Chhut Âi-khi̍p Ki 2

Mô-sî ke Chhut-se

1Yû yit-ke Li-vi-chhu̍k ke ngìn lâu kì thùng-chhu̍k ke yit-ke se-moi-é kiet-fûn, 2kiung yit-ke lai-é. Liá fu-ngìn-kâ khon-tó ô-nga-é tông tet-ngìn-siak, chhiu chiông kì khong sâm-ke ngie̍t kiú. 3To sṳ̍t-chhai mò phan-fap khong liá se-ngìn-è, kì chhiu nâ hàm-chhó phiên yit-ke làm-è, chhit-sông thùng-yù lâu mâ-kâu, m̀ pûn súi leu lo̍k-hi, chiông se-ngìn-è piong chhai làm-è tî-poi, yèn-heu chiông làm-è khong chhai hò-pa sùn lù-chuk chûng-kiên. 4Liá se-ngìn-è ke â-chí yén-yén khî-tén, oi khon kì voi fat-sên má-ke sṳ-chhìn.

5Koet-vòng ke moi-é to hò-pa sùn lòi sé-sṳ̂n; kì ke-têu kiûng-ńg chhai hò-pa sùn hàng-lòi hàng-hi. Fut-yèn kì khon-tó lù-chuk chûng-kiên yû yit-ke làm-è, chhiu ham yit-ke nù-pî hi nâ-lòi. 6Kûng-chú tá-khôi làm-è, khon-tó yit-ke ô-nga-é chhai tî-poi kieu, chhiu lìn-mén kì, kóng: “Liá yit-thin he Hî-pak-lòi-ngìn ke ô-nga-é.”

7Ke-sṳ̀, ô-nga-é ke â-chí hàng chhièn-lòi, tui kûng-chú kóng: “Chhiáng-mun, oi ngài hi-chhìm yit-ke Hî-pak-lòi fu-ngìn-kâ vi ngì cho kì ke nen-ôi mò?”

8Kûng-chú en-kóng: “Hó â!” Ke se-â-moi-é chhiu-hi ham ô-nga-é ke â-mê lòi. 9Kûng-chú tui ke fu-ngìn-kâ kóng: “Chiông liá ô-nga-é tai chón-hi, thoi ngài thu kì, ngài voi pûn ngì kûng-chhièn.” Só-yî ke fu-ngìn-kâ chhiu chiông ô-nga-é chiap chón-hi, yông-yuk kì. 10Liá se-ngìn-è chóng-thai yî-heu, ke fu-ngìn-kâ chiông kì tai-to kûng-chú mien-chhièn, kûng-chú chṳn-sṳt sû-yông kì cho chhṳ-kâ ke lai-é. Kì kóng: “Ngài tui súi tî-poi chiông liá se-ngìn-è lâi sông-lòi”. Kì chhiu lâu kì ôn-to Mô-sî#2:10 “Mô-sî” lâu Hî-pak-lòi-fa “lâi sông-lòi” fat-yîm siông-khiun..

Mô-sî chhai Mí-thien Liù-long

11Mô-sî chóng-thai yî-heu, sòng-sòng chhut-hi khon Hî-pak-lòi thùng-pâu, khon-tó kì-têu pûn-ngìn khiòng-pet cho khú-kûng. Yû yit-pái, kì khon-tó yit-ke Âi-khi̍p-ngìn tá-sí yit-ke Hî-pak-lòi thùng-pâu. 12Mô-sî hiong chó-yu khon, láu-tó mò-ngìn chu-yi, chhiu tá-sí ke Âi-khi̍p-ngìn, chiông sṳ̂-thí mài chhai sâ-tôi tú. 13Thi-ngi ngit, Mô-sî yu to ke-vi hi, khon-tó lióng-ke Hî-pak-lòi-ngìn siông-tá, chhiu tui ke-ke kha mò-lî ke kóng: “Ngì cho-má-ke khî-fu chhṳ-kâ ke thùng-pâu nè?”

