MATHI 27
27
Jisu Ssinu Pilat tuwi kewa
(Mrk 15.1; Luk 23.1-2; Jhn 18.28-32)
1Ghanen mitu na keqhaikedi ntsathu nu keshenpfüthu tsüdila Jisu pi shü thsüale acho kidenya. 2Mathu na ma ghan pi bhenya nu ma ssi wa Rom nyi ahng sa kebenwa Pilat kwen wi chia.
Judah Keshü
(Kek 1.18-19)
3Judah nyu kematsawa na Jisu tsü meshensadha le kesa zakeya wi ma leben khapegheya nu rükatssü changha tsü sen nu keqhaikedi ntsathu nu keshenpfüthu wi wa nu khi, 4“Hi anyi kesami nkemi kesü matsa pi shü thsü kesalina samidha le!”
Mathu na khineng, “Ikhang tsü ghena mangwa saya nu? Tsüna no ketanla nghena le!”
5Judah na apisa tsü pi Kekinyijjen wi cüchi nu bvüa; nu wa ma ketanla ma hanthia.
6Keqhaikedi ntsathu na apisa tsü khuya nu khi, “Hawa ha ajjü men apisa nu ha pi kekinyijjen keben wi kechi ayen nmi.” 7Mathu keccünengli cenkeya seng wi apisa tsü pi apfükezhüwa lli shei pi asangthu shüjjenpen sa. 8#Kek 1.18-19 Tsalina alli tsü pi nansü kecu “Ajjü Lli” isa ciden.
9 #
Zek 11.12-13
Isanu atusenjüh-kechüwa Jeremiya kekhi tsü ntsakhiwa sacen yadha: “Mathu na Israel nyithu na pi ma cüle cen ketheng rükatssü changha tsü khuya, 10nu Apvüwa na hi kekiza ti mathu na apisa tsü pi apfükezhüwa lli sheiya.”
Pilat na Jisu Kekeü
(Mrk 15.2-5; Luk 23.3-5; Jhn 18.33-38)
11Jisu na Rom nyi ahng sa kebenwa tuwi ngan nu ma wi keü thsüben. Ma keü, “No Judah nyithu kadimiwa kwe?”
Jisu luneng, “No tsüti khidha.” 12Isala ma mangla khi pi keqhaikedi ntsathu nu keshenpfüthu ma kekimenni jüh tsü nluneng.
13Tsalina Pilat na ma wi khi, “No mathu na pala hathu khi pi no kimenni keben ha za nben kwe?”
14Isala Jisu na ajüh kesüla khi pi nluneng, tsalina ahng na ma mansa ntsa sa.
Jisu pi Shü Thsülo Kekhi
(Mrk 15.6-15; Luk 23.13-25; Jhn 18.39—19.16)
15Shhukeya Kho wi Rom nyi ahng na anyitenti ma wi kekhie wi atssüzüthu kesü khushi kecü tsü pi ayen saden. 16Tsü tsüwi anyi kemechan kesü Jisu Barabba na atssüzü saben. 17Anyitenti na gho saghukeya wi Pilat na mathu wi keü, “Hi nthu ghena thowa khushi thsü mvuben nu? Jisu Barabba la Jisu pi Messiya le khi ketenwa tsü nu?”
18Ma Judah nyi kekhang kesenthu na anyonghopvü ghena Jisu ghan pi ma kwen wi chitheng kesa tsü chütha ben.
19Pilat na ajühkekaghatenpen wi donki keben wi ma wubvü na ketsijüh kesü kesun pi ma wi chi: “Anyi kesami nkemiwa katsü miwi mangla nsa lalo, kepaghenanye hi khija iman wi ma ghena ketizen sa ntsa sale!”
20Keqhaikedi ntsathu nu keshenpfüthu na anyitenti kechüchi pi Pilat wi Barabba khushi nu Jisu pi shü thsülo khi thsü. 21Isala Pilat na anyitenti wi keü, “Hi nthu ghena ha manyi thowa khushi thsü mvuben nu?” Mathu na “Barabba le!” isa khineng.
22Pilat na mathu keü neng, “Isathu, hi Jisu pi Messiya le khi ketenwa tsü pi khati sa nu?”
