ATITI AWM ANGCHEI NAI Angchei i Leu
Angchei i Leu
Ati ti awm angchei nai cha-iu theung y khaileaung pri amteaung angchei nai leaungsaichi thui pi nai ne. Hini cha-iu theung y khusangdeaungdu ai palum nai sai, khumi angso ai palum angchei nai sai, Tameuh ly khumichi hawi amtawn nai sai, nanai satangchi abawi nai ne. Atiti awm angchei nai cha-iu ai ly phy nyhrei patleh pi bo: (1) Pakeung 1-11. Khaileaung palum nai hawi khumi angso chawn angchei nai satang ne. Hini pakeungchira y ly Adam hawi Evi, Ka-ina hawi Abela, Nova hawi tuibai tuitleng theu nai, Babulon yhm ka-sang satangchi ne. (2) Pakeung 12-50. Israela chengchi i amsi sangumchi satang abawi. Angchei i amsi sangum ly Tameuh ai ym nai hawi, mymy i leu tangai naira y chehra by y nanai Abraham ne. Naibaly chapo Isaka, katu Jakob (Israela napi nai) satang, Israela cheng holai nyhrei i ampochi napi nai Jakob i chapo leaung holai nyhreichi i satang, Jakob i chapochi theung i Josepha i satang py, Jakob hawi chapochi i yhm dengtheungchi Aikupta pri y awm nai satang py tabawi patyp bo.
Hini cha-iu theung y khumi i satang thui pi naira y pany hai patyp ai ngai nai ly Tameuh i palum nai leaungsaichi ne. Tameuh my ly khusangdeaungdu ai palum angchi khyp, nanai amteaung iy, mymy ly mymy i khumichi ai kry jojo ai, nanai leu adeu nai hawi patem bo. Cha-iu verei y Tameuh i sa nai saichi pany hai patyp iy, Tameuh ly sa tamang nai khumichi ai tara chih iy pajeng nai sai satang, mymy i khumichi ai pahawi iy nichi ai kahawi palum pi nai satangchi ne. Khumi cheng harei i ym nai sai hawi, huni ym naira khaw hai jo ai nai sabawmra lawm nai py, hini angchei i cha-iu theung y tajiu pi nai ne.
Abawi naichi
Khusangdeaungdu hawi khumi ai sa nai 1.1—2.25
Kamngo kun angchei nai hawi patang nai 3.1–24
Adam dengdairei Nova ryrei 4.1—5.32
Nova hawi tuibai tuitleng theu nai 6.1—10.32
Babulon yhm ka-sang 11.1–9
Sema dengdairei Abraham ryrei 11.10–32
Israela cheng i amsi pajo Abraham, Isaka, Jakobchi 12.1—35.29
Esaw i kangpreangchi 36.1–43
Josepha hawi amjo amnauchi 37.1—45.28
Aikupta pri y tym nai Israela chengchi 46.1—50.26
Právě zvoleno:
ATITI AWM ANGCHEI NAI Angchei i Leu: KCL02
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Khumi Common Language Bible © Bible Society of Myanmar, 2005.