Khiav Dim 1
1
Cov Yixalayees Raug Tsimtxom Nyob Hauv Tebchaws Iziv
1Yakhauj cov tub uas nyias coj nyias pojniam menyuam nrog Yakhauj mus nyob rau tebchaws Iziv muaj npe li no: 2Lunpees, Xime-oos, Levis, Yudas, 3Ixakhas, Xenpuloos, Npeeyamees, 4Das, Nathalis, Nkaj thiab Asaws. #Chiv 46:8-27 5Tagnrho cov uas nyob rau hauv Yakhauj tsev neeg yog muaj 70#1:5: Ib phau ntawv qub-qub thaum ub sau hais tias 75 (saib Tes Haujlwm 7:14). leej. Nws tus tub Yauxej twb xub mus nyob rau hauv tebchaws Iziv lawm. 6Tomqab ntawd Yauxej nrog rau nws cov kwvtij, thiab tagnrho cov neeg uas nyob tiam ntawd puavleej tuag tag huv tibsi. 7Tiamsis lawv cov tubki uas yog cov Yixalayees muaj menyuam thiab huamvam coob heev nyob puvnkaus tebchaws Iziv. #Teshl 7:17
8Thaum ntawd tus vajntxwv tshiab uas los kav tebchaws Iziv, nws tsis paub txog Yauxej. #Teshl 7:18 9Nws hais rau nws cov pejxeem tias, “Cov Yixalayees tau huamvam coob tuaj thiab muajzog heev, ua rau peb tsis tau luag pestsawg. 10Yog tias muaj tsov muaj rog, tejzaum lawv yuav mus tuaj yeebncuab tog tua peb, thiab lawv yuav khiav tawm#1:10: khiav tawm; lossis tswj. peb lub tebchaws. Peb yuavtsum nrhiav kev txov kom lawv tsis txhob huamvam ntxiv lawm.” #Teshl 7:19
11Yogli ntawd, cov Iziv thiaj tsa ib co thawj saib haujlwm mus yuam cov Yixalayees ua haujlwm hnyav kawg nkaus kom lawv puassiab puasntsws. Cov Yixalayees tsimtsa lub nroog Phithoos thiab lub nroog Lamexes ua lub chaw rau Falaus#1:11: Falaus: tsis yog ib lub npe tiamsis yog ib lub meejmom uas txhais tau hais tias “vajntxwv.” Txawm li ntawd los kuj siv tau ua ib lub npe thiab. tej cuabyeej. 12Tiamsis cov neeg Iziv yim caijtsuj cov neeg Yixalayees npaum licas mas lawv yim huamvam coob npaum li ntawd thiab yim rhawv zejzog dav zujzus ntxiv xwb, ua rau cov Iziv ntshai lawv heev. 13-14Cov Iziv yuam cov Yixalayees ua qhev txomnyem heev, thiab yuam lawv ua cov Iziv tej vajtse thiab tej liaj tej teb; lawv yeej tsis hlub cov Yixalayees hlo li.
15Muaj ib hnub Falaus, uas yog cov Iziv tus vajntxwv, hais rau Sifalas thiab Pu-as, uas yog ob tug pojniam uas pheej mus pab cov pojniam Henplais dawscev, 16hais tias, “Thaum neb mus pab cov pojniam Henplais dawscev, yog yug tau tus tub, ces neb muab tua povtseg, tiamsis yog tau tus ntxhais, ces neb cia nws nyob.” 17Tiamsis ob tug pojniam ntawd paub ntshai Vajtswv, ces nkawd txawm tsis ua rawsli vajntxwv Iziv tau xaaj tseg, nkawd tsis tua cov menyuam tub povtseg. 18Yogli ntawd, vajntxwv thiaj tso neeg mus hu nkawd tuaj cuag nws thiab nug nkawd hais tias, “Vim licas neb thiaj ua li no? Uacas neb tseem tseg cov menyuam tub nyob thiab?”
19Nkawd teb tias, “Cov pojniam Henplais tsis zooli peb cov pojniam Iziv, lawv tau menyuam sai heev; ntshe lawv twb tau menyuam uantej wb mus txog lawm.” 20Vim nkawd paub ntshai Vajtswv, Vajtswv thiaj ua zoo rau nkawd thiab pub nkawd muaj tubki. 21Cov Yixalayees los kuj huamvam coob zujzus thiab muajzog ntxiv tuaj. 22Thaum kawg Falaus txawm xaaj rau nws cov pejxeem sawvdaws hais tias, “Ciali muab cov Henplais cov menyuam tub txhua tus uas nyuamqhuav yug tshiab pov rau hauv tus Dej Nais, tiamsis tseg txhua tus menyuam ntxhais cia.” #Teshl 7:19
Právě zvoleno:
Khiav Dim 1: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.