14Ke-ngìn en-kóng: “Má-ngìn phai ngì lòi kón ngài-têu, cho ngài-têu ke fap-kôn? Ngì chhṳ̀-thet ke Âi-khi̍p-ngìn, ya sióng-oi chhṳ̀ ngài he-mò?” Mô-sî yit thâng-tó liá-fa, chhiu fî-sòng chho̍k-kiâng, sîm-tú sióng: “Ngài só-cho ke, thai-kâ yí-kîn tî lé!” 15-16Koet-vòng thâng-tó liá-sṳ, sióng-oi chhṳ̀ Mô-sî, Mô-sî chhiu thò-to Mí-thien hi, he̍t chhai ke-vi.

Yû yit-ngit, Mô-sî chhô chhai chiáng-sùn. Mí-thien ke chi-sṳ̂ yû chhit-ke moi-é, kì-têu chhut-lòi tá-súi, chông-mân súi-chhò, oi pûn â-pâ ke yòng-è sṳ̍t-súi. 17Nang-ngoi yit-khiùn chóng-yòng ke lòi, chiông kì-têu kiuk-chéu. Mô-sî chhiu hong-hí-lòi pó-fu kì-têu, yu tá-súi pûn kì-têu ke yòng-è sṳ̍t. 18Kì-têu chón-to â-pâ Liù-ngí#2:18 “Liù-ngí” yi-sṳ he “Song-ti ke phèn-yû”. Chhai 3:1 kì yu ôn-to Ya̍p-thi̍t-lò. vuk-hâ ke sṳ̀, â-pâ mun kì-têu: “Kîm-pû-ngit ngióng-pân voi án-chó chhiu chón-lòi?”

19Kì-têu en-kóng: “Yû yit-ke Âi-khi̍p-ngìn lâu ngài-têu then-sú, chiông ke-têu khî-fu ngài-têu ke chóng-yòng ngìn kiuk-chéu, hàn thoi ngài-têu tá-súi pûn yòng-è sṳ̍t.”

20Â-pâ mun ke-têu moi-é: “Kì chhai nai-vi? Cho-má-ke chiông kì liù chhai ngoi-poi? Hi-chhiáng kì lòi lâu ên-têu khiung-ha sṳ̍t-fan.”

21Heu-lòi Mô-sî thùng-yi he̍t chhai ke-vi; ke-ngìn chiông kiâ moi-é Sî-pô-lâ ka-pûn Mô-sî; 22Sî-pô-lâ kiung yit-ke lai-é. Mô-sî kóng: “Ngài he chhiam-sṳ̀ he̍t chhai ngoi-pâng ke lî-hak”. Kì chhiu lâu liá se-ngìn-è ôn-to Kiet-sun#2:22 “Kiet-sun” lâu Hî-pak-lòi-fa “cho lî-hak” fat-yîm siông-khiun..

23Ko chhin-tô ngièn, Âi-khi̍p-vòng sí-thet, Yî-set-lie̍t-ngìn hàn-he ko-tén nù-chhòi ke sên-fa̍t. Kì-têu hiong Song-ti ôi-khiù, khiù Kì pông-chhu kì-têu thot-lì khú-hói. 24Song-ti thâng-tó kì-têu ke khiù-ham, sióng-tó Kì sṳt lâu kì-têu ke chú-siên Â-pak-lâ-hón, Yî-sat, Ngâ-kok só li̍p ke yok. 25Song-ti khon-tó Yî-set-lie̍t-ngìn cho khú-kûng ke chhìn-khóng, fî-sòng koân-sîm kì-têu.

Právě zvoleno:

Chhut Âi-khi̍p Ki 2: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 2

Oblíbené biblické verše z
Chhut Âi-khi̍p Ki 2

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 2

Chhut Âi-khi̍p Ki 2

Oblíbené biblické verše z Chhut Âi-khi̍p Ki 2

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 2

Oblíbené biblické verše z
Chhut Âi-khi̍p Ki 2