Chivkeeb 46
46
Yakhauj Tsev Neeg Khiav Mus Rau Tebchaws Iziv
1Yakhauj sau tagnrho txhua yam uas nws muaj coj huv tibsi mus. Thaum nws mus txog nram lub zos Npe-awsenpas, nws muab tsiaj los tua fij pub rau nws txiv Ixaj tus Vajtswv. 2Hmo ntawd Vajtswv tau los hais rau nws ntawm kev ua yogtoog hais tias, “Yakhauj, Yakhauj!”
Yakhauj teb tias, “Kuv nyob ntawm no.”
3Vajtswv hais tias, “Kuv yog Vajtswv, Kuv yog koj txiv tus Vajtswv. Koj tsis txhob ntshai qhov uas koj mus nyob rau hauv tebchaws Iziv; Kuv yuav ua kom koj cajces yog ib haivneeg uas tseemceeb nyob rau nrad. 4Kuv yuav nrog koj mus rau tebchaws Iziv, thiab Kuv yuav coj koj cajces rov los nyob rau hauv lub tebchaws no. Yauxej txhais tes yuav kaw koj ob lub qhovmuag ntag.”
5Yakhauj txawm sawvkev tawm hauv lub zos Npe-awsenpas mus. Yakhauj cov tub muab Yakhauj, muab lawv cov menyuam uas tseem yau, thiab lawv tej pojniam tsaws caij cov tsheb neeg uas Falaus tso tuaj tos lawv. 6Lawv cab lawv tej tsiajtxhu thiab coj lawv tej cuabyeej toomtxeem uas lawv muaj hauv tebchaws Kana-as mus rau tebchaws Iziv huv tibsi. Yakhauj coj tagnrho nws cov xeebntxwv nrog nws mus, xwsli: #Teshl 7:15 7nws cov tub, cov ntxhais, thiab cov ntxhais xeebntxwv.
8Tagnrho Yakhauj tsev neeg txhua tus uas nrog nws khiav mus nyob rau hauv tebchaws Iziv yog nws tus tub hlob Lunpees, 9Lunpees cov tub: Hanauj, Palus, Hexeloos, thiab Khamis. 10Xime-oos cov tub: Yemuyees, Yamees, Auhas, Yakhees, Zauhas, thiab Sa-us uas yog tus pojniam neeg Kana-as tus tub. 11Levis cov tub: Nkawsoos, Kauhas, thiab Melalis. 12Yudas cov tub: Selas, Pelej thiab Xelas. (Yudas muaj dua ob tug tub yog Aws thiab Aunas, nkawd tuag rau hauv tebchaws Kana-as lawm.) Pelej ob tug tub: Hexeloos thiab Hamus. 13Ixakhas cov tub: Taulas, Pu-as, Yasus thiab Siloos. 14Xenpuloos cov tub: Xeles, Eloos thiab Yahelees. 15Ntawm no yog cov tub uas Le-as yug rau Yakhauj thaum nyob pem tebchaws Padas Alas,#46:15: Padas Alas; lossis Mexuputamias. xam nws tus ntxhais Dinas nrog lawv. Tagnrho nws cov tub thiab cov ntxhais uas Le-as yug muaj pebcaug-peb leeg.
16Nkaj cov tub: Xefoos, Hankis, Sunis, Exenpoos, Elis, Alaudis thiab Alelis. 17Asaws cov tub: Imenas, Isivas, Isivis, Npeliyas thiab lawv tus muam uas hu ua Xelas. Npeliyas ob tug tub yog Henpaws thiab Makhiyees. 18Kaum-rau leej no puavleej yog Yakhauj cov xeebntxwv ntawm Le-as tus ntxhais qhev Xilepas uas Lanpas muab rau nws tus ntxhais Le-as.
19Laxees uas yog Yakhauj tus pojniam yug tau ob tug tub rau Yakhauj xwsli: Yauxej thiab Npeeyamees. 20Nyob hauv tebchaws Iziv Yauxej muaj ob tug tub, Manaxes thiab Efalayees; nkawd yog Pautifelas uas yog tus povthawj hlob uas nyob hauv lub nroog Heli-aupulis tus ntxhais Axenas yug. #Chiv 41:50-52 21Npeeyamees cov tub: Npelas, Npekhaws, Asenpees, Nkelas, Na-amas, Ehis, Laus, Mupees, Hupees thiab Alaudis. 22Kaum-plaub leeg no puavleej yog Yakhauj cov xeebntxwv uas yug los ntawm Laxees.
23Das tus tub yog Husees. 24Nathalis cov tub: Yahexees, Nkunis, Yexaws, thiab Silees. 25Xya leej no puavleej yog Yakhauj li cajces ntawm Laxees tus ntxhais qhev Npilehas uas Lanpas muab rau nws tus ntxhais Laxees.
