MATHI 23
23
Jisu na Farisithu nu Ayenkesansithu Kitsan kechi
(Mrk 12.38-39; Luk 11.43,46; 20.45-46)
1Tsaseng wi Jisu na anyitenti nu ma sansikeyathu wi kiza, 2“Ayenkesansithu nu Farisithu na Mosa Yenwa tsü khikemili chü ntsa kesathu. 3Tsalina mathu na nthu salo kekiza tsüdi nie nu sa ntenthu yishü, isala mathu kekuli tsüti nsala. Kepaghenanye mathu na mathu kekhi tsüti sa nten. 4Mathu na akhhi kekiyan pvü nkeyacha bhen pi anyithu ghatsü wi chiden, isala mathu na mathu kwenzza lela pi khü nan nu mathu kiqa chi mvu nten. 5#Mat 6.1; Aye 6.8; Scs 15.38 Mathu kekuli tsüdi wi anyithu ya mathu muya thsüle saden. Ghangchilo, mathu na Ntsawajüh zhüghu pi mathu tie nu ahacü wi chipvü, nu tsüna di ntsawa muben! Mathu thsümeni miwi athsü kizzakeu #23.5: Mathu thsümeni miwi athsü kizzakeu; Athsümeni kizzakeu hathu ha Anyiza wi lebenkechi zensu wina pvüden (Scs 15.37-41 wi ghangchi.) tsü la khatila sie nu! 6Mathu na akhothu wi kenyuwakü pen wi ben nu sinagogthu wi apen kemehai ntsawa wi keben tsü nenden; 7mathu na nyu asenkesapen wi mathu shalom sa nu mathu cila ‘Kesansiwa’ kesa tsü nenden. 8Nyu nthu cila ‘Kesansiwa’ nsa thsü la, kepaghenanye nthu tsüdila cünyunyi nu nthu Kesansiwa kesütan ben. 9Nthu na ayyi wi anyi kesütanla pi ‘Aba’ tsüti nci la, kepaghenanye nthu na tang wi Aba kesütan ben. 10Nyu nthu cila ‘Kediwa’ nsa thsüla, kepaghenanye nthu na kediwa kesütan tsüna Messiya ben. 11#Mat 20.26-27; Mrk 9.35; 10.43-44; Luk 22.26 Nthu jawi kediwa ntsawa na nthu maghawa nsathu yishü. 12#Luk 14.11; 18.14 Anyi thowa na ma ketanla ma sa pi di ten khe sa pi zza cüben, nu thowa na ma ketanla ma sa pi zza ten khe sa pi di cüben.
Jisu na Mathu Nkenyeghe kesa Kemeshensa
(Mrk 12.40; Luk 11.39-42,44,52; 20.47)
13“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na anyithu tuwi tang Kadiyyi jenka tsü khenden, isala nthu na ciwi ndu nu anyithu na ciwi dule kesathu la du thsü nten. 14Ayenkesansithu nu Farisithu, nthu ghena khatila qhethiketen saten nu! Nthu nkenyeghekesathu! Nthu na denyilethu keben tengdsa nu ammi sala kekhie kesie sa ketenthu. Ha ghena nthu kemeten ji kayi muyaden. 15Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atssükedone nu diyyi maben pvüdhi wala anyi kesü leben khapegheya thsüle sa; nu nthu na tsüti saya lethu, nthu na ma sa pi nthu miwi kishen keni annighajü wi kewa qo nyi sa thsüden!
16“Nthu anyon nkemu lenketsütsonthu, nthu ghena khatila qhethiketen saten nu! Nthu na hati nyu sansiden, ‘Keujüla anyi kesü na Kekinyijjen khi pi kishen lethu, tsüna mangla nye; isala ma Kekinyijjen wi suna tsü khi pi kishen lethu, ma kekishen tsüna ma men ben.’ 17Anyon nkemu kejüphonthu! Suna tsüla Kekinyijjenwa manyi khawa aghutiwa, khawa na suna sa pi metha cü nu? 18Nthu na hati la pi nyu sansiden, ‘Keujüla anyi kesü na kekinyipen khi pi kishen lethu, tsüna mangla nye; isala ma kekinyipen wi aju tsü khi pi kishen lethu, ma kekishen tsüna ma men ben.’ 19Nthu na anyon nmu pi khatila nu! Kekinyipen tsüla ajuwa manyi khawa aghutiwa, khawa na aju tsü sa pi metha cü nu? 20Tsalina anyi kesü na kekinyipen tsü khi pi kishen lethu, ma tsüwa nu ciwi ajuthu tsüdila khi pi kishen ben; 21nu ma Kekinyijjen khi pi kishen lethu, ma tsüwa nu ciwi hang kebenwa Anyiza la khi pi kishen ben; 22#Isa 66.1; Mat 5.34 nu anyi kesü na tang wi khi pi kishen lethu, ma Anyiza kadipen nu ciwi donki kebenwa tsü khi pi kishen ben.
23 #
Lev 27.30
“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na aghang wwenja hathu, ccügüshi, aghantsa, chülakhwen lela gishü tagha wi kesü pi Anyiza cüden, isala nthu na Ayenwa wi kesansijüh aghutiwa, kemeshon, nanketizen, nu atsentsa hathu teshiden. Nthu na hathu ha nu kepa wi la nteshila kesau. 24Anyon nkemu nyi nyu lenketsütsonthu! Nthu na ahyi wi alipeng kesü tsü jügü pi bvü thsüden, isala sunsiesa tsü meyi chiten le!
25“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na ahyi nu akhu ma mei wi tsü qhu pi mehaitsü saden, isala ma non wi tsü nthu choghe nkemehai nu apvükemene na pong ben. 26Anyon nkemu Farisithu! Atuwa sa ahyi non wi tsü qhulo, isathu ma mei wi la methasi saaben le!
27 #
Kek 23.3 “Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na ashüjjen satemetha ketheng, ma mei wi mehaitsü ghang mehai lela ma non wi keshü kamang kebighe nu agüthu na pong keben ti kesa. 28Tsü makesü, nthu na amei wi tsü anyi tsüdi tuwi ghang mehai, isala nthu non wi tsü nkenyeghekesa nu kesamithu na pong ben.”
Jisu Na Mathu Kemeten Ghena Kekhi
(Luk 11.47-51)
29“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atusenjüh-kechüthu shüjjenthu tsü mehaitsü sa nu kahang kemehai wi kahangthu kemeshenlonthu tsisaben; 30nu nthu na nthu bamyithu kahang tsü wi hang lethu, nthu na mathu kesa ti atusenjüh-kechüthu pathi nkesale khiden. 31Tsalina nthu ketanla nthu na atusenjüh-kechüthu pathi kesathu shicüthule khibenle! 32Isathu, nthu bamyithu na ketegü ketheng tsü sacenlo! 33#Mat 3.7; 12.34; Luk 3.7 Nthu na amaghangthu nu amaghang shicüthu! Nthu na khatinu annighajü wi kemeshensa wina bvükeya ghangya mehai nu? 34Tsalina hi nthu kizaden, hi nthu wi atusenjüh-kechüthu, kemetsa nyithu, nu kesansithu kesun chi cüden; nthu na mathu pahan pathi, pahan pi kross miwi jen, nu sinagogthu wina pahan kihhe nu mathu jügü sen anyuti kesü wina kepawa wi waben. 35#Ade 4.8; 2 Kc 24.20-21 Isanu anyi kesami nkemithu kepathi kemeten tsüna nthu miwi ghoben, tsüna Abel kepathi na wala nthu na Kekinyijjen nu kekinyipen manyi jüwi pathi kesawa Zekhariya tsa Berekhiya kepathi kecu. 36Hi atsentsa nthu kizaden, anyi hathu ha tsüdi kepathi kemeten tsüna nansü nyithu miwi ghoten le!”
Jisu Na Jerusalem Ketizen
(Luk 13.34-35)
37“Jerusalem, Jerusalem! No atusenjüh-kechüthu pathi nu Anyiza na nyilothu kesun pi no wi kechithu tsü pathi le! Hi khaju tughu awegü bvü na ma gisha pi ma zzathu ghong keten ti ikwen pi n-nyithu tsüdi ghatiya mvu lela nthu na hi ya tsüti nsa thsüla nu! 38#Jer 22.5Tsalina nthu Kekinyijjenwa tsü yisha pi kaghacang saben. 39#Zak 118.26Hi nthu kizaden, khili nten na, ‘Anyiza na sawegü pi Apvüwa nyan wi gho ketenwa kecüwa salo,’ nthu na tsüti npi kekhi chu hi nmu nengdha.”
