Israelfɔ Ɩlʋ 54
54
Bulu Gyi Bʋalɛ Ogyipʋ
Dawid atosuna ɩlʋ ha ɩlʋ osunapʋ. Ɔlɔwa mʋ́ brɛá Siffɔ bɛyɛbla Owie Saul ánɩ́ alabeŋain amʋ́ wa. Bɛ́da mʋ́ ɔsankuosʋ.
1Oo Bulu, pʋ fʋ ɩda hɔ mɩ,
afʋpʋ fʋ ɔwʋnlɩn gyi mɩ asʋn ha mɩ.
2Oo Bulu, nu mɩ mpaɩ.
Yaa asʋ afʋnu mɩ kokoli.
3Afɔɔ bakʋsʋ lɩɩ mɩsʋ.
Awuntɔlɩnpʋá Bulu mégyi tɔtɔɔtɔ amʋ́ ansɩsʋ
bʋdekleá bɔ́mɔ mɩ. Ɩya.
4Kɩ, Bulu gyi mɩ bʋalɛ ogyipʋ.
Mɩ Wie dɛ mɩ nkpa ɩbɩtɔ.
5Pʋ mɩ alupʋ lalahɛ ka amʋ́ ɩkɔ.
Fʋbʋ ɔnɔkwalɩ ha mɩ, sʋ mɔ amʋ́.
6Nɔ́bɔ mɩ apɛtɔ-afɔdɩɛ ha fʋ.
Nana Bulu, nɛ́kanfʋ fʋ ɩda, tsufɛ fʋbʋ alɛ.
7Falɛ mɩ lɛ ɩkplan kugyikʋtɔ,
nagyi mɩ alupʋsʋ.
Právě zvoleno:
Israelfɔ Ɩlʋ 54: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation