Ihoseya 3
3
Ihoseya ọnịrị ọsẹrẹka ana vị ose anị
1Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.
2Ọnị o si ụta anị isiriva ẹwụrẹhị ne beri ibaari ikirogirami ẹchẹhị tụra ẹvarẹwụ. 3Dị Ihoseya kà booro aanị Igoma ọ sị vị ose anị, asị ọ kụkụ sẹ̀ ịrẹka. Asị ọ na ịda ọnọrụ ọsa. Ịnị avaba ụmẹ ọnị ọ sị ee zi ọnị ọnịrị ọ ẹ yị vaa sụ̀. 4Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị. 5Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.
Právě zvoleno:
Ihoseya 3: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.