Chhut Âi-khi̍p Ki 3

Song-ti Fû-seu Mô-sî

1Mô-sî vi kì ke chhông-mîn-ló Mí-thien chi-sṳ̂ Ya̍p-thi̍t-lò chóng-yòng; yû yit-ngit, kì chiông yòng-khiùn tai-ko sâ-mo̍k, hi-to Song-ti ke sân, chhiu-he Hò-lie̍t sân. 2Chhai ke-vi, Song-chú ke thiên-sṳ́ tui net-teu ke fó-yam chûng hiong Mô-sî hién-hien. Mô-sî khon-tó net-è chho̍k-fó, chúng-he mò sêu-thet. 3Kì sióng: “Ngióng án khì-koai, net-è ngióng m̀-voi sêu-thet nè? Ngài oi ko-hi khon liá-ke thai yi-siong.”

4Chú Song-ti khon-tó Mô-sî hàng chhièn-lòi, chhiu tui net-teu chûng ham kì: “Mô-sî! Mô-sî!”

Mô-sî en-kóng: “Ngài chhai liá-vi!”

5Song-ti kóng: “Cho-m̀-tet chai hàng chhièn-lòi. Thot-thet ngì ke hài, yîn-vi ngì só khî ke thi-fông he sṳn-thi.” 6Kì yu kóng: “Ngài he ngiâ chú-siên ke Song-ti, he Â-pak-lâ-hón ke Song-ti, Yî-sat ke Song-ti, Ngâ-kok ke Song-ti.” Mô-sî châ-tén mien, m̀-kám khon Song-ti.

7Song-chú kóng: “Ngài yí-kîn khon-tó Ngài ke chṳ́-mìn chhai Âi-khi̍p su-khú; Ngài yí-kîn thâng-tó kì-têu su kam-kûng kón-hot, fat-chhut ke ôi-khiù. Kì-têu ke thung-khú, Ngài lûng-chúng tî. 8Só-yî Ngài hâ-lòi, oi tui Âi-khi̍p-ngìn sú-chûng chiông kì-têu kiu chhut-lòi, thu kì-têu to chhin-phì, yu-fat yu-thai, liù-nen-lâu-me̍t ke thi-fông hi: Ke só-chhai he Kâ-nàm-ngìn, Het-ngìn, Â-mô-li-ngìn, Pí-li-sé-ngìn, Hî-vi-ngìn lâu Yâ-pu-sṳ̂-ngìn he̍t ke thi-fông. 9Ngài khok-sṳ̍t thâng-tó Yî-set-lie̍t-ngìn ôi-khiù ke sâng, ya khon-tó Âi-khi̍p-ngìn ngióng-pân khî-fu kì-têu. 10Liá-ha Ngài oi phai ngì hi Âi-khi̍p-vòng ke-vi, chiông Ngâ chṳ́-mìn Yî-set-lie̍t-ngìn tui Âi-khi̍p thu chhut-lòi.”

11Chúng-he Mô-sî tui Song-ti kóng: “Ngài son má-ke? Ngài ngióng cho-tet hi Âi-khi̍p-vòng ke-vi, chiông Yî-set-lie̍t-ngìn tui Âi-khi̍p thu chhut-lòi nè?”

12Song-ti en-kóng: “Ngài oi lâu ngì khiung-ha. Ngì thu Ngâ chṳ́-mìn chhut Âi-khi̍p yî-heu, ngì-têu oi chhai liá sân-táng kin-pai Ngài; liá chhiu-he Ngài phai ngì hi ke chṳn-kí.”

13Mô-sî tui Song-ti kóng: “Tông ngài hi lâu Yî-set-lie̍t-ngìn kóng: ‘Ngì-têu chú-siên ke Song-ti phai ngài to ngì-têu liá-vi lòi’, kì-têu voi mun: ‘Kì ôn-to má-ke miàng?’ Ke-sṳ̀ ngài oi ngióng-pân lâu kì-têu kóng nè?”

