1 کٛرِنْتُعٜنْ 15
15
عُمِّتِنٜىٰکِ اَلْمَسِيحُ
1دٜىٰرْطِرَاࢡٜ عَمْ، مِيٜلِ سِڢْتِنٛرْغٛ عٛنْ لِنْجِيلَ کَ نغَازُمِ عٛنْ، کَ نجَࢡْطٛنْ، کَ تَبِتِتْطٛنْ ندٜرْ مُوطُمْ؞ 2لِنْجِيلَ کَعَ حِسْنَنْ عٛنْ تٛ عٛنْ نجٛغِتَکٜ کَ بَنَ نغَازِرْمِ عٛنْ کَ؞ تٛ نَا نٛنْ نُطِّنْکِ مٛوطٛنْ لَاتِ مٜىٰرٜ؞
3مِعَنْدِنِ عٛنْ کُبَرُوٛلْ ࢡُرْنغٛلْ مَرُغٛ سَمَنْ، نغٛلْ نجَࢡْمِ بٜى حٛورٜ عَمْ، وَاتٛ: اَلْمَسِيحُ مَايِ نغَمْ دَلِيلَ حَکّٜىٰجِ مٜىٰطٜنْ، بَنَ کٛ وِنْدَ ندٜرْ دٜڢْتٜ#عٜسَايَ 53:5-12؞؞ 4ࢡٜعُوِمٛ؞ عٛعُمِّتِ دِغَ مَايْدٜ ࢩَلَادٜ تَتَࢡْرٜ، بَنَ کٛ وِنْدَ ندٜرْ دٜڢْتٜ#جَبُورَ 16:8-10؛ مَتَّ 12:40؛ کُوطٜ نٜلَاࢡٜ 2:24-32؞؞ 5عٛوَنغَنِ ݠِيٜرْ، ندٜنْ ݠُکَرَعٜنْ سَݠّٛ عٜ طِطٛ#مَتَّ 28:16-18؛ مَرْکُسْ 16:14؛ لُکَ 24:34،36؛ يُحَنَّ 20:19؞؞ 6ࢡَاوٛطٛنْ عٛوَنغَنِ دٜىٰرْطِرَاࢡٜ کٛ ࢡُرِ تٜىٰمٜطّٜ نجٛوٛ حَوْتُࢡٜ حَا نٛکُّورٜ وٛورٜ؞ ࢡُرْنَ مَࢡّٜ طٛنْ حَا جٛنْتَ، عَمَّا وٛطْࢡٜ مَايِ؞ 7ࢡَاوٛ مَاجُمْ عٛوَنغَنِ يَاکُبَ، ندٜنْ نٜلَاࢡٜ ڢُو؞
8حَا رَغَرٜ مَنْ، ࢡَاوٛ مَࢡّٜ ڢُو، عٛوَنغَنِ يَمْ مِنْ بٛو، مِنْ لَاتِيطٛ بَنَ ࢡِنغٜلْ دَࢩَانغٜلْ نغٜلْ لٜبِّ مُمْ شِکَايْ#کُوطٜ نٜلَاࢡٜ 9:3-6؞، 9نغَمْ مِࢡُرْدِ نٜلَاࢡٜ ڢُو لٜىٰسُغٛ، مِ حٜعَايْ مَا وِعٜىٰغٛ نٜلَاطٛ، نغَمْ مِتٛوࢩِنٛ جَمَعَارٜ يِمْࢡٜ اَللَّه#کُوطٜ نٜلَاࢡٜ 8:3؞؞ 10عَمَّا نغَمْ مٛعّٜرٜ اَللَّه لَاتِيمِ نٜلَاطٛ بَنَ نٛ مِوَعِ حَنْدٜ عٜ مٛعّٜرٜ مَاکٛ ندٜ عٛوَطَنِ يَمْ لَاتَاکِ مٜىٰرٜ؞ مِحُووِ کٛ ࢡُرِ نٜلَاࢡٜ ڢُو؞ نَا مِنْ بٜى حٛورٜ عَمْ حُووِ طُمْ، عَمَّا مٛعّٜرٜ اَللَّه حُووِ ندٜرْ عَمْ؞ 11کٛو مِنْ، کٛو کَمْࢡٜ، ندَا لِنْجِيلَ کَ مِنْ نغَازِ عٛنْ، ندَا کٛ نُطِّنْطٛنْ؞
عُمِّتِنٜىٰکِ مَايْࢡٜ
12مِنْ طٛنْ نغَازِنَ اَلْمَسِيحُ عُمِّتَکٜ دِغَ مَايْدٜ؞ نٛيْ وٛطْࢡٜ مٛوطٛنْ مبِعْرَتَ مَايْࢡٜ عُمِّتِتَّاکٛ؟ 13تٛ عُمِّتِنٜىٰکِ مَايْࢡٜ وٛودَا، ندٜنْ کَمْ اَلْمَسِيحُ بٛو عُمِّتَاکِ؞ 14تٛ اَلْمَسِيحُ عُمِّتَاکِ بٛو، ندٜنْ کَمْ وَازُ عَمِنْ لَاتَکٜ مٜىٰرٜ، نُطِّنْکِ مٛوطٛنْ بٛو لَاتِ مٜىٰرٜ؞ 15تٛ ڢَکَتْ مَايْࢡٜ عُمِّتِتَّاکٛ، ندٜنْ کَمْ طُمْ يِطِ وِعْغٛ اَللَّه بٛو عُمِّتِنَايْ اَلْمَسِيحُ دِغَ مَايْدٜ؞ تٛ نٛنْ کَمْ مِنْ لَاتِ سٜىٰدَنٛوࢡٜ اَللَّه ڢٜوٛوࢡٜ، نغَمْ مِنْ شٜىٰدِ عٛعُمِّتِنِ اَلْمَسِيحُ دِغَ مَايْدٜ؞ 16تٛ مَايْࢡٜ عُمِّتِتَّاکٛ، ندٜنْ کَمْ اَلْمَسِيحُ بٛو عُمِّتَاکِ؞ 17تٛ اَلْمَسِيحُ عُمِّتَاکِ، نُطِّنْکِ مٛوطٛنْ نَڢَتَا، ندٜنْ بٛو عٛنْ طٛنْ ندٜرْ حَکّٜىٰجِ مٛوطٛنْ حَا جٛنْتَ؞ 18نٛنْ بٛو نُطِّنْࢡٜ اَلْمَسِيحُ مَايْࢡٜ بٛو کَلْکِ؞ 19تٛ نِي عٜنْ تَمّٛرَکٜ اَلْمَسِيحُ نغَمْ نغٜىٰندَمْ جٛنْتَاجَمْ تَنْ، ندٜنْ کَمْ عٜنْ ࢡُرْدَنْ يِمْࢡٜ ڢُو يُرْمَاغٛ؞
20عَمَّا، ڢَکَتْ کَمْ، اَلْمَسِيحُ عُمِّتَکٜ دِغَ مَايْدٜ؞ کَنغْکٛ وٛنِ عَارْتُطٛ عُمِّتَاغٛ شَکَ مَايْࢡٜ ڢُو نغَمْ حَا وٛطْࢡٜ بٛو عُمِّتٛ؞ 21بَنَ نٛ مَايْدٜ وَرْدِ دَلِيلَ نٜطّٛ غٛوتٛ، بَنَ نٛنْ عُمِّتِنٜىٰکِ مَايْࢡٜ بٛو وَرْدِ بٜى نٜطّٛ غٛوتٛ؞ 22بَنَ نٛ يِمْࢡٜ ڢُو مَايْرَتَ نغَمْ دَلِيلَ کَوْتَلْ مُوطُمْعٜنْ بٜى ءَادَمُ، بَنَ نٛنْ ࢡٜعُمِّتِتّٛ نغَمْ کَوْتَلْ مَࢡّٜ بٜى اَلْمَسِيحُ؞ 23عَمَّا کٛو مٛيْ دٛوْ تٛکِّنْدِرْکِ مُمْ: اَلْمَسِيحُ وٛنِ عَارْتُطٛ، ࢡَاوٛطٛنْ تٛکِّيࢡٜ مٛ عُمِّتِتّٛ تٛ عٛلٛرَکٜ؞ 24ندٜنْ تِمّٛودٜ وَرَنْ؞ يَاکٜ مَنْ اَلْمَسِيحُ حَلْکَنْ مَوْࢡٜ عَسَمَ عٜ مَرْࢡٜ لَامُ عٜ مَرْࢡٜ بَاوْطٜ ڢُو، ندٜنْ عٛحٛکِّتَنْ لَامُ حَا جُنغٛ اَللَّه بَابِرَاوٛ؞ 25نغَمْ دٛولٜ اَلْمَسِيحُ لَامٛ حَا تٛ عٛوَلِّنِ کٛنّٜعٜنْ مَاکٛ ڢُو لٜسْ کٛسْطٜ مَاکٛ#جَبُورَ 110:1؞؞ 26کٛنّٜىٰجٛ رَغَرٜىٰجٛ کَلْکٜتٜىٰطٛ، طُمْ وَادٜ؞ 27نغَمْ دٜڢْتٜرٜ وِعِ: «اَللَّه وَلِّنِ کٛو طُمٜ ڢُو لٜسْ کٛسْطٜ مَاکٛ؞» تٛ اَلْمَسِيحُ وِعِ: «کٛو طُمٜ ڢُو وَلِّنَامَ لٜسْ کٛسْطٜ مُمْ»، طُمْ يِطِ وِعْغٛ اَللَّه بَلِّنْطٛ کُوجٜ ڢُو لٜسْ مَاکٛ لِمَاکَ#جَبُورَ 8:7؞؞ 28تٛ يٛتَّکٜ حَا کُوجٜ ڢُو مبَلِّنَامَ لٜسْ ࢡِطّٛ، ندٜنْ ࢡِطّٛ سَݠَّنَنْ اَللَّه، بَطّٛ مٛ جَوْمِرَاوٛ دٛوْ کٛو طُمٜ ڢُو، نغَمْ حَا اَللَّه لَامٛ کٛو تٛيْ ڢُو عٜ ندٜرْ کٛو طُمٜ ڢُو؞
29تٛ غٛونغَ مَايْࢡٜ عُمِّتِتَّاکٛ، نَڢُودَ کَيٜ يِمْࢡٜ جَࢡَنْࢡٜ بَݠْتِسْمَ مبَتُّدِ مَايْࢡٜ تَمّٛتٛ وَطُغٛ؟ 30کٛو مِنِنْ بٛو، نغَمْ طُمٜ مِنْ طٛنْ تُمْ يٜىٰسٛ جٛوتٜ؟ 31دٜىٰرْطَمْعٜنْ، ڢَکَتْ بَنَ مِمَنْتٛرْتٛ عٛنْ يٜىٰسٛ جَوْمِرَاوٛ مٜنْ عِيسَى اَلْمَسِيحُ، ࢩَلْطٜ ڢُو مِطٛنْ ندٜرْ جٛوتٜ مَايْدٜ؞ 32تٛ مِوَطِ حَࢡْرٜ سَاتُندٜ حَا عٜڢٜسُسْ بٜى دَبَّاجِ کَلُّطِ بَنَ يِمْࢡٜ ڢُو مبَطَتَ، طُمٜ طُمْ نَڢِ يَمْ؟ تٛ مَايْࢡٜ عُمِّتِتَّاکٛ کَمْ، ندِکَّ عٜنْ تٛکّٛ کٛنغٛلْ مبِعَنْنغٛلْ: «ࢩَامٜنْ، نجَرٜنْ، نغَمْ جَنغٛ عٜنْ مَايَنْ#عٜسَايَ 22:13؞؞»
33تَا عٜسْتٜ کٛعٜ مٛوطٛنْ! «تٛکّٛتِرْغٛ بٜى کَلُّطٛ وٛنَّنْ غِکُّ مبٛوطْنغُ؞» 34نجٛعِّتِنٜ حَکِّيلٛ مٛوطٛنْ بَنَ نٛ حَانِ، تَا مبَطٜ حَکّٜ؞ نغَمْ وٛطْࢡٜ مٛوطٛنْ عَنْدَا اَللَّه؞ مِوِعِ طُمْ نغَمْ حَا عٛنْ شٜمْتَ؞
ࢡَنْدُ عُمِّتِنْتٜىٰࢡٜ
35تٜىٰمَ غٛطّٛ ࢨَمَنْ: «بَنَ نٛيْ مَايْࢡٜ عُمِّتٛرْتٛ؟ عِرِنْ ࢡَنْدُ ندُيٜ ࢡٜمَرَتَ؟» 36کَيَّ! عَنْ ݠَاتَاطٛ! تٛ عَعَاوِ عَاوْدِ، ندِ ڢُطَتَا سٛنَا تٛ ندِ وَاتِ؞ 37کٛ عَاوَتَ طُمْ غَوٜلْ مٜىٰرٜ؞ طُمْ غَوٜلْ عَلْکَمَارِ مَلَّ کٛو نغٜلٜ، نَا طُمْ ڢُطْنغٛ مَرْنغٛ حَاکٛوجِ؞ 38ࢡَاوٛطٛنْ اَللَّه طٛنْ حٛکَّ غَوٜلْ ڢُو عِرِنْ ࢡَنْدُ مَاغٜلْ بَنَ عٛمُويِ؞ عَاوْدِ کٛو ندِيٜ لَاتٛتٛ ڢُطْنغٛ ڢٛدّٜ نٛ ندِ وَعِ؞
39ࢡَلِّ کُوجٜ غٜىٰتٜ ڢُو نَنْدَايْ؞ ࢡَلِّ يِمْࢡٜ شٜنْدِرِ بٜى ࢡَلِّ دَبَّاجِ، ࢡَلِّ شٛلِّ شٜنْدِرِ بٜى ࢡَلِّ لِطِّ؞
40نٛنْ وٛودِ بٛو کُوجٜ عَسَمَاجٜ عٜ کُوجٜ لٜسْدِيجٜ؞ تٜدُّنغَلْ کُوجٜ عَسَمَاجٜ نَنْدَايْ بٜى تٜدُّنغَلْ کُوجٜ لٜسْدِيجٜ؞ 41نَانغٜ وٛودِ طٜلْکٛ مُمْ، لٜوْرُ وٛودِ طٜلْکٛ ڢٜىٰرٜ، کٛودٜ بٛو نغٛودِ طٜلْکٛ ڢٜىٰرٜ؞ کٛو شَکَ کٛودٜ بٛو، طٜلْکٛ حٛرّٜ طٛنْ ڢٜىٰرٛتِرَ بٜى طٜلْکٛ حٛرّٜ وٛطْندٜ؞
42بَنَ نٛنْ طُمْ لَاتٛرْتٛ بٛو سَاعِ عُمِّتِنٜىٰکِ مَايْࢡٜ؞ ࢡَنْدُ عُوَاندُ ࢩٛلَنْ؞ عَمَّا تٛ ندُ عُمِّتَکٜ، ندُ ࢩٛلَتَا؞ 43ࢡَنْدُ عُوَاندُ، ندُ تَمْݠُندُ، ندُ ࢩِدُّندُ؞ عَمَّا يَاکٜ ندُ عُمِّتِتّٛ، ندُ مَرْندُ تٜدُّنغَلْ، سٜمْبِطْندُ؞ 44ࢡَنْدُ عُوَاندُ بَنَ غَوٜلْ، طُمْ ࢡَنْدُ ندُ نٜطّٛ؞ عَمَّا يَاکٜ ندُ عُمِّتِتّٛ، رُوحُ طٛنْ يٜىٰطِتِنَ ندُ؞ نغَمْ مَاجُمْ وٛودِ ࢡَنْدُ ندُ کُسٜلْ، نٛنْ بٛو وٛودِ ࢡَنْدُ ندُ رُوحُ؞ 45بَنَ نٛنْ دٜڢْتٜرٜ وِعِ: «ءَادَمُ، نٜطّٛ عَرَنٛ لَاتِ غٛطّٛ غٜىٰتٛ؞» عَمَّا ءَادَمُ رَغَرٜىٰجٛ، وَاتٛ اَلْمَسِيحُ، لَاتِ رُوحُ دٛکّٛووٛ نغٜىٰندَمْ#لَاتَانٛوجِ 2:7؞؞ 46نَا مٛ رُوحُ عَارْتَتَ، عَمَّا مٛ نٜطّٛ، ࢡَاوٛطٛنْ مٛ رُوحُ؞ 47عَرَنٛ تَغْرَامَ بٜى مبُلْوُلْدِ لٜسْدِ؞ عَمَّا طِطَࢡٛ عِوِ حَا عَسَمَ؞ 48يِمْࢡٜ ࢡٜ لٜسْدِ نَنْدِ بٜى تَغْرَاطٛ مبُلْوُلْدِ؞ يِمْࢡٜ ࢡٜعَسَمَ بٛو نَنْدِ بٜى عِوْطٛ حَا عَسَمَ؞ 49بَنَ نٛ نَنْدِرْطٜنْ بٜى مبُلْوُلْدِيجٛ، نٛنْ بٛو عٜنْ نَنْدَنْ بٜى عِوْطٛ حَا عَسَمَ؞
50دٜىٰرْطِرَاࢡٜ عَمْ، ندَا کٛ نغِطْمِ ڢَامْتِنْغٛ عٛنْ: مَرْطٛ کُسٜلْ عٜ ࢨِيࢨَمْ نَسْتَتَا لَامُ اَللَّه؞ کٛ ࢩٛلَتَ بٛو رٛنَتَا کٛ دُومٛتٛ؞
51حَا مِوَنغِنَنَ عٛنْ سِرِّيجُمْ ڢٜىٰرٜ: نَا عٜنْ ڢُو عٜنْ مَايَنْ، عَمَّا عٜنْ ڢُو عٜنْ نغَيْلِتِتّٛ؞ 52طُمْ وَطٛتٛ لَوْ، بَنَ مَعَّنْدٜ يِيتٜرٜ، سَاعِ ڢُوڢَنْدٜ لُوَلْ رَغَرٜىٰرٜ؞ لُوَلْ ڢُوڢٜتٜ؞ ندٜنْ مَايْࢡٜ عُمِّتِتّٛ نغَمْ نغٜىٰندَمْ ندُومِيطَمْ؞ عٜنٜنْ، عٜنْ نغَيْلِتِتّٛ#1 تٜسَّلٛنِکِعٜنْ 4:15-17؞؞ 53نٛنْ کَدِ ࢡَلِّ مٜىٰطٜنْ ࢩٛلَنْطِ ࢡٛرْنٛتٛ کٛ دُومٛتٛ، مَايَنْطِ بٛو ࢡٛرْنٛتٛ کٛ مَايَتَا؞ 54تٛ ࢡَنْدُ ࢩٛلَنْدُ ࢡٛرْنَکٜ کٛ ࢩٛلَتَا، تٛ مَايَنْدُ ࢡٛرْنَکٜ کٛ مَايَتَا، ندٜنْ کَمْ وٛلْدٜ عَنَّبَاکُ ندٜعٜ غٛونغْطَنْ:
«وَادٜ نَتِّنَامَ ندٜرْ جَالٛرْغَلْ تِمِّدِينغَلْ#عٜسَايَ 25:8؞؞
55عَنْ وَادٜ، تٛيْ جَالٛرْغَلْ مَ؟
عَنْ وَادٜ، تٛيْ بَاوْطٜ مَ نغَمْ مبَرُغٛ#حٛسٜعَ 13:14؞؟»
56وَادٜ طٛنْ حٜࢡَ بَاوْطٜ مُوطُمْ نغَمْ مبَرُغٛ دِغَ حَکّٜ، حَکّٜ بٛو طٛنْ حٜࢡَ بَاوْطٜ مُوطُمْ دِغَ تَوْرٜىٰتَ؞ 57عَمَّا يٜتّٛورٜ لَاتَنٛ اَللَّه، دٛکَّنْطٛ عٜنْ جَالٛرْغَلْ بٜى جَوْمِرَاوٛ مٜىٰطٜنْ عِيسَى اَلْمَسِيحُ!
58نغَمْ مَاجُمْ، عٛنٛنْ دٜىٰرْطِرَاࢡٜ عَمْ يِطَاࢡٜ، لَاتٜ عٛنْ تَبِتِتْࢡٜ ࢡٜندِمْبَتَاکٛ؞ تِينٜ ڢٛرٛيْ ندٜرْ کُوغَلْ جَوْمِرَاوٛ، نغَمْ عٛنْ عَنْدِ تٛرَّ مٛوطٛنْ نغَمْ جَوْمِرَاوٛ لَاتَتَاکٛ مٜىٰرٜ؞
Právě zvoleno:
1 کٛرِنْتُعٜنْ 15: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.