MATHI 24
24
Jisu na Kekinyijjen Yasaketen Kekhi
(Mrk 13.1-2; Luk 21.5-6)
1Jisu na Kekinyijjen teshi nu bvü keten wi sansikeyathu na gho Kekinyijjen kesa tsü tsütson pi ma kiza. 2Ma khi, “Anle, nthu na hathu tsüdila muben. Hi ha pi nthu kizaden, hewi alon kesütanla ma pen wi nbenla nu tsüdila pasha benle.”
Agükeccüthu nu Kemeten-kemeshathu
(Mrk 13.3-13; Luk 21.7-19)
3Jisu na wala Oliv Yikha wi donki keben sansikeyathu na gho ma wi keü, “Hathu ha kusi saben khe pi ikhang kizalo. No gho keten wi nu kahang sakhen gho keten wi zensu khati saben khe pi ccücalo.” 4Jisu khineng, “Kiden-kesha nu anyi kesütanla nthu nmechu thsü lalo. 5Kepaghenanye anyi kejon na inyan wina hati khi ghoben, ‘Hi Messiya le! Isanu mathu na anyi kejonla mechu sen bvüaben. 6Nthu na teghatsan wi aghikesa hhai nu kelensie wi aghikesa jühtheü zaben, isala nmessi lalo. Kepaghenanye hathu ha nsathu yishü, isala asakhenwa tsü npi ghole. 7Mizzatenti kesü na kepawa ssinu aghi saben; kadiyyi kesü na kepawa shun ben; nu apen tsüdi wi azeng sa nu ameghükuju isa ben. 8Hathu ha tsüdila nza kepvügha wi atuwa kinaa ti kesa.
9 #
Mat 10.22 Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben. 10Tsü tsüwi anyi kejon na mathu kenondi teshia; mathu khokho kematsali nu khokho nankemeghüli isa ben. 11Tsaseng wi milikemesa atusenjüh-kechü kejon na shhugho anyi kejon mechuben. 12Hatinu nkemehai na pongthu anyithu nanketizenli na kicü waben. 13#Mat 10.22 Isala thowa na kekheneng sen wa asakhen cuya khe ma hangsha yaben. 14Nu Kadiyyi cüki Jühtheü Kemehaiwa ha pi ayyi tsüdi nu anyi tsüdi tuwi chüza sala thangchi lethu ciwi ccüna asakhenwa tsüna ghoben.
Qhethiketen Kesawa
(Mrk 13.14-23; Luk 21.20-24)
15 #
Dan 9.27; 11.31; 12.11 “Nthu na ‘Qhethiketen kesawa’ Daniel atusenjüh-kechüwa na kekhi tsü muben. Tsüna kemetha pen wi ngan ben.” (Tsü kesiwa na: ha mangwa jjügi khe chüshiyalo.) 16Tsaseng wi Judea wi kebenthu tsüdila ayikhathu wi bvü wa nsathu yishü. 17#Luk 17.31 Anyi kesü ajjen mili wi kebenwa na kheneng du ma jjen wi ma tsanqaithu khuyale sayishü. 18Anyi kesü alli wi kebenwa na kheneng whala ma thsü khuyale sayishü. 19Isathu tsü tsüwi nza atsa-npvü nu atsa ssi ketenthu ghena khatila qhethiketen saten nu! 20Nthu na pathsü wi nyelela Sabbath tsathang wi bvü nwale kesalina Anyiza wi kekhie saben tenlo! 21#Dan 12.1; Ccü 7.14 Kepaghenanye tsü tsathang wi ketizenkesa na kheni ayyi kesachi wina gho khili kahang kecu wi tsüti npi sa nu ghaketen wi la tsüti sa nben. 22Isala Anyiza na tsü tsathang sa pi zeng cüdha; ma tsüti nsa lethu thola hangya nkesa. Isala Anyiza na ma kessikeya nyithu ghena atsathangthu tsü sa pi zeng cüaben.
23“Keujüla anyi kesü na nthu wi, ‘Ghangchilo, Messiya na hewi benle!’ nyelela ‘Ma ka wi benle!’ — isa lela ma n-nondi lalo. 24Kepaghenanye milikemesa Messiyathu nu milikemesa atusenjüh- kekhithu na ghoben; mathu na saya kemehai chu Anyiza na kessiya kesathu lela mechu sen bvüale kesalina zensu nu amankesathu saben. 25Kinayalo! Hi matsü npi wina ha pi nthu kizadha.
26 #
Luk 17.23-24
“Nyelela keujüla anyithu na nthu kizala, ‘Ghangchilo, ma aghansha wi benle!’ khi lela — ciwi nwa la; nyelela mathu na khi, ‘Ghangchilo, ma hewi kuthi benle!’ khi lela — tsü n-nondi lalo. 27Kepaghenanye Anyi Tsawa kegho tsüna nishuwa atsancwe chithu niduwa mu keten tsüti saben. 28#Luk 17.37 “Keshü kamang na khiewa ben khe akamang kemcüwathu na ciwi saghu benden.
Anyi Tsawa na Ghoketen
(Mrk 13.24-27; Luk 21.25-28)
29 #
Isa 13.10; 34.4; Jol 2.10,31; 3.15; Ccü 6.12,13; Ezk 32. “Ketizenkesa hathu ha cenya meyi aghani na jang, asha na nwegüla, ghotsithu na tang wina qanca dugho, nu atssan wi kekhang tsüdila pakuli shaben. 30#Dan 7.13; Zek 12.10-14; Ccü 1.7Tsaseng wi akulu wi Anyi Tsawa zensu muben; nu ayyi wi anyithu tsüdila Anyi Tsawa na tang wi akulukeshü miwi kekhang nu anyankethang ntsa sala gho keten kemu wi qaiben. 31Tsaseng wi achünong khu chithu ma ma nyilothu kesun pi ayyi ccügwen mejü wi chi nu ayyi maben wi mathu na ma kessikeya nyithu tsü saghu yaben.
Khhaghabvüton wina Chükeya
(Mrk 13.28-31; Luk 21.29-33)
32“Nthu khhaghabvü ton wina chüyalo. Khathansha wi ma cünathu wi mawa kaghani bighi shigü shagha khe mazu wa ndhale kesa nthu na chüyaden. 33Tsü makesü, nthu na pala hathu tsüdi kuli keben kemu wi matsü na tetsakidha, nu ma ghole kidenyadha kesa chüyaben. 34Hi atsentsa nthu kizaden, hathu ha tsüdi npi kesa chu anyi nansü hang kebenthu na shü nben. 35Atssan nu ayyi na nmilaben, isala ijühthu tsü khiela nmila sa nben.
Thola Matsüwa Tsü Nchü
(Mrk 13.32-37; Luk 17.26-30,34-36)
36“Isala anyi thola tsü tsathangwa nu matsüwa tsüna khathansha wi ghoben khe nchü. Abawa ketan khe tangnyilothu nu Atsawa lela nchü. 37#Ade 6.5-8 Anyi Tsawa kegho tsathang tsüna Noah tsüwi khati sa khe tsüti saben. 38Tsü tsathang wi atssüdan npi sa kegho chu anyithu na dsa nu jjü, keshanyi sa, tsüti sa wa Noah na ahun wi kedu tsathang cu, 39#Ade 7.6-24 isala atssüdan na ghola mathu npi kemeyanphon chu mathu na mangwa saben khe chü meyala. Tsü makesü Anyi Tsawa kegho wi la tsüti saben. 40Tsü tsüwi anyi meshu keni na alli wi kuliben lela kesü ssiya nu kepawa teshiaben. 41Nza meshu keni na asusüben lela kesü ssiya nu kepawa teshiaben. 42Tsalina nthu kiden-kesha nu hie benlo, kepaghenanye nthu na nthu Pvüwa na atsathang kusi gho ten khe nchü. 43Keujüla ajjen pvüwa kesü na kaghanfü na khathansha wi gho ten khe chü lethu, ma njenla ma jjen tsü hieya nu kaghanfü yala tsü pasa duya thsü nben kesa nthu na chüti ben. 44#Luk 12.39-40 Tsalina nthu na keshüthangla kiden-kesha nu hie nbenthu yishü, kepaghenanye Anyi Tsawa na nthu meshen nkeben amighe kekihhe kesü jüwi ghoaben.
Amagha Jühtsentsa Kesawa nu Nkesawa
(Luk 12.41-48)
45“Anyi thowa na amagha jühtsentsa kesenwa nu kemetsawa nu? Tsüwa tsüna ma pvüwa ma pi ajjen tsüdi miwi kediwa sa thsü, nu matsü wina kedsakejjü pi amagha kepathu cü thsü kesawa tsüle. 46Amagha hati sa keben ma pvüwa na kheneng gho mukeyawa na kemihhi ntsawa le! 47Hi atsentsa nthu kizaden, ajjen pvüwa na amagha tsüwa pi ma tsanqaithu tsüdi kenonccawa sa thsüaben. 48Isala keujüla ma amagha nkemehai lethu, ma ketanla ma wi ma pvüwa na shishi gho nbenle khi, 49nu amagha kepathu kiccü wa, nu dsa nu jjü pi adina. 50Amagha tsüwa pvüwa na ghanan kesü amaghawa na nmeshen nu nchüla keben wi kheneng gho den. 51Ajjen pvüwa na ma pi akhemi wi khalachi nu pi nkenyeghekesathu gweghe meten cüben, nu ma ciwi qai nu ma yha kemeküli saben.
Právě zvoleno:
MATHI 24: RENGNBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
MATHI 24
24
Jisu na Kekinyijjen Yasaketen Kekhi
(Mrk 13.1-2; Luk 21.5-6)
1Jisu na Kekinyijjen teshi nu bvü keten wi sansikeyathu na gho Kekinyijjen kesa tsü tsütson pi ma kiza. 2Ma khi, “Anle, nthu na hathu tsüdila muben. Hi ha pi nthu kizaden, hewi alon kesütanla ma pen wi nbenla nu tsüdila pasha benle.”
Agükeccüthu nu Kemeten-kemeshathu
(Mrk 13.3-13; Luk 21.7-19)
3Jisu na wala Oliv Yikha wi donki keben sansikeyathu na gho ma wi keü, “Hathu ha kusi saben khe pi ikhang kizalo. No gho keten wi nu kahang sakhen gho keten wi zensu khati saben khe pi ccücalo.” 4Jisu khineng, “Kiden-kesha nu anyi kesütanla nthu nmechu thsü lalo. 5Kepaghenanye anyi kejon na inyan wina hati khi ghoben, ‘Hi Messiya le! Isanu mathu na anyi kejonla mechu sen bvüaben. 6Nthu na teghatsan wi aghikesa hhai nu kelensie wi aghikesa jühtheü zaben, isala nmessi lalo. Kepaghenanye hathu ha nsathu yishü, isala asakhenwa tsü npi ghole. 7Mizzatenti kesü na kepawa ssinu aghi saben; kadiyyi kesü na kepawa shun ben; nu apen tsüdi wi azeng sa nu ameghükuju isa ben. 8Hathu ha tsüdila nza kepvügha wi atuwa kinaa ti kesa.
9 #
Mat 10.22 Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben. 10Tsü tsüwi anyi kejon na mathu kenondi teshia; mathu khokho kematsali nu khokho nankemeghüli isa ben. 11Tsaseng wi milikemesa atusenjüh-kechü kejon na shhugho anyi kejon mechuben. 12Hatinu nkemehai na pongthu anyithu nanketizenli na kicü waben. 13#Mat 10.22 Isala thowa na kekheneng sen wa asakhen cuya khe ma hangsha yaben. 14Nu Kadiyyi cüki Jühtheü Kemehaiwa ha pi ayyi tsüdi nu anyi tsüdi tuwi chüza sala thangchi lethu ciwi ccüna asakhenwa tsüna ghoben.
Qhethiketen Kesawa
(Mrk 13.14-23; Luk 21.20-24)
15 #
Dan 9.27; 11.31; 12.11 “Nthu na ‘Qhethiketen kesawa’ Daniel atusenjüh-kechüwa na kekhi tsü muben. Tsüna kemetha pen wi ngan ben.” (Tsü kesiwa na: ha mangwa jjügi khe chüshiyalo.) 16Tsaseng wi Judea wi kebenthu tsüdila ayikhathu wi bvü wa nsathu yishü. 17#Luk 17.31 Anyi kesü ajjen mili wi kebenwa na kheneng du ma jjen wi ma tsanqaithu khuyale sayishü. 18Anyi kesü alli wi kebenwa na kheneng whala ma thsü khuyale sayishü. 19Isathu tsü tsüwi nza atsa-npvü nu atsa ssi ketenthu ghena khatila qhethiketen saten nu! 20Nthu na pathsü wi nyelela Sabbath tsathang wi bvü nwale kesalina Anyiza wi kekhie saben tenlo! 21#Dan 12.1; Ccü 7.14 Kepaghenanye tsü tsathang wi ketizenkesa na kheni ayyi kesachi wina gho khili kahang kecu wi tsüti npi sa nu ghaketen wi la tsüti sa nben. 22Isala Anyiza na tsü tsathang sa pi zeng cüdha; ma tsüti nsa lethu thola hangya nkesa. Isala Anyiza na ma kessikeya nyithu ghena atsathangthu tsü sa pi zeng cüaben.
23“Keujüla anyi kesü na nthu wi, ‘Ghangchilo, Messiya na hewi benle!’ nyelela ‘Ma ka wi benle!’ — isa lela ma n-nondi lalo. 24Kepaghenanye milikemesa Messiyathu nu milikemesa atusenjüh- kekhithu na ghoben; mathu na saya kemehai chu Anyiza na kessiya kesathu lela mechu sen bvüale kesalina zensu nu amankesathu saben. 25Kinayalo! Hi matsü npi wina ha pi nthu kizadha.
26 #
Luk 17.23-24
“Nyelela keujüla anyithu na nthu kizala, ‘Ghangchilo, ma aghansha wi benle!’ khi lela — ciwi nwa la; nyelela mathu na khi, ‘Ghangchilo, ma hewi kuthi benle!’ khi lela — tsü n-nondi lalo. 27Kepaghenanye Anyi Tsawa kegho tsüna nishuwa atsancwe chithu niduwa mu keten tsüti saben. 28#Luk 17.37 “Keshü kamang na khiewa ben khe akamang kemcüwathu na ciwi saghu benden.
