Logo YouVersion
Ikona vyhledávání

Matteyo 1

1
Hohonyiok Yesu Kristo
(Luk 3:23-38)
1Igioroni jio abuk ana afureta hohonyiok Yesu Kristo to woyo ba Dafide, lonyi Abramo.
2Ara Abramo monye Isako, Isako monye Yakobo, Yakobo monye Yuda iko illarak honyi; 3ara Yuda monye Peres iko Sera (huttolo ŋoruoi honyi Tamar), Peres monye Heseron, Heseron monye Ram, 4Ram monye Aminadab, Aminadab monye Nason, Nason monye Salmon, 5Salmon monye Bowas, (jio ŋoruoi honyi Rahab), Boas monye Obed (huttolo ŋoruoi honyi Rus), Obed monye Yese, 6Yese monye hobu Dafide.
Ara nyia Dafide monye Solomon tottolo ŋoruoi honyi ninyia ara 'to aŋoruoi Uriya; 7Solomon monye Rehobuwam, Rehobuwam monye Abiya, Abiya monye Asa, 8Asa monye Yehosafat, Yehosafat monye Yoram, Yoram monye Usiya, 9Usiya monye Yotam, Yotam monye Ahas, Ahas monye Hesekiya, 10Hesekiya monye Manase, Manase monye Amon, Amon monye Josiya, 11Josiya monye Yekoniya iko illarak honyi to ninyia anyarik isi ifau Babilonia.
12Ihalu anyaru hosi Babilonia, Yehoyakin monye Salatiel, Salatiel monye Serubabel, 13Serubabel monye Abiud, Abiud monye Elayakim, Elayakim monye Asor, 14Asor monye Sadok, Sadok monye Akim monye Eliud, 15Eliud monye Eliasar, Elasar monye Mattan, Mattan monye Yakobo, 16Yakobo monye Yosefu, Yosefu habi Maria, honye Yesu, Yesu elle iloŋoi Olonyimoto.
17Tania itterio jio Abramo many jio Dafide, arai nyia asik 'tomon haŋuan, buo fe jio Dafide many iholoŋ ninyia anyarik isi Babilonia arai nyia buo fe asik 'tomon haŋuan. Attati teya many jio oloŋ ninyia isiorik Olonyimoto arai nyia buo fe asik 'tomon haŋuan.
Esiuna ono Yesu Kristo
(Luk 2:1-7)
18 # Luk 1:27 Ara nyia esiuna ono Yesu Kristo ihua ana: Ocoroni nyia honyonyi Maria jio Yosefu. Buo ninyia hobeŋi isi ayamanie, onyurani nyia jio ayedu Maria ta aduaran ono Loholio Olibo. 19Attati habi honyi Yosefu, jiaran apiaharu jihonyi dee nyio, ara nyia inyi atulo ollo obis 'to buo fe obeŋ awak itanyahina inyi ariri ihosiere waati. 20Ati ninyia hègigilo Yosefu erre hunia, oleyehino nyia ajilo olo Lamonye jihonyi ta arigia, ette jiaran, “Yosefu, otto woyo Dafide, hèbaŋ ayemuna Maria aŋoruoi hoi, nyio oyedu inyi ta aduaran ono Loholio Olibo. 21#Luk 1:31Isiu adi inyi leto, buo ifurak adi iyye inyi Yesu, nyio italahu adi inyi aati honyi te iyyata hosi.”
22Iduoŋi nyia erre huna 'daŋ, itasiruniere ekiana ono Lamonye ninyia ikianari inyi te etuk ekianani honyi jio, 23“Oyedu adi obo oduoti onno hobeŋ ottironie iko obo alle. Ottu adi inyi isiuna eto 'le. Ifurani adi inyi Imanuele,” (onno ojio 'to, “Owon Hollum ikohoi”).
24Ninyia ahenyu Yosefu, ette inyi ihanio ihuo ifak ajilo olo Lamonye inyi, ette iyemuna Maria. 25#Luk 2:21Isiu nyia Maria lonyi honyi hobeŋ Yosefu ottironie ikonyi; buo Yosefu ette ifurana leto alia Yesu.

Právě zvoleno:

Matteyo 1: EA2003

Zvýraznění

Sdílet

Kopírovat

None

Want to have your highlights saved across all your devices? Sign up or sign in

YouVersion používá soubory cookie adaptované na vaše potřeby. Používáním našich webových stránek souhlasíte s používáním souborů cookie, jak je popsáno v našich Zásadách ochrany osobních údajů