เลวี 17
17
ขูง ม่าย ดุ นอม ต๋อง เหฒี่ย ฮนั้ง
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อาโลน เหธา นิ่น เญย ตอน เหธา อิสะลาเอน เญย หฒวัง เมี่ยน, ‘เฒี้ยว ฮนั้ง น้าย นอ พ้าย เม่ย บัว. 3หาย เต้า อิสะลาเอน เมี่ยน ไต๋ ง่ง, ปะกี ยู่ง ตอน ไฟ ยู่ง, ไม้ กุ๊น เยียม ด๊บ-ลิ่ว เธี้ยง กะญั์ว ไต๋ ไฟ เยียม กะเหญี่ย, 4สี ก๊อง ไม้ ต้อ เถา หวุ่ย ปวั้ง ด๊บ-ลิ่ว เญย แก้ง ด่าง, เฒี้ยว เญย ด๊บ-ลิ่ว หฑะเฮมียน, ฝ่ง ห่อ ปุน เฒี้ยว, อ๋อย หฒุ ตี่ง วั้ว เต้า เมี่ยน เญย ฒุ์ย เหว่ย หฒุ นิ่น ปุน ฑย้าม เหลี่ยว ธ้วด. หลาย ปุน ฑย้าม เหลี่ยว ธ้วด, อ๋อย หฒุ ปุน วั้ว เต้า เมี่ยน เยียม นิ่น เญย เมี่ยน บุด๋ง หฒุ ไพ กวั่ง. 5ฮนั้ง น้าย โหฒว เซ เหว่ย ปุน อิสะลาเอน เมี่ยน ต้อ ต้ง นิ่น บัว เยียม วั้ว น่า ไต๋ เญย แซง-คู้ ต้าย ฝ่ง ห่อ เหฒี่ย ปุน เฒี้ยว. อ๋อย หฒุ ต้อ ต้าย ปุน เฒี้ยว, เซ อ๋อย หฒุ เยียม หวุ่ย ปวั้ง ด๊บ-ลิ่ว เญย แก้ง ด่าง จิว ปุน ไซ เมี่ยน ฝ่ง ห่อ เหฒี่ย เหว่ย จิว ทง. 6ไซ เมี่ยน ฯฒฯ เฒาะ วั้ว เต้า แซง-คู้ เญย ฑย้าม ฟุ เยียม หวุ่ย ปวั้ง ด๊บ-ลิ่ว เญย แก้ง ด่าง, เฒี้ยว เญย เหฒี่ย-ต้อง กะเฮลน. นิ่น แอ๋ง เฒาะ เฮมย ปั๊ว, เว่ย ดาง เญย เฉีย หอบ เฒี้ยว เญย เฮญี้ยว. 7เยียม น้าย มี่ง อิสะลาเอน เมี่ยน ไม้ ตู๋ง ไต๋ แซง-คู้ เหฒี่ย ปุน ยู่ง เมี้ยน ฮนั้ง ม่าย เฮยี่ย เฮญี้ยว เญย เมี่ยน#17:7 เป๊ย หมั่ง ธ้วด อียิบ 34:15. นอ. น้าย เซ นิ่น บัว ต่อย เจี๋ย ต่อย เหยียด ลิ์ว อ๋อย หฒุ กัน เญย เล์ย.’
8“อ๋อย หฒุ บั๋ว นิ่น บัว, ‘หาย เต้า อิสะลาเอน เมี่ยน ไฟ เยียม นิ่น บัว กะญั์ว เญย กั้น ฝีง เมี่ยน ฝ่ง ห่อ กะน้าย เหว่ย ปั๊ว เหฒี่ย ไฟ เหฒี่ย เหว่ย หาย หญู่ง, 9หย่า ไม้ ต้อ เถา หวุ่ย ปวั้ง ด๊บ-ลิ่ว เญย แก้ง ด่าง เหฒี่ย ปุน เฒี้ยว, อ๋อย หฒุ ปุน วั้ว เต้า เมี่ยน เยียม นิ่น เญย เมี่ยน บุด๋ง หฒุ ไพ กวั่ง.