Právě zvoleno:
MATHI 23: RENGNBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
MATHI 23
23
Jisu na Farisithu nu Ayenkesansithu Kitsan kechi
(Mrk 12.38-39; Luk 11.43,46; 20.45-46)
1Tsaseng wi Jisu na anyitenti nu ma sansikeyathu wi kiza, 2“Ayenkesansithu nu Farisithu na Mosa Yenwa tsü khikemili chü ntsa kesathu. 3Tsalina mathu na nthu salo kekiza tsüdi nie nu sa ntenthu yishü, isala mathu kekuli tsüti nsala. Kepaghenanye mathu na mathu kekhi tsüti sa nten. 4Mathu na akhhi kekiyan pvü nkeyacha bhen pi anyithu ghatsü wi chiden, isala mathu na mathu kwenzza lela pi khü nan nu mathu kiqa chi mvu nten. 5#Mat 6.1; Aye 6.8; Scs 15.38 Mathu kekuli tsüdi wi anyithu ya mathu muya thsüle saden. Ghangchilo, mathu na Ntsawajüh zhüghu pi mathu tie nu ahacü wi chipvü, nu tsüna di ntsawa muben! Mathu thsümeni miwi athsü kizzakeu #23.5: Mathu thsümeni miwi athsü kizzakeu; Athsümeni kizzakeu hathu ha Anyiza wi lebenkechi zensu wina pvüden (Scs 15.37-41 wi ghangchi.) tsü la khatila sie nu! 6Mathu na akhothu wi kenyuwakü pen wi ben nu sinagogthu wi apen kemehai ntsawa wi keben tsü nenden; 7mathu na nyu asenkesapen wi mathu shalom sa nu mathu cila ‘Kesansiwa’ kesa tsü nenden. 8Nyu nthu cila ‘Kesansiwa’ nsa thsü la, kepaghenanye nthu tsüdila cünyunyi nu nthu Kesansiwa kesütan ben. 9Nthu na ayyi wi anyi kesütanla pi ‘Aba’ tsüti nci la, kepaghenanye nthu na tang wi Aba kesütan ben. 10Nyu nthu cila ‘Kediwa’ nsa thsüla, kepaghenanye nthu na kediwa kesütan tsüna Messiya ben. 11#Mat 20.26-27; Mrk 9.35; 10.43-44; Luk 22.26 Nthu jawi kediwa ntsawa na nthu maghawa nsathu yishü. 12#Luk 14.11; 18.14 Anyi thowa na ma ketanla ma sa pi di ten khe sa pi zza cüben, nu thowa na ma ketanla ma sa pi zza ten khe sa pi di cüben.
Jisu na Mathu Nkenyeghe kesa Kemeshensa
(Mrk 12.40; Luk 11.39-42,44,52; 20.47)
13“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na anyithu tuwi tang Kadiyyi jenka tsü khenden, isala nthu na ciwi ndu nu anyithu na ciwi dule kesathu la du thsü nten. 14Ayenkesansithu nu Farisithu, nthu ghena khatila qhethiketen saten nu! Nthu nkenyeghekesathu! Nthu na denyilethu keben tengdsa nu ammi sala kekhie kesie sa ketenthu. Ha ghena nthu kemeten ji kayi muyaden. 15Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atssükedone nu diyyi maben pvüdhi wala anyi kesü leben khapegheya thsüle sa; nu nthu na tsüti saya lethu, nthu na ma sa pi nthu miwi kishen keni annighajü wi kewa qo nyi sa thsüden!
16“Nthu anyon nkemu lenketsütsonthu, nthu ghena khatila qhethiketen saten nu! Nthu na hati nyu sansiden, ‘Keujüla anyi kesü na Kekinyijjen khi pi kishen lethu, tsüna mangla nye; isala ma Kekinyijjen wi suna tsü khi pi kishen lethu, ma kekishen tsüna ma men ben.’ 17Anyon nkemu kejüphonthu! Suna tsüla Kekinyijjenwa manyi khawa aghutiwa, khawa na suna sa pi metha cü nu? 18Nthu na hati la pi nyu sansiden, ‘Keujüla anyi kesü na kekinyipen khi pi kishen lethu, tsüna mangla nye; isala ma kekinyipen wi aju tsü khi pi kishen lethu, ma kekishen tsüna ma men ben.’ 19Nthu na anyon nmu pi khatila nu! Kekinyipen tsüla ajuwa manyi khawa aghutiwa, khawa na aju tsü sa pi metha cü nu? 20Tsalina anyi kesü na kekinyipen tsü khi pi kishen lethu, ma tsüwa nu ciwi ajuthu tsüdila khi pi kishen ben; 21nu ma Kekinyijjen khi pi kishen lethu, ma tsüwa nu ciwi hang kebenwa Anyiza la khi pi kishen ben; 22#Isa 66.1; Mat 5.34 nu anyi kesü na tang wi khi pi kishen lethu, ma Anyiza kadipen nu ciwi donki kebenwa tsü khi pi kishen ben.
23 #
Lev 27.30
“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na aghang wwenja hathu, ccügüshi, aghantsa, chülakhwen lela gishü tagha wi kesü pi Anyiza cüden, isala nthu na Ayenwa wi kesansijüh aghutiwa, kemeshon, nanketizen, nu atsentsa hathu teshiden. Nthu na hathu ha nu kepa wi la nteshila kesau. 24Anyon nkemu nyi nyu lenketsütsonthu! Nthu na ahyi wi alipeng kesü tsü jügü pi bvü thsüden, isala sunsiesa tsü meyi chiten le!
25“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na ahyi nu akhu ma mei wi tsü qhu pi mehaitsü saden, isala ma non wi tsü nthu choghe nkemehai nu apvükemene na pong ben. 26Anyon nkemu Farisithu! Atuwa sa ahyi non wi tsü qhulo, isathu ma mei wi la methasi saaben le!
27 #
Kek 23.3 “Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na ashüjjen satemetha ketheng, ma mei wi mehaitsü ghang mehai lela ma non wi keshü kamang kebighe nu agüthu na pong keben ti kesa. 28Tsü makesü, nthu na amei wi tsü anyi tsüdi tuwi ghang mehai, isala nthu non wi tsü nkenyeghekesa nu kesamithu na pong ben.”
Jisu Na Mathu Kemeten Ghena Kekhi
(Luk 11.47-51)
29“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na atusenjüh-kechüthu shüjjenthu tsü mehaitsü sa nu kahang kemehai wi kahangthu kemeshenlonthu tsisaben; 30nu nthu na nthu bamyithu kahang tsü wi hang lethu, nthu na mathu kesa ti atusenjüh-kechüthu pathi nkesale khiden. 31Tsalina nthu ketanla nthu na atusenjüh-kechüthu pathi kesathu shicüthule khibenle! 32Isathu, nthu bamyithu na ketegü ketheng tsü sacenlo! 33#Mat 3.7; 12.34; Luk 3.7 Nthu na amaghangthu nu amaghang shicüthu! Nthu na khatinu annighajü wi kemeshensa wina bvükeya ghangya mehai nu? 34Tsalina hi nthu kizaden, hi nthu wi atusenjüh-kechüthu, kemetsa nyithu, nu kesansithu kesun chi cüden; nthu na mathu pahan pathi, pahan pi kross miwi jen, nu sinagogthu wina pahan kihhe nu mathu jügü sen anyuti kesü wina kepawa wi waben. 35#Ade 4.8; 2 Kc 24.20-21 Isanu anyi kesami nkemithu kepathi kemeten tsüna nthu miwi ghoben, tsüna Abel kepathi na wala nthu na Kekinyijjen nu kekinyipen manyi jüwi pathi kesawa Zekhariya tsa Berekhiya kepathi kecu. 36Hi atsentsa nthu kizaden, anyi hathu ha tsüdi kepathi kemeten tsüna nansü nyithu miwi ghoten le!”
Jisu Na Jerusalem Ketizen
(Luk 13.34-35)
37“Jerusalem, Jerusalem! No atusenjüh-kechüthu pathi nu Anyiza na nyilothu kesun pi no wi kechithu tsü pathi le! Hi khaju tughu awegü bvü na ma gisha pi ma zzathu ghong keten ti ikwen pi n-nyithu tsüdi ghatiya mvu lela nthu na hi ya tsüti nsa thsüla nu! 38#Jer 22.5Tsalina nthu Kekinyijjenwa tsü yisha pi kaghacang saben. 39#Zak 118.26Hi nthu kizaden, khili nten na, ‘Anyiza na sawegü pi Apvüwa nyan wi gho ketenwa kecüwa salo,’ nthu na tsüti npi kekhi chu hi nmu nengdha.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.