เลวี 24
24
โก๋ว ตัง เญย เล์ย
(เป๊ย หมั่ง ธ้วด อียิบ 27:20-21)
1 เฒี้ยว ก๊อง บั๋ว โมเซ, 2“อ๋อย หฒุ พ้าย อิสะลาเอน เมี่ยน ต้อ หฒา ต้าย เก้า หลง เจี๋ย เญย กะลั้น โย่ว เหว่ย ปั๊ว ตัง, ปุน ตัง หฒั่นๆ เหฒียะ เจี๊ยน. 3อาโลน อ๋อย หฒุ เยียม หวุ่ย ปวั้ง เญย ด๊บ-ลิ่ว กะญั์ว, แล์ง แหง่ง หว่า ฟาง วั้ว ฉง เญย แบะ แก้ง เดีย กะเหญี่ย, หลิ่ว เล์ย ตัง ปุน น้าย เต๋ย ตัง เยียม เฒี้ยว เญย หฑะเฮมียน เฒี่ยง ม์วน เหฒียะ เจี๊ยน เถา ลู่ง ดอม. น้าย เซ ต่อย เจี๋ย ต่อย เหยียด ลิ์ว อ๋อย หฒุ กัน เญย เล์ย. 4นิ่น อ๋อย หฒุ หฒั่นๆ หลิ่ว เล์ย เยียม เฒี้ยว เญย หฑะเฮมียน วั้ว นอม เจียม-ตัง-จ๋า เญย ตัง.
เก๋ง เฒี้ยว เญย ฌั้ว
(เป๊ย หมั่ง ธ้วด อียิบ 25:30; 39:36)
5“อ๋อย หฒุ หล่ง บ๊วน-หม่วน โหฒว เหฒียบ เหญ่ย นอม ฌั้ว, เหยียด นอม หล่ง เปยย เมาะ เปี๋ยน#24:5 ฮิบลู หว่า ก๊อง “เหยียด เอฟา เหฒียบ โก๊ว เญย อี โก๊ว.” เซ เล่ย ไม้ โก 4.5 ลิด. บ๊วน, แอ๋ง ฒิ ต้าย. 6เฒาะ ต้าย อัน เจี๊ยน เยียม เฒี้ยว เญย หฑะเฮมียน วั้ว นอม เจียม-เตี้ย กู้ หงว่าย, ไบ้ เจี๊ยน โหฒว อี เลี์ยว, เหยียด เลี์ยว จุ๊ นอม. 7แอ๋ง เฒาะ ธีง-เหฑ่ง ฮูง อัน เจี๊ยน น้าย เต๋ย อี เลี์ยว ฌั้ว เหว่ย ปุน เฒี้ยว จั๋ง. น้าย เต๋ย ฮูง ตี๊ ฌั้ว หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. 8โม์ว นอม ตี้ง กง ฮนอย, อาโลน อ๋อย หฒุ เหว่ย อิสะลาเอน เมี่ยน ต้อ น้าย เต๋ย ฌั้ว มี่ง เยียม เฒี้ยว เญย หฑะเฮมียน หลิ่ว เล์ย, เซ โหฒว เหยียด ลิ์ว เญย แหง่ง หว่า. 9น้าย เต๋ย ฌั้ว เป๋น อาโลน เหธา นิ่น เญย ตอน บัว เหยียด ลิ์ว ตุ๊ เญย ป่วน. นิ่น บัว อ๋อย หฒุ เยียม ธีง-เหฑ่ง เญย ต๋อง หญั่น เหว่ย หฒุ เซ หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เก้า ธีง-เหฑ่ง เจี๋ย เญย กะน้าย.”#มัดทาย 12:4; มาโค 2:26; ลูกา 6:4
ป่าย เฒี้ยว เญย บั๋ว, หฒุ ตี่ง ฒุ์ย
10ม่าย เต้า เมี่ยน, นิ่น เญย มา อิสะลาเอน เมี่ยน, นิ่น เญย เตีย อียิบ เมี่ยน. ม่าย ฮนอย นอ, น้าย เต้า เมี่ยน เหธา เต้า อิสะลาเอน เมี่ยน เยียม วั้ว เธี้ยง แฑง จ๋า. 11น้าย เต้า อิสะลาเอน มเซียะ ตอน เญย ตอน หล่ง เหฒียว เญย หว่า คี เฒี้ยว เญย บั๋ว. เมี่ยน ฯฒฯ ต้อ นิ่น มี่ง เถา โมเซ วั้ว. (น้าย เต้า เมี่ยน เญย มา เญย บั๋ว เห่ว เซโลมิด, เซ ดาน ฝีง, ดิบลี เญย เซียะ.) 12นิ่น บัว ฯฒฯ เฒาะ น้าย เต้า เมี่ยน ขวน เจี๊ยน เถา ฮิ้ว ตุ๊ เฒี้ยว อ๋อย นิ่น บัว ฮนั้ง หาย นอ โหฒว.