Mathu tsüdila, “Ma pi kross miwi jenlo!” isa khi.
23Isala Pilat na “Ma kesami mangwa sazzi theng nu?” isa keü. Tsaseng wi mathu na misi ntsawa magha nu: “Ma pi kross miwi jenlo!” isa khi.
24 #
Aye 21.6-9 Pilat na mangla saya nbendha, isala kivvü shaghaya mehai kesa kemu wi ma wala atssü pahan pi anyitenti tuwi na ma kwen metsi nu khi, “Anyi hawa keshü ghena ikhhi mangla nmi le! Hawa ha nthu ketanla kekuli le!”
25Anyitenti maben la luneng, “Ma keshü khhi tsü yala ithu nu ithu tsangathu miwi gho thsülo.”
26Tsaseng wi Pilat na mathu ghena Barabba khushia nu ma Jisu kihhe cü nu ma pi kross miwi jenlo pi mathu cüa.
Süpahithu na Jisu Nankeqhekesa
(Mrk 15.16-20; Jhn 19.2-3)
27Pilat süpahithu na Jisu ssinu ahng kadipen wi du nu ciwi anyi tsüdila ma vüsen ben. 28Mathu na ma thsümeni bhu nu agwomejuwa kaghazu kenmie pi ma pvü thsü. 29Mathu na aghazü cünathu pi aliwen sa pi ma li wi chi, nu akhhatssü kesü pi ma kwen ajewa sen thsü; tsaseng wi mathu na ma tuwi akhhutsüdu ma nankeqhe nu khi, “Judah nyithu Kadimiwa kesie kahangwa salo.” 30Mathu na ma meshuki, nu akhhatssü tsü khuya nu pi ma li wi kihhe. 31Mathu na ma nankeqhe tsü sacen nu ma gwo wi athsü tsü khusha nu ma thsümeni pi ma pvü nengya thsü. Tsaseng wi mathu na ma pi kross miwi jenle ssi bvüa.
Jisu pi Kross miwi Kejen
(Mrk 15.21-32; Luk 23.26-43; Jhn 19.17-27)
32Mathu wa keten wi Kuren wina kegho nyi kesü ma nyan Simon kesa metuya, nu süpahithu na ma meten pi Jisu kross tsü pvü thsü. 33Mathu wa apen kesü Golgatha ma jjügi “Aligü Pen” kesa cuya. 34#Zak 69.21 Ciwi mathu na kisengtssü pi kessetssü saghu pi Jisu jjü thsü; isala ma pampi nan nu tsü jjü meyala.
35 #
Zak 22.18
Mathu ma pi kross miwi jen nu tsaseng wi ma thsümeni pi akezen sa nu pi mathu jawi gishüya. 36Tsaseng wi mathu ciwi donki nu ma hieben. 37Mathu na ma kekimenni jüh hati zhüpi ma li wi chi: “Hawa ha Judah nyithu Kadimiwa.” 38Mathu ciwi kaghanfü nyi keni pi Jisu gweghe kesü pi ajewa nu kesü pi tavüwa jen.
39 #
Zak 22.7; 109.25 Anyi ciwi kewathu na mathu li kejen pi hoholo Jisu kimenni nu khi, 40#Mat 26.61; Jhn 2.19 “Aha! No Kekinyijjenwa tsü yasa nu ghanan kecheng jüwi tsü saneng tendha man! No Anyiza Tsawa lethu no ketanla no hangsha yalo! Kross miwi na dugholo!”
41Tsü makesü keqhaikedi ntsathu, Ayenkesansithu, nu keshenpfüthu la gho ma nankeqhe nu khi: 42“Ma nyu kepa wi hangsha yaben, isala ma ketanla ma hangshaya nben le! Ma Israel nyithu kadimiwa nye kwe? Keujüla ma khili kross miwi na dugho lethu, ithu na ma nondi ben le! 43#Zak 22.8 Ma Anyiza nondi nu Anyiza Tsawa le khiden. Isalethu, Anyiza na khili ma hangshaya tenla nye khe ithu ghangchi nan na!”
44Pi ma gweghe jen ketheng kaghanfü keni lela tsü makesü khi pi ma kimenni.