Anyi Tsawa na Ghoketen
(Mrk 13.24-27; Luk 21.25-28)
29 #
Isa 13.10; 34.4; Jol 2.10,31; 3.15; Ccü 6.12,13; Ezk 32. “Ketizenkesa hathu ha cenya meyi aghani na jang, asha na nwegüla, ghotsithu na tang wina qanca dugho, nu atssan wi kekhang tsüdila pakuli shaben. 30#Dan 7.13; Zek 12.10-14; Ccü 1.7Tsaseng wi akulu wi Anyi Tsawa zensu muben; nu ayyi wi anyithu tsüdila Anyi Tsawa na tang wi akulukeshü miwi kekhang nu anyankethang ntsa sala gho keten kemu wi qaiben. 31Tsaseng wi achünong khu chithu ma ma nyilothu kesun pi ayyi ccügwen mejü wi chi nu ayyi maben wi mathu na ma kessikeya nyithu tsü saghu yaben.
Khhaghabvüton wina Chükeya
(Mrk 13.28-31; Luk 21.29-33)
32“Nthu khhaghabvü ton wina chüyalo. Khathansha wi ma cünathu wi mawa kaghani bighi shigü shagha khe mazu wa ndhale kesa nthu na chüyaden. 33Tsü makesü, nthu na pala hathu tsüdi kuli keben kemu wi matsü na tetsakidha, nu ma ghole kidenyadha kesa chüyaben. 34Hi atsentsa nthu kizaden, hathu ha tsüdi npi kesa chu anyi nansü hang kebenthu na shü nben. 35Atssan nu ayyi na nmilaben, isala ijühthu tsü khiela nmila sa nben.
Thola Matsüwa Tsü Nchü
(Mrk 13.32-37; Luk 17.26-30,34-36)
36“Isala anyi thola tsü tsathangwa nu matsüwa tsüna khathansha wi ghoben khe nchü. Abawa ketan khe tangnyilothu nu Atsawa lela nchü. 37#Ade 6.5-8 Anyi Tsawa kegho tsathang tsüna Noah tsüwi khati sa khe tsüti saben. 38Tsü tsathang wi atssüdan npi sa kegho chu anyithu na dsa nu jjü, keshanyi sa, tsüti sa wa Noah na ahun wi kedu tsathang cu, 39#Ade 7.6-24 isala atssüdan na ghola mathu npi kemeyanphon chu mathu na mangwa saben khe chü meyala. Tsü makesü Anyi Tsawa kegho wi la tsüti saben. 40Tsü tsüwi anyi meshu keni na alli wi kuliben lela kesü ssiya nu kepawa teshiaben. 41Nza meshu keni na asusüben lela kesü ssiya nu kepawa teshiaben. 42Tsalina nthu kiden-kesha nu hie benlo, kepaghenanye nthu na nthu Pvüwa na atsathang kusi gho ten khe nchü. 43Keujüla ajjen pvüwa kesü na kaghanfü na khathansha wi gho ten khe chü lethu, ma njenla ma jjen tsü hieya nu kaghanfü yala tsü pasa duya thsü nben kesa nthu na chüti ben. 44#Luk 12.39-40 Tsalina nthu na keshüthangla kiden-kesha nu hie nbenthu yishü, kepaghenanye Anyi Tsawa na nthu meshen nkeben amighe kekihhe kesü jüwi ghoaben.
Amagha Jühtsentsa Kesawa nu Nkesawa
(Luk 12.41-48)
45“Anyi thowa na amagha jühtsentsa kesenwa nu kemetsawa nu? Tsüwa tsüna ma pvüwa ma pi ajjen tsüdi miwi kediwa sa thsü, nu matsü wina kedsakejjü pi amagha kepathu cü thsü kesawa tsüle. 46Amagha hati sa keben ma pvüwa na kheneng gho mukeyawa na kemihhi ntsawa le! 47Hi atsentsa nthu kizaden, ajjen pvüwa na amagha tsüwa pi ma tsanqaithu tsüdi kenonccawa sa thsüaben. 48Isala keujüla ma amagha nkemehai lethu, ma ketanla ma wi ma pvüwa na shishi gho nbenle khi, 49nu amagha kepathu kiccü wa, nu dsa nu jjü pi adina. 50Amagha tsüwa pvüwa na ghanan kesü amaghawa na nmeshen nu nchüla keben wi kheneng gho den. 51Ajjen pvüwa na ma pi akhemi wi khalachi nu pi nkenyeghekesathu gweghe meten cüben, nu ma ciwi qai nu ma yha kemeküli saben.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.