HABAKU 1
1
1Wɩalɩŋ Wɩa fa sɩ joŋo dagɛ ʋ wʋlaabʋlla Habaku a nagɛ duosoo tʋɔŋ nɛ ŋ-la.
Habaku gʋrɩmɛ wɩaa Wɩa teeŋ
2“La TƖƖNA, ɛɛ nɛ mɩ yɩrɛ ŋ yɩrɩŋ diene ŋɩɩ dɩ ŋ pɛ la lɛ,
ka ŋ bɩ jegile nɩɩ?
Ɛɛ nɛ mɩ ŋmoo niiŋ pɩŋ ŋɩɩ,
ka ŋ bɩ la laa ta ba sɩɩ dii doluŋ la lɛ?
3Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa?
Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala?
Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala
ka yuosuŋ arɩ kaalɛrɛ ma pʋrɩgɛ.
4Wɩalɩŋ ba fa sɩ ŋmʋnsa bil dɩ la tuto bɩra bɩ doluŋ kɛnɛ
ba ŋaa wʋpɛɩ ba nɛ,
wʋtɩtɩɩ bɩra tuo.
Nɩbɔŋŋɔɔ nɛ laa leriŋ kala aŋ ŋmoo tʋɔpʋl tɩŋŋaa hɛ pɛgɛ lɛ
a pɔ dɩ ba sɩ́ wʋtɩtɩɩ kaa tɩŋ.”
Wɩalɩŋ La Tɩɩna sɩ bʋla pɩ Habaku
5Ŋɩɩ nɛ La TƖƖNA fa bʋl, “Beŋ tinteyee tʋɔŋ,
ŋ jaŋ na wɩaa dɩ ba kpere.
Ŋ mɩɩsɩŋ deeŋ lɛ mɩ jaŋ ŋaa wɩɩ,
dɩ ba nɛ bʋl wɩɩ-la pɩŋ ma,
ŋ bɩ jaŋ laa dii.
6Mɩ jaŋ leŋ dɩ Babɩlɔŋ tɩŋŋaa bɩra kɛŋ doluŋ,
nɩalɩŋ sɩ kɛŋ tʋɔhɛɛŋ a chaasa bɔŋ woruŋ,
a wuo vɛnɛ mʋmʋ dʋnɩa sɛmɛ na-kala
dɩ ba yuo laa tinteye-la sɩ bɩ ba kɩaa ŋaa.
7Ba kɛŋ fawʋllʋŋ nɛ woruŋ, nɩaa fɩfába.
Baa to ba tɩtɩa wombiiŋ nɛ a ŋɩŋaa wɩalɩŋ sɩɩ tɔrɛ ba tʋɔŋ.
8Ba janɩŋ ma naaŋ lɩma a kɩɩ kpeyee,
ba kɛŋ baanɩŋ a kɩɩ guŋguro losuŋ sɩ kɛnɛ dɩdaanɩŋ nɛ.
Ba ja-laalɩŋ paa puu dɔŋɔ nɛ a kʋkɔ.
Ba ja-jɩllaa lɩɩ dɩ-bolii nɛ a kʋkɔ.
Ba file nɛ a kʋkɔ ba dʋndɔŋŋɔɔ lɛ
a nagɛ kachuuŋ sɩɩ tuu dɩ ʋ joŋ kʋa.
9Ba laalɩyuoroo kala kɛŋ doluŋ nɛ a kʋ yuo dii.
Ba sɩɩ kɔ ŋɩɩ leŋe fawʋllʋŋ kɛŋ nɩaa nɛ,
ba sɩ yuo kɛsɛ nɩalɩŋ yʋga a nagɛ hagɩla nɛ.
10Baa sieri kuoru balaa lɛ nɛ,
a mʋmɔŋ tɩntɩnnɩ-hɩasɩŋ ma lɛ.
Baa mɔŋ tabala-la kala ba sɩ saa kɛrɩsɩŋ golli nɛ.
Ba saa vaŋkumba nɛ a yelli kɛrɩsɩ-la a to nɩmɛ jʋʋ yuo kɛsɛba.
11Ŋɩɩ nɛ ba kʋ bal a nagɛ peliŋ.
Nɩaa deemba ŋaa wʋcheeree nɛ,
ba doluŋ nɛ ŋaa ba wɩa.”
Habaku bɩra gʋrɩmɛ wɩaa Wɩa teeŋ
12“Ou La TƖƖNA, ŋ nɛ hɛ nɩmɛ faafaa kala.
Mɩ Wɩa, ŋ bɩ disiniŋ kɛnɛ, la bɩ jaŋ sʋʋ.
Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ.
