1 Kɔrent 16
16
Suuɡa baa ta tɛ Korowii nɛra
1A ka suuɡa yaa dɛ nyin ya ta tɛ Korowii nɛra la. Hɛ́ɛ ɛ ɡɛ n fa aa ŋɔ asɔre tena baa lɔ Galaasia harɛ ta be ŋɔ báa ɛ la.#Rom 15:26 2Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa. 3Dɛ n balaa, mɛɛ chwerɛ tɔn aa dɛ baɡle n waa, he kpɔ ka tɛ nɛra haa dɛ yarada ba, dɛ́ tom ba bá kpɔ a ne kwaa haa tɛ Korowii nɛra la la Jerusalam. 4Dɛ a chɛ kɛ n ne ba la naa, mɛɛ tɔ ba siee ya la.
Pɔɔl baɡle ɡɛ waa berɛ ba Makidoonia tena be
5N dɛ nyin kɛŋɔ n la Makidoonia harɛ ta. Dɛ n baa le bela aa, mɛɛ ba he bee, 6dɛ́ ba so he be dɛ́ biɡri tama. N ken ɛɛ so he bee alalawo saŋ, ásɛ alalawo saŋ kaa mɔɔ he ta mɛ ŋwɛnɛ ń kaa bela bwa maa dɛ nyin. 7Dɛ n ŋɔ mɛɛ ba na heyaa tarakenii yaa, maa won biɡri he be. Kɛ dɛ Korowii sɛoh n ba won ba naa, mɛɛ biɡri he bee. 8Mɛɛ so Ɛfesos bonɔɔ ka tel kɛŋɔ Pɛntekɔs Tɔpejen la aa tel,#Weɛ 19:8-10 9dɛkalkɛŋɔ n dɔ bɔr bonɔ dɛ́ won ɛ Korowii toma kohona, ásɛ a le tɔnɔ dɛ tɛo. Nɛra baa dɛ nyin ba tɔ n toma ŋwɛnɛ la warɔ te.
10Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.#1Kɔ 4:17 11Anomanta, he bɛ o sie lawɛ teɡɛ harɛ. Hé doo ŋwɛnɛ ásɛ o kpɔ bambisɔɔhna dɛ berɛ ba n be. N dɛ nyiŋi o ne yabala la ŋwɛnɛ.#1Ti 4:12
12N soŋe ya dɔŋ Apolos ŋɔ ó ja yabala la nɛɛ ba ba he be, kɛ a ta o som doe kɛ ó la bela taraken. Dɛ o baa dɔ bɔr aa, wɛɛ bao.#Weɛ 18:24
13Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri. 14Hé kpɔ nɛnnyin dɛɛ ɛ wobɛlbwa dɛɛ tɛ nɛra.
15Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra. 16Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa. 17Stɛfanas ne Fɔtonaatos ne Akaekus balɔ, asɛ a do n som taeh, dɛkalkɛŋɔ he ɡbabir ta wone ba ásɛ n na heya, kɛ ba chiɡ he naa ta dɛ ba, 18dɛ ba do mɛ ɡbemba taeh, dɛ do he ɡe ɡbemba. Hɛ́ɛ duu nɛra baa do ken nɔ.
19Asɔre tena baa lɔ Eesia harɛ la dɛ na heyaa taeh. Akwela ne Presela ne asɔre tena baa dɛ cheme ba dem la ɡe dɛ na heyaa Yeesu sɔn ta.#Weɛ 18:2 20Yabala bwa baa lɔ bonɔ dɛ na heya. Hɛ́ɛ lea dɔŋa kɛrɛdɛ kɛŋɔ nyabii.
21Men Pɔɔl ɡbaɡbaa bol waa nɔ ba chwerɛ, asɛ n ɡbabir ɡe chwerɛ anɔ aa kaa nɔ. N dɛ na heya.
22Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!#16:22 Aram wobol ta, Maranaata munii Ya Dɔɔ, ba!
23Yá Dɔɔ Yeesu Kristo waa dɛ na nɛra sum la cha he bwa sekwaraa.
24He nɛra he ne Yeesu Kristo aa pɛa la, n dɛ na heyaa n bambile bwa ne. Aamen.