Jisu Keshü
(Mrk 15.33-41; Luk 23.44-49; Jhn 19.28-30)
45Ghanan lapvü wi amighe kekihhe kecheng jü-u tsü diyyiwa maben la jang. 46#Zak 22.1Amighe kecheng kekihhe wi Jisu na ahhai misi ntsawa jisha nu, “Eli, Eli, lema sabachthani?” ma jjügi, “INyiza, iNyiza, no mangkesa na hi teshidha nu?” isa khi.
47Anyi ciwi ngan kebenthu pahan na tsü zaya nu khi, “Ma Elijah ciben le!” 48#Zak 69.21 Mathu meshu kesü na kaghajila bvüwa akhishu ti kesa pi kessetssü ten sengho nu pi Jisu jjü thsüle sa.
49Isala kepathu na khi, “Hieben lalo, Elijah na gho ma hangshaya tenla nye khe ghangchi nan na!” 50Jisu na kheneng ahhai misi ntsa maghachi nu shü. 51#Bvü 26.31-33 Tsaseng wi Kekinyijjen wi ajenka keshonthsü tsü ma li na cü ma ccü kecu mezüqhe pi keni sa. Ameghükuju, alonthu qankhhi, 52nu ashüjjenthu shachi, nu Anyiza nyi shü kesathu kejon la hangneng-shagha. 53Mathu na shagha ashüjjenthu teshi nu Jisu na keshü wina hangneng-keshagha seng wi mathu gweghe Kemetha Nyunutiwa wi wa, nu ciwi anyi kejon na mathu mu.
54Meza miwi kediwa nu süpahithu ma gweghe Jisu hie kebenthu na ameghükuju nu hathu kekuli tsüdi mukeya wi mathu qhethiketen sa nu khi, “Ntsakhiwa ma Anyiza Tsawa le!”
55 #
Luk 8.2-3
Ciwi kinyibvü kejon na alen kesie wi ben nu ghangben, mathu na Galilee wina Jisu niegho nu ma kiqa. 56Mathu jawi Magdalen Maria, James nu Josef manyi jja, nu Zebedee wubvü na ben.
Jisu pi Kevhü
(Mrk 15.42-47; Luk 23.50-56; Jhn 19.38-42)
57Minulen wi keban kesü Arimatheya wina kegho, ma nyan Josef nu ma la Jisu sansikeya nyi kesü. 58Ma Pilat tuwi wha nu Jisu kamang tsü khie. Pilat na akamang tsü pi Josef cülo ahza khuchia. 59Tsalina Josef na tsü pieshaya nu linen ketheü kesü pi mejuya, 60nu tsü pi ma khilili alonshi wi ho ketheng ashüjjen ketheü wi tsü chia. Tsaseng wi ma alon keti kesü kulupheghe pi ashüjjen pang tsü khen nu bvüa. 61Magdalen Maria nu Maria kepawa manyi na ashüjjen kejentanwa tsü donkiben.
Ashüjjen nu Aghikehiethu
62Dhitsüwa tsüna Sabbath ghena keqhaikedi ntsathu nu Farisithu na wa Pilat metu, 63#Mat 16.21; 17.23; 20.19; Mrk 8.31; 9.31; 10.33-34; Luk 9.22; 18.31-33 nu khi, “Kediwa, milikemesawa katsü na ma hang keben wi hati kekhi tsü ikhang na meshen- yadha, ‘Hi ghanan kecheng seng wi hangneng-shagha shaben.’ 64Tsalina ghanan kechengwa npi kecen chu ma shüjjen tsü hie kemehai sayalo kesa ahza khuchilo, isanu ma sansikeyathu na wala akamang tsü ghanfüya nu anyithu wi ma hangneng-shaghadha le nkhi thsüle kesalina. Milikemesa hawa hana atuwa miwi nmehai laben.”
65Pilat na mathu kiza, “Aghikehiethu ssiya nu wala nthu saya kemehai chu ashüjjenwa tsü hie kemehai sayalo.” 66Tsalina mathu wala ashüjjen lon miwi tsü mechantsi pi jen nu aghikehiethu pi hie thsüa.