Mɩ Wɩa, ŋ nagɛ bʋŋ nɛ a chu tɔla,
ŋ nɛ fa lɩɩsɛba a pɩba doluŋ dɩ ba dɔgɩsɛla.
13Ŋ sɩaa zɔmɔ nɛ kɩŋkɛŋ, ŋ sɩ jaŋ kaa beŋ wʋbɔŋŋɔɔ.
Ŋ bɩ jaŋ sɛɩ pɩ nɩalɩŋ sɩ bɩ wɩaa woruŋ ka ŋaa.
Bɛɛ nɛ saa tɩɩ ŋ sɛɩ pɩ nɩbɔŋŋɔɔ?
Bɛɛ nɛ tɩɩ ŋ tɔrɛ ŋ niiŋ,
ka nɩbɔŋŋɔɔ chichei nɩalɩŋ sɩ kɛŋ tʋɔpʋla a kɩɩba?
14Ŋ fa leŋe nuhuobiinee nagɛ chenfilee sɩ hɛ mʋgʋ-balɩŋ tʋɔŋ nɛ,
a nagɛ mʋgʋ-balɩŋ tʋɔŋ kɩaa sɩ bɩ bibennu kɛnɛ.
15Nɩbɔmʋŋ kɛŋ gbɩamba kɩkɛsɛba,
a kɛŋ joŋ ma a kɩkɛsɛba.
Ʋ yie kɛsɛba arɩ ʋ joŋ-la a lɛrɛ lɩɩ
ʋ tʋɔŋ tɔrɛ, ʋ jʋjʋɔsɛ.
16Ŋɩɩ nɛ ʋ yie kpaarɛ ʋ jomba-la,
a nyɩgɛ kʋsʋɔrʋsʋŋ pɩpɩba.
Ʋ jomba-la lɛ nɛ ʋ to nɩna kɩalɩŋ kala ʋ sɩɩ chɛ,
a didii kʋdii sɩŋŋaa.
17Ʋ maga dɩ ʋ ha kpʋkpʋ tinteyee nɩaa ŋɩɩ nɛ,
aŋ bɩ ba nenige ka fáa?
Právě zvoleno:
HABAKU 1: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
HABAKU 1
1
1Wɩalɩŋ Wɩa fa sɩ joŋo dagɛ ʋ wʋlaabʋlla Habaku a nagɛ duosoo tʋɔŋ nɛ ŋ-la.
Habaku gʋrɩmɛ wɩaa Wɩa teeŋ
2“La TƖƖNA, ɛɛ nɛ mɩ yɩrɛ ŋ yɩrɩŋ diene ŋɩɩ dɩ ŋ pɛ la lɛ,
ka ŋ bɩ jegile nɩɩ?
Ɛɛ nɛ mɩ ŋmoo niiŋ pɩŋ ŋɩɩ,
ka ŋ bɩ la laa ta ba sɩɩ dii doluŋ la lɛ?
3Bɛɛ nɛ tɩɩ ŋ leŋ mɩ na wɩaa sɩ bɩ ba bʋa lɛ ŋaa?
Bɛɛ nɛ tɩɩ ŋ sɛɩ wʋbɔŋŋɔɔ ŋaanɩŋ su leriŋ kala?
Ŋ leŋ mɩ bibeŋ ka leriŋ chichei doluŋ didiila mɩ sɛmɛ na-kala
ka yuosuŋ arɩ kaalɛrɛ ma pʋrɩgɛ.
4Wɩalɩŋ ba fa sɩ ŋmʋnsa bil dɩ la tuto bɩra bɩ doluŋ kɛnɛ
ba ŋaa wʋpɛɩ ba nɛ,
wʋtɩtɩɩ bɩra tuo.
Nɩbɔŋŋɔɔ nɛ laa leriŋ kala aŋ ŋmoo tʋɔpʋl tɩŋŋaa hɛ pɛgɛ lɛ
a pɔ dɩ ba sɩ́ wʋtɩtɩɩ kaa tɩŋ.”
Wɩalɩŋ La Tɩɩna sɩ bʋla pɩ Habaku
5Ŋɩɩ nɛ La TƖƖNA fa bʋl, “Beŋ tinteyee tʋɔŋ,
ŋ jaŋ na wɩaa dɩ ba kpere.
Ŋ mɩɩsɩŋ deeŋ lɛ mɩ jaŋ ŋaa wɩɩ,
dɩ ba nɛ bʋl wɩɩ-la pɩŋ ma,
ŋ bɩ jaŋ laa dii.
