2 کٛرِنْتُعٜنْ 1
1
کٛوڢْنغٛلْ
1مِنْ ݠٛلْ نٜلَاطٛ عِيسَى اَلْمَسِيحُ ڢٛدّٜ مُويٛ اَللَّه، مِنْ بٜى تِمٛتٜ، دٜىٰرْطِرَاوٛ مٜىٰطٜنْ، مِنْ طٛنْ مبِنْدَنَ عٛنْ، عٛنٛنْ يِمْࢡٜ جَمَعَارٜ اَللَّه وٛنْࢡٜ حَا کٛرِنْتُ عٜ سٜنَاࢡٜ ندٜرْ لٜسْدِ عَکَيَ ڢُو#کُوطٜ نٜلَاࢡٜ 18:1؞:
2اَللَّه، بَابِرَاوٛ مٜنْ عٜ عِيسَى اَلْمَسِيحُ، جَوْمِرَاوٛ مٜنْ، ندٛکَّ عٛنْ مٛعّٜرٜ عٜ سَلَامَنْ؞
يٜتّٛورٜ ݠٛلْ حَا اَللَّه
3مَنغْتٛورٜ لَاتَنٛ اَللَّه، بَابِرَاوٛ جَوْمِرَاوٛ مٜىٰطٜنْ عِيسَى اَلْمَسِيحُ، بَابِرَاوٛ کٜىٰوْطٛ عٜنْطَمْ، عٛ اَللَّه مٛ طٛنْ دٜعِّتِنَ يِمْࢡٜ ڢٛرٛيْ؞ 4عٛطٛنْ دٜعِّتِنَ مِنْ ندٜرْ ࢡِلَّاجٜ عَمِنْ ڢُو، نغَمْ حَا مِنِنْ بٛو مِنْ مبَاوَ دٜعِّتِنغٛ يَرَنْࢡٜ بٛنٜىٰجِ ڢٜىٰرٜ ڢٜىٰرٜىٰجِ بٜى دٜعِّتِنْکِ کِ مِنْ کٜࢡِ حَا مَاکٛ؞ 5بَنَ نٛ بٛنٜىٰجِ طِ مِنْ نجَرِ دَلِيلَ اَلْمَسِيحُ طٛنْ طُوطَنِ مِنْ، بَنَ نٛنْ دٜعِّتِنْکِ عِوْکِ حَا اَلْمَسِيحُ بٛو طٛنْ طُوطَنِ مِنْ؞ 6تٛ مِنْ طٛنْ نجَرَ بٛنٜ، طُمْ لَاتٛتٛ نغَمْ حَا عٛنْ ندٜعِّتَ، عٛنْ کِسَ؞ تٛ اَللَّه دٜعِّتِنِ مِنْ بٛو، طُمْ لَاتٛتٛ نغَمْ عٛنْ شٜمْبِطَ، عٛنْ مُࢩَنَ عِرِنْ بٛنٜىٰجِ طِ مِنْ نجَرَتَ؞ 7مِنْ طٛنْ تَمّٛ ڢَکَتْ، نغَمْ مِنْ عَنْدِ ندٜ نِي عٛنْ طٛنْ کَوْتَ بٜى عَمِنْ ندٜرْ بٛنٜىٰجِ، عٛنْ کَوْتَنْ بٛو بٜى عَمِنْ ندٜرْ دٜعِّتِنْکِ بٛو؞
8دٜىٰرْطِرَاࢡٜ، مِنْ نغِطِ عَنْدِنْغٛ عٛنْ ࢡِلَّاجٜ کٜࢡْطٜ مِنْ ندٜرْ لٜسْدِ عَسِيَ؞ طٜ تٜدَّنِ مِنْ مَسِنْ حَا ࢡُرِ سٜمْبٜ عَمِنْ؞ مِنْ تَمَّاکِنٛ مِنْ نغٜىٰطَنْ ڢَحِنْ#1 کٛرِنْتُعٜنْ 15:32؞؞ 9مِنْ مَاتِ ندٜرْ ࢡٜرْطٜ عَمِنْ بَنَ مِنْ ندٛعَّاࢡٜ کِيتَ مبَرٜىٰغٛ؞ نٛنْ طُمْ لَاتٛرِ نغَمْ تَا مِنْ کٛولٛ کٛعٜ عَمِنْ، عَمَّا مِنْ کٛولٛ اَللَّه، عُمِّتِنٛووٛ مَايْࢡٜ؞ 10کَنغْکٛ حِسْنِ مِنْ جٛوتٜ مَايْدٜ عِرِنْ ندٜعٜ، عٛحِسْنَنْ مِنْ ڢَحِنْ؞ مِنْ طٛنْ تَمّٛرٛ مٛ عٛحِسْنَنْ مِنْ يٜىٰسٛ ڢَحِنْ؞ 11عٛنٛنْ بٛو عٛنْ طٛنْ مبَلَّ مِنْ بٜى دٛعَاجٜ مٛوطٛنْ؞ اَللَّه وٛونَنَنْ مِنْ نغَمْ دَلِيلَ دٛعَاجٜ يِمْࢡٜ طُوطْࢡٜ؞ طُوطْࢡٜ بٛو نغٜتَّنْ مٛ نغَمْ عَمِنْ؞
دَلِيلَ کَ ݠٛلْ ڢَاسِتِنِ جَحَانغَلْ مُمْ
12نُمٛوجِ ࢡٜرْطٜ عَمِنْ طٛنْ شٜىٰدَنٛ مِنْ، مِنْ نجٛوطِ ندٜرْ غٛونغَاکُ عٜ لَاࢡٜىٰنغَ ندٜرْ دُنِيَارُ، سَکّٛمَا شَکَ مٛوطٛنْ؞ کَنْجُمْ عِوِ حَا اَللَّه، کَنْجُمْ مِنْ مَنْتٛرْتٛ؞ مِنْ ندَرَاکِ دٛوْ ڢَامُ يِمْࢡٜ، سٜيْ دٛوْ مٛعّٜرٜ اَللَّه؞ 13-14وَلَا غٛطُّمْ سَاوِ ندٜرْ بَتَاکٜىٰجِ عَمِنْ، سٛنَا کٛ عٛنْ نجَنغَتَ، کٛ عٛنْ ݠَامَتَ؞ مِطٛنْ تَمّٛ عٛنْ ݠَامَنْ ندٜرْ تِمِّدِدْطُمْ کٛ ݠَامٛتٛنْ جٛنْتَ دٛوْ دٛوْ: ࢩَلَادٜ لٛرَاکِ عِيسَى، جَوْمِرَاوٛ مٜىٰطٜنْ، عٛنْ شٜيٛرْتٛ مِنْ بَنَ مِنِنْ بٛو مِنْ شٜيٛرْتٛ عٛنْ؞
15ندٜ نِي مِنُطِّنِ طُمْ، مِيٜلِنٛ يَالُغٛ حَا مٛوطٛنْ ندٜرْ جَحَانغَلْ عَمْ نغَمْ حَا کٜࢡٛنْ مٛعّٜرٜ اَللَّه طِطَوْرٜ؞ 16دِغَ مٛوطٛنْ مِيَحَنّٛ مَکٜدٛنِيَ، ندٜنْ مِلٛرٛتٛنٛ ڢَحِنْ دِغَ مَکٜدٛنِيَ حَا مٛوطٛنْ، نغَمْ حَا عٛنْ مبَلَّمِّ ندٜرْ حَاجٜ جَحَانغَلْ عَمْ يَحُغٛ يَحُدِيَ#کُوطٜ نٜلَاࢡٜ 19:21؞؞ 17ندٜ مِوَطْنٛ عَنِّيَ کَعَ، مِنُمَايْنٛ بٜى حَکِّيلٛ عَمْ نَ؟ مَلَّ تٛ مِوَطِ عَنِّيَ، مِوَطِ طُمْ بَنَ نٛ يِمْࢡٜ دُنِيَارُ مبَارَتَ، حَا مِوِعَ «عٛوحٛ» وَرْتَ مِوِعَ ڢَحِنْ «عَاعَ» نَ؟ 18ڢَکَتْ اَللَّه عٛ کٛولْنِيطٛ، کٛ مِنْ مبِعَتَ عٛنْ لَاتَاکِ عٛوحٛ بٜى عَاعَ طِطِ ڢُو؞ 19عِيسَى اَلْمَسِيحُ، ࢡِطّٛ اَللَّه مٛ مِنْ عَنْدِنِ عٛنْ، مِنْ عٜ سِلَسْ عٜ تِمٛتٜ، کَنغْکٛ عٛلَاتَاکِ عٛوحٛ بٜى عَاعَ، سٜيْ عٛوحٛ تَنْ#کُوطٜ نٜلَاࢡٜ 18:5؞؞ 20نغَمْ کَنغْکٛ وٛنِ عٛوحٛ مٛ تَبِتِنِ کٛ اَللَّه عِينِ ڢُو؞ نغَمْ دَلِيلَ مَاکٛ بٛو مبِعٜتٜنْ «عَامِينَ» نغَمْ تٜدِّنْغٛ اَللَّه؞ 21اَللَّه بٜى حٛورٜ مُمْ تَبِتِنْتَ عٜنْ ندٜرْ کَوْتَلْ بٜى عِيسَى اَلْمَسِيحُ؞ کَنغْکٛ سُࢡِ عٜنْ، 22عٛوَطَنِ عٜنْ لَمْبَ مَاکٛ، عٛحٛکِّ عٜنْ رُوحُ مَاکٛ ندٜرْ ࢡٜرْطٜ مٜىٰطٜنْ بَنَ جٜنغِنَ#1:22 جٜنغِنَ مَلَّ رَنْ؞ حَيْرُوجِ طِ عٛرٜسَنِ عٜنْ؞
23اَللَّه وٛنِ شٜىٰدٛووٛ يَمْ، عٛحِيتٛ يَمْ تٛ مِڢٜوِ! مِلٛرَاکِ حَا کٛرِنْتُ، نغَمْ تَا مِسَاتَنَ عٛنْ؞ 24مِنْ نغِطَا دٛولُغٛ عٛنْ نُطِّنْغٛ کٛو طُمٜ، نغَمْ عٛنْ طٛنْ تَبِتِ ندٜرْ نُطِّنْکِ؞ عَمَّا مِنْ نغِطِ حُووْدُغٛ بٜى مٛوطٛنْ نغَمْ حَا سٜيٛ مٛوطٛنْ ࢡٜسْدٛ؞
Právě zvoleno:
2 کٛرِنْتُعٜنْ 1: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.