Israelfɔ Ɩlʋ 88
88
Nkpa Ɔhɔpʋ Bulu Ntosu kpoli
Kora abi atosuna ɩlʋ ha ɩlʋ osunapʋ. Bɔ́wa mʋ́ nwɛsʋ. Heman ánɩ́ otsu Esra abi lɛlɛ mʋ́.
1Oo Nana Bulu, mɩ nkpa ɔhɔpʋ Bulu,
ntosu kpoli fʋ ɔpa mʋ́a onye.
2Ha mɩ mpaɩ iwie fʋ wa.
Yaa asʋ afʋnu mɩ isu.
3Asʋn ladʋn mɩ.
Nata wu ta.
4Bakla mɩ wa awupʋtɔ.
Nabwɛ fɛ ɔwʋnlɩnpʋá ɔwʋnlɩn lata mʋ́tɔ.
5Bapʋ mɩ wa awupʋtɔ,
fɛ ɔtɔfɔá ɔda ntsantɔ.
Fʋtamatra kaɩn mʋsʋ ɛkɛkɛɛkɛ,
tsufɛ aladalɩ fʋ ɩbɩ.
6Fatswɩ mɩ wa ntsan klukluukluá
mʋ́tɔ lɛhɩɛ klun ayasɩ.
7Fahɩɛ nya ɔblɔ wa mɩ.
Ɩlabun mɩsʋ fɛ ɔpʋ dɛda. Ɩya.
8Falɛ mɩ aba lɛ mɩ ɩwɩ,
ndɛ amʋ́ nyanya wa.
Fafin mɩ wa, mmɛ́ɛtalɩ srɩ.
9Ɩwɩɔsɩn laha nasu alɩɩ,
mɩ ansibi lapɛ kɔɔ.
Oo Nana Bulu, ntokpoli fʋ ekekegyiɛkɛ.
Natsu ɩbɩ fʋa, ndesu kpoli fʋ.
10Awupʋ fʋtɔbwɛ ofula suna?
Bʋtɔkʋsʋ kanfʋ fʋ? Ɩya.
11Bʋtɛda fʋ ɔdwɛá ɩma ɔka ɩwɩ ɔkan ntsantɔ?
Ntɛ bʋtɛblɩ fʋ ɔnɔkwalɩ ɩwɩ asʋn atɔ oyintakpa?
12Bówun fʋ ofula okluntɔ ɩnʋ?
Ntɛ afuliá bʋma ɔkaɩn amʋ bɛ́lɛ fʋ yilebwɛ ɔwan?
13Oo Nana Bulu, mɩ mʋ́ a, fʋ nósu kpoli.
Mɩ mpaɩ bɔ́tʋ fʋ nyankɩgyinyankɩ.
14Oo Nana Bulu, ntogyi sʋ fadamli ɔma ha mɩ,
fatan mɩsʋ?
15Mɩ nyebitɔ ɔpá mɩ ɩla bʋ nwɛ, ndekle anwu.
Asʋn wunhɛá faha natsʋn mʋ́tɔ ɩlaha ifu dɛ mɩ,
ntra mma tɔtɔ bwɛtɔ.
16Fʋ ɔblɔ layia mɩ manta.
Fʋ ɩwɩ ifu lamɔ mɩ ta.
17Fʋ ɔblɔ tɔbʋla kɩta mɩ ɔyɩkɛhɛtɔ fɛ́ɛ́,
fɛ ntsu labomli mɩ.
18Falɛ mɩ adwɛpʋ pʋ́ mɩ anyawie fɛ́ɛ́ mɩ ɩwɩ,
nasin ɔyɩ adende.
Právě zvoleno:
Israelfɔ Ɩlʋ 88: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation