Ezikẹẹrị 25
25
Ọkarẹyị ọnị Ohomorihi mẹ yị anẹkụra ana vọ Anaamọnị.
1 #
Ijer 49.1-6; Ezk 21.28-32; Emọ 1.13-15; Ịzhw 2.8-11 Ezikẹẹrị ka ẹkụhị ọnya, Ẹnẹyịmavara ộ kà a yị ọnị ka. 2Ọnị ozi-ọza ọ̀ và eyi ka ẹtẹ Amọnị dị ọnị ò tụ́ wa ohuvọ. 3Ọ kà ọnị ọ̀ kà a yị wa ka ọnị Ẹnẹyịmavara Ananyị ụkata hu ka, Ayị ẹnịnị vị enee hine aza maa mẹ̀ irehi ọnị Ohomorihi kẹnẹ-kẹnẹ, dị ịnẹ ẹnịnị ee hine ka asị ẹtẹ Isirẹrị tu osusu, ọnịrị é me ré ka â za Anijuda nịnị ọrịhị aa nọ aha ọsa. 4Ka wâ ịrẹyị ẹnẹnị mẹ mẹ, ọnị va navọ ka Anẹkụra ene hi eyi ịzị ọyịị̄ zịị hụrẹ ka ẹ̀ kụ ịrẹkụ va rị wụ nịnị. Ẹnịnị vaa vẹ vaa jị udii hi ẹkụra awụ nịnị, dị ẹ kụkụ rá ịzọọ. Ẹnị ẹ̀ vanaa rị ẹtụtụ ọchị awụ nịnị nị, dị e re yee hu ịrẹva ịsụpa awụ nịnị nị. 5Ẹnẹyịmavara kà ọnị vaa vara ẹkụra ana aā hị́ Ịraba ịzị aa pá ịnyaakụmị hi. Dị ọnị vara avaba ẹtẹ Amọnị ịzị a yaa pa atẹmẹ, ụvị dị wa yẹ́ nịnị ka ọnị ọ vị Ẹnẹyịmavara nị. 6Ẹnẹyịmavara Ananyị ụkata hu ka, wâ kụ̀rà ụvọ nịnị, dị wee ji iriga nịnị ayị awụ nịnị mee hine agụvị ịrẹyị ene tu Anisirẹrị nịnị nị. 7Avọọ, ọnị hụrẹ ẹwụ nịnị ụvọọ yị Anẹkụra ọsa, dị ẹ kụ́ wụ nịnị ẹnya. Ẹnẹyịmavara kà vị ọnị vee vu wu nịnị ẹtẹ saka-saka nị. Wẹ́ ma rẹ vana nyị ịzị waa hị́ ẹkụra awụ nịnị.
Animowabi nịnị
8 #
Ayị 15.1—16.14; 25.10-12; Ijer 48.1-47; Emọ 2.1-3; Ịzhw 2.8-11 Ẹnẹyịmavara Ananyịwa kà, Animowabi nịnị ệ kà a ka, Ijuda ọnịrị ẹkụra-ẹkụra ana vọ ẹ sị vị ọnyọọnya, 9ọnị vaa navọ ka ọnịvị nịnị ẹ̀ kụ ịrẹkụ tu ẹkụra-ẹkụra ene hi ụtụụtọ Imowabi. E vee nyimaa hụrị ẹkụra ẹnịnị ana nyị eyi ana aā hị́ Ijesimoti, Ịbaarị-Imeyoni ọnịrị Ikiriyata-Iyimi. 10Ọnị vaa navọ ka anẹkụra ene hi eyi ịzị ọyịị̄ zịị hụrẹ ẹ̀ nyị ẹbẹẹba Imowabi beri Amọnị. Ọza ẹ́ yị ma vana tamayị ẹkụra ana aā hị́ Imowabi paa. 11Ẹnẹyịmavara kà ọnị vaa sị ụyaa rị Animowabi nịnị, dị ẹnịnị ẹ̀ yẹ ka ọnị ọ̀ vị Ẹnẹyịmavara nị.
Anedomi nịnị
12 #
Ayị 34.5-17; 63.1-6; Ijer 49.7-22; Ezk 35.1-15; Emọ 1.11,12; Ọba 1.1-14; Ịma 1.2-5 Ẹnẹyịmavara Ananyị ụkata hu ka, Anedomi nịnị ệ mẹ ịrẹyị ọhịmị hi Anijuda nịnị ka vị ẹnị aa họ̀ oponu nị. Oponu ọnọọ ọ vị ịvị ẹnẹ ẹ rị nị. 13Ọnị aa kà a booro aanị ka ọnị vaa sị ụyaa rị Edomi, dị ọnị wụ̀ aza ẹnịrị ịsụpa hụụ ịzọọ. Ọnị vaa tu ẹtẹ Edomi osusu, hụrị ịzị aā hị́ Itemani naa ngụ ịzị aā hị́ Idedanị, dị a wụ̀ aza ene hi ịzọọ eyirẹkụ. 14Ẹnẹyịmavara kà aza anị Anisirẹrị nịnị vaa họ̀ oponu ịrẹsụ Edomi, dị ẹ̀ mẹ ka Anedomi nịnị vaa yẹ aza mẹẹ rị ụya ọnị ọ̀ọ ka ọnị aa họ̀ oponu.
Anihwirisitiya nịnị
15 #
Ayị 14.29-31; Ijer 47.1-7; Ijow 3.4-8; Emọ 1.6-8; Ịzhw 2.4-7; Iza 9.5-7 Â nyị ẹkụra ana aā hị́ Ihwirisitiya. Ẹnịrị Anisirẹrị nịnị vị ọnịvị ẹngụ hụrị ụmọrụmọ, Ẹnẹyịmavara Ananyị ụkata hu ka, Anihwirisitiya nịnị ẹ raa mẹ Anisirẹrị nịnị ịrẹyị ọhịmị ka vị ẹnị aa họ̀ oponu nị. Ẹnịnị ê vu Anisirẹrị nịnị ẹtẹ agụvị ka ẹnịnị ê sì ịrẹyị ẹnịnị. 16Avọọ, ọnị vaa kwẹẹtẹ tu Anihwirisitiya nịnị, dị ọnị wụ̀ wa va ha. Avaba Anikereti nịnị ọnịrị aza ana ra hi ụtọ irehu vị ọnị vaa wụụ ha. 17Ọnị àa họ̀ oponu ịrẹsụ ẹnịnị vị ọnị ọnị vaa sị ụyaa rị wa ẹtẹẹtẹrẹ. Ẹnịnị vaa yẹ ọnị mẹẹ kụ ayị. Dị ẹ̀ yẹ ka ọnị ọ vị Ẹnẹyịmavara nị.
Právě zvoleno:
Ezikẹẹrị 25: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.