26Tagnrho cov uas yog Yakhauj cajces uas nrog nws khiav mus nyob rau tebchaws Iziv muaj raucaum-rau leej, tsis suav Yakhauj cov nyab. 27Yauxej muaj ob tug tub uas yug nyob hauv tebchaws Iziv thiab, ces tagnrho nws tsev neeg yog muaj xyacaum#46:27: xyacaum: muaj xyacaum leej, vim suav Yakhauj thiab Yauxej nkawd, ntxiv rau Yauxej ob tug tub thiab. leej uas khiav mus nyob rau hauv tebchaws Iziv. #Teshl 7:14
Yakhauj Tsev Neeg Nyob Hauv Tebchaws Iziv
28Yakhauj txib Yudas uantej mus nug Yauxej kom qhia kev mus rau ntawm Nkausees. Thaum lawv los txog rau ntawm cheebtsam Nkausees lawm, 29Yauxej thiaj caij tsheb nees mus tos nws txiv nyob rau ntawm Nkausees. Thaum nkawd sibntsib, Yauxej puag nkaus nws txiv lub cajdab thiab sibqawg quaj ntev loo. 30Yakhauj hais rau Yauxej tias, “Txawm yog kuv tuag los kuv yeej zoosiab lawm, rauqhov zaumno kuv twb pom koj thiab paub tias koj tseem muaj sia nyob.”
31Yauxej thiaj hais rau nws cov tijlaug thiab nws txiv tsev neeg hais tias, “Kuv yuav mus qhia rau Falaus paub tias kuv cov kwvtij thiab kuv txiv tsev neeg uas nyob pem tebchaws Kana-as twb los txog kuv lawm. 32Kuv yuav qhia rau Falaus hais tias nej yog neeg yug yaj thiab tu tsiajtxhu, mas nej cab nej tej tsiaj loj, tsiaj me thiab coj tagnrho nej tej cuabyeej toomtxeem uas nej muaj nrog nej los. 33Thaum Falaus hu nej mus nug seb nej ua haujlwm dabtsi, 34nej ncontsoov teb nws hais tias, ‘Peb thiab peb cov yawgkoob yog neeg yug tsiaj thaum tseem yau-yau los txog niajhnub no.’ Nej yuavtsum teb li no kom nws thiaj yuav cia nej nyob ntawm cheebtsam Nkausees no.” Yauxej hais li no rauqhov cov neeg Iziv yeej ibtxwm tsis nyiam cov tibneeg yug yaj.
Právě zvoleno:
Chivkeeb 46: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 46
46
Yakhauj Tsev Neeg Khiav Mus Rau Tebchaws Iziv
1Yakhauj sau tagnrho txhua yam uas nws muaj coj huv tibsi mus. Thaum nws mus txog nram lub zos Npe-awsenpas, nws muab tsiaj los tua fij pub rau nws txiv Ixaj tus Vajtswv. 2Hmo ntawd Vajtswv tau los hais rau nws ntawm kev ua yogtoog hais tias, “Yakhauj, Yakhauj!”
Yakhauj teb tias, “Kuv nyob ntawm no.”
3Vajtswv hais tias, “Kuv yog Vajtswv, Kuv yog koj txiv tus Vajtswv. Koj tsis txhob ntshai qhov uas koj mus nyob rau hauv tebchaws Iziv; Kuv yuav ua kom koj cajces yog ib haivneeg uas tseemceeb nyob rau nrad. 4Kuv yuav nrog koj mus rau tebchaws Iziv, thiab Kuv yuav coj koj cajces rov los nyob rau hauv lub tebchaws no. Yauxej txhais tes yuav kaw koj ob lub qhovmuag ntag.”
5Yakhauj txawm sawvkev tawm hauv lub zos Npe-awsenpas mus. Yakhauj cov tub muab Yakhauj, muab lawv cov menyuam uas tseem yau, thiab lawv tej pojniam tsaws caij cov tsheb neeg uas Falaus tso tuaj tos lawv. 6Lawv cab lawv tej tsiajtxhu thiab coj lawv tej cuabyeej toomtxeem uas lawv muaj hauv tebchaws Kana-as mus rau tebchaws Iziv huv tibsi. Yakhauj coj tagnrho nws cov xeebntxwv nrog nws mus, xwsli: #Teshl 7:15 7nws cov tub, cov ntxhais, thiab cov ntxhais xeebntxwv.