Právě zvoleno:
1 Kɔrent 16: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
1 Kɔrent 16
16
Suuɡa baa ta tɛ Korowii nɛra
1A ka suuɡa yaa dɛ nyin ya ta tɛ Korowii nɛra la. Hɛ́ɛ ɛ ɡɛ n fa aa ŋɔ asɔre tena baa lɔ Galaasia harɛ ta be ŋɔ báa ɛ la.#Rom 15:26 2Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa. 3Dɛ n balaa, mɛɛ chwerɛ tɔn aa dɛ baɡle n waa, he kpɔ ka tɛ nɛra haa dɛ yarada ba, dɛ́ tom ba bá kpɔ a ne kwaa haa tɛ Korowii nɛra la la Jerusalam. 4Dɛ a chɛ kɛ n ne ba la naa, mɛɛ tɔ ba siee ya la.
Pɔɔl baɡle ɡɛ waa berɛ ba Makidoonia tena be
5N dɛ nyin kɛŋɔ n la Makidoonia harɛ ta. Dɛ n baa le bela aa, mɛɛ ba he bee, 6dɛ́ ba so he be dɛ́ biɡri tama. N ken ɛɛ so he bee alalawo saŋ, ásɛ alalawo saŋ kaa mɔɔ he ta mɛ ŋwɛnɛ ń kaa bela bwa maa dɛ nyin. 7Dɛ n ŋɔ mɛɛ ba na heyaa tarakenii yaa, maa won biɡri he be. Kɛ dɛ Korowii sɛoh n ba won ba naa, mɛɛ biɡri he bee. 8Mɛɛ so Ɛfesos bonɔɔ ka tel kɛŋɔ Pɛntekɔs Tɔpejen la aa tel,#Weɛ 19:8-10 9dɛkalkɛŋɔ n dɔ bɔr bonɔ dɛ́ won ɛ Korowii toma kohona, ásɛ a le tɔnɔ dɛ tɛo. Nɛra baa dɛ nyin ba tɔ n toma ŋwɛnɛ la warɔ te.
10Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.#1Kɔ 4:17 11Anomanta, he bɛ o sie lawɛ teɡɛ harɛ. Hé doo ŋwɛnɛ ásɛ o kpɔ bambisɔɔhna dɛ berɛ ba n be. N dɛ nyiŋi o ne yabala la ŋwɛnɛ.#1Ti 4:12
12N soŋe ya dɔŋ Apolos ŋɔ ó ja yabala la nɛɛ ba ba he be, kɛ a ta o som doe kɛ ó la bela taraken. Dɛ o baa dɔ bɔr aa, wɛɛ bao.#Weɛ 18:24
13Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri. 14Hé kpɔ nɛnnyin dɛɛ ɛ wobɛlbwa dɛɛ tɛ nɛra.
15Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra. 16Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa. 17Stɛfanas ne Fɔtonaatos ne Akaekus balɔ, asɛ a do n som taeh, dɛkalkɛŋɔ he ɡbabir ta wone ba ásɛ n na heya, kɛ ba chiɡ he naa ta dɛ ba, 18dɛ ba do mɛ ɡbemba taeh, dɛ do he ɡe ɡbemba. Hɛ́ɛ duu nɛra baa do ken nɔ.
19Asɔre tena baa lɔ Eesia harɛ la dɛ na heyaa taeh. Akwela ne Presela ne asɔre tena baa dɛ cheme ba dem la ɡe dɛ na heyaa Yeesu sɔn ta.#Weɛ 18:2 20Yabala bwa baa lɔ bonɔ dɛ na heya. Hɛ́ɛ lea dɔŋa kɛrɛdɛ kɛŋɔ nyabii.
21Men Pɔɔl ɡbaɡbaa bol waa nɔ ba chwerɛ, asɛ n ɡbabir ɡe chwerɛ anɔ aa kaa nɔ. N dɛ na heya.
22Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!#16:22 Aram wobol ta, Maranaata munii Ya Dɔɔ, ba!
23Yá Dɔɔ Yeesu Kristo waa dɛ na nɛra sum la cha he bwa sekwaraa.
24He nɛra he ne Yeesu Kristo aa pɛa la, n dɛ na heyaa n bambile bwa ne. Aamen.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.