14Song-ti tui Mô-sî kóng: “Ngài he Chhṳ-yû Yún-yû ke#3:14 “Ngài he Chhṳ-yû Yún-yû ke” lâu Hî-pak-lòi-fa sṳ̀n miàng “Yâ-fò-fà” ke fat-yîm siông-khiun; “Yâ-fò-fà” chhai pún yi̍t-pún yi̍t-cho “Song-chú”.. Ngì hi lâu Yî-set-lie̍t-ngìn kóng: ‘Ke Chhṳ-yû Yún-yû ke phai ngài to ngì-têu liá-vi lòi.’ ” 15Song-ti yu tui Mô-sî kóng: “Ngì oi tui Yî-set-lie̍t-ngìn án-ngiòng kóng: ‘Song-chú — ngì-têu chú-siên ke Song-ti, chhiu-he Â-pak-lâ-hón ke Song-ti, Yî-sat ke Song-ti, Ngâ-kok ke Song-ti, phai ngài to ngì-têu liá-vi lòi.’ Ngài ke miàng yún-yén ôn-to Song-chú, sṳ-sṳ thoi-thoi chhiòn-phu oi án-ngiòng ki-ngiam Ngài. 16Ngì hi seu-si̍p Yî-set-lie̍t-ngìn ke chóng-ló, lâu kì-têu kóng: ‘Song-chú — ngì-têu chú-siên ke Song-ti, chhiu-he Â-pak-lâ-hón, Yî-sat, Ngâ-kok ke Song-ti, sṳt hiong ngài hién-hien, kóng: Ngài sṳ̍t-chhai khon-ku ngì-têu, Ngài yí-kîn khon-tó Âi-khi̍p-ngìn ngióng-pân khî-fu ngì-têu. 17Ngài kiet-thin oi thu ngì-têu chhut Âi-khi̍p. Ngì-têu yí-kîn su-chhin khun-khú; Ngài oi tai ngì-têu to liù-nen-lâu-me̍t, chhin-phì ke thú-thi, chhiu-he Kâ-nàm-ngìn, Het-ngìn, Â-mô-li-ngìn, Pí-li-sé-ngìn, Hî-vi-ngìn lâu Yâ-pu-sṳ̂-ngìn he̍t ke thi-fông.’

18“Ngài ke chṳ́-mìn voi thâng ngì ke fa. Yèn-heu ngì oi tai Yî-set-lie̍t ke-têu chóng-ló hi-kien Âi-khi̍p-vòng, tui kì kóng: ‘Song-chú — Hî-pak-lòi-ngìn ke Song-ti sṳt hiong ngài-têu hién-hien. Liá-ha chhiáng ngì chún ngài-têu hàng sâm-ngit ke lu, to khóng-yâ hi hiong Song-chú — ngài-têu ke Song-ti hien-chi.’ 19Ngài tî, na-m̀-he Ngài pet kì, Âi-khi̍p-vòng chhiu m̀-voi piong ngì-têu chéu. 20Chúng-he Ngài oi yung Ngài thai-nèn ke sú hàng kok-yong ke sṳ̀n-chiak lòi hìn-fa̍t Âi-khi̍p. To chui-mî Âi-khi̍p-vòng chhiu voi piong ngì-têu chéu.

21“Ngài oi chhai Âi-khi̍p-ngìn ke mien-chhièn sṳ̂-ên pûn Ngài ke chṳ́-mìn; só-yî, ngì-têu lì-khôi ke-vi ke sṳ̀, ngì-têu m̀-voi khûng-sú chéu. 22Yî-set-lie̍t ke fu-ńg tak-sà oi to kak-piak ke vuk-hâ hi, tui Âi-khi̍p lâu ngoi-chhu̍k ke fu-ńg thó kîm-ngiùn lâu sâm-fu. Ngì-têu oi chiông liá-têu tûng-sî pûn chṳ́-ńg koa chhai sṳ̂n-song; án-ngiòng ngì-têu chhiu chiông Âi-khi̍p-ngìn ke chhòi-fu chhióng-chéu.”

Právě zvoleno:

Chhut Âi-khi̍p Ki 3: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 3

Oblíbené biblické verše z
Chhut Âi-khi̍p Ki 3

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 3

Chhut Âi-khi̍p Ki 3

Oblíbené biblické verše z Chhut Âi-khi̍p Ki 3

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 3

Oblíbené biblické verše z
Chhut Âi-khi̍p Ki 3