Právě zvoleno:
MATHI 27: RENGNBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
MATHI 27
27
Jisu Ssinu Pilat tuwi kewa
(Mrk 15.1; Luk 23.1-2; Jhn 18.28-32)
1Ghanen mitu na keqhaikedi ntsathu nu keshenpfüthu tsüdila Jisu pi shü thsüale acho kidenya. 2Mathu na ma ghan pi bhenya nu ma ssi wa Rom nyi ahng sa kebenwa Pilat kwen wi chia.
Judah Keshü
(Kek 1.18-19)
3Judah nyu kematsawa na Jisu tsü meshensadha le kesa zakeya wi ma leben khapegheya nu rükatssü changha tsü sen nu keqhaikedi ntsathu nu keshenpfüthu wi wa nu khi, 4“Hi anyi kesami nkemi kesü matsa pi shü thsü kesalina samidha le!”
Mathu na khineng, “Ikhang tsü ghena mangwa saya nu? Tsüna no ketanla nghena le!”
5Judah na apisa tsü pi Kekinyijjen wi cüchi nu bvüa; nu wa ma ketanla ma hanthia.
6Keqhaikedi ntsathu na apisa tsü khuya nu khi, “Hawa ha ajjü men apisa nu ha pi kekinyijjen keben wi kechi ayen nmi.” 7Mathu keccünengli cenkeya seng wi apisa tsü pi apfükezhüwa lli shei pi asangthu shüjjenpen sa. 8#Kek 1.18-19 Tsalina alli tsü pi nansü kecu “Ajjü Lli” isa ciden.
9 #
Zek 11.12-13
Isanu atusenjüh-kechüwa Jeremiya kekhi tsü ntsakhiwa sacen yadha: “Mathu na Israel nyithu na pi ma cüle cen ketheng rükatssü changha tsü khuya, 10nu Apvüwa na hi kekiza ti mathu na apisa tsü pi apfükezhüwa lli sheiya.”
Pilat na Jisu Kekeü
(Mrk 15.2-5; Luk 23.3-5; Jhn 18.33-38)
11Jisu na Rom nyi ahng sa kebenwa tuwi ngan nu ma wi keü thsüben. Ma keü, “No Judah nyithu kadimiwa kwe?”
Jisu luneng, “No tsüti khidha.” 12Isala ma mangla khi pi keqhaikedi ntsathu nu keshenpfüthu ma kekimenni jüh tsü nluneng.
13Tsalina Pilat na ma wi khi, “No mathu na pala hathu khi pi no kimenni keben ha za nben kwe?”
14Isala Jisu na ajüh kesüla khi pi nluneng, tsalina ahng na ma mansa ntsa sa.
Jisu pi Shü Thsülo Kekhi
(Mrk 15.6-15; Luk 23.13-25; Jhn 18.39—19.16)
15Shhukeya Kho wi Rom nyi ahng na anyitenti ma wi kekhie wi atssüzüthu kesü khushi kecü tsü pi ayen saden. 16Tsü tsüwi anyi kemechan kesü Jisu Barabba na atssüzü saben. 17Anyitenti na gho saghukeya wi Pilat na mathu wi keü, “Hi nthu ghena thowa khushi thsü mvuben nu? Jisu Barabba la Jisu pi Messiya le khi ketenwa tsü nu?”
18Ma Judah nyi kekhang kesenthu na anyonghopvü ghena Jisu ghan pi ma kwen wi chitheng kesa tsü chütha ben.
19Pilat na ajühkekaghatenpen wi donki keben wi ma wubvü na ketsijüh kesü kesun pi ma wi chi: “Anyi kesami nkemiwa katsü miwi mangla nsa lalo, kepaghenanye hi khija iman wi ma ghena ketizen sa ntsa sale!”
20Keqhaikedi ntsathu nu keshenpfüthu na anyitenti kechüchi pi Pilat wi Barabba khushi nu Jisu pi shü thsülo khi thsü. 21Isala Pilat na anyitenti wi keü, “Hi nthu ghena ha manyi thowa khushi thsü mvuben nu?” Mathu na “Barabba le!” isa khineng.
22Pilat na mathu keü neng, “Isathu, hi Jisu pi Messiya le khi ketenwa tsü pi khati sa nu?”