8Tagnrho Yakhauj tsev neeg txhua tus uas nrog nws khiav mus nyob rau hauv tebchaws Iziv yog nws tus tub hlob Lunpees, 9Lunpees cov tub: Hanauj, Palus, Hexeloos, thiab Khamis. 10Xime-oos cov tub: Yemuyees, Yamees, Auhas, Yakhees, Zauhas, thiab Sa-us uas yog tus pojniam neeg Kana-as tus tub. 11Levis cov tub: Nkawsoos, Kauhas, thiab Melalis. 12Yudas cov tub: Selas, Pelej thiab Xelas. (Yudas muaj dua ob tug tub yog Aws thiab Aunas, nkawd tuag rau hauv tebchaws Kana-as lawm.) Pelej ob tug tub: Hexeloos thiab Hamus. 13Ixakhas cov tub: Taulas, Pu-as, Yasus thiab Siloos. 14Xenpuloos cov tub: Xeles, Eloos thiab Yahelees. 15Ntawm no yog cov tub uas Le-as yug rau Yakhauj thaum nyob pem tebchaws Padas Alas,#46:15: Padas Alas; lossis Mexuputamias. xam nws tus ntxhais Dinas nrog lawv. Tagnrho nws cov tub thiab cov ntxhais uas Le-as yug muaj pebcaug-peb leeg.
16Nkaj cov tub: Xefoos, Hankis, Sunis, Exenpoos, Elis, Alaudis thiab Alelis. 17Asaws cov tub: Imenas, Isivas, Isivis, Npeliyas thiab lawv tus muam uas hu ua Xelas. Npeliyas ob tug tub yog Henpaws thiab Makhiyees. 18Kaum-rau leej no puavleej yog Yakhauj cov xeebntxwv ntawm Le-as tus ntxhais qhev Xilepas uas Lanpas muab rau nws tus ntxhais Le-as.
19Laxees uas yog Yakhauj tus pojniam yug tau ob tug tub rau Yakhauj xwsli: Yauxej thiab Npeeyamees. 20Nyob hauv tebchaws Iziv Yauxej muaj ob tug tub, Manaxes thiab Efalayees; nkawd yog Pautifelas uas yog tus povthawj hlob uas nyob hauv lub nroog Heli-aupulis tus ntxhais Axenas yug. #Chiv 41:50-52 21Npeeyamees cov tub: Npelas, Npekhaws, Asenpees, Nkelas, Na-amas, Ehis, Laus, Mupees, Hupees thiab Alaudis. 22Kaum-plaub leeg no puavleej yog Yakhauj cov xeebntxwv uas yug los ntawm Laxees.
23Das tus tub yog Husees. 24Nathalis cov tub: Yahexees, Nkunis, Yexaws, thiab Silees. 25Xya leej no puavleej yog Yakhauj li cajces ntawm Laxees tus ntxhais qhev Npilehas uas Lanpas muab rau nws tus ntxhais Laxees.
26Tagnrho cov uas yog Yakhauj cajces uas nrog nws khiav mus nyob rau tebchaws Iziv muaj raucaum-rau leej, tsis suav Yakhauj cov nyab. 27Yauxej muaj ob tug tub uas yug nyob hauv tebchaws Iziv thiab, ces tagnrho nws tsev neeg yog muaj xyacaum#46:27: xyacaum: muaj xyacaum leej, vim suav Yakhauj thiab Yauxej nkawd, ntxiv rau Yauxej ob tug tub thiab. leej uas khiav mus nyob rau hauv tebchaws Iziv. #Teshl 7:14
Yakhauj Tsev Neeg Nyob Hauv Tebchaws Iziv
28Yakhauj txib Yudas uantej mus nug Yauxej kom qhia kev mus rau ntawm Nkausees. Thaum lawv los txog rau ntawm cheebtsam Nkausees lawm, 29Yauxej thiaj caij tsheb nees mus tos nws txiv nyob rau ntawm Nkausees. Thaum nkawd sibntsib, Yauxej puag nkaus nws txiv lub cajdab thiab sibqawg quaj ntev loo. 30Yakhauj hais rau Yauxej tias, “Txawm yog kuv tuag los kuv yeej zoosiab lawm, rauqhov zaumno kuv twb pom koj thiab paub tias koj tseem muaj sia nyob.”
31Yauxej thiaj hais rau nws cov tijlaug thiab nws txiv tsev neeg hais tias, “Kuv yuav mus qhia rau Falaus paub tias kuv cov kwvtij thiab kuv txiv tsev neeg uas nyob pem tebchaws Kana-as twb los txog kuv lawm. 32Kuv yuav qhia rau Falaus hais tias nej yog neeg yug yaj thiab tu tsiajtxhu, mas nej cab nej tej tsiaj loj, tsiaj me thiab coj tagnrho nej tej cuabyeej toomtxeem uas nej muaj nrog nej los. 33Thaum Falaus hu nej mus nug seb nej ua haujlwm dabtsi, 34nej ncontsoov teb nws hais tias, ‘Peb thiab peb cov yawgkoob yog neeg yug tsiaj thaum tseem yau-yau los txog niajhnub no.’ Nej yuavtsum teb li no kom nws thiaj yuav cia nej nyob ntawm cheebtsam Nkausees no.” Yauxej hais li no rauqhov cov neeg Iziv yeej ibtxwm tsis nyiam cov tibneeg yug yaj.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.