Imika ỌYỊSỊZỤ
ỌYỊSỊZỤ
Ọnịsẹ Imika ọnịrị Ayịsaya ọ sị ụmẹ ọnyara mè ụkọrọ aha irenyi-irenyi nị. Imika vị ana hụrẹ ẹkụra ọnya aanị ana ya ịnị ẹtẹ Ijuda. Ô re ẹtẹ ka ịrẹyị odivi ene tu anẹkụra nịnị ene hi eyi ẹbẹẹba ọnị Emọsị ka ịrẹyị ịhị ọnọọ o reè vee tù anẹkụra nịnị ana ra eyi ụvẹtẹ nị. Ohomorihi vaa sị ụya rị wa agụvị ka ẹvaya ọnị ẹ mẹ yị aza. Irenyi ana ya ịnị enube Imika ọ vị ka ộ kà a apọtẹrẹwa eyọtụra ana aa vẹ ịrẹma ụya ẹnị vaa rị.
Ịsị a vọrọ ka a tamayị anị ịnị iwe ọnọnị ọ vị ẹngwọọrọ ọnị Ohomorihi vaa sị avaba anẹhẹ ịnị ụmẹ ana vẹ (4.1-4); Ô re ẹtẹ ka ohinọyị vaa vẹ hụụnị ovwoovu Idevidi ana vaa sị ẹngwọọrọ yị ẹkụra (5.2-5a). Dị ọ va ịrẹyị anị ịrẹsụ ịnị ọchị ọnya ka, ọzọza ọọ mẹ̀ ịsa ana vọrọ, dị a nyị oyisì ẹngụ pooro, dị ọzọza ọ ra yị Ohomorihi ịnị ịrẹsụ ọyịkahi (6.8).
Eyi Ịrẹyị
Ọkarẹyị Ohomorihi yị Isirẹrị ọnịrị Ijuda 1.1—3.12
Ọyịva ẹkụra nọ udi anị ọnịrị ẹngwọọrọ 4.1—5.15
Ọyịkà ọnọ ọnịrị eyọtụra 6.1—7.20
Právě zvoleno:
Imika ỌYỊSỊZỤ: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.