2 کٛرِنْتُعٜنْ 2
2
1نغَمْ مِيِطَا مٜتِّنْغٛ عٛنْ ࢡٜرْطٜ ڢَحِنْ، کَنْجُمْ وَطِ ݠَسِّتِتْمِ لٛرَاغٛ حَا مٛوطٛنْ؞ 2نغَمْ تٛ مِمٜتِّنِ عٛنْ ࢡٜرْطٜ، مٛيْ سٜيْنَتَمِّ ڢَحِنْ سٛنَا ࢡٜ مِمٜتِّنِ طُمْعٜنْ ࢡٜرْطٜ؟ 3کَنْجُمْ مِوِنْدَنِ عٛنْ طُمْ؞ تٛ مِوَرِ حَا مٛوطٛنْ، مِيِطَا ࢡٜرْندٜ عَمْ مٜتَّ دٛوْ سٜيْنَنّٛوࢡٜ يَمْ؞ مِعَنْدِ ڢَکَتْ، تٛ مِنْ مِحٜࢡِ سٜيٛ، عٛنٛنْ ڢُو عٛنْ شٜيٛتٛ بٛو؞ 4ندٜرْ شَکْلٜ طُوطّٜ عٜ مٜتّٜىٰنغَ، مِوِنْدَنِنٛ عٛنْ بٜى غٛنْطِ طُوطِّ مَسِنْ؞ نَا نغَمْ حَا مِمٜتِّنَ عٛنْ ࢡٜرْطٜ، عَمَّا حَا مِوَنغِنَنَ عٛنْ نٛ مِيِطِرِ عٛنْ مَسِنْ؞
يَاڢُيٜ نغَمْ بَطّٛ عَيْبٜ
5تٛ غٛطّٛ ندٜرْ مٛوطٛنْ لَاتَکٜ دَلِيلَ مٜتّٜىٰنغَ، نَا مِنْ عٛمٜتِّنِ ࢡٜرْندٜ، عَمَّا عٛنٛنْ ڢُو – مَلَّ ندِکَّ مِوِعَ عٛمٜتِّنِ وٛطْࢡٜ مٛوطٛنْ ࢡٜرْطٜ، نغَمْ تَا مِسَالِتِنَ؞ 6ࢡُرْنَ مٛوطٛنْ ݠٜلِ غٛطّٛ عٛو، طُمْ حٜعِ؞ 7نغَمْ مَنْ سٜيْ عٛنْ نجَاڢٛ مٛ، عٛنْ شٜمْبِطِنَ مٛ، نغَمْ تَا مٜتّٜىٰنغَ طُوطَنَ مٛ، ندٜنْ عٛعِتَّ تَمُّندٜ؞ 8ندٜنْ کَمْ مِطٛنْ تٛرٛ عٛنْ: کٛلّٜ مٛ عٛنْ نغِطِمٛ؞ 9مِوِنْدَنِ عٛنْ نغَمْ حَا مِڢٛونْدَ عٛنْ، حَا مِحٜࢡْتَ تٛ عٛنْ طٛنْ تٛکّٛ کٛ مِعُمْرِ عٛنْ ڢُو؞ 10تٛ عٛنْ نجَاڢَنَکٜ غٛطّٛ، مِيَاڢٛتٛ مٛ؞ تٛ مِوٛودِ حَاجٜ يَاڢَاغٛ کٛو طُمٜ، مِيَاڢٛتٛ نغَمْ دَلِيلَ مٛوطٛنْ، يٜىٰسٛ اَلْمَسِيحُ؞ 11بَنَ نٛنْ سَيْطَانُ جَالَتَاکٛ عٜنْ؞ نغَمْ عٜنْ عَنْدِ دَبَرٜىٰجِ مَاکٛ بٜى لَاࢡْطُمْ؞
سَکْلٜرٜ ݠٛلْ حَا تٛرٛوَسْ
12ندٜ مِيٛتِّ تٛرٛوَسْ حَا مِوَازِنَ لِنْجِيلَ اَلْمَسِيحُ، تَوْمِ جَوْمِرَاوٛ مَࢡِّتَنِ يَمْ لَاوٛلْ نغَمْ کُوغَلْ نغَعَلْ؞ 13عَمَّا مِوَلَانٛ دٜعّٜرٜ، نغَمْ مِتَوَايْ تِتُسْ، دٜىٰرْطِرَاوٛ عَمْ؞ نغَمْ مَاجُمْ مِجَࢡّٛتِرِ بٜى يِمْࢡٜ وٛنْࢡٜ تٛنْ، مِدِلِّ مَکٜدٛنِيَ#کُوطٜ نٜلَاࢡٜ 20:1؞؞
جَالٛرْغَلْ بٜى اَلْمَسِيحُ
14يٜتّٛورٜ لَاتَنٛ اَللَّه، نغَمْ بَرْکَ اَلْمَسِيحُ عٛطٛنْ يَحْرَ مِنْ ڢٛرٛيْ ندٜرْ جَحَانغَلْ جَالِيطٛ؞ عٛطٛنْ حُووْتِنِرَ مِنْ نغَمْ عَنْدِنْغٛ کُبَرْ مَاکٛ کٛو تٛيْ، بَنَ عُورْدِ ندِ عُورٜىٰنغٛلْ مُمْ طٛنْ سَنغْکِتٛ کٛو تٛيْ؞ 15مِنْ لَاتَکٜ بَنَ عُورْدِ مَرْندِ عُورٜىٰنغٛلْ بٜلْنغٛلْ، ندِ اَلْمَسِيحُ لِيعَنِ اَللَّه؞ عُورٜىٰنغٛلْ مَنْ طٛنْ يٛتّٛ حِسَنْࢡٜ عٜ مَجَّنْࢡٜ ڢُو؞ 16حَا مَجَّنْࢡٜ، طُمْ عُورٜىٰنغٛلْ مَايْدٜ حَا ࢡٜمَايَ؞ حَا حِسَنْࢡٜ، طُمْ عُورٜىٰنغٛلْ نغٜىٰندَمْ حَا ࢡٜنغٜىٰطَ؞ مٛيْ حٜعِ حُووْغٛ کُوغَلْ نغَعَلْ؟ 17مِنِنْ مِنْ لَاتَاکِ بَنَ طُوطْࢡٜ وَازٛتٛوࢡٜ وٛلْدٜ اَللَّه نغَمْ حٜࢡُغٛ رِبَ؞ مِنْ طٛنْ مبٛلْوَ غٛونغَ يٜىٰسٛ اَللَّه، مِنْ طٛنْ مبٛلْوَ کٛ عِوِ حَا اَللَّه ندٜرْ کَوْتَلْ بٜى اَلْمَسِيحُ؞
Právě zvoleno:
2 کٛرِنْتُعٜنْ 2: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.