6Mɩ jaŋ leŋ dɩ Babɩlɔŋ tɩŋŋaa bɩra kɛŋ doluŋ,
nɩalɩŋ sɩ kɛŋ tʋɔhɛɛŋ a chaasa bɔŋ woruŋ,
a wuo vɛnɛ mʋmʋ dʋnɩa sɛmɛ na-kala
dɩ ba yuo laa tinteye-la sɩ bɩ ba kɩaa ŋaa.
7Ba kɛŋ fawʋllʋŋ nɛ woruŋ, nɩaa fɩfába.
Baa to ba tɩtɩa wombiiŋ nɛ a ŋɩŋaa wɩalɩŋ sɩɩ tɔrɛ ba tʋɔŋ.
8Ba janɩŋ ma naaŋ lɩma a kɩɩ kpeyee,
ba kɛŋ baanɩŋ a kɩɩ guŋguro losuŋ sɩ kɛnɛ dɩdaanɩŋ nɛ.
Ba ja-laalɩŋ paa puu dɔŋɔ nɛ a kʋkɔ.
Ba ja-jɩllaa lɩɩ dɩ-bolii nɛ a kʋkɔ.
Ba file nɛ a kʋkɔ ba dʋndɔŋŋɔɔ lɛ
a nagɛ kachuuŋ sɩɩ tuu dɩ ʋ joŋ kʋa.
9Ba laalɩyuoroo kala kɛŋ doluŋ nɛ a kʋ yuo dii.
Ba sɩɩ kɔ ŋɩɩ leŋe fawʋllʋŋ kɛŋ nɩaa nɛ,
ba sɩ yuo kɛsɛ nɩalɩŋ yʋga a nagɛ hagɩla nɛ.
10Baa sieri kuoru balaa lɛ nɛ,
a mʋmɔŋ tɩntɩnnɩ-hɩasɩŋ ma lɛ.
Baa mɔŋ tabala-la kala ba sɩ saa kɛrɩsɩŋ golli nɛ.
Ba saa vaŋkumba nɛ a yelli kɛrɩsɩ-la a to nɩmɛ jʋʋ yuo kɛsɛba.
11Ŋɩɩ nɛ ba kʋ bal a nagɛ peliŋ.
Nɩaa deemba ŋaa wʋcheeree nɛ,
ba doluŋ nɛ ŋaa ba wɩa.”
Habaku bɩra gʋrɩmɛ wɩaa Wɩa teeŋ
12“Ou La TƖƖNA, ŋ nɛ hɛ nɩmɛ faafaa kala.
Mɩ Wɩa, ŋ bɩ disiniŋ kɛnɛ, la bɩ jaŋ sʋʋ.
Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ.
Mɩ Wɩa, ŋ nagɛ bʋŋ nɛ a chu tɔla,
ŋ nɛ fa lɩɩsɛba a pɩba doluŋ dɩ ba dɔgɩsɛla.
13Ŋ sɩaa zɔmɔ nɛ kɩŋkɛŋ, ŋ sɩ jaŋ kaa beŋ wʋbɔŋŋɔɔ.
Ŋ bɩ jaŋ sɛɩ pɩ nɩalɩŋ sɩ bɩ wɩaa woruŋ ka ŋaa.
Bɛɛ nɛ saa tɩɩ ŋ sɛɩ pɩ nɩbɔŋŋɔɔ?
Bɛɛ nɛ tɩɩ ŋ tɔrɛ ŋ niiŋ,
ka nɩbɔŋŋɔɔ chichei nɩalɩŋ sɩ kɛŋ tʋɔpʋla a kɩɩba?
14Ŋ fa leŋe nuhuobiinee nagɛ chenfilee sɩ hɛ mʋgʋ-balɩŋ tʋɔŋ nɛ,
a nagɛ mʋgʋ-balɩŋ tʋɔŋ kɩaa sɩ bɩ bibennu kɛnɛ.
15Nɩbɔmʋŋ kɛŋ gbɩamba kɩkɛsɛba,
a kɛŋ joŋ ma a kɩkɛsɛba.
Ʋ yie kɛsɛba arɩ ʋ joŋ-la a lɛrɛ lɩɩ
ʋ tʋɔŋ tɔrɛ, ʋ jʋjʋɔsɛ.
16Ŋɩɩ nɛ ʋ yie kpaarɛ ʋ jomba-la,
a nyɩgɛ kʋsʋɔrʋsʋŋ pɩpɩba.
Ʋ jomba-la lɛ nɛ ʋ to nɩna kɩalɩŋ kala ʋ sɩɩ chɛ,
a didii kʋdii sɩŋŋaa.
17Ʋ maga dɩ ʋ ha kpʋkpʋ tinteyee nɩaa ŋɩɩ nɛ,
aŋ bɩ ba nenige ka fáa?
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014