غَلَاتِيَعٜنْ 1
1
کٛوڢْنغٛلْ
1مِنْ ݠٛلْ، نٜلَاطٛ عِيسَى اَلْمَسِيحُ عٜ اَللَّه بَابِرَاوٛ، عُمِّتِنْطٛ عِيسَى دِغَ مَايْدٜ، نَا غٛطّٛ مَلَّ يِمْࢡٜ نٜلِ يَمْ، عَمَّا اَللَّه بٜى حٛورٜ مُوطُمْ؞ 2مِنْ عٜ دٜىٰرْطِرَاࢡٜ وٛنْدُࢡٜ بٜى عَمْ، مِنْ طٛنْ مبِنْدَنَ عٛنْ، عٛنٛنْ جَمَعَاجٜ نُطِّنْࢡٜ ندٜرْ لٜسْدِ غَلَاتِيَ:
3اَللَّه، بَابِرَاوٛ مٜنْ عٜ جَوْمِرَاوٛ عِيسَى اَلْمَسِيحُ ندٛکَّ عٛنْ مٛعّٜرٜ عٜ سَلَامَنْ؞ 4اَلْمَسِيحُ حٛکِّ حٛورٜ مُمْ نغَمْ دَلِيلَ حَکّٜىٰجِ مٜنْ، نغَمْ حِسْنُغٛ عٜنْ دِغَ زَمَنُورُ جٛنْتَارُ حَلُّندُ ندُعُ ڢٛدّٜ مُويٛ اَللَّه، بَابِرَاوٛ مٜنْ؞ 5تٜدُّنغَلْ لَاتَنٛ اَللَّه حَا عَبَدَ عَبَدِنْ؞ عَامِينَ!
وَلَا لِنْجِيلَ نغٛطْکَ
6عٛنْ کَيْطِنِ يَمْ نغَمْ لَوْ عٛنْ نغَيْلِتِ، عٛنْ عَشِّ اَللَّه مٛ عٜوْنِ عٛنْ بٜى مٛعّٜرٜ اَلْمَسِيحُ حَا عٛنْ تٛکّٛ لِنْجِيلَ نغٛطْکَ؞ 7ڢَکَتْ، لِنْجِيلَ نغٛطْکَ وٛودَا؞ عَمَّا وٛودِ عُمِّنَنْࢡٜ ڢِتِنَ شَکَ مٛوطٛنْ، ࢡٜنغِطِ وَيْلُغٛ لِنْجِيلَ اَلْمَسِيحُ؞ 8عَمَّا تٛ غٛطّٛ، کٛو مِنِنْ، کٛو مَلَاعِکَاجٛ عِوْطٛ حَا عَسَمَ وَازِ عٛنْ لِنْجِيلَ ݠٜىٰرٛتِرْکَ بٜى کَ مِنْ نغَازِنّٛ عٛنْ، ندٜنْ کَمْ نَالٛورٜ اَللَّه عُکَّنٛ مٛ! 9کٛ مِنْ مٜىٰطِ وِعْغٛ عٛنْ طُمْ، سٜيْ مِوِعَ طُمْ ڢَحِنْ: تٛ غٛطّٛ شَکَ مٛوطٛنْ وَازِ لِنْجِيلَ ݠٜىٰرٛتِرْکَ بٜى کَ نجَࢡْطٛنْ، ندٜنْ کَمْ نَالٛورٜ اَللَّه عُکَّنٛ مٛ!
10کَدِ جٛنْتَ کَمْ يٜرْدُيٜ يِمْࢡٜ مِطَࢡَّتَ نَا مَلَّ ندٜ اَللَّه؟ مَلَّ مِطٛنْ طَࢡَّ ڢٛتَّنْغٛ يِمْࢡٜ نَا؟ تٛ مِيِطْنٛ ڢٛتَّنْغٛ يِمْࢡٜ، ندٜنْ کَمْ مِوٛنَتَانٛ مَشُّطٛ اَلْمَسِيحُ؞
ݠٛلْ نٜلَاطٛ سٜىٰدِ حَالَ عٜوْنَاندُ مُمْ
11دٜىٰرْطَمْعٜنْ، مِطٛنْ عَنْدِنَ عٛنْ طُعُمْ: لِنْجِيلَ کَ نغَازِنْمِ عِوَايْ حَا نُمٛوجِ يِمْࢡٜ؞ 12نغَمْ نَا حَا نٜطّٛ نجَࢡْمِ کَ، نَا نٜطّٛ عٜکِّتِنِ يَمْ کَ بٛو، عَمَّا مِعَنْدِنَامَ بٜى وَحَيُ عِيسَى اَلْمَسِيحُ؞
13عٛنْ مٜىٰطِ نَنُغٛ نٛ مِتٛکّٛرِنٛ دِينَ يَحُودُعٜنْ ࢡٛويْمَ؞ مِ طٛنّٛ تٛوࢩٛ جَمَعَارٜ نُطِّنْࢡٜ اَللَّه بٜى شَاتَلْ، مِ طٛنّٛ تٜڢَ وِرْغُغٛ ندٜ#کُوطٜ نٜلَاࢡٜ 8:3؛ 22:4-5؛ 26:9-11؞؞ 14مِ طٛنّٛ يَحَ يٜىٰسٛ يٜىٰسٛ ندٜرْ دِينَ يَحُودُعٜنْ کٛ ࢡُرِ نغٛرْغِرَاࢡٜ عَمْ يَحُودُعٜنْ طُوطْࢡٜ، مِ طٛنّٛ بٜى تِينَارٜ طُوطْندٜ حٜىٰدِ عَلْعَادَاجِ کَاکِرَاࢡٜ عَمْ#کُوطٜ نٜلَاࢡٜ 22:3؞؞
15عَمَّا اَللَّه مٛ سُࢡِ يَمْ دِغَ مِسِوَا دَࢩٜىٰغٛ، مٛ عٜوْنِ يَمْ دَلِيلَ مٛعّٜرٜ مُمْ، ندٜ طُمْ ڢٛتَّنِمٛ 16عٛوَنغِنَنِ يَمْ ࢡِطّٛ مَاکٛ، حَا مِوَازِنَ لِنْجِيلَ مَاکٛ ندٜرْ عُمَّاتٛوجٜ؞ ندٜنْ نِي مِسَرْوٛتِرَايْ بٜى ࢡِي-عَادَمَ#کُوطٜ نٜلَاࢡٜ 9:3-6؛ 22:6-10؛ 26:13-18؞، 17مِيَحَايْ عُرُسَلِيمَ بٛو حَا نٜلَاࢡٜ عَارْتُࢡٜ يَمْ، مِدِلِّ لٜسْدِ عَرَبِيَ، ندٜنْ مِلٛرِ حَا دَمَسْ؞ 18دُوࢡِ تَتِ ࢡَاوٛطٛنْ مِيٜحِ عُرُسَلِيمَ حَا مِنْ عَنْدٛتِرَ بٜى کٜڢَسْ#1:18 کٜڢَسْ طُمْ ݠِيٜرْ؞؞ مِجٛوطٛدِ بٜى مَاکٛ ࢩَلْطٜ سَݠّٛ عٜ جٛوِ#کُوطٜ نٜلَاࢡٜ 9:26-30؞؞ 19مِيِعَايْ نٜلَاطٛ غٛطّٛ تٛنْ، سٛنَا يَاکُبَ، دٜىٰرْطِرَاوٛ جَوْمِرَاوٛ؞ 20کٛ مبِنْدَنْمِ عٛنْ، حَا يٜىٰسٛ اَللَّه، طُمْ غٛونغَ، مِڢٜوَتَا؞
21ࢡَاوٛطٛنْ مِيٜحِ لٜسْدِ سِرِيَ عٜ کِلِکِيَ؞ 22يَاکٜ مَنْ، جَمَعَاجٜ نُطِّنْࢡٜ ندٜرْ يَحُدِيَ عَنْدَانٛ يَمْ؞ 23عَمَّا ࢡٜنَنِ کٛ وٛطْࢡٜ مبِعِ: «تٛوࢩِيطٛ عٜنْ نَانٜ، جٛنْتَ عٛطٛنْ وَازِنَ حَالَ نُطِّنْکِ کِ عٛيِطْنٛ وِرْغُغٛ؞» 24ࢡٜطٛنّٛ تٜدِّنَ اَللَّه نغَمْ دَلِيلَ عَمْ؞
Právě zvoleno:
غَلَاتِيَعٜنْ 1: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.