เก่, ไม้ ตู๋ง หญั่น ฑย้าม
10“‘ตะฟ่าน หาย เต้า อิสะลาเอน เมี่ยน ไฟ เยียม นิ่น บัว กะญั์ว เญย กั้น ฝีง เมี่ยน หญั่น หาย หญู่ง ฑย้าม,#ทิน เต่ย โต้ว 9:4; เลวี 7:26-27; 19:26; หฑั่ม เล์ย-หลัด 12:16,23; 15:23 เยีย ฯฒฯ ไม้ หมั่ง วั้ว เต้า เมี่ยน อ๊ะ, หย่า ปุน นิ่น เยียม นิ่น เญย เมี่ยน บุด๋ง หฒุ ไพ กวั่ง. 11เหว่ย หฒุ นั่ง เญย กะน้าย เญย แหม่ง เซ เยียม ฑย้าม. เยีย ปุน ฑย้าม เม่ย บัว เหว่ย เยียม เหฒี่ย-ต้อง ฟิ เม่ย บัว เญย ฒุ์ย. เหว่ย หฒุ แหม่ง เยียม ฑย้าม, ฑย้าม หธีง ต้าย ไฮ่ ฟิ ฒุ์ย.#ฮิบลู 9:22 12เหว่ย น้าย เยีย ก๊อง บั๋ว อิสะลาเอน เมี่ยน, “เม่ย บัว หาย เต้า ไม้ ตู๋ง หญั่น ฑย้าม. เยียม เม่ย บัว กะญั์ว เญย กั้น ฝีง เมี่ยน หย่า ไม้ ตู๋ง หญั่น ฑย้าม.”
13“‘หาย เต้า อิสะลาเอน เมี่ยน ไฟ เยียม เม่ย บัว กะญั์ว เญย กั้น ฝีง เมี่ยน, ป๊วน ไม้ ม่าย หวุย, ไฮ่ หญั่น ตุ๊ เญย แซง-คู้ อ๊อ ไฟ เหนาะ, อ๋อย หฒุ ปุน อ๊อ เญย ฑย้าม ธ้วด เหฑ่ง แอ๋ง หล่ง เนีย ปย๊บ เจี๊ยน, 14เหว่ย หฒุ หญู่งๆ นั่ง เญย กะน้าย เญย แหม่ง เซ เยียม นิ่น เญย ฑย้าม. เหว่ย น้าย เยีย หธีง บั๋ว อิสะลาเอน เมี่ยน, “ไม้ ตู๋ง หญั่น หาย หญู่ง กะน้าย เญย ฑย้าม, เหว่ย หฒุ หญู่งๆ กะน้าย เญย แหม่ง เซ เยียม นิ่น เญย ฑย้าม. หาย เต้า หญั่น, ฒู้ง อ๋อย หฒุ ไพ กวั่ง.”
15“‘ไม้ กุ๊น ป๊วน-ฝีง เมี่ยน ไฟ กั้น ฝีง เมี่ยน, สี ก๊อง หญั่น นิ่น กั้น ไต่ เญย แซง-คู้ อ๊อ ไฟ หฒุ เฮยี่ย กะน้าย หงาด ต้าย เญย อ๊อ, อ๋อย หฒุ โหฑ ลุย-โหว, หล่ง ววม หฑาว ซิน, นิ่น หย่า ม่าย หวุย เถา หฮมวัง ฯฒฯ ธีง-เหฑ่ง หมี่ อ๊ะ. 16มป่า สี ก๊อง นิ่น ไม้ โหฑ ลุย-โหว, ไม้ หฑาว ซิน, นิ่น อ๋อย หฒุ ดาม กั้น เญย ฒุ์ย อ๊ะ.’”
Právě zvoleno:
เลวี 17: IuMiTH
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mien Bible (Thai Script) © Thailand Bible Society, 2007