩŋ la ma mɩɩsɩŋ bʋa lɛ,
dɩ la jɩmba.
Dɩ ŋ nɛ na baanɩŋ ma, fá la nenige.
3Wɩa lɩɩ Ɛdɔm tinteeŋ nɛ a kʋkɔ,
Wɩa sɩ bɩ disiniŋ kɛnɛ lɩɩ Paraŋ peeliŋ nyuŋ nɛ a kʋkɔ.
Ʋ tʋla tɔ wɩa-nyuŋ kala nɛ
ka nɩaa dɛnnʋ su tinteeŋ kala.
4Ʋ tʋla nagɛ wɩɩpɔsʋŋ nɛ,
pʋlʋmʋŋ chaanɛ lɩɩ ʋ nɩsɩŋ lɛ,
lee-la ʋ doluŋ sɩ faa.
5Nyanyal bɔŋŋɔɔ laa ʋ sɩpaaŋ nɛ,
ka sʋʋŋ tuto ʋ naabʋɔsʋŋ.
6Dɩ ʋ nɛ chɩna, tinteeŋ yie zigili nɛ,
dɩ ʋ nɛ beŋ tinteyee nɩaa, ba yie chichel nɛ.
Peel-bɩnaa arɩ dundol-bɩnaa yie tel a yɛrɛ nɛ.
Ʋ wombiee chɩna nɛ a kaa mʋ wuu.
7Mɩ na dɩ fawʋllʋŋ kɛŋ Kusa nɩaa ba lɛŋŋɛɛ lɛ,
Midiaŋ nɩaa ma chichel ba dɩjʋʋlʋŋ.
8La TƖƖNA, ŋ baanɩŋ fa sii fuonu-la nyuŋ nɛɛ?
Ŋ baanɩŋ fa sii mʋgʋ-balɩŋ nyuŋ nɛɛ,
bʋa-la lɛ ŋ sɩ jɩl ŋ janɩŋ
arɩ ŋ laalɩŋ janɩŋ torukoba-la ŋ sɩ kaa yuo didii?
9Ŋ lɩɩsɛ ŋ toŋ nɛ ʋ lʋaga lɛ,
a leŋ ba kɛŋ to-hɛŋŋɛɛ yʋgɛ a kʋ pɩŋ.
Ŋ leŋe tinteeŋ yɛrɛ nɛ fuonuŋ pɩpɛllɛ.
10Peelee naŋ nɛ, a chichel.
Duonuŋ faasa nɩɩ,
mʋgʋ-balaa huhuuri,
lɩɩ-peliŋ sisii.
11Wɩɩpɔsʋŋ arɩ chɛnɛ chɩŋ dɩ-bala nɛ wɩa-nyuŋ
ba sɩ na ŋ to-hɛŋŋɛɛ arɩ ŋ
tiŋŋee sɩɩ lɩgɩsʋ wɩa-nyuŋ.
12Baanɩŋ nɛ ŋ kaa vɛnɛ golli tinteeŋ
a nʋɔsɛ tinteyee arɩ baaŋ-la.
13Ŋ lɩa dɩ ŋ laa ŋ nɩaa ta nɛ,
dɩ ŋ laa nɩɩ-la ŋ sɩ lɩɩsa ta.
Ŋ kpʋ nɩbɔŋŋɔɔ tinteeŋ sɩpaalaara nɛ.
Ŋ gbegisu nɛ a lɩɩ ʋ nyuŋ a kaa tuu ʋ naasɩŋ.
14Ʋ tɩtɩa timiŋ nɛ ŋ laa a tɔɔ gɩrɩgɛ ʋ nyuŋ lɛ,
ʋ bayuoroo sɩ gbu lɩɩ dɩ ba ŋmoola pɩsɛ.
Ba faa jʋɔsʋ nɛ dɩ ba kɛŋ nɩalɩŋ sɩ
bɩ ba tɩtɩa lɛ wuo pɛ sɩ faa a liŋ.
15Ŋ vɛŋ mʋgʋ-balɩŋ tʋɔŋ nɛ arɩ ŋ janɩŋ,
a kɛŋ ʋ lɩɩ-balɩŋ vuugi.
16Mɩ nɩɩ wɩaa deemba kala nɛ a chichel,
mɩ niipinee ŋmuŋmoo dɔŋɔ,
mɩ yaraa kala sʋʋ,
mɩ naasɩŋ chichel.
Ama mɩ jaŋ dii kenyiri aŋ gbɛrɛ tapʋlɩɩ-la
wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.
17Arɩ tutogusuŋ sɩ bɩ fɩɩla ma kala,
girep tɩɩsɩŋ ma bɩ nɛnɛ,
olif tɩɩsɩŋ ma bɩ nɛnɛ,
bagɩsɩŋ bɩ kʋdiilii kala kɛnɛ,
piesee ma tuo pie-dɩa lɛ,
nɛsɩŋ ma tuo nɛ-dɩa lɛ,
18ama mɩ ha jaŋ jʋɔsɛ La TƖƖNA teeŋ.
Mɩ tʋɔŋ jaŋ tɔrɛ mɩ Wɩa sɩ ŋaa mɩ Laataara nyuŋ.
19La TƖƖNA Wɩɩjarɩbakɔ nɛ ŋaa mɩ doluŋ,
ʋ nɛ leŋe mɩ naachɛɛŋ lɩŋ a nagɛ aamɩŋ kʋa.
Ʋ nɛ pɛ mɩ lɛ mɩ wuo jɩjɩl peelee.
Yɩɩl-la ba sɩ yɩɩ pɩ gɔgʋ-hɩaŋ nɛ ŋɩɩ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014