Chivkeeb 28
28
1Ixaj thiaj hu Yakhauj los cuag nws, foom koobhmoov rau nws, thiab hais rau nws tias, “Koj tsis txhob yuav cov tibneeg Kana-as tej ntxhais. 2Ciali mus lawm tim tebchaws Padas Alas#28:2: Padas Alas; lossis Mexuputamias. uas yog koj yawg Npethuyees tsev, thiab mus yuav cov ntxhais tid ib tug los ua koj pojniam, yuav koj dablaug Lanpas cov ntxhais ib tug ntag. 3Thov Vajtswv tus uas muaj Hwjchim Loj Kawg Nkaus foom koobhmoov rau koj thiab pub koj muaj tubki coob, kom koj dhau mus ua ntau haivneeg tus yawgkoob! 4Thov kom Nws foom koobhmoov rau koj thiab koj cajces ib yam li Nws tau foom koobhmoov rau Anplahas lawm, thiab thov kom koj tau thaj av uas Vajtswv muab pub rau Anplahas uas koj tau los nyob no lawm ua koj tug!” #Chiv 17:4-8 5Ixaj thiaj tso Yakhauj mus rau tim tebchaws Padas Alas, mus nrog Lanpas uas yog Npethuyees uas yog neeg Alamej tus tub, uas yog Yakhauj thiab Exaus nkawd niam Lenpekas tus nus hlob nyob.
Exaus Yuav Dua Ib Tug Niamyau
6Exaus paub tias Ixaj tau foom koobhmoov rau Yakhauj thiab tso nws mus nrhiav yuav pojniam rau tim tebchaws Padas Alas lawm; thiab nws paub tias thaum Ixaj foom koobhmoov rau Yakhauj ntawd, nws tau xaaj tsis pub kom Yakhauj mus yuav cov tibneeg Kana-as tej ntxhais los ua pojniam thiab. 7Exaus paub tias Yakhauj yeej mloog nws niam thiab nws txiv lus, thiab nws tau mus rau tim tebchaws Padas Alas lawm tiag. 8Ces Exaus thiaj pom tias nws txiv Ixaj tsis nyiam cov pojniam uas yog neeg Kana-as. 9Yogli ntawd, nws thiaj mus yuav Anplahas tus tub Yisamayees tus ntxhais Mahalas uas yog Nenpaiyaus tus muam los ua pojniam.
Yakhauj Ua Npausuav
10Yakhauj sawvkev ntawm lub nroog Npe-awsenpas mus rau tim lub nroog Halas. 11Thaum hnub poobqho, nws mus txog ntawm ib thaj chaw,#28:11: thaj chaw; lossis thaj chaw dawbhuv. nws thiaj pw ib hmos rau ntawd. Nws muab ib lub pobzeb los ua ncoo rau nws pw tsaugzog. 12Nws ua npausuav pom ib tug ntaiv tuam hauv av no mus nto ntuj plaws; muaj ib co timtswv nce mus-mus los-los ntawm tus ntaiv ntawd. #Yauh 1:51 13Uaciav txawm pom tus TSWV sawv nresnroos ntawm nws ib sab.#28:13: ntawm nws ib sab; lossis saum tus ntaiv. Tus TSWV hais tias, “Kuv yog tus TSWV, uas yog Anplahas thiab Ixaj tus Vajtswv. Kuv yuav muab thaj av uas koj tabtom pw ntawm ko pub rau koj thiab koj cajces. #Chiv 13:14-15 14Koj cajces yuav coob npaum nkaus li cov hmoov av hauv ntiajteb no. Lawv yuav nthuav lawv lub tebchaws kom dav mus rau txhua fab, thiab Kuv yuav foom koobhmoov ntawm koj thiab koj cajces mus rau txhua haivneeg.#28:14: ntawm koj … txhua haivneeg; lossis txhua haivneeg yuav thov Kuv foom koobhmoov rau lawv ib yam li Kuv foom koobhmoov rau koj thiab koj cajces. #Chiv 12:3; 22:18 15Ncontsoov tias Kuv yuav nrognraim koj thiab tsomkwm koj txhua qhov chaw uas koj mus, thiab Kuv yuav coj koj rov los nyob rau ntawm thaj av no dua. Kuv yuav tsis ncaim koj mus txog thaum Kuv ua txhua yam tiav tag rawsli Kuv tau coglus rau koj lawm.”
16Yakhauj tsim dheev los thiab nws hais tias, “Tus TSWV nyob ntawm no! Nws nyob rau ntawm thaj chaw no, tiamsis yog kuv tsis paub xwb!” 17Nws ntshai heev thiab nws hais tias, “Qhov chaw no txaus ntshai heev! Qhov chaw no yeej yuavtsum yog Vajtswv lub tsev thiab yog lub roojntug uas qhib mus rau ceebtsheej ntag lau.”
18Tagkis Yakhauj txawm sawvntxov tsees thiab muab lub pobzeb uas nws muab los rau ncoo ntawd teeb ua ib tug ncej puavpheej nco tseg. Ces nws muab roj txivntoo hliv rau saum lub pobzeb thiab muab fij rau Vajtswv. 19Nws thiaj tis npe rau thaj chaw ntawd hu ua Npethees#28:19: Npethees: Lub npe no lus Henplais txhais hais tias “Vajtswv lub tsev”. (Lub moos ntawd thaum ub hu ua Lus.)
20Yakhauj txawm coglus rau tus TSWV hais tias, “Yog Koj nrognraim kuv thiab tsomkwm kuv taug kev mus, pub mov rau kuv noj thiab tsoostsho rau kuv hnav, 21mus txog thaum kuv rovqab los txog rau hauv kuv txiv lub zej lub zos kajsiab lug, mas Koj thiaj yuav yog kuv tus Vajtswv tiag. 22Lub pobzeb uas kuv muab teeb ua puavpheej nco txog no yuav yog qhov chaw uas pehawm Koj ntag, thiab kuv yuav muab ib feem kaum ntawm txhua yam uas Koj muab rau kuv lawm rau koj.”
Právě zvoleno:
Chivkeeb 28: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 28
28
1Ixaj thiaj hu Yakhauj los cuag nws, foom koobhmoov rau nws, thiab hais rau nws tias, “Koj tsis txhob yuav cov tibneeg Kana-as tej ntxhais. 2Ciali mus lawm tim tebchaws Padas Alas#28:2: Padas Alas; lossis Mexuputamias. uas yog koj yawg Npethuyees tsev, thiab mus yuav cov ntxhais tid ib tug los ua koj pojniam, yuav koj dablaug Lanpas cov ntxhais ib tug ntag. 3Thov Vajtswv tus uas muaj Hwjchim Loj Kawg Nkaus foom koobhmoov rau koj thiab pub koj muaj tubki coob, kom koj dhau mus ua ntau haivneeg tus yawgkoob! 4Thov kom Nws foom koobhmoov rau koj thiab koj cajces ib yam li Nws tau foom koobhmoov rau Anplahas lawm, thiab thov kom koj tau thaj av uas Vajtswv muab pub rau Anplahas uas koj tau los nyob no lawm ua koj tug!” #Chiv 17:4-8 5Ixaj thiaj tso Yakhauj mus rau tim tebchaws Padas Alas, mus nrog Lanpas uas yog Npethuyees uas yog neeg Alamej tus tub, uas yog Yakhauj thiab Exaus nkawd niam Lenpekas tus nus hlob nyob.
Exaus Yuav Dua Ib Tug Niamyau
6Exaus paub tias Ixaj tau foom koobhmoov rau Yakhauj thiab tso nws mus nrhiav yuav pojniam rau tim tebchaws Padas Alas lawm; thiab nws paub tias thaum Ixaj foom koobhmoov rau Yakhauj ntawd, nws tau xaaj tsis pub kom Yakhauj mus yuav cov tibneeg Kana-as tej ntxhais los ua pojniam thiab. 7Exaus paub tias Yakhauj yeej mloog nws niam thiab nws txiv lus, thiab nws tau mus rau tim tebchaws Padas Alas lawm tiag. 8Ces Exaus thiaj pom tias nws txiv Ixaj tsis nyiam cov pojniam uas yog neeg Kana-as. 9Yogli ntawd, nws thiaj mus yuav Anplahas tus tub Yisamayees tus ntxhais Mahalas uas yog Nenpaiyaus tus muam los ua pojniam.
Yakhauj Ua Npausuav
10Yakhauj sawvkev ntawm lub nroog Npe-awsenpas mus rau tim lub nroog Halas. 11Thaum hnub poobqho, nws mus txog ntawm ib thaj chaw,#28:11: thaj chaw; lossis thaj chaw dawbhuv. nws thiaj pw ib hmos rau ntawd. Nws muab ib lub pobzeb los ua ncoo rau nws pw tsaugzog. 12Nws ua npausuav pom ib tug ntaiv tuam hauv av no mus nto ntuj plaws; muaj ib co timtswv nce mus-mus los-los ntawm tus ntaiv ntawd. #Yauh 1:51 13Uaciav txawm pom tus TSWV sawv nresnroos ntawm nws ib sab.#28:13: ntawm nws ib sab; lossis saum tus ntaiv. Tus TSWV hais tias, “Kuv yog tus TSWV, uas yog Anplahas thiab Ixaj tus Vajtswv. Kuv yuav muab thaj av uas koj tabtom pw ntawm ko pub rau koj thiab koj cajces. #Chiv 13:14-15 14Koj cajces yuav coob npaum nkaus li cov hmoov av hauv ntiajteb no. Lawv yuav nthuav lawv lub tebchaws kom dav mus rau txhua fab, thiab Kuv yuav foom koobhmoov ntawm koj thiab koj cajces mus rau txhua haivneeg.#28:14: ntawm koj … txhua haivneeg; lossis txhua haivneeg yuav thov Kuv foom koobhmoov rau lawv ib yam li Kuv foom koobhmoov rau koj thiab koj cajces. #Chiv 12:3; 22:18 15Ncontsoov tias Kuv yuav nrognraim koj thiab tsomkwm koj txhua qhov chaw uas koj mus, thiab Kuv yuav coj koj rov los nyob rau ntawm thaj av no dua. Kuv yuav tsis ncaim koj mus txog thaum Kuv ua txhua yam tiav tag rawsli Kuv tau coglus rau koj lawm.”
16Yakhauj tsim dheev los thiab nws hais tias, “Tus TSWV nyob ntawm no! Nws nyob rau ntawm thaj chaw no, tiamsis yog kuv tsis paub xwb!” 17Nws ntshai heev thiab nws hais tias, “Qhov chaw no txaus ntshai heev! Qhov chaw no yeej yuavtsum yog Vajtswv lub tsev thiab yog lub roojntug uas qhib mus rau ceebtsheej ntag lau.”
18Tagkis Yakhauj txawm sawvntxov tsees thiab muab lub pobzeb uas nws muab los rau ncoo ntawd teeb ua ib tug ncej puavpheej nco tseg. Ces nws muab roj txivntoo hliv rau saum lub pobzeb thiab muab fij rau Vajtswv. 19Nws thiaj tis npe rau thaj chaw ntawd hu ua Npethees#28:19: Npethees: Lub npe no lus Henplais txhais hais tias “Vajtswv lub tsev”. (Lub moos ntawd thaum ub hu ua Lus.)
20Yakhauj txawm coglus rau tus TSWV hais tias, “Yog Koj nrognraim kuv thiab tsomkwm kuv taug kev mus, pub mov rau kuv noj thiab tsoostsho rau kuv hnav, 21mus txog thaum kuv rovqab los txog rau hauv kuv txiv lub zej lub zos kajsiab lug, mas Koj thiaj yuav yog kuv tus Vajtswv tiag. 22Lub pobzeb uas kuv muab teeb ua puavpheej nco txog no yuav yog qhov chaw uas pehawm Koj ntag, thiab kuv yuav muab ib feem kaum ntawm txhua yam uas Koj muab rau kuv lawm rau koj.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.