Chivkeeb 29
29
Yakhauj Mus Txog Hauv Lanpas Tsev
1Yakhauj txawm rausiab ntso taug kev mus txog rau hauv cov neeg uas nyob sab hnubtuaj lub tebchaws. 2Tamsim ntawd, nws txawm pom ib lub qhovdej nyob hauv daim teb, thiab muaj peb pab yaj pw pawglug ncig lub qhovdej ntawd. Cov yaj ntawd yeej haus dej hauv lub qhovdej ntawd; muaj ib daim txiag zeb loj-loj npog lub qhovdej ntawd. 3Thaum cov yaj los sibsau rau ntawm lub qhovdej lawm, ces cov tub yug yaj mamli muab daim txiag zeb ntawd tshem tawm thiab ntaus dej rau cov yaj haus. Tomqab ntawd lawv mamli rov muab daim txias zeb los npog lub qhovdej rau.
4Yakhauj nug cov neeg yug yaj hais tias, “Cov kwvtij, nej tuaj qhovtwg tuaj?”
Lawv teb tias, “Peb tuaj tom lub nroog Halas tuaj.”
5Nws rov nug hais tias, “Nej puas paub Lanpas uas yog Nahaus tus tub?”
Lawv teb tias, “Peb paub mas.”
6Nws rov nug hais tias, “Nws puas nojqab nyobzoo?”
Lawv teb tias, “Nws nojqab nyobzoo. Koj saib tid maj, nws tus ntxhais Laxees tabtom tav nws pab yaj tuaj txog tid.”
7Nws hais tias, “Tamsim no tseem ntxov heev tsis tau txog lub caij tav tej tsiaj mus tsev, uacas nej tsis ce dej rau cov tsiaj haus thiab coj rov mus noj zaub dua?”
8Lawv teb tias, “Peb tsis ua li ntawd; peb yuavtsum tos txog thaum cov tsiaj los txhij rau ntawm no tso, peb mam muab daim txiag zeb tshem tawm thiab ntaus dej rau cov tsiaj haus.”
9Thaum Yakhauj tabtom nrog lawv tham, Laxees txawm tav nws txiv pab yaj los txog ntua ntawd. 10Thaum Yakhauj pom Laxees coj nws tus dablaug Lanpas pab yaj los txog ntawd lawm, Yakhauj txawm mus rau ntawm lub qhovdej, muab daim txiag zeb tshem tawm, thiab ntaus dej rau cov yaj haus. 11Nws nwj kiag Laxees thiab ciali tsa suab hlo quaj vim zoosiab heev. 12Nws hais rau Laxees tias nws yog Laxees txiv tus muam, uas yog Lenpekas tus tub.
Laxees thiaj khiav mus qhia rau nws txiv. 13Thaum Lanpas hnov tias nws tus muam tus tub Yakhauj tuaj, nws txawm khiav loo mus tos Yakhauj, muab Yakhauj khawm nkaus thiab nwj, thiab coj Yakhauj los tsev. Yakhauj thiaj qhia txhua yam rau Lanpas mloog, 14ces Lanpas hais rau Yakhauj tias, “Tseeb lawm lau, koj yeej yog kuv nqaijtawv thiab rojntsha tiag.” Yakhauj nrog Lanpas nyob tau ib hlis nkaus.
Yakhauj Yuav Laxees Thiab Le-as Ua Pojniam
15Lanpas hais rau Yakhauj tias, “Koj thiab kuv wb txawm yog txheebze los tsis tsimnyog koj yuav ciali ua haujlwm pub dawb rau kuv xwb. Koj xav yuav nqizog pestsawg?” 16Lanpas muaj ob tug ntxhais, tus hlob hu ua Le-as, thiab tus yau hu ua Laxees. 17Le-as ob lub qhovmuag tsis tshua ntxim nyiam#29:17: tsis tshua ntxim nyiam; lossis tsis zoo saismuag. pestsawg, tiamsis Laxees lub cev ntajntsug zoonkauj thiab ntxim nyiam heev.
18Yakhauj nyiam Laxees dua, yogli ntawd, nws thiaj hais tias, “Yog koj kam kuv yuav Laxees ua pojniam, kuv yuav ua haujlwm rau koj xya xyoo.”
19Lanpas teb tias, “Kuv zoosiab muab Laxees rau koj, zoo dua li kuv muab rau lwmtus, koj ciali nrog kuv nyob ntawm no.” 20Yakhauj thiaj ua haujlwm xya xyoo kom tau Laxees los ua nws pojniam. Txawm yog sijhawm ntev npaum li ntawd los zooli ob-peb nyuag hnub rau Yakhauj xwb, rauqhov nws hlub Laxees heev.
21Thaum puv sijhawm lawm Yakhauj thiaj hais rau Lanpas tias, “Kuv twb ua haujlwm puv xya xyoo lawm, thov muab Laxees rau kuv yuav.” 22Yogli ntawd, Lanpas thiaj ua ib rooj mov thiab caw txhua tus tuaj nrog nws noj tshoob. 23Yog tiag mas yuavtsum muab Laxees rau Yakhauj, tiamsis hmo ntawd Lanpas muab Le-as mus rau Yakhauj, ces Yakhauj txawm nrog Le-as pw. ( 24Lanpas muab nws tus ntxhais qhev uas hu ua Xilepas rau nws tus ntxhais Le-as ua nws tus ntxhais qhev.)
25Thaum kajntug Yakhauj mamli paub tias tus uas nrog nws pw ntawd yog Le-as. Nws thiaj mus hais rau Lanpas hais tias, “Vim licas koj thiaj ua li no rau kuv? Kuv ua haujlwm rau koj yog xav yuav Laxees. Vim licas koj thiaj dag kuv?”
26Lanpas teb tias, “Vim peb cov tibneeg nyob tebchaws no, tsis muaj cai xub qua tus niamhluas uantej tus niamlaus. 27Tos xya hnub kom rooj tshoob dhau tso, kuv mamli muab Laxees rau koj, yog tias koj kam rovqab ua haujlwm rau kuv xya lub xyoo ntxiv.”
28Yakhauj kuj pomzoo ua li ntawd, ces thaum xya hnub uas ua tshoob ntawd dhau lawm, Lanpas thiaj muab Laxees txis rau Yakhauj yuav ua pojniam. ( 29Lanpas muab nws tus ntxhais qhev uas hu ua Npilehas rau nws tus ntxhais Laxees ua ntxhais qhev.) 30Yakhauj nrog Laxees pw thiab nws hlub Laxees heev dua li Le-as. Yakhauj rov ua haujlwm rau Lanpas xya xyoo ntxiv.
Yakhauj Cov Menyuam
31Thaum Vajtswv pom tias Yakhauj hlub Le-as tsis npaum li hlub Laxees, Nws thiaj cia Le-as muaj menyuam xwb, tiamsis tsis pub kom Laxees muaj taus menyuam. 32Le-as txawm xeebtub thiab yug tau ib tug tub. Nws thiaj hais tias, “Tus TSWV pom kuv tej kev lwjsiab, zaumno kuv tus txiv yuav hlub kuv lau”; yogli ntawd, nws thiaj tis tus tub ntawd lub npe hu ua Lunpees.#29:32: Lunpees: Lub npe no hais muaj ntsis thooj li lolus Henplais uas hais tias “saib maj, yog ib tug tub” thiab “pom kuv tej kev lwjsiab.”
33Le-as rov xeebtub thiab yug tau ib tug tub ntxiv. Nws hais tias, “Tus TSWV pub kuv rov muaj tus tub no thiab, rauqhov Nws hnov tias kuv tus txiv tsis hlub kuv”; yogli ntawd, nws thiaj tis tus tub ntawd lub npe hu ua Xime-oos.#29:33: Xime-oos: Lub npe no hais muaj ntsis thooj li lolus Henplais uas hais tias “hnov.” 34Le-as rov xeebtub dua thiab yug tau ib tug tub ntxiv. Nws hais tias, “Zaumno kuv tus txiv lub siab yuav npuab rau ntawm kuv lawm xwb, rauqhov kuv twb yug tau peb tug tub rau nws lawm”; yogli ntawd, nws thiaj tis tus tub ntawd lub npe hu ua Levis.#29:34: Levis: Lub npe no hais muaj ntsis thooj li lolus Henplais uas hais tias “muab khi nkaus.” 35Le-as rov xeebtub thiab yug tau ib tug tub ntxiv. Nws hais tias, “Zaumno kuv yuav qhuas tus TSWV”; yogli ntawd, nws thiaj tis tus tub ntawd lub npe hu ua Yudas.#29:35: Yudas: Lub npe no hais muaj ntsis thooj li lolus Henplais uas hais tias “qhuas”. Ces nws txawm tseg tsis muaj menyuam lawm.
Právě zvoleno:
Chivkeeb 29: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 29
29
Yakhauj Mus Txog Hauv Lanpas Tsev
1Yakhauj txawm rausiab ntso taug kev mus txog rau hauv cov neeg uas nyob sab hnubtuaj lub tebchaws. 2Tamsim ntawd, nws txawm pom ib lub qhovdej nyob hauv daim teb, thiab muaj peb pab yaj pw pawglug ncig lub qhovdej ntawd. Cov yaj ntawd yeej haus dej hauv lub qhovdej ntawd; muaj ib daim txiag zeb loj-loj npog lub qhovdej ntawd. 3Thaum cov yaj los sibsau rau ntawm lub qhovdej lawm, ces cov tub yug yaj mamli muab daim txiag zeb ntawd tshem tawm thiab ntaus dej rau cov yaj haus. Tomqab ntawd lawv mamli rov muab daim txias zeb los npog lub qhovdej rau.
4Yakhauj nug cov neeg yug yaj hais tias, “Cov kwvtij, nej tuaj qhovtwg tuaj?”
Lawv teb tias, “Peb tuaj tom lub nroog Halas tuaj.”
5Nws rov nug hais tias, “Nej puas paub Lanpas uas yog Nahaus tus tub?”
Lawv teb tias, “Peb paub mas.”
6Nws rov nug hais tias, “Nws puas nojqab nyobzoo?”
Lawv teb tias, “Nws nojqab nyobzoo. Koj saib tid maj, nws tus ntxhais Laxees tabtom tav nws pab yaj tuaj txog tid.”
7Nws hais tias, “Tamsim no tseem ntxov heev tsis tau txog lub caij tav tej tsiaj mus tsev, uacas nej tsis ce dej rau cov tsiaj haus thiab coj rov mus noj zaub dua?”
8Lawv teb tias, “Peb tsis ua li ntawd; peb yuavtsum tos txog thaum cov tsiaj los txhij rau ntawm no tso, peb mam muab daim txiag zeb tshem tawm thiab ntaus dej rau cov tsiaj haus.”
9Thaum Yakhauj tabtom nrog lawv tham, Laxees txawm tav nws txiv pab yaj los txog ntua ntawd. 10Thaum Yakhauj pom Laxees coj nws tus dablaug Lanpas pab yaj los txog ntawd lawm, Yakhauj txawm mus rau ntawm lub qhovdej, muab daim txiag zeb tshem tawm, thiab ntaus dej rau cov yaj haus. 11Nws nwj kiag Laxees thiab ciali tsa suab hlo quaj vim zoosiab heev. 12Nws hais rau Laxees tias nws yog Laxees txiv tus muam, uas yog Lenpekas tus tub.
Laxees thiaj khiav mus qhia rau nws txiv. 13Thaum Lanpas hnov tias nws tus muam tus tub Yakhauj tuaj, nws txawm khiav loo mus tos Yakhauj, muab Yakhauj khawm nkaus thiab nwj, thiab coj Yakhauj los tsev. Yakhauj thiaj qhia txhua yam rau Lanpas mloog, 14ces Lanpas hais rau Yakhauj tias, “Tseeb lawm lau, koj yeej yog kuv nqaijtawv thiab rojntsha tiag.” Yakhauj nrog Lanpas nyob tau ib hlis nkaus.
Yakhauj Yuav Laxees Thiab Le-as Ua Pojniam
15Lanpas hais rau Yakhauj tias, “Koj thiab kuv wb txawm yog txheebze los tsis tsimnyog koj yuav ciali ua haujlwm pub dawb rau kuv xwb. Koj xav yuav nqizog pestsawg?” 16Lanpas muaj ob tug ntxhais, tus hlob hu ua Le-as, thiab tus yau hu ua Laxees. 17Le-as ob lub qhovmuag tsis tshua ntxim nyiam#29:17: tsis tshua ntxim nyiam; lossis tsis zoo saismuag. pestsawg, tiamsis Laxees lub cev ntajntsug zoonkauj thiab ntxim nyiam heev.
18Yakhauj nyiam Laxees dua, yogli ntawd, nws thiaj hais tias, “Yog koj kam kuv yuav Laxees ua pojniam, kuv yuav ua haujlwm rau koj xya xyoo.”
19Lanpas teb tias, “Kuv zoosiab muab Laxees rau koj, zoo dua li kuv muab rau lwmtus, koj ciali nrog kuv nyob ntawm no.” 20Yakhauj thiaj ua haujlwm xya xyoo kom tau Laxees los ua nws pojniam. Txawm yog sijhawm ntev npaum li ntawd los zooli ob-peb nyuag hnub rau Yakhauj xwb, rauqhov nws hlub Laxees heev.
21Thaum puv sijhawm lawm Yakhauj thiaj hais rau Lanpas tias, “Kuv twb ua haujlwm puv xya xyoo lawm, thov muab Laxees rau kuv yuav.” 22Yogli ntawd, Lanpas thiaj ua ib rooj mov thiab caw txhua tus tuaj nrog nws noj tshoob. 23Yog tiag mas yuavtsum muab Laxees rau Yakhauj, tiamsis hmo ntawd Lanpas muab Le-as mus rau Yakhauj, ces Yakhauj txawm nrog Le-as pw. ( 24Lanpas muab nws tus ntxhais qhev uas hu ua Xilepas rau nws tus ntxhais Le-as ua nws tus ntxhais qhev.)
25Thaum kajntug Yakhauj mamli paub tias tus uas nrog nws pw ntawd yog Le-as. Nws thiaj mus hais rau Lanpas hais tias, “Vim licas koj thiaj ua li no rau kuv? Kuv ua haujlwm rau koj yog xav yuav Laxees. Vim licas koj thiaj dag kuv?”
26Lanpas teb tias, “Vim peb cov tibneeg nyob tebchaws no, tsis muaj cai xub qua tus niamhluas uantej tus niamlaus. 27Tos xya hnub kom rooj tshoob dhau tso, kuv mamli muab Laxees rau koj, yog tias koj kam rovqab ua haujlwm rau kuv xya lub xyoo ntxiv.”
28Yakhauj kuj pomzoo ua li ntawd, ces thaum xya hnub uas ua tshoob ntawd dhau lawm, Lanpas thiaj muab Laxees txis rau Yakhauj yuav ua pojniam. ( 29Lanpas muab nws tus ntxhais qhev uas hu ua Npilehas rau nws tus ntxhais Laxees ua ntxhais qhev.) 30Yakhauj nrog Laxees pw thiab nws hlub Laxees heev dua li Le-as. Yakhauj rov ua haujlwm rau Lanpas xya xyoo ntxiv.
Yakhauj Cov Menyuam
31Thaum Vajtswv pom tias Yakhauj hlub Le-as tsis npaum li hlub Laxees, Nws thiaj cia Le-as muaj menyuam xwb, tiamsis tsis pub kom Laxees muaj taus menyuam. 32Le-as txawm xeebtub thiab yug tau ib tug tub. Nws thiaj hais tias, “Tus TSWV pom kuv tej kev lwjsiab, zaumno kuv tus txiv yuav hlub kuv lau”; yogli ntawd, nws thiaj tis tus tub ntawd lub npe hu ua Lunpees.#29:32: Lunpees: Lub npe no hais muaj ntsis thooj li lolus Henplais uas hais tias “saib maj, yog ib tug tub” thiab “pom kuv tej kev lwjsiab.”
33Le-as rov xeebtub thiab yug tau ib tug tub ntxiv. Nws hais tias, “Tus TSWV pub kuv rov muaj tus tub no thiab, rauqhov Nws hnov tias kuv tus txiv tsis hlub kuv”; yogli ntawd, nws thiaj tis tus tub ntawd lub npe hu ua Xime-oos.#29:33: Xime-oos: Lub npe no hais muaj ntsis thooj li lolus Henplais uas hais tias “hnov.” 34Le-as rov xeebtub dua thiab yug tau ib tug tub ntxiv. Nws hais tias, “Zaumno kuv tus txiv lub siab yuav npuab rau ntawm kuv lawm xwb, rauqhov kuv twb yug tau peb tug tub rau nws lawm”; yogli ntawd, nws thiaj tis tus tub ntawd lub npe hu ua Levis.#29:34: Levis: Lub npe no hais muaj ntsis thooj li lolus Henplais uas hais tias “muab khi nkaus.” 35Le-as rov xeebtub thiab yug tau ib tug tub ntxiv. Nws hais tias, “Zaumno kuv yuav qhuas tus TSWV”; yogli ntawd, nws thiaj tis tus tub ntawd lub npe hu ua Yudas.#29:35: Yudas: Lub npe no hais muaj ntsis thooj li lolus Henplais uas hais tias “qhuas”. Ces nws txawm tseg tsis muaj menyuam lawm.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.