13 เฒี้ยว ก๊อง บั๋ว โมเซ, 14“ต้อ คี เฒี้ยว เญย บั๋ว วั้ว เต้า เมี่ยน ธ้วด กะเหญี่ย หฒิ ด๊บ-ลิ่ว เธี้ยง. หมวัง ไฮ์ นิ่น คี เญย หว่า วั้ว เต๋ย เมี่ยน อ๋อย หฒุ ต้อ ปั์ว มาน เจี๊ยน นิ่น เญย มฆ้อง. หฒวัง เมี่ยน ฯฒฯ อ๋อย หฒุ หล่ง หละเปย๊ย ฒง ไต่ นิ่น. 15อ๋อย หฒุ บั๋ว อิสะลาเอน เมี่ยน, ‘สี ก๊อง หาย เต้า เหฒียว นิ่น เญย ทิน-ฮู่ง, นิ่น กั้น อ๋อย หฒุ ดาม-ตอง. 16หาย เต้า คี เฒี้ยว เญย บั๋ว, ฒู้ง อ๋อย หฒุ ไต๋ ไต่. หฒวัง เมี่ยน อ๋อย หฒุ เฒาะ หละเปย๊ย ฒง ไต่ นิ่น. ไม้ กุ๊น กั้น ฝีง เมี่ยน ไฟ ป๊วน-ฝีง เมี่ยน, หาย เต้า คี เฒี้ยว เญย บั๋ว, ฒู้ง อ๋อย หฒุ ไต๋ ไต่.
17“‘หาย เต้า ไต๋ เมี่ยน, วั้ว เต้า อ๋อย หฒุ ตี่ง ฒุ์ย ไต๋ ไต่.#ธ้วด อียิบ 21:12 18หาย เต้า เบ๊าะ ไต่ เมี่ยน เญย แซง-คู้, วั้ว เต้า อ๋อย หฒุ แอ๋ง ปุ้ย แซง-คู้. เซ แหม่ง ปุ้ย แหม่ง. 19หาย เต้า โหฒว ปุน เมี่ยน มุน, นิ่น ฮนั้ง หาย นอ โหฒว หย่า อ๋อย หฒุ ฮนั้ง วั้ว นอ โหฒว จ๊าว นิ่น.#ธ้วด อียิบ 21:23-25; หฑั่ม เล์ย-หลัด 19:21; มัดทาย 5:38 20บู๊ง จ๊าว บู๊ง, มฒีง จ๊าว มฒีง, ญ่า จ๊าว ญ่า. ฮนั้ง หาย นอ โหฒว ปุน เมี่ยน มุน หย่า อ๋อย หฒุ ฮนั้ง วั้ว นอ โหฒว ปุน นิ่น. 21หาย เต้า เบ๊าะ ไต่ แซง-คู้, อ๋อย หฒุ ปุ้ย แซง-คู้. มป่า หาย เต้า ไต๋ เมี่ยน ไต่, วั้ว เต้า กั้น อ๋อย หฒุ ตี่ง ฒุ์ย ไต๋ ไต่. 22ไม้ กุ๊น กั้น ฝีง เมี่ยน ไฟ จวั่ง ฝีง เมี่ยน, อ๋อย หฒุ จวั่ง น้าย ติ้ว เล์ย หล่ง.#ธ้วด อียิบ 12:49; ซ้าว เมี่ยน 15:15-16,29 เยีย เซ เฒี้ยว, เม่ย บัว เญย ทิน-ฮู่ง.’”
23โมเซ ฮนั้ง น้าย นอ บั๋ว อิสะลาเอน เมี่ยน, นิ่น บัว ฯฒฯ ต้อ คี เฒี้ยว วั้ว เต้า เมี่ยน ธ้วด กะเหญี่ย หฒิ ด๊บ-ลิ่ว เธี้ยง หล่ง หละเปย๊ย ฒง ไต่ นิ่น. ฮนั้ง หน่าย, อิสะลาเอน เมี่ยน เอย เจี๊ยน เฒี้ยว บั๋ว โมเซ เญย หว่า โหฒว.
Právě zvoleno:
เลวี 24: IuMiTH
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mien Bible (Thai Script) © Thailand Bible Society, 2007