Mathu tsüdila, “Ma pi kross miwi jenlo!” isa khi.
23Isala Pilat na “Ma kesami mangwa sazzi theng nu?” isa keü. Tsaseng wi mathu na misi ntsawa magha nu: “Ma pi kross miwi jenlo!” isa khi.
24 #
Aye 21.6-9 Pilat na mangla saya nbendha, isala kivvü shaghaya mehai kesa kemu wi ma wala atssü pahan pi anyitenti tuwi na ma kwen metsi nu khi, “Anyi hawa keshü ghena ikhhi mangla nmi le! Hawa ha nthu ketanla kekuli le!”
25Anyitenti maben la luneng, “Ma keshü khhi tsü yala ithu nu ithu tsangathu miwi gho thsülo.”
26Tsaseng wi Pilat na mathu ghena Barabba khushia nu ma Jisu kihhe cü nu ma pi kross miwi jenlo pi mathu cüa.
Süpahithu na Jisu Nankeqhekesa
(Mrk 15.16-20; Jhn 19.2-3)
27Pilat süpahithu na Jisu ssinu ahng kadipen wi du nu ciwi anyi tsüdila ma vüsen ben. 28Mathu na ma thsümeni bhu nu agwomejuwa kaghazu kenmie pi ma pvü thsü. 29Mathu na aghazü cünathu pi aliwen sa pi ma li wi chi, nu akhhatssü kesü pi ma kwen ajewa sen thsü; tsaseng wi mathu na ma tuwi akhhutsüdu ma nankeqhe nu khi, “Judah nyithu Kadimiwa kesie kahangwa salo.” 30Mathu na ma meshuki, nu akhhatssü tsü khuya nu pi ma li wi kihhe. 31Mathu na ma nankeqhe tsü sacen nu ma gwo wi athsü tsü khusha nu ma thsümeni pi ma pvü nengya thsü. Tsaseng wi mathu na ma pi kross miwi jenle ssi bvüa.
Jisu pi Kross miwi Kejen
(Mrk 15.21-32; Luk 23.26-43; Jhn 19.17-27)
32Mathu wa keten wi Kuren wina kegho nyi kesü ma nyan Simon kesa metuya, nu süpahithu na ma meten pi Jisu kross tsü pvü thsü. 33Mathu wa apen kesü Golgatha ma jjügi “Aligü Pen” kesa cuya. 34#Zak 69.21 Ciwi mathu na kisengtssü pi kessetssü saghu pi Jisu jjü thsü; isala ma pampi nan nu tsü jjü meyala.
35 #
Zak 22.18
Mathu ma pi kross miwi jen nu tsaseng wi ma thsümeni pi akezen sa nu pi mathu jawi gishüya. 36Tsaseng wi mathu ciwi donki nu ma hieben. 37Mathu na ma kekimenni jüh hati zhüpi ma li wi chi: “Hawa ha Judah nyithu Kadimiwa.” 38Mathu ciwi kaghanfü nyi keni pi Jisu gweghe kesü pi ajewa nu kesü pi tavüwa jen.
39 #
Zak 22.7; 109.25 Anyi ciwi kewathu na mathu li kejen pi hoholo Jisu kimenni nu khi, 40#Mat 26.61; Jhn 2.19 “Aha! No Kekinyijjenwa tsü yasa nu ghanan kecheng jüwi tsü saneng tendha man! No Anyiza Tsawa lethu no ketanla no hangsha yalo! Kross miwi na dugholo!”
41Tsü makesü keqhaikedi ntsathu, Ayenkesansithu, nu keshenpfüthu la gho ma nankeqhe nu khi: 42“Ma nyu kepa wi hangsha yaben, isala ma ketanla ma hangshaya nben le! Ma Israel nyithu kadimiwa nye kwe? Keujüla ma khili kross miwi na dugho lethu, ithu na ma nondi ben le! 43#Zak 22.8 Ma Anyiza nondi nu Anyiza Tsawa le khiden. Isalethu, Anyiza na khili ma hangshaya tenla nye khe ithu ghangchi nan na!”
44Pi ma gweghe jen ketheng kaghanfü keni lela tsü makesü khi pi ma kimenni.
Jisu Keshü
(Mrk 15.33-41; Luk 23.44-49; Jhn 19.28-30)
45Ghanan lapvü wi amighe kekihhe kecheng jü-u tsü diyyiwa maben la jang. 46#Zak 22.1Amighe kecheng kekihhe wi Jisu na ahhai misi ntsawa jisha nu, “Eli, Eli, lema sabachthani?” ma jjügi, “INyiza, iNyiza, no mangkesa na hi teshidha nu?” isa khi.
47Anyi ciwi ngan kebenthu pahan na tsü zaya nu khi, “Ma Elijah ciben le!” 48#Zak 69.21 Mathu meshu kesü na kaghajila bvüwa akhishu ti kesa pi kessetssü ten sengho nu pi Jisu jjü thsüle sa.
49Isala kepathu na khi, “Hieben lalo, Elijah na gho ma hangshaya tenla nye khe ghangchi nan na!” 50Jisu na kheneng ahhai misi ntsa maghachi nu shü. 51#Bvü 26.31-33 Tsaseng wi Kekinyijjen wi ajenka keshonthsü tsü ma li na cü ma ccü kecu mezüqhe pi keni sa. Ameghükuju, alonthu qankhhi, 52nu ashüjjenthu shachi, nu Anyiza nyi shü kesathu kejon la hangneng-shagha. 53Mathu na shagha ashüjjenthu teshi nu Jisu na keshü wina hangneng-keshagha seng wi mathu gweghe Kemetha Nyunutiwa wi wa, nu ciwi anyi kejon na mathu mu.
54Meza miwi kediwa nu süpahithu ma gweghe Jisu hie kebenthu na ameghükuju nu hathu kekuli tsüdi mukeya wi mathu qhethiketen sa nu khi, “Ntsakhiwa ma Anyiza Tsawa le!”
55 #
Luk 8.2-3
Ciwi kinyibvü kejon na alen kesie wi ben nu ghangben, mathu na Galilee wina Jisu niegho nu ma kiqa. 56Mathu jawi Magdalen Maria, James nu Josef manyi jja, nu Zebedee wubvü na ben.
Jisu pi Kevhü
(Mrk 15.42-47; Luk 23.50-56; Jhn 19.38-42)
57Minulen wi keban kesü Arimatheya wina kegho, ma nyan Josef nu ma la Jisu sansikeya nyi kesü. 58Ma Pilat tuwi wha nu Jisu kamang tsü khie. Pilat na akamang tsü pi Josef cülo ahza khuchia. 59Tsalina Josef na tsü pieshaya nu linen ketheü kesü pi mejuya, 60nu tsü pi ma khilili alonshi wi ho ketheng ashüjjen ketheü wi tsü chia. Tsaseng wi ma alon keti kesü kulupheghe pi ashüjjen pang tsü khen nu bvüa. 61Magdalen Maria nu Maria kepawa manyi na ashüjjen kejentanwa tsü donkiben.
Ashüjjen nu Aghikehiethu
62Dhitsüwa tsüna Sabbath ghena keqhaikedi ntsathu nu Farisithu na wa Pilat metu, 63#Mat 16.21; 17.23; 20.19; Mrk 8.31; 9.31; 10.33-34; Luk 9.22; 18.31-33 nu khi, “Kediwa, milikemesawa katsü na ma hang keben wi hati kekhi tsü ikhang na meshen- yadha, ‘Hi ghanan kecheng seng wi hangneng-shagha shaben.’ 64Tsalina ghanan kechengwa npi kecen chu ma shüjjen tsü hie kemehai sayalo kesa ahza khuchilo, isanu ma sansikeyathu na wala akamang tsü ghanfüya nu anyithu wi ma hangneng-shaghadha le nkhi thsüle kesalina. Milikemesa hawa hana atuwa miwi nmehai laben.”
65Pilat na mathu kiza, “Aghikehiethu ssiya nu wala nthu saya kemehai chu ashüjjenwa tsü hie kemehai sayalo.” 66Tsalina mathu wala ashüjjen lon miwi tsü mechantsi pi jen nu aghikehiethu pi hie thsüa.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.