Chivkeeb 47
47
1Yauxej mus hais rau Falaus tias, “Kuv txiv thiab kuv cov kwvtij cab lawv tej tsiajtxhu loj thiab me, thiab coj txhua yam uas yog lawv tug, nrog lawv los pem tebchaws Kana-as los; tamsim no lawv nyob hauv cheebtsam Nkausees.” 2Nws thiaj coj nws tsib tug tijlaug mus qhia rau Falaus.
3Falaus nug lawv hais tias, “Nej ua haujlwm dabtsi?”
Lawv teb Falaus hais tias, “Peb yog neeg yug yaj ib yam li peb cov yawgkoob. 4Peb tau khiav los nyob hauv lub tebchaws no, rauqhov nyob pem tebchaws Kana-as muaj kev tshaib nqhis heev, ua rau tsis muaj zaub rau tej tsiajtxhu noj li lawm. Thov koj tsocai rau peb nyob rau hauv cheebtsam Nkausees.” 5Falaus hais rau Yauxej tias, “Nimno koj txiv thiab koj cov kwvtij twb los txog koj lawm, 6lub tebchaws Iziv no yeej yog lawv lub thiab. Ciali tso lawv nyob rau hauv cheebtsam Nkausees, yog thaj chaw uas av zoo tshajplaws hauv lub tebchaws no. Nyob rau hauv lawv cov ntawd, yog leejtwg muaj peevxwm, koj kom lawv ua cov yug kuv tej tsiajtxhu thiab.”
7Ces Yauxej thiaj coj nws txiv Yakhauj mus qhia rau Falaus. Yakhauj tau foom koobhmoov rau Falaus, 8thiab Falaus nug Yakhauj hais tias, “Koj hnubnyoog muaj pestsawg xyoo lawm?”
9Yakhauj teb Falaus hais tias, “Kuv twb ua neej ncig mus ncig los tau 130 xyoo lawm. Kuv lub neej luv-luv thiab ntxhovsiab kawg li, kuv hnubnyoog tsis ntev li kuv cov yawgkoob uas thaum ub lawv ncig mus ncig los lawm.” 10Yakhauj txawm foom koobhmoov rau Falaus thiab tawm mus lawm.
11Ces Yauxej tu av rau nws txiv thiab nws cov kwvtij nyob hauv tebchaws Iziv, muab thaj av zoo tshajplaws uas nyob ze lub nroog Lamexes rau lawv nyob, rawsli Falaus tau hais tag los ntawd. 12Yauxej muab zaub-mov rau nws txiv, nws cov kwvtij, thiab tagnrho lawv tej pojniam menyuam noj.
Kev Tshaib Nqhis
13Thaum ntawd thoobplaws txhua qhov chaw muaj kev tshaib nqhis loj heev ua rau tsis muaj mov noj li lawm; cov neeg Iziv thiab cov neeg Kana-as ciali qaugzog zis lawm xwb. 14Yauxej muab tej nyiaj uas cov neeg Iziv thiab cov neeg Kana-as coj tuaj yuav nplej ntawd nqa tagnrho mus cia rau hauv Falaus lub loog. 15Thaum cov neeg Iziv thiab cov neeg Kana-as siv lawv tej nyiaj tag lawm, cov neeg Iziv tuaj cuag Yauxej thiab hais tias, “Thov muab mov rau peb noj! Tsis txhob cia peb tuag tshaib. Thov nrhiav kev cawm peb, rauqhov peb tej nyiaj tag lawm!”
16Yauxej teb tias, “Yog nej tej nyiaj tag lawm, nej ciali coj nej tej tsiajtxhu tuaj pauv, kuv mam muab nplej rau nej.” 17Yogli ntawd, lawv thiaj coj lawv tej tsiajtxhu tuaj rau Yauxej, ces nws thiaj muab nplej pauv lawv tej nees, tej yaj, tej tshis, tej nyuj thiab neesluav. Xyoo ntawd nws muab nplej pauv tej tsiajtxhu tagnrho huv tibsi.
18Xyoo tomqab lawv rov tuaj cuag nws dua thiab hais tias, “Tus tswv, peb hais tseeb rau koj, peb tsis zais ib yam dabtsi hlo li; peb tej nyiajtxiag los tag thiab peb tej tsiajtxhu los peb coj tuaj rau koj tag li lawm. Peb yeej tsis tshuav ib yam dabtsi uas yuav coj tuaj rau koj li lawm, tsuas yog tshuav peb tuskheej thiab peb tej liaj-teb lawm xwb. 19Thov koj tsis txhob cia peb tuag. Thov nrhiav kev cawm peb! Tsis txhob cia peb tej teb ciaj quavpoj. Peb muab peb tuskheej thiab peb tej teb muag rau koj ua kev pauv koj tej mov. Peb zoosiab mus ua Falaus qhev, thiab yuav muab peb tej teb rau nws. Thov pub mov rau peb noj peb thiaj tsis tuag tshaib, thiab muab noobqoob rau peb kom peb thiaj tau coj mus cog rau hauv peb tej teb.”
20Yauxej yuav tagnrho tej teb hauv tebchaws Iziv rau Falaus. Txhua tus neeg Iziv puavleej muab lawv tej teb muag huv tibsi, rauqhov muaj kev tshaib nqhis loj heev; Falaus thiaj tau tagnrho sawvdaws tej teb los ua nws tug. 21Yauxej muab tagnrho txhua tus pejxeem uas nyob hauv tebchaws Iziv ua Falaus qhev huv tibsi. 22Tsuas yog tshuav cov povthawj hlob tej teb nkaus xwb, Yauxej thiaj tsis tau yuav. Lawv tsis tag yuav muag lawv tej teb, rauqhov Falaus twb pub rau lawv tau noj tau haus lawm.
23Yauxej hais rau cov pejxeem tias, “Nimno kuv twb yuav nej thiab nej tej teb ua Falaus tug tag lawm. Nov yog tej noobqoob uas muab rau nej nqa mus tseb rau hauv nej tej teb. 24Thaum txog caij sau qoob nej yuavtsum muab ib feem tsib coj tuaj rau Falaus. Dua li cov, nej muab khaws tseg cia ua noob thiab tseg rau nej thiab nej tsev neeg tau noj.”
25Lawv teb tias, “Tus tswv, koj tau cawm peb txojsia; koj tau ua zoo kawg li rau peb, mas peb zoosiab hlo yuav mus ua Falaus qhev.” 26Yogli ntawd, Yauxej thiaj sau ib txojcai rau lub tebchaws Iziv kom yuavtsum muab tej qoobloo uas sau tau, ib feem tsib tuaj rau Falaus. Txojcai no tseem coj los txog niajhnub no. Tsuas yog cov povthawj hlob tej teb xwb, thiaj tsis yog vajntxwv tug.
Yakhauj Lolus Thov Zaum Kawg
27Cov neeg Yixalayees uas nyob hauv tebchaws Iziv ntawm cheebtsam Nkausees, tau npluanuj thiab muaj tubki huamvam coob kawg li. 28Yakhauj nyob hauv tebchaws Iziv tau 17 xyoo; nws muaj hnubnyoog 147 xyoo. 29Thaum ze lub caij uas nws yuav tuag, nws txawm hu nws tus tub Yauxej los cuag nws thiab hais tias, “Yog koj tseem saib taus kuv, muab koj ob txhais tes tso rau hauv kuv ceg puabtais#47:29: Muab … ceg puabtais: Saib 24:2. thiab coglus ncajncees tseg hais tias koj yuav tsis muab kuv log rau hauv tebchaws Iziv no. 30Thaum kuv tuag, koj yuavtsum coj kuv lub cev tawm hauv tebchaws Iziv no mus log nrog kuv cov yawgkoob uake.”
Yauxej teb tias, “Kuv yuav ua rawsli koj hais.” #Chiv 49:29-32; 50:6
31Yakhauj hais tias, “Koj ciali coglus rau kuv hais tias koj yuav ua li kuv hais.” Yauxej txawm coglus, ces Yakhauj ciali qhau cev hlo ua Vajtswv tsaug saum nws lub txaj.
Právě zvoleno:
Chivkeeb 47: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 47
47
1Yauxej mus hais rau Falaus tias, “Kuv txiv thiab kuv cov kwvtij cab lawv tej tsiajtxhu loj thiab me, thiab coj txhua yam uas yog lawv tug, nrog lawv los pem tebchaws Kana-as los; tamsim no lawv nyob hauv cheebtsam Nkausees.” 2Nws thiaj coj nws tsib tug tijlaug mus qhia rau Falaus.
3Falaus nug lawv hais tias, “Nej ua haujlwm dabtsi?”
Lawv teb Falaus hais tias, “Peb yog neeg yug yaj ib yam li peb cov yawgkoob. 4Peb tau khiav los nyob hauv lub tebchaws no, rauqhov nyob pem tebchaws Kana-as muaj kev tshaib nqhis heev, ua rau tsis muaj zaub rau tej tsiajtxhu noj li lawm. Thov koj tsocai rau peb nyob rau hauv cheebtsam Nkausees.” 5Falaus hais rau Yauxej tias, “Nimno koj txiv thiab koj cov kwvtij twb los txog koj lawm, 6lub tebchaws Iziv no yeej yog lawv lub thiab. Ciali tso lawv nyob rau hauv cheebtsam Nkausees, yog thaj chaw uas av zoo tshajplaws hauv lub tebchaws no. Nyob rau hauv lawv cov ntawd, yog leejtwg muaj peevxwm, koj kom lawv ua cov yug kuv tej tsiajtxhu thiab.”
7Ces Yauxej thiaj coj nws txiv Yakhauj mus qhia rau Falaus. Yakhauj tau foom koobhmoov rau Falaus, 8thiab Falaus nug Yakhauj hais tias, “Koj hnubnyoog muaj pestsawg xyoo lawm?”
9Yakhauj teb Falaus hais tias, “Kuv twb ua neej ncig mus ncig los tau 130 xyoo lawm. Kuv lub neej luv-luv thiab ntxhovsiab kawg li, kuv hnubnyoog tsis ntev li kuv cov yawgkoob uas thaum ub lawv ncig mus ncig los lawm.” 10Yakhauj txawm foom koobhmoov rau Falaus thiab tawm mus lawm.
11Ces Yauxej tu av rau nws txiv thiab nws cov kwvtij nyob hauv tebchaws Iziv, muab thaj av zoo tshajplaws uas nyob ze lub nroog Lamexes rau lawv nyob, rawsli Falaus tau hais tag los ntawd. 12Yauxej muab zaub-mov rau nws txiv, nws cov kwvtij, thiab tagnrho lawv tej pojniam menyuam noj.
Kev Tshaib Nqhis
13Thaum ntawd thoobplaws txhua qhov chaw muaj kev tshaib nqhis loj heev ua rau tsis muaj mov noj li lawm; cov neeg Iziv thiab cov neeg Kana-as ciali qaugzog zis lawm xwb. 14Yauxej muab tej nyiaj uas cov neeg Iziv thiab cov neeg Kana-as coj tuaj yuav nplej ntawd nqa tagnrho mus cia rau hauv Falaus lub loog. 15Thaum cov neeg Iziv thiab cov neeg Kana-as siv lawv tej nyiaj tag lawm, cov neeg Iziv tuaj cuag Yauxej thiab hais tias, “Thov muab mov rau peb noj! Tsis txhob cia peb tuag tshaib. Thov nrhiav kev cawm peb, rauqhov peb tej nyiaj tag lawm!”
16Yauxej teb tias, “Yog nej tej nyiaj tag lawm, nej ciali coj nej tej tsiajtxhu tuaj pauv, kuv mam muab nplej rau nej.” 17Yogli ntawd, lawv thiaj coj lawv tej tsiajtxhu tuaj rau Yauxej, ces nws thiaj muab nplej pauv lawv tej nees, tej yaj, tej tshis, tej nyuj thiab neesluav. Xyoo ntawd nws muab nplej pauv tej tsiajtxhu tagnrho huv tibsi.
18Xyoo tomqab lawv rov tuaj cuag nws dua thiab hais tias, “Tus tswv, peb hais tseeb rau koj, peb tsis zais ib yam dabtsi hlo li; peb tej nyiajtxiag los tag thiab peb tej tsiajtxhu los peb coj tuaj rau koj tag li lawm. Peb yeej tsis tshuav ib yam dabtsi uas yuav coj tuaj rau koj li lawm, tsuas yog tshuav peb tuskheej thiab peb tej liaj-teb lawm xwb. 19Thov koj tsis txhob cia peb tuag. Thov nrhiav kev cawm peb! Tsis txhob cia peb tej teb ciaj quavpoj. Peb muab peb tuskheej thiab peb tej teb muag rau koj ua kev pauv koj tej mov. Peb zoosiab mus ua Falaus qhev, thiab yuav muab peb tej teb rau nws. Thov pub mov rau peb noj peb thiaj tsis tuag tshaib, thiab muab noobqoob rau peb kom peb thiaj tau coj mus cog rau hauv peb tej teb.”
20Yauxej yuav tagnrho tej teb hauv tebchaws Iziv rau Falaus. Txhua tus neeg Iziv puavleej muab lawv tej teb muag huv tibsi, rauqhov muaj kev tshaib nqhis loj heev; Falaus thiaj tau tagnrho sawvdaws tej teb los ua nws tug. 21Yauxej muab tagnrho txhua tus pejxeem uas nyob hauv tebchaws Iziv ua Falaus qhev huv tibsi. 22Tsuas yog tshuav cov povthawj hlob tej teb nkaus xwb, Yauxej thiaj tsis tau yuav. Lawv tsis tag yuav muag lawv tej teb, rauqhov Falaus twb pub rau lawv tau noj tau haus lawm.
23Yauxej hais rau cov pejxeem tias, “Nimno kuv twb yuav nej thiab nej tej teb ua Falaus tug tag lawm. Nov yog tej noobqoob uas muab rau nej nqa mus tseb rau hauv nej tej teb. 24Thaum txog caij sau qoob nej yuavtsum muab ib feem tsib coj tuaj rau Falaus. Dua li cov, nej muab khaws tseg cia ua noob thiab tseg rau nej thiab nej tsev neeg tau noj.”
25Lawv teb tias, “Tus tswv, koj tau cawm peb txojsia; koj tau ua zoo kawg li rau peb, mas peb zoosiab hlo yuav mus ua Falaus qhev.” 26Yogli ntawd, Yauxej thiaj sau ib txojcai rau lub tebchaws Iziv kom yuavtsum muab tej qoobloo uas sau tau, ib feem tsib tuaj rau Falaus. Txojcai no tseem coj los txog niajhnub no. Tsuas yog cov povthawj hlob tej teb xwb, thiaj tsis yog vajntxwv tug.
Yakhauj Lolus Thov Zaum Kawg
27Cov neeg Yixalayees uas nyob hauv tebchaws Iziv ntawm cheebtsam Nkausees, tau npluanuj thiab muaj tubki huamvam coob kawg li. 28Yakhauj nyob hauv tebchaws Iziv tau 17 xyoo; nws muaj hnubnyoog 147 xyoo. 29Thaum ze lub caij uas nws yuav tuag, nws txawm hu nws tus tub Yauxej los cuag nws thiab hais tias, “Yog koj tseem saib taus kuv, muab koj ob txhais tes tso rau hauv kuv ceg puabtais#47:29: Muab … ceg puabtais: Saib 24:2. thiab coglus ncajncees tseg hais tias koj yuav tsis muab kuv log rau hauv tebchaws Iziv no. 30Thaum kuv tuag, koj yuavtsum coj kuv lub cev tawm hauv tebchaws Iziv no mus log nrog kuv cov yawgkoob uake.”
Yauxej teb tias, “Kuv yuav ua rawsli koj hais.” #Chiv 49:29-32; 50:6
31Yakhauj hais tias, “Koj ciali coglus rau kuv hais tias koj yuav ua li kuv hais.” Yauxej txawm coglus, ces Yakhauj ciali qhau cev hlo ua Vajtswv tsaug saum nws